Мазмұнды Көшіру

https://www.nvrislam.net/index.php?j=kz&post=8937
Сұхбат: көптеген адамдар өмірлерін жоғалтуда, ал қайткенде өмір жоғалмайды? (2026.09.08 / Хижри 1448-жыл 26-Рабиул-Аууал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Turkiye, 2026) Алла Әззә уә-Жәллә барша адамзатқа исламды сауға ретінде ұсынды, расында ол аса зор нығымет, исламның әдемілігі адам өмірінің әр сәтінде көрініп тұрады. Ал исламсыз өмірде әдемілік болмайды, себебі тәртіппен түзім аса маңызды. Мәселен, адам үшін таңғы намазға тұрғанда оны тазалықпен яғни дәретпен бастауы өте маңызды, яғни, адам басынан тартып бақайына дейін таза болуы керек. Ол бүкілдей тазаланып, дәрет күйде тұруы керек, себебі тазалықсыз ешбір намазды атқаруға келмейді. Тәхажұтқа тұрмайтындар да таң намазға оянғанда дәрет алып тазаланады, күнін тазалықпен бастайды, тіпті намазға уақытында тұра алмай қалғандардың да тұра сала ең бірінші істейтін ісі дәрет алып тазалану болады.

Пайғамбарымыз ﷺ айтып кеткендей, дәрет алу барысында су тиген бет, қол, бас және аяқтар мүминдер үшін қиямет күнінде нұрдай болып жарқырайды, ол осылай олардың қалың нопыр арасынан ерекшеленіп тұруына мүмкіндік береді. Ал басқа адамдар күйген күйік сияқты қап-қара күйде жүреді, олардың нұры болмайды, ал мүминдердің дәрет-ғұсылының суы тиген әрбір мүшесі нұрланып жарқырап тұрады. Ал манағы ұқсас тәртіп әркүнге келе берер, демек, адам күнін тазалық дәрет және намазбен бастайды, содан оның берекесі оларды келер намазға дейін жетелеп апарады. Міне осылай, Алла Әззә уә-Жәлләның құзіретінде адам әркүнгі 24 сағатын осы күйде өткізеді, одан бір минут та ажырап қалмайды.

Шүкір-Алла, осыдан 40 неше жыл бұрын біз әскери қызметімізді өтедік, ол кезде біздің 24 сағатымыздың бір минуты да шын өзіміздікі болмады, ұйықтау, ішіп-жеу, және қозғалу уақыттарымыз барлығы аса қатаң тәртіппен басқарылды. Тіпті біз қызметімізді бір айға қысқартсақ та, осыбір қысқа кезде де бұндай қатаң түзім астында біз бір минут та өз еркіміз бойынша іс қыла алмадық. Бұл жағдай исламдағы тәртіптің жақсы бір мысалындайй еді, демек, қатаң түзімдегі әскери өмір адамға өмірдің бос немесе мақсатсыз нәрсе емес екендігін үйретеді, яғни, адамдар өз өмірлерін ысырап етуіне болмайды. Әрбір сәт аса бағалы, ол таңмен басталады, мейлі біреу тәхажұтқа тұрсын, азанда тұрсын, я жәй тұрсын, бәрібір олар ұйықтағанға дейін міндеттерін рет-тәртіп бойынша орындап шығады.

Адам оянып тұрғаннан бастап, демалып жатқанға дейін осы тәртіпті сақтайды, ал ұйықтар алдында намазын өтеп, дәретін алады, таза хәлде ұйықтайды. Егер біреу төсекке ұйықтар алдында дәрет алып, екі ракат қиямул-ләйіл намазын өтеп ұйықтаса, ол 24 сағат бойы Аллаға бойұсынған және құлшылық еткен күйде жүретін болады. Міне сонда өміріңіз шынайы орнын табар. Адамдар кейде, «өмірдің мәні не» деп сұрайды, ал міне осылар өмірдің шын мәні-дүр. Демек, сіз бұл дүниеге өз ойыңыз бойынша келе қалған жоқсыз, бұнда сізді Алла жіберді, және міндетіңіздің не екендігін білдірді. Ал сіз сол міндеттерді орындаңыз, бұдан басқа еш нәрсе керек емес. Алла ﷻ өмір сүруіңізге қажетті риздықтарыңызды жібереді және қажетті болған қадамдарды нұсқайды.

Ал сіз өміріңізді Алла ﷻдың сол нұсқау-әмірлері бойынша өткізіңіз, және соңғы деміңізге дейін шамаңыз жететін барлық игі істерді істеп кетіңіз. Егер сіз осындай хәлде илаһи құзіретке барсаңыз, аса ірі табыс деген сол болмақ, сонда өміріңіз ысырап болмаған болады. Әйтпесе, адамдар ұдайы айтатын, «ол өмірін жоғалтып алыпты» дегендей іс болар. Демек, көптеген адамдар өмірлерін жоғалтуда, яғни, олар өмірлерін бос нәрселермен ысырап етеді. Сондықтан, біз өміріміздің ысырап болмағанына кепілдік етуіміз керек, демек, өмірімізді жоғалтып алмайық, бірақ өміріміздің көбін шынайы мәнді етейік, иншалла. Алла ﷻ барлығымызға жәрдем еткей, ал бұны білмейтін адамдарға да Алла өзі хидаят бергей, сонда олар өмірлерінің қадірін білер еді, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: كوپتەگەن ادامدار ومىرلەرىن جوعالتۋدا، ال قايتكەندە ءومىر جوعالمايدى؟ (2026.09.08 / حيجري 1448-جىل 26-رابيۋل-اۋۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Turkiye، 2026) اللا ءاززا ءۋا-ءجاللا بارشا ادامزاتقا يسلامدى ساۋعا رەتىندە ۇسىندى، راسىندا ول اسا زور نىعىمەت، يسلامنىڭ ادەمىلىگى ادام ءومىرىنىڭ ءار ساتىندە كورىنىپ تۇرادى. ال يسلامسىز ومىردە ادەمىلىك بولمايدى، سەبەبى تارتىپپەن ءتۇزىم اسا ماڭىزدى. ماسەلەن، ادام ءۇشىن تاڭعى نامازعا تۇرعاندا ونى تازالىقپەن ياعني دارەتپەن باستاۋى وتە ماڭىزدى، ياعني، ادام باسىنان تارتىپ باقايىنا دەيىن تازا بولۋى كەرەك. ول بۇكىلدەي تازالانىپ، دارەت كۇيدە تۇرۋى كەرەك، سەبەبى تازالىقسىز ەشبىر نامازدى اتقارۋعا كەلمەيدى. ءتاحاجۇتقا تۇرمايتىندار دا تاڭ نامازعا ويانعاندا دارەت الىپ تازالانادى، كۇنىن تازالىقپەن باستايدى، ءتىپتى نامازعا ۋاقىتىندا تۇرا الماي قالعانداردىڭ دا تۇرا سالا ەڭ ءبىرىنشى ىستەيتىن ءىسى دارەت الىپ تازالانۋ بولادى.

پايعامبارىمىز ﷺ ايتىپ كەتكەندەي، دارەت الۋ بارىسىندا سۋ تيگەن بەت، قول، باس جانە اياقتار مۇميندەر ءۇشىن قيامەت كۇنىندە نۇرداي بولىپ جارقىرايدى، ول وسىلاي ولاردىڭ قالىڭ نوپىر اراسىنان ەرەكشەلەنىپ تۇرۋىنا مۇمكىندىك بەرەدى. ال باسقا ادامدار كۇيگەن كۇيىك سياقتى قاپ-قارا كۇيدە جۇرەدى، ولاردىڭ نۇرى بولمايدى، ال مۇميندەردىڭ دارەت-عۇسىلىنىڭ سۋى تيگەن ءاربىر مۇشەسى نۇرلانىپ جارقىراپ تۇرادى. ال ماناعى ۇقساس ءتارتىپ اركۇنگە كەلە بەرەر، دەمەك، ادام كۇنىن تازالىق دارەت جانە نامازبەن باستايدى، سودان ونىڭ بەرەكەسى ولاردى كەلەر نامازعا دەيىن جەتەلەپ اپارادى. مىنە وسىلاي، اللا ءاززا ءۋا-ءجاللانىڭ قۇزىرەتىندە ادام اركۇنگى 24 ساعاتىن وسى كۇيدە وتكىزەدى، ودان ءبىر مينۋت تا اجىراپ قالمايدى.

شۇكىر-اللا، وسىدان 40 نەشە جىل بۇرىن ءبىز اسكەري قىزمەتىمىزدى وتەدىك، ول كەزدە ءبىزدىڭ 24 ساعاتىمىزدىڭ ءبىر مينۋتى دا شىن وزىمىزدىكى بولمادى، ۇيىقتاۋ، ءىشىپ-جەۋ، جانە قوزعالۋ ۋاقىتتارىمىز بارلىعى اسا قاتاڭ تارتىپپەن باسقارىلدى. ءتىپتى ءبىز قىزمەتىمىزدى ءبىر ايعا قىسقارتساق تا، ءوسىبىر قىسقا كەزدە دە بۇنداي قاتاڭ ءتۇزىم استىندا ءبىز ءبىر مينۋت تا ءوز ەركىمىز بويىنشا ءىس قىلا المادىق. بۇل جاعداي يسلامداعى ءتارتىپتىڭ جاقسى ءبىر مىسالىنداي ەدى، دەمەك، قاتاڭ تۇزىمدەگى اسكەري ءومىر ادامعا ءومىردىڭ بوس نەمەسە ماقساتسىز نارسە ەمەس ەكەندىگىن ۇيرەتەدى، ياعني، ادامدار ءوز ومىرلەرىن ىسىراپ ەتۋىنە بولمايدى. ءاربىر ءسات اسا باعالى، ول تاڭمەن باستالادى، مەيلى بىرەۋ ءتاحاجۇتقا تۇرسىن، ازاندا تۇرسىن، يا ءجاي تۇرسىن، ءبارىبىر ولار ۇيىقتاعانعا دەيىن مىندەتتەرىن رەت-ءتارتىپ بويىنشا ورىنداپ شىعادى.

ادام ويانىپ تۇرعاننان باستاپ، دەمالىپ جاتقانعا دەيىن وسى ءتارتىپتى ساقتايدى، ال ۇيىقتار الدىندا نامازىن وتەپ، دارەتىن الادى، تازا حالدە ۇيىقتايدى. ەگەر بىرەۋ توسەككە ۇيىقتار الدىندا دارەت الىپ، ەكى راكات قيامۋل-ءلايىل نامازىن وتەپ ۇيىقتاسا، ول 24 ساعات بويى اللاعا بويۇسىنعان جانە قۇلشىلىق ەتكەن كۇيدە جۇرەتىن بولادى. مىنە سوندا ءومىرىڭىز شىنايى ورنىن تابار. ادامدار كەيدە، «ءومىردىڭ ءمانى نە» دەپ سۇرايدى، ال مىنە وسىلار ءومىردىڭ شىن ءمانى-ءدۇر. دەمەك، ءسىز بۇل دۇنيەگە ءوز ويىڭىز بويىنشا كەلە قالعان جوقسىز، بۇندا ءسىزدى اللا جىبەردى، جانە مىندەتىڭىزدىڭ نە ەكەندىگىن ءبىلدىردى. ال ءسىز سول مىندەتتەردى ورىنداڭىز، بۇدان باسقا ەش نارسە كەرەك ەمەس. اللا ﷻ ءومىر سۇرۋىڭىزگە قاجەتتى ريزدىقتارىڭىزدى جىبەرەدى جانە قاجەتتى بولعان قادامداردى نۇسقايدى.

ال ءسىز ءومىرىڭىزدى اللا ﷻدىڭ سول نۇسقاۋ-امىرلەرى بويىنشا وتكىزىڭىز، جانە سوڭعى دەمىڭىزگە دەيىن شاماڭىز جەتەتىن بارلىق يگى ىستەردى ىستەپ كەتىڭىز. ەگەر ءسىز وسىنداي حالدە يلاھي قۇزىرەتكە بارساڭىز، اسا ءىرى تابىس دەگەن سول بولماق، سوندا ءومىرىڭىز ىسىراپ بولماعان بولادى. ايتپەسە، ادامدار ۇدايى ايتاتىن، «ول ءومىرىن جوعالتىپ الىپتى» دەگەندەي ءىس بولار. دەمەك، كوپتەگەن ادامدار ومىرلەرىن جوعالتۋدا، ياعني، ولار ومىرلەرىن بوس نارسەلەرمەن ىسىراپ ەتەدى. سوندىقتان، ءبىز ءومىرىمىزدىڭ ىسىراپ بولماعانىنا كەپىلدىك ەتۋىمىز كەرەك، دەمەك، ءومىرىمىزدى جوعالتىپ المايىق، ءبىراق ءومىرىمىزدىڭ كوبىن شىنايى ءماندى ەتەيىك، ينشاللا. اللا ﷻ بارلىعىمىزعا جاردەم ەتكەي، ال بۇنى بىلمەيتىن ادامدارعا دا اللا ءوزى حيدايات بەرگەي، سوندا ولار ومىرلەرىنىڭ ءقادىرىن بىلەر ەدى، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8937