https://www.nvrislam.net/index.php?j=tote&post=186
Кейбіреуге риздық байдың қолы арқылы барады (2022.01.02)
Алла тағала «кейбір адамдар дәулетін күндіз және түнде ашық не жасырын түрде жақсылыққа жұмсайды, сонымен бірге олар өздерінің бұндай садақа жомарыттықтарын ескертіп басқаларды жараламайды, міне осылар алла тағаланың алдында үлкен сауапқа кенелгендер.» дейді, осындай адамдар ақшасы немесе байлығын алла тағаланың ризалығы үшін жұмсайды, алла тағала оларға молшылық берген, ал кей адамдарға риздық солар арқылы келеді, егер алла тағала қаласа бұл адамдарға риздықты төте берер еді, бірақ алла тағала басқа адамдарға пайдалы болуы үшін сондай кеңпейіл адамдарды орналастырды, сондықтан алла тағала сондай жандардың қолы арқылы риздықты басқаларға таратуда әрі осы таратушы болған қолдар мол сауапқа йе болмақ, сонымен бірге осы білімді білетіндер де бағы зор жандар-дүр.
Біз милиондаған милиярттаған ақшасы бар адамдарды көріп жүрміз, бірақ олар дәулеттерін қатты жасырып, басқаларға бір тиын бергілері де келмейді, не үшін бұлай болады? себебі бұндайлық дүниенің ластығынан-дүр, ол ақса тазарады, тұрса сасыр, әдетте өзен ағып тұрса таза күйінде болады, ал адамдар дүниесін тығып сақтап қойса, ол пайда әкелмейді, олар ұтылғандар, соңында онысы сасыған етке айналып шіри бастайды әрі сасығы мұрын жарар, бар болғаны осы ғана.
Адамдар көп байлық сақтаған сайын, шық бермес шығайбайлыққа салынып не зекет не садақа бермей қояды, бірақ осылай бола тұра олар өздерін бірдеме тындырып жүргендей сезінеді, олар бұл байлықтың барлығы беруші БІРЕУ алла тағала екенін білсе етті, алла тағала олар арқылы басқаларға да риздық бермек, бұндай іс риздық берушіге де және оны алып пайдаланғандарға да халал болмақ, айтып өткеніміздей бұл алла тағаланың олар арқылы басқаларға садақа тарататын әдемі жолдарынан.
Ертеде, мәселен Османлы дәуірінде әдеппен иба көп еді, ол кезде адамдар берерін көбінесе жасырын түрде беретұғын, олар бергенін ешқашан алушыға білдірмейтін де, алушыны ұялтқысы келмейтін еді, сондықтан олар басқаларға еткен жақсылықтарын ерекше жасырын істейтін-ді. Алайда қазіргі кезде мүлдем басқаша болып, адамдар жасырын-ашықтық былай тұрсын беру дегеннің не екенін білмейтін халге түскен, ал беріп жатса «мен жеті көршімді бір тойдырып едім» деп аттандап ісіп кеуіп мақтанады әрі алушыларды ыңғайсыздандырып оларды жерге кірердей қылады, ұдайы оларға істеген жақсылығын ескертіп ұялтады.
Адамдарға жасаған жақсылығыңды ешқашан ескертуші болма, оны көрсетпе, ешкімге ескертпе, бірақ соны істей алғаныңа қуанышты бол, себебі алла тағала сен арқылы басқаларға беруді жазды, алла тағала бізді панасына алғай, алла тағала қаласа әпсәтте сені сол адамдардың орнына қоя алады әрі сенде олардың «мен саған беріп едім» деген ескертуін естіп ыңғайсыз күйге қалар едің, сондықтан алла тағала сені нығыметтендіріп, саған бергеніне шүкір ет, бере алғаныңа шүкір ет, сен «алла тағалаға шүкіршіліктер болсын, біз таптық, енді береміз, бізде риздық бар, ал оларға риздығы біз арқылы бармақ.» деп айтып алла тағалаға шүкіршілік жасағын.
Исламдағы ең жақсы әдеп-ибалар Османлы империясы кезінде болды, олардан бұрынғы өткендер жәйлі көп біле бермейміз, бірақ бертінгі ең жақын кездегі ең жақсы үлгілі әдеп-ибалар осы Османлыларда болған, ал қазір осындай жақсы дүниелерді жоғалтып, оның орнын әртүрлі жаман-нашар әдеттерге ауыстыруда, қазір адамдар еткен жақсылығын айтқыш және ескеріткіш келеді, олар басқаларды ұялтады, тіпті қорындыратын болған, әрине бұл жағдайда берушіге сауап аз болмақ, мүмкін олар сауап алар, бірақ сонымен бір уақытта олар күнәғада батуда. Алла тағала бізге жәрдемші болғай, бізді басқаларға риздыққа жол қылғай және алла тағала біздерді басқаларға мұхтаждардан етпегей, иншалла.
Уәмин Аллаһ ат-Тауфиқ, әл-Фатиха.
Исламбол (Станбул), Түркия
- Әулие Сопы Маулана Шайық Мехмет Әділ әр-Раббани
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф
http://www.fb.com/tanirtaw
كەيبىرەۋگە ريزدىق بايدىڭ قولى ارقىلى بارادى (2022.01.02)
اللا تاعالا «كەيبىر ادامدار داۋلەتىن كۇندىز جانە تۇندە اشىق نە جاسىرىن تۇردە جاقسىلىققا جۇمسايدى، سونىمەن بىرگە ولار وزدەرىنىڭ بۇنداي ساداقا جومارىتتىقتارىن ەسكەرتىپ باسقالاردى جارالامايدى، مىنە وسىلار اللا تاعالانىڭ الدىندا ۇلكەن ساۋاپقا كەنەلگەندەر.» دەيدى، وسىنداي ادامدار اقشاسى نەمەسە بايلىعىن اللا تاعالانىڭ ريزالىعى ءۇشىن جۇمسايدى، اللا تاعالا ولارعا مولشىلىق بەرگەن، ال كەي ادامدارعا ريزدىق سولار ارقىلى كەلەدى، ەگەر اللا تاعالا قالاسا بۇل ادامدارعا ريزدىقتى توتە بەرەر ەدى، بىراق اللا تاعالا باسقا ادامدارعا پايدالى بولۋى ءۇشىن سونداي كەڭپەيىل ادامداردى ورنالاستىردى، سوندىقتان اللا تاعالا سونداي جانداردىڭ قولى ارقىلى ريزدىقتى باسقالارعا تاراتۋدا ءارى وسى تاراتۋشى بولعان قولدار مول ساۋاپقا يە بولماق، سونىمەن بىرگە وسى ءبىلىمدى بىلەتىندەر دە باعى زور جاندار-ءدۇر.
ءبىز ميليونداعان ميليارتتاعان اقشاسى بار ادامداردى كورىپ ءجۇرمىز، بىراق ولار داۋلەتتەرىن قاتتى جاسىرىپ، باسقالارعا ءبىر تيىن بەرگىلەرى دە كەلمەيدى، نە ءۇشىن بۇلاي بولادى؟ سەبەبى بۇندايلىق دۇنيەنىڭ لاستىعىنان-ءدۇر، ول اقسا تازارادى، تۇرسا ساسىر، ادەتتە وزەن اعىپ تۇرسا تازا كۇيىندە بولادى، ال ادامدار دۇنيەسىن تىعىپ ساقتاپ قويسا، ول پايدا اكەلمەيدى، ولار ۇتىلعاندار، سوڭىندا ونىسى ساسىعان ەتكە اينالىپ ءشىري باستايدى ءارى ساسىعى مۇرىن جارار، بار بولعانى وسى عانا.
ادامدار كوپ بايلىق ساقتاعان سايىن، شىق بەرمەس شىعايبايلىققا سالىنىپ نە زەكەت نە ساداقا بەرمەي قويادى، بىراق وسىلاي بولا تۇرا ولار وزدەرىن بىردەمە تىندىرىپ جۇرگەندەي سەزىنەدى، ولار بۇل بايلىقتىڭ بارلىعى بەرۋشى بىرەۋ اللا تاعالا ەكەنىن بىلسە ەتتى، اللا تاعالا ولار ارقىلى باسقالارعا دا ريزدىق بەرمەك، بۇنداي ءىس ريزدىق بەرۋشىگە دە جانە ونى الىپ پايدالانعاندارعا دا حالال بولماق، ايتىپ وتكەنىمىزدەي بۇل اللا تاعالانىڭ ولار ارقىلى باسقالارعا ساداقا تاراتاتىن ادەمى جولدارىنان.
ەرتەدە، ماسەلەن وسمانلى داۋىرىندە ادەپپەن يبا كوپ ەدى، ول كەزدە ادامدار بەرەرىن كوبىنەسە جاسىرىن تۇردە بەرەتۇعىن، ولار بەرگەنىن ەشقاشان الۋشىعا بىلدىرمەيتىن دە، الۋشىنى ۇيالتقىسى كەلمەيتىن ەدى، سوندىقتان ولار باسقالارعا ەتكەن جاقسىلىقتارىن ەرەكشە جاسىرىن ىستەيتىن-ءدى. الايدا قازىرگى كەزدە مۇلدەم باسقاشا بولىپ، ادامدار جاسىرىن-اشىقتىق بىلاي تۇرسىن بەرۋ دەگەننىڭ نە ەكەنىن بىلمەيتىن حالگە تۇسكەن، ال بەرىپ جاتسا «مەن جەتى كورشىمدى ءبىر تويدىرىپ ەدىم» دەپ اتتانداپ ءىسىپ كەۋىپ ماقتانادى ءارى الۋشىلاردى ىڭعايسىزداندىرىپ ولاردى جەرگە كىرەردەي قىلادى، ۇدايى ولارعا ىستەگەن جاقسىلىعىن ەسكەرتىپ ۇيالتادى.
ادامدارعا جاساعان جاقسىلىعىڭدى ەشقاشان ەسكەرتۋشى بولما، ونى كورسەتپە، ەشكىمگە ەسكەرتپە، بىراق سونى ىستەي العانىڭا قۋانىشتى بول، سەبەبى اللا تاعالا سەن ارقىلى باسقالارعا بەرۋدى جازدى، اللا تاعالا ءبىزدى پاناسىنا العاي، اللا تاعالا قالاسا اپساتتە سەنى سول ادامداردىڭ ورنىنا قويا الادى ءارى سەندە ولاردىڭ «مەن ساعان بەرىپ ەدىم» دەگەن ەسكەرتۋىن ەستىپ ىڭعايسىز كۇيگە قالار ەدىڭ، سوندىقتان اللا تاعالا سەنى نىعىمەتتەندىرىپ، ساعان بەرگەنىنە شۇكىر ەت، بەرە العانىڭا شۇكىر ەت، سەن «اللا تاعالاعا شۇكىرشىلىكتەر بولسىن، ءبىز تاپتىق، ەندى بەرەمىز، بىزدە ريزدىق بار، ال ولارعا ريزدىعى ءبىز ارقىلى بارماق.» دەپ ايتىپ اللا تاعالاعا شۇكىرشىلىك جاساعىن.
يسلامداعى ەڭ جاقسى ادەپ-يبالار وسمانلى يمپەرياسى كەزىندە بولدى، ولاردان بۇرىنعى وتكەندەر ءجايلى كوپ بىلە بەرمەيمىز، بىراق بەرتىنگى ەڭ جاقىن كەزدەگى ەڭ جاقسى ۇلگىلى ادەپ-يبالار وسى وسمانلىلاردا بولعان، ال قازىر وسىنداي جاقسى دۇنيەلەردى جوعالتىپ، ونىڭ ورنىن ءارتۇرلى جامان-ناشار ادەتتەرگە اۋىستىرۋدا، قازىر ادامدار ەتكەن جاقسىلىعىن ايتقىش جانە ەسكەرىتكىش كەلەدى، ولار باسقالاردى ۇيالتادى، ءتىپتى قورىندىراتىن بولعان، ارينە بۇل جاعدايدا بەرۋشىگە ساۋاپ از بولماق، مۇمكىن ولار ساۋاپ الار، بىراق سونىمەن ءبىر ۋاقىتتا ولار كۇناعادا باتۋدا. اللا تاعالا بىزگە جاردەمشى بولعاي، ءبىزدى باسقالارعا ريزدىققا جول قىلعاي جانە اللا تاعالا بىزدەردى باسقالارعا مۇحتاجداردان ەتپەگەي، ينشاللا.
ءۋامين اللاھ ات-تاۋفيق، ءال-فاتيحا.
يسلامبول (ستانبۋل)، تۇركيا
- اۋليە سوپى ماۋلانا شايىق مەحمەت ءادىل ءار-رابباني
#يسلام #سۇننەت #اۋليە #جۇرەك #قازاق #ءدىن #تاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف
سىلتەمە: https://www.nvrislam.net/index.php?j=tote&post=186