Мазмұнды Көшіру

https://www.nvrislam.net/index.php?j=kz&post=8925
Сұхбат: біреудің шын исламға келуіне себепші болсаң, ол мына бүкіл дүниеден де қайырлы (2026.08.27 / Хижри 1448-жыл 14-Рабиул-Аууал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Shaykh Nazim Dergah, Lefka, Cyprus, Turkiye, 2026) Бисмиллахир рахманир рахим, «يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ», яғни, «о елші, Раббыңнан саған уахи етілгенді жәрияла», садақаллахулғазим, құран 5інші сүре 67інші аят. Алла Әззә уә-Жәллә пайғамбарымыз ﷺды адамзатқа жіберілгенді жеткізуге, Оның хабарын айтуға әмір етті. Және, ол оны адамдарға жеткізді, содан көптеген адамдар хидаятқа келді, қараңғылықпен тастүнектен нұрға шықты. Бүкіл дүние исламмен, ислам нұрымен жарқырады, шүкір-Алла. Демек, мына дүниенің әр жері пайғамбарымыз ﷺның нұрымен, исламның нұрымен нұрланды.

Ал пайғамбарымыз ﷺның ұлық нұры Алланың нұрынан келген ислам нұры, сондықтан, ол адамдар үшін хидаятқа, игілікке жол болды. Егер адамдар осы жолға ерсе, мына дүниеде соғыс болмас еді, айтыс-тартыс болмас еді, мәселелер болмас еді. Бірақ бұл ара дүние болғандықтан, шайтан адамдарды бір-біріне қарсы айдап салып, оларды адастырып жіберді. Бұндағы маңыздысы тура жолда болу, кейбір адамдар, «біз оны қалай істейміз, біз не істесек болар» деген сияқты нәрселерді сұрайды. Ал осы жол Алла Әззә уә-Жәллә жағынан көрсетілген жол, міне осы жолға келіңіз, осы жолға еріңіз, осы жолмен жәннәтқа баралық. Алла бізді осыған шақырады, демек Ол, «’وَاللَّهُ يَدْعُو إِلَىٰ دَارِ السَّلَامِ’», яғни, «және Алла бейбітшілік үйіне шақырар» дейді, құран 10інші сүре 25інші аят.

Алла ﷻ барлық адамды оған шақырады, ал біз шақырылған ол жер өте әдемі жер. Бұнда екі жер ғана бар, яғни, шақырылусыз баратын бір жер бар, одан Алла сақтасын, ол өте жаман жер, ол - тозақ, немесе, шақырылумен баратын жәннәт бар, оған барлық адам шақырылды. Ал адамдар, «біз оны қаламаймыз, біз шақырылусыз баратын жерге барғымыз келер, онда бару оңай, қиын емес, біз жалқаулықты ұнатамыз, осыны жақсы көреміз» дер. Ал бұны олар өздері білсін, бірақ қалаған адамдарға тура жолды көрсеткен жақсы, себебі, Алла Әззә уә-Жәлләмен пайғамбарымыз ﷺ, «егер біреу сен арқылы тура жол тапса, ол мына бүкіл дүниеден қайырлы» дейді.

Шүкір-Алла, біздің бауырларымыз әржерде бар, адамдар бұнда келіп жатыр, кездесіп жатыр, және бұл оларға жақсы шақырту және жақсы үлгі болғай, иншалла. Олар басқалардың да осыбір жақсы жолда болулары үшін барлығын істеуде, шүкір-Алла, біз осы сапарда кетіп барамыз. Бұнда оңтүстік африкадан келген шәмил мырза, және оның әкесімен бауырлары бар, шүкір-Алла, олар жүзмыңдаған адамдардың исламды қабыл етуіне себепші болды, жол ашты. Бұл оларға бұйырды, олар қалың жұрттың хидаятқа келуіне жол болды. Жолдан шығып кеткен адамдар, адасып кеткен адамдар, барлығы Алла Әззә уә-Жәлләның қалауымен және Мәуләнә Шайық Назым әулиенің берекесімен исламға кірді, неше жүзмыңдаған жұрт осыбір әдемі жолға келді.

Себебі, соншама жылдар бойы оларға кәпірлер жағынан адам құрлы мәміле жасалмады, көптеп зұлымдыққа ұшырады, ұқсамаған нәрселерге күш көрсетілді. Ал олар осыбір әдемі жолды, Алла Әззә уә-Жәлләның жолын көрген кезде, қуанып кетті, олардың жан-рухтары одан қанағат тапты, содан олар осы жолға түсті. Шүкір-Алла, міне бұл өте үлкен қызмет өтеу, Алла Әззә уә-Жәллә адамның түсіне, тіліне, я ұлтына қарамайды, демек, кім бұл жолға кірсе, бақыт табатын болады. Олар Алла ﷻдың сүйікті құлдары болар, Алла Әззә уә-Жәлләның қалағанындай пенделері болар. Сондықтан, бұнда ұлт, тіл, дін дегендер еш маңызды емес, маңыздысы сол, Аллаға жақын болу, Алладан қорқу, және Алла жолында жүру болмақ. Ол пайғамбарымыз ﷺды сүюге қатысты, міне осылар ең маңызды.

Бұл жолда олар бірдей исламға келді, және шын исламды үйренді, ол ислам пайғамбарымыз ﷺнан келе жатқан таза ислам-дүр. Ал басқалар өз ойлары бойынша бірдеңелерді жасап алып, дінде болмаған нәрселерді істеуде, және оларды жұртқа ислам сияқты етіп көрсетуде. Шүкір-Алла, Алла ﷻ бұндағы бауырларымызға риза болғай, себебі, олар мұсылман болды, сонымен бірге пайғамбарымыз ﷺның шынайы жолына, исламның жолына ілесе білді. Ал сопылық тәриқат болса, шәриғаттың маңызы, кім оған кірсе, Алла рұхсатында адаспайтын болады. Алла ﷻ барлығыңызға риза болғай, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami


سۇحبات: بىرەۋدىڭ شىن يسلامعا كەلۋىنە سەبەپشى بولساڭ، ول مىنا بۇكىل دۇنيەدەن دە قايىرلى (2026.08.27 / حيجري 1448-جىل 14-رابيۋل-اۋۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Shaykh Nazim Dergah، Lefka، Cyprus، Turkiye، 2026) بيسميللاحير راحمانير راحيم، «يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ»، ياعني، «و ەلشى، راببىڭنان ساعان ۋاحي ەتىلگەندى ءجاريالا»، ساداقاللاحۋلعازيم، قۇران 5ءىنشى سۇرە 67ءىنشى ايات. اللا ءاززا ءۋا-ءجاللا پايعامبارىمىز ﷺدى ادامزاتقا جىبەرىلگەندى جەتكىزۋگە، ونىڭ حابارىن ايتۋعا ءامىر ەتتى. جانە، ول ونى ادامدارعا جەتكىزدى، سودان كوپتەگەن ادامدار حيداياتقا كەلدى، قاراڭعىلىقپەن تاستۇنەكتەن نۇرعا شىقتى. بۇكىل دۇنيە يسلاممەن، يسلام نۇرىمەن جارقىرادى، شۇكىر-اللا. دەمەك، مىنا دۇنيەنىڭ ءار جەرى پايعامبارىمىز ﷺنىڭ نۇرىمەن، يسلامنىڭ نۇرىمەن نۇرلاندى.

ال پايعامبارىمىز ﷺنىڭ ۇلىق نۇرى اللانىڭ نۇرىنان كەلگەن يسلام نۇرى، سوندىقتان، ول ادامدار ءۇشىن حيداياتقا، يگىلىككە جول بولدى. ەگەر ادامدار وسى جولعا ەرسە، مىنا دۇنيەدە سوعىس بولماس ەدى، ايتىس-تارتىس بولماس ەدى، ماسەلەلەر بولماس ەدى. ءبىراق بۇل ارا دۇنيە بولعاندىقتان، شايتان ادامداردى ءبىر-بىرىنە قارسى ايداپ سالىپ، ولاردى اداستىرىپ جىبەردى. بۇنداعى ماڭىزدىسى تۋرا جولدا بولۋ، كەيبىر ادامدار، «ءبىز ونى قالاي ىستەيمىز، ءبىز نە ىستەسەك بولار» دەگەن سياقتى نارسەلەردى سۇرايدى. ال وسى جول اللا ءاززا ءۋا-ءجاللا جاعىنان كورسەتىلگەن جول، مىنە وسى جولعا كەلىڭىز، وسى جولعا ەرىڭىز، وسى جولمەن ءجانناتقا بارالىق. اللا ءبىزدى وسىعان شاقىرادى، دەمەك ول، «’وَاللَّهُ يَدْعُو إِلَىٰ دَارِ السَّلَامِ’»، ياعني، «جانە اللا بەيبىتشىلىك ۇيىنە شاقىرار» دەيدى، قۇران 10ءىنشى سۇرە 25ءىنشى ايات.

اللا ﷻ بارلىق ادامدى وعان شاقىرادى، ال ءبىز شاقىرىلعان ول جەر وتە ادەمى جەر. بۇندا ەكى جەر عانا بار، ياعني، شاقىرىلۋسىز باراتىن ءبىر جەر بار، ودان اللا ساقتاسىن، ول وتە جامان جەر، ول - توزاق، نەمەسە، شاقىرىلۋمەن باراتىن ءجاننات بار، وعان بارلىق ادام شاقىرىلدى. ال ادامدار، «ءبىز ونى قالامايمىز، ءبىز شاقىرىلۋسىز باراتىن جەرگە بارعىمىز كەلەر، وندا بارۋ وڭاي، قيىن ەمەس، ءبىز جالقاۋلىقتى ۇناتامىز، وسىنى جاقسى كورەمىز» دەر. ال بۇنى ولار وزدەرى ءبىلسىن، ءبىراق قالاعان ادامدارعا تۋرا جولدى كورسەتكەن جاقسى، سەبەبى، اللا ءاززا ءۋا-جاللامەن پايعامبارىمىز ﷺ، «ەگەر بىرەۋ سەن ارقىلى تۋرا جول تاپسا، ول مىنا بۇكىل دۇنيەدەن قايىرلى» دەيدى.

شۇكىر-اللا، ءبىزدىڭ باۋىرلارىمىز ارجەردە بار، ادامدار بۇندا كەلىپ جاتىر، كەزدەسىپ جاتىر، جانە بۇل ولارعا جاقسى شاقىرتۋ جانە جاقسى ۇلگى بولعاي، ينشاللا. ولار باسقالاردىڭ دا ءوسىبىر جاقسى جولدا بولۋلارى ءۇشىن بارلىعىن ىستەۋدە، شۇكىر-اللا، ءبىز وسى ساپاردا كەتىپ بارامىز. بۇندا وڭتۇستىك افريكادان كەلگەن ءشاميل مىرزا، جانە ونىڭ اكەسىمەن باۋىرلارى بار، شۇكىر-اللا، ولار ءجۇزمىڭداعان ادامداردىڭ يسلامدى قابىل ەتۋىنە سەبەپشى بولدى، جول اشتى. بۇل ولارعا بۇيىردى، ولار قالىڭ جۇرتتىڭ حيداياتقا كەلۋىنە جول بولدى. جولدان شىعىپ كەتكەن ادامدار، اداسىپ كەتكەن ادامدار، بارلىعى اللا ءاززا ءۋا-ءجاللانىڭ قالاۋىمەن جانە ءماۋلانا شايىق نازىم اۋليەنىڭ بەرەكەسىمەن يسلامعا كىردى، نەشە ءجۇزمىڭداعان جۇرت ءوسىبىر ادەمى جولعا كەلدى.

سەبەبى، سونشاما جىلدار بويى ولارعا كاپىرلەر جاعىنان ادام قۇرلى مامىلە جاسالمادى، كوپتەپ زۇلىمدىققا ۇشىرادى، ۇقساماعان نارسەلەرگە كۇش كورسەتىلدى. ال ولار ءوسىبىر ادەمى جولدى، اللا ءاززا ءۋا-ءجاللانىڭ جولىن كورگەن كەزدە، قۋانىپ كەتتى، ولاردىڭ جان-رۋحتارى ودان قاناعات تاپتى، سودان ولار وسى جولعا ءتۇستى. شۇكىر-اللا، مىنە بۇل وتە ۇلكەن قىزمەت وتەۋ، اللا ءاززا ءۋا-ءجاللا ادامنىڭ تۇسىنە، تىلىنە، يا ۇلتىنا قارامايدى، دەمەك، كىم بۇل جولعا كىرسە، باقىت تاباتىن بولادى. ولار اللا ﷻدىڭ سۇيىكتى قۇلدارى بولار، اللا ءاززا ءۋا-ءجاللانىڭ قالاعانىنداي پەندەلەرى بولار. سوندىقتان، بۇندا ۇلت، ءتىل، ءدىن دەگەندەر ەش ماڭىزدى ەمەس، ماڭىزدىسى سول، اللاعا جاقىن بولۋ، اللادان قورقۋ، جانە اللا جولىندا ءجۇرۋ بولماق. ول پايعامبارىمىز ﷺدى سۇيۋگە قاتىستى، مىنە وسىلار ەڭ ماڭىزدى.

بۇل جولدا ولار بىردەي يسلامعا كەلدى، جانە شىن يسلامدى ۇيرەندى، ول يسلام پايعامبارىمىز ﷺنان كەلە جاتقان تازا يسلام-ءدۇر. ال باسقالار ءوز ويلارى بويىنشا بىردەڭەلەردى جاساپ الىپ، دىندە بولماعان نارسەلەردى ىستەۋدە، جانە ولاردى جۇرتقا يسلام سياقتى ەتىپ كورسەتۋدە. شۇكىر-اللا، اللا ﷻ بۇنداعى باۋىرلارىمىزعا ريزا بولعاي، سەبەبى، ولار مۇسىلمان بولدى، سونىمەن بىرگە پايعامبارىمىز ﷺنىڭ شىنايى جولىنا، يسلامنىڭ جولىنا ىلەسە ءبىلدى. ال سوپىلىق ءتاريقات بولسا، ءشاريعاتتىڭ ماڭىزى، كىم وعان كىرسە، اللا رۇحساتىندا اداسپايتىن بولادى. اللا ﷻ بارلىعىڭىزعا ريزا بولعاي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8925