Мазмұнды Көшіру

https://www.nvrislam.net/index.php?j=kz&post=8924
Сұхбат: қазіргі жеріңде жәйлы тұрсаң, басқа жақты аңсама, шүкірлік ет те, иманыңды жетілдір (2026.08.26 / Хижри 1448-жыл 13-Рабиул-Аууал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Shaykh Nazim Dergah, Lefka, Cyprus, Turkiye, 2026) Бисмиллахир рахманир рахим, «كُلُّ حَالٍ يَزُول», «күллу халин язул», яғни, «барлық жағдай өтіп кетер» делінер, демек, барлық хәл-жағдай өзгеріп отырады. Әр адам баласы өмірінде көптеген әртүрлі жағдайларды бастан кешеді. Олар сәби болар, бала болар, одан ересек болар, міне бұл қалыпты жүріліп отыратын айналым, одан соң олар қартаяр. Иә солай, олардың хәл-күйлері әр сәттің өтуімен өзгеріп отырады, өзгермейтін ештеңе жоқ. Дүниедегі барлық нәрсе өзгереді, «олар тұрақты» деп ойлап қалмаңыз, олар өзгерістен қаша алмайды. Тұрақты болатын, өзгермейтін тек Алла Әззә уә-Жәллә ғана. Сондықтан, адамдар өздерінің хәл-күйлері хақында ренжімеуі керек, себебі, адамның өмірінде ешбір хәл я жағдай мәңгілік жалғаса бермес, онда қиындық та бар, жеңілдік те бар.

Ал бұндағы маңызды іс тура жол тауып, осы тура жолда, Алла жолында жүру болмақ, демек, осы жолда өзгермей, тұрақты болу, оны жалғастыру, бір зор нығымет, бір зор іззет-дүр. Міне осыны таба алған адам басқа ештеңені қажет етпес, себебі, айтып өткеніміздей, ешбір адам қазіргі өзінің хәл-жағдайына риза бола алмай жүр. Олар, «мен бұны істеуім керек, оны өзгертуім керек» дейді, егер сіз жақсырақ бірдеңе істегіңіз келсе, жақсы шаруа тындырғыңыз келсе, онда оларды Алла ﷻ үшін істеңіз, сонда өзгеріс келетін болады. Бірақ сіз, «зерігіп кеттім» десеңіз, басқа жаққа барғыңыз келсе, я басқа нәрселерді іздесеңіз, онда бұл басқа шаруа. Ал егер сіз қазіргі тұрған жеріңізде жәйлы өмір сүріп жатсаңыз, онда басқа жаққа барудың, немесе басқа нәрселерді іздеудің қажеті жоқ.

Егер Алла сіздің риздығыңызды қамдаса, онда жәйлы өмір сүрерсіз, ал бұндайда жағдайды өзгерту оңай емес. Демек, Алла сізге жақсы нәрселерді берсе, қиындық болмаса, азап-машақат болмаса, онда ең жақсысы соған қанағат етіңіз де, иманыңызды сақтаңыз. Егер қиындық болса, онда риздығыңызды басқа жерден іздесеңіз болады. Сондықтан, бұл хәл-күйлер, адамның жағдайлары сан түрлі болып келеді. Адамдар кейбір істерді істеген соң оған өкініп жатады, олар қайта қайтып, жағдайды өзгертпекші болады, бірақ ол кезде оған өте кеш болады, немесе, басқа өзгерістер болып кетеді. Содан, олар ештеңені өзгерте алмайды, сол үшін мына өмірде жәйлы өмір сүру жақсы нәрсе, жаман нәрсе емес.

Пайғамбарымыз ﷺ, «қиындық іздеме, қиындық сұрама» дейді, демек, егер сіз тұрған жеріңізде жәйлы өмір сүріп жатсаңыз, солай жәйлы өмір сүре беріңіз, және сол үшін Алла Әззә уә-Жәлләға алғыс айтып, шүкірлік етіңіз. Оның бұл нығыметі баянды болғай. Себебі, ешкімге мұхтаж болмау, және иманыңыздың залалға ұшырамауы сияқты хәл-күйлер - аса зор нығымет. Айтып өткеніміздей, барлығы өзгереді, әр нәрсе өзгереді, бірақ осы нығыметтер шүкірлікпен баянын тауып, жалғасатын болады. Сіз шүкірлік етуіңіз керек, «менің риздығым, жұмысым, отбасым, барлығы жақсы» деп, Аллаға алғыс айтыңыз, сонда жағдайыңыз осы дәрежеден төменге түсіп қалмас, яғни, Оның берген осы нығыметі сізге баянды болар.

Себебі, сіз алғыс айтпасаңыз, оған шүкірлік етпесеңіз, бұл нығымет сізден ауып, кетіп қалатын болады, ал сіз осы нығыметті қолдан жіберіп қойсаңыз, одан алыстасаңыз, оны екінші рет таба алу өте қиын. Алла ﷻ бізді панасына алғай, осы жолда баянды еткей, біздің хәл-күйіміз өзгермегей, біздің Алла Әззә уә-Жәлләға және пайғамбарымыз ﷺға деген махаббатымыз өзгермегей, иншалла. Осыбір берекелі күндер бізге баянды болғай, және осыбір құтты күндермен пайғамбарымыздың құрметі үшін, біз сыналғандардан болмайық. Біздің жолымыз мәңгі баянды болғай, тұрақты болғай, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: قازىرگى جەرىڭدە ءجايلى تۇرساڭ، باسقا جاقتى اڭساما، شۇكىرلىك ەت تە، يمانىڭدى جەتىلدىر (2026.08.26 / حيجري 1448-جىل 13-رابيۋل-اۋۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Shaykh Nazim Dergah، Lefka، Cyprus، Turkiye، 2026) بيسميللاحير راحمانير راحيم، «كُلُّ حَالٍ يَزُول»، «كۇللۋ حالين يازۋل»، ياعني، «بارلىق جاعداي ءوتىپ كەتەر» دەلىنەر، دەمەك، بارلىق ءحال-جاعداي وزگەرىپ وتىرادى. ءار ادام بالاسى ومىرىندە كوپتەگەن ءارتۇرلى جاعدايلاردى باستان كەشەدى. ولار ءسابي بولار، بالا بولار، ودان ەرەسەك بولار، مىنە بۇل قالىپتى ءجۇرىلىپ وتىراتىن اينالىم، ودان سوڭ ولار قارتايار. ءيا سولاي، ولاردىڭ ءحال-كۇيلەرى ءار ءساتتىڭ وتۋىمەن وزگەرىپ وتىرادى، وزگەرمەيتىن ەشتەڭە جوق. دۇنيەدەگى بارلىق نارسە وزگەرەدى، «ولار تۇراقتى» دەپ ويلاپ قالماڭىز، ولار وزگەرىستەن قاشا المايدى. تۇراقتى بولاتىن، وزگەرمەيتىن تەك اللا ءاززا ءۋا-ءجاللا عانا. سوندىقتان، ادامدار وزدەرىنىڭ ءحال-كۇيلەرى حاقىندا رەنجىمەۋى كەرەك، سەبەبى، ادامنىڭ ومىرىندە ەشبىر ءحال يا جاعداي ماڭگىلىك جالعاسا بەرمەس، وندا قيىندىق تا بار، جەڭىلدىك تە بار.

ال بۇنداعى ماڭىزدى ءىس تۋرا جول تاۋىپ، وسى تۋرا جولدا، اللا جولىندا ءجۇرۋ بولماق، دەمەك، وسى جولدا وزگەرمەي، تۇراقتى بولۋ، ونى جالعاستىرۋ، ءبىر زور نىعىمەت، ءبىر زور ىززەت-ءدۇر. مىنە وسىنى تابا العان ادام باسقا ەشتەڭەنى قاجەت ەتپەس، سەبەبى، ايتىپ وتكەنىمىزدەي، ەشبىر ادام قازىرگى ءوزىنىڭ ءحال-جاعدايىنا ريزا بولا الماي ءجۇر. ولار، «مەن بۇنى ىستەۋىم كەرەك، ونى وزگەرتۋىم كەرەك» دەيدى، ەگەر ءسىز جاقسىراق بىردەڭە ىستەگىڭىز كەلسە، جاقسى شارۋا تىندىرعىڭىز كەلسە، وندا ولاردى اللا ﷻ ءۇشىن ىستەڭىز، سوندا وزگەرىس كەلەتىن بولادى. ءبىراق ءسىز، «زەرىگىپ كەتتىم» دەسەڭىز، باسقا جاققا بارعىڭىز كەلسە، يا باسقا نارسەلەردى ىزدەسەڭىز، وندا بۇل باسقا شارۋا. ال ەگەر ءسىز قازىرگى تۇرعان جەرىڭىزدە ءجايلى ءومىر ءسۇرىپ جاتساڭىز، وندا باسقا جاققا بارۋدىڭ، نەمەسە باسقا نارسەلەردى ىزدەۋدىڭ قاجەتى جوق.

ەگەر اللا ءسىزدىڭ ريزدىعىڭىزدى قامداسا، وندا ءجايلى ءومىر سۇرەرسىز، ال بۇندايدا جاعدايدى وزگەرتۋ وڭاي ەمەس. دەمەك، اللا سىزگە جاقسى نارسەلەردى بەرسە، قيىندىق بولماسا، ازاپ-ماشاقات بولماسا، وندا ەڭ جاقسىسى سوعان قاناعات ەتىڭىز دە، يمانىڭىزدى ساقتاڭىز. ەگەر قيىندىق بولسا، وندا ريزدىعىڭىزدى باسقا جەردەن ىزدەسەڭىز بولادى. سوندىقتان، بۇل ءحال-كۇيلەر، ادامنىڭ جاعدايلارى سان ءتۇرلى بولىپ كەلەدى. ادامدار كەيبىر ىستەردى ىستەگەن سوڭ وعان وكىنىپ جاتادى، ولار قايتا قايتىپ، جاعدايدى وزگەرتپەكشى بولادى، ءبىراق ول كەزدە وعان وتە كەش بولادى، نەمەسە، باسقا وزگەرىستەر بولىپ كەتەدى. سودان، ولار ەشتەڭەنى وزگەرتە المايدى، سول ءۇشىن مىنا ومىردە ءجايلى ءومىر ءسۇرۋ جاقسى نارسە، جامان نارسە ەمەس.

پايعامبارىمىز ﷺ، «قيىندىق ىزدەمە، قيىندىق سۇراما» دەيدى، دەمەك، ەگەر ءسىز تۇرعان جەرىڭىزدە ءجايلى ءومىر ءسۇرىپ جاتساڭىز، سولاي ءجايلى ءومىر سۇرە بەرىڭىز، جانە سول ءۇشىن اللا ءاززا ءۋا-ءجاللاعا العىس ايتىپ، شۇكىرلىك ەتىڭىز. ونىڭ بۇل نىعىمەتى باياندى بولعاي. سەبەبى، ەشكىمگە مۇحتاج بولماۋ، جانە يمانىڭىزدىڭ زالالعا ۇشىراماۋى سياقتى ءحال-كۇيلەر - اسا زور نىعىمەت. ايتىپ وتكەنىمىزدەي، بارلىعى وزگەرەدى، ءار نارسە وزگەرەدى، ءبىراق وسى نىعىمەتتەر شۇكىرلىكپەن بايانىن تاۋىپ، جالعاساتىن بولادى. ءسىز شۇكىرلىك ەتۋىڭىز كەرەك، «مەنىڭ ريزدىعىم، جۇمىسىم، وتباسىم، بارلىعى جاقسى» دەپ، اللاعا العىس ايتىڭىز، سوندا جاعدايىڭىز وسى دارەجەدەن تومەنگە ءتۇسىپ قالماس، ياعني، ونىڭ بەرگەن وسى نىعىمەتى سىزگە باياندى بولار.

سەبەبى، ءسىز العىس ايتپاساڭىز، وعان شۇكىرلىك ەتپەسەڭىز، بۇل نىعىمەت سىزدەن اۋىپ، كەتىپ قالاتىن بولادى، ال ءسىز وسى نىعىمەتتى قولدان جىبەرىپ قويساڭىز، ودان الىستاساڭىز، ونى ەكىنشى رەت تابا الۋ وتە قيىن. اللا ﷻ ءبىزدى پاناسىنا العاي، وسى جولدا باياندى ەتكەي، ءبىزدىڭ ءحال-كۇيىمىز وزگەرمەگەي، ءبىزدىڭ اللا ءاززا ءۋا-ءجاللاعا جانە پايعامبارىمىز ﷺعا دەگەن ماحابباتىمىز وزگەرمەگەي، ينشاللا. ءوسىبىر بەرەكەلى كۇندەر بىزگە باياندى بولعاي، جانە ءوسىبىر قۇتتى كۇندەرمەن پايعامبارىمىزدىڭ قۇرمەتى ءۇشىن، ءبىز سىنالعانداردان بولمايىق. ءبىزدىڭ جولىمىز ماڭگى باياندى بولعاي، تۇراقتى بولعاي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8924