Мазмұнды Көшіру

https://www.nvrislam.net/index.php?j=kz&post=8814
Сұхбат: әулиенің кеңестікпен уақыттан алқып шығу кереметі (2026.05.17 / Хижри 1447-жыл 30-Зұл-Қадах)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Turkiye, 2026) Алла Әззә уә-Жәллә, «адамның күндері тез өтіп кетер» дейді, расында Алла Әззә уә-Жәллә, барлығын әдемі түрде жаратушы Бірлән-дүр. Жылдар зымырап өтуде, ал адамдар оны байқаған да жоқ. Кеше, шүкір-Алла, біз Бұрсаға тағы бір сапарға шықтық, біз, «бұл араға бір я екі жылдың алдында соңғы рет келген сияқты едік» деп ойлаптық, сүйтсек, оған төрт жыл болып кетіпті. Осы төрт жылға көп болмаған сияқты еді, ол жаңа ғана өткендей сезіледі, бірақ төрт жыл зымырап, бірдемде өтіп кетіпті. Демек, бұл күндер адамға ештеңені сездірместен өтіп жатыр, кетіп жатыр, бірақ шүкір-Алла, яғни бұндағы маңыздысы сол, Алла Әззә уә-Жәлләның әдемі жолында табанды болып, баянды жүре білу болмақ, иншалла.

Күндер келер, және өтіп кетер, ал біз олардың берекелі болуы үшін, және өміріміздің босқа ысырап кетпеуі үшін дұға жасаймыз. Шүкір-Алла, Мәуләнә Шайық Назым әулиенің бір кереметі таиул-макан, яғни кеңестіктен алқып шығу кереметі еді, демек, ол, «бисмиллаһ» деп, бір жерден тағы бір жерге лезде кетіп қалады, мәселен, ол бір аяғын бұнда қойып, енді бір аяғымен Дамашық қаласына жететін. Ол, «бисмиллаһ» деп, Мекке Мукаррамахқа жетіп алатын, «бисмиллаһ» деп, Медина Мұнаууарахқа жететін. Міне бұны таиул-макан кереметі, яғни кеңестіктің бүктелу кереметі, бұндайда ұшақ немесе басқа сол сияқты нәрселердің керегі жоқ, міне бұл әулиелерде болатын бір керемет.

Оларда бұдан басқа екінші бір ерекше керемет бар, ол таиул-заман, яғни уақытты бүктеу, я уақытты кеңейту кереметі еді, демек, олар қысқа уақыт ішінде көп істерді тындыра алады. Бұл да Мәуләнә Шайық Назым әулиенің бір кереметі еді, бұнда ол қысқа уақыт ішінде бүкіл жерлерге жететін, және көптеген адамдармен кездесе алатын, бірақ бұны біздің әдеттегі қалыпты уақыт ішінде бітіру мүмкін емес. Мәселен, Мәуләнә Шайық Назым әулие 92 жыл өмір сүрді, бірақ ол бейне 200-300 жыл өмір сүргендей өте көп адамдармен кездесті, өте көп адамдарға барды, және өте көп адамдар оған келіп, кездесіп қайтты. Олар одан ақыл-кеңес сұрады, ақыл-кеңес алды, міне бұл да оның бір кереметі.

Шүкір-Алла, біз бұған талай куә болдық, әрине, біз ондай дәрежеге жете алмаймыз, бізде ондай керемет жоқ, бірақ шүкір-Алла, бұндағы ең маңызды керемет сол, Алла жолында, яғни осы жолда бастан ақыр баянды жүру болмақ. Демек, осы жолды жалғастыра білу аса маңызды, егер біреу осы жолда тұрақты түрде табандылықпен шаршамай, зерікпей, тастап кетпей, шыншыл жүре алса, ол ұдайы жеңіске жететін болады, және әдемі мақам-дәрежелерге жететін болады. Олар Алла ﷻдың ризалығымен пайғамбарымыз ﷺның ризалығына жетеді, ал Алла ﷻ біздері осындай адамдардың арасынан еткей.

Осыбір әдемі жолға, яғни біздің әулие-шайық піріміз көрсетіп кеткен жолға, шүкір-Алла дейміз. Оның кереметі әркүні көрініп тұрады, демек, біз қайда барсақ та, ел-жұрттың, «біз Мәуләнә Шайық Назым әулиені түсімізде көрдік, ол бізге анда, я мұнда бар деді, осы жолды жалғастыр деді», деп айтқандарын ұдайы естіп қаламыз. Яғни, ол хидаятқа бір жол-дүр, оның туралыққа бастауы үздіксіз жалғасуда, әулиенің тасарруфы олардың өмірінде бар, бірақ олар қайтыс болған соң, олардың бұл тасарруфы онан арман күшейе түседі. Сондықтан, олар өлі емес, олар мына тірі жүрген бізден де көп тірі. Алла ﷻ олардың сырымен дәрежесін көтергей, және онан арман қасиеттендіре бергей. Ал біз олардың басқан қадамдарында табанды жүрейік, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: اۋليەنىڭ كەڭەستىكپەن ۋاقىتتان القىپ شىعۋ كەرەمەتى (2026.05.17 / حيجري 1447-جىل 30-زۇل-قاداح)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Turkiye، 2026) اللا ءاززا ءۋا-ءجاللا، «ادامنىڭ كۇندەرى تەز ءوتىپ كەتەر» دەيدى، راسىندا اللا ءاززا ءۋا-ءجاللا، بارلىعىن ادەمى تۇردە جاراتۋشى ءبىرلان-ءدۇر. جىلدار زىمىراپ وتۋدە، ال ادامدار ونى بايقاعان دا جوق. كەشە، شۇكىر-اللا، ءبىز بۇرساعا تاعى ءبىر ساپارعا شىقتىق، ءبىز، «بۇل اراعا ءبىر يا ەكى جىلدىڭ الدىندا سوڭعى رەت كەلگەن سياقتى ەدىك» دەپ ويلاپتىق، سۇيتسەك، وعان ءتورت جىل بولىپ كەتىپتى. وسى ءتورت جىلعا كوپ بولماعان سياقتى ەدى، ول جاڭا عانا وتكەندەي سەزىلەدى، ءبىراق ءتورت جىل زىمىراپ، بىردەمدە ءوتىپ كەتىپتى. دەمەك، بۇل كۇندەر ادامعا ەشتەڭەنى سەزدىرمەستەن ءوتىپ جاتىر، كەتىپ جاتىر، ءبىراق شۇكىر-اللا، ياعني بۇنداعى ماڭىزدىسى سول، اللا ءاززا ءۋا-ءجاللانىڭ ادەمى جولىندا تاباندى بولىپ، باياندى جۇرە ءبىلۋ بولماق، ينشاللا.

كۇندەر كەلەر، جانە ءوتىپ كەتەر، ال ءبىز ولاردىڭ بەرەكەلى بولۋى ءۇشىن، جانە ءومىرىمىزدىڭ بوسقا ىسىراپ كەتپەۋى ءۇشىن دۇعا جاسايمىز. شۇكىر-اللا، ءماۋلانا شايىق نازىم اۋليەنىڭ ءبىر كەرەمەتى تايۋل-ماكان، ياعني كەڭەستىكتەن القىپ شىعۋ كەرەمەتى ەدى، دەمەك، ول، «بيسميللاھ» دەپ، ءبىر جەردەن تاعى ءبىر جەرگە لەزدە كەتىپ قالادى، ماسەلەن، ول ءبىر اياعىن بۇندا قويىپ، ەندى ءبىر اياعىمەن داماشىق قالاسىنا جەتەتىن. ول، «بيسميللاھ» دەپ، مەككە مۋكارراماحقا جەتىپ الاتىن، «بيسميللاھ» دەپ، مەدينا مۇناۋۋاراحقا جەتەتىن. مىنە بۇنى تايۋل-ماكان كەرەمەتى، ياعني كەڭەستىكتىڭ بۇكتەلۋ كەرەمەتى، بۇندايدا ۇشاق نەمەسە باسقا سول سياقتى نارسەلەردىڭ كەرەگى جوق، مىنە بۇل اۋليەلەردە بولاتىن ءبىر كەرەمەت.

ولاردا بۇدان باسقا ەكىنشى ءبىر ەرەكشە كەرەمەت بار، ول تايۋل-زامان، ياعني ۋاقىتتى بۇكتەۋ، يا ۋاقىتتى كەڭەيتۋ كەرەمەتى ەدى، دەمەك، ولار قىسقا ۋاقىت ىشىندە كوپ ىستەردى تىندىرا الادى. بۇل دا ءماۋلانا شايىق نازىم اۋليەنىڭ ءبىر كەرەمەتى ەدى، بۇندا ول قىسقا ۋاقىت ىشىندە بۇكىل جەرلەرگە جەتەتىن، جانە كوپتەگەن ادامدارمەن كەزدەسە الاتىن، ءبىراق بۇنى ءبىزدىڭ ادەتتەگى قالىپتى ۋاقىت ىشىندە ءبىتىرۋ مۇمكىن ەمەس. ماسەلەن، ءماۋلانا شايىق نازىم اۋليە 92 جىل ءومىر ءسۇردى، ءبىراق ول بەينە 200-300 جىل ءومىر سۇرگەندەي وتە كوپ ادامدارمەن كەزدەستى، وتە كوپ ادامدارعا باردى، جانە وتە كوپ ادامدار وعان كەلىپ، كەزدەسىپ قايتتى. ولار ودان اقىل-كەڭەس سۇرادى، اقىل-كەڭەس الدى، مىنە بۇل دا ونىڭ ءبىر كەرەمەتى.

شۇكىر-اللا، ءبىز بۇعان تالاي كۋا بولدىق، ارينە، ءبىز ونداي دارەجەگە جەتە المايمىز، بىزدە ونداي كەرەمەت جوق، ءبىراق شۇكىر-اللا، بۇنداعى ەڭ ماڭىزدى كەرەمەت سول، اللا جولىندا، ياعني وسى جولدا باستان اقىر باياندى ءجۇرۋ بولماق. دەمەك، وسى جولدى جالعاستىرا ءبىلۋ اسا ماڭىزدى، ەگەر بىرەۋ وسى جولدا تۇراقتى تۇردە تاباندىلىقپەن شارشاماي، زەرىكپەي، تاستاپ كەتپەي، شىنشىل جۇرە السا، ول ۇدايى جەڭىسكە جەتەتىن بولادى، جانە ادەمى ماقام-دارەجەلەرگە جەتەتىن بولادى. ولار اللا ﷻدىڭ ريزالىعىمەن پايعامبارىمىز ﷺنىڭ ريزالىعىنا جەتەدى، ال اللا ﷻ بىزدەرى وسىنداي ادامداردىڭ اراسىنان ەتكەي.

ءوسىبىر ادەمى جولعا، ياعني ءبىزدىڭ اۋليە-شايىق ءپىرىمىز كورسەتىپ كەتكەن جولعا، شۇكىر-اللا دەيمىز. ونىڭ كەرەمەتى اركۇنى كورىنىپ تۇرادى، دەمەك، ءبىز قايدا بارساق تا، ەل-جۇرتتىڭ، «ءبىز ءماۋلانا شايىق نازىم اۋليەنى تۇسىمىزدە كوردىك، ول بىزگە اندا، يا مۇندا بار دەدى، وسى جولدى جالعاستىر دەدى»، دەپ ايتقاندارىن ۇدايى ەستىپ قالامىز. ياعني، ول حيداياتقا ءبىر جول-ءدۇر، ونىڭ تۋرالىققا باستاۋى ۇزدىكسىز جالعاسۋدا، اۋليەنىڭ تاساررۋفى ولاردىڭ ومىرىندە بار، ءبىراق ولار قايتىس بولعان سوڭ، ولاردىڭ بۇل تاساررۋفى ونان ارمان كۇشەيە تۇسەدى. سوندىقتان، ولار ءولى ەمەس، ولار مىنا ءتىرى جۇرگەن بىزدەن دە كوپ ءتىرى. اللا ﷻ ولاردىڭ سىرىمەن دارەجەسىن كوتەرگەي، جانە ونان ارمان قاسيەتتەندىرە بەرگەي. ال ءبىز ولاردىڭ باسقان قادامدارىندا تاباندى جۇرەيىك، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8814