Мазмұнды Көшіру

https://www.nvrislam.net/index.php?j=kz&post=8726
Сұхбат: шайтанға ергендермен дос болма, олардан аулақ жүр (2026.02.27 / Хижри 1447-жыл 10-Рамадан)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Türkiye, 2026) Шайтан علیھ ما یستحق, ғалайхи маястахиқ, яғни шайтан ешқашан тоқтамайды, ол тынбай құлшынады, еш шаршамастан, тынымсыз түрде адамды тозаққа тартып әкету үшін адамның артына түседі. Ал көптеген адамдар осы шайтанға бағынып, онымен бірге болып кетті, шайтан өзімен бірге болмағандарға төзімділік ете алмайды, ол олардың барлығын тозаққа түсіргісі келеді. Алла ﷻ бізді панасына алғай, сондықтан, бізді Алламен бірге болу құтқарады, басқа ештеңе адамға пайда бере алмайды. Себебі, Алла даргайына, Оның қалауына, және Аллаға қарсы болу нағыз топастық, егер Алла бірдеңе берсе, адам Оған бағынуы керек, Ол көрсеткен жақсы жолға ілесу керек.

Ал сіз Алланың дұшпанымен бірге болмаңыз, Алла Әззә уә-Жәллә, «إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا», яғни, «расында, шайтан сендерге - бір дұшпан, сондықтан оны дұшпан көріңдер» дейді, құран 35інші сүре 6інші аят. Алла Әззә уә-Жәллә шайтан біздің ең үлкен дұшпанымыз екендігін айтуда, демек, Алла Әззә уә-Жәллә шайтанды дос етпеуге әмір етеді, оны дұшпан көріңіз, ата жау көріңіз, ал дұшпан сізге ешқашан дос болмайды, шайтан жәйлы айтарымыз міне осы. Ал адамнан болған дұшпан қалай дос болады? ол Алла ﷻдың жолына түскен кезде ғана бізге дос бола алады.

Ал Алла жолында болмаған, Аллаға қарсы адаммен дос бола алмайсыз, шайтанмен дос бола алмайсыз, шайтан сізге жақсылық қаламайды, ол еш тынбастан жамандық қалайды. Ол әртүрлі мәселеге ұшырауыңды, қиналуыңды қалар, оның іздейтіні сол, ол адамда титтей жақсы бірдеңе бола қалса, күндіз-түні тынбастан соны жоқ етуге құлшынар. Сондықтан, сақ бол, шайтанмен дос болма, оның жолына ілеспе, одан аулақ жүр, оның әскерлерінен аулақ бол. Шайтан тек қана қоғамды қалай бұзамын, қанша жамандық істеймін деген сияқты нәрселерді ғана ойлар. Бұдан басқа ештеңе ойламас, мұсылманды қоя тұралық, ол - бүкіл адамзаттың жауы, сондықтан, ол адамдарға тіпті де көп жамандықтарды қалайды.

Алла бізді оның кесірінен сақтағай, Алла жолындағылармен, пайғамбарымыз ﷺның жолындағылармен бірге болыңыз. Шәриғат және тәриқат екеуінен де мықтап ұстаңыз, тек біреуін ғана ұстамаңыз, себебі олай етпесеңіз, шайтан сізді қағып түсіретін болады. Жұрт ұдайы, «сопылық тәриқат деген не» деп сұрайды, және, «сопылық тәриқат керек емес» дейді, ал бұны айтып жүргендердің білімі өздеріне пайда бермеген адамдар. Мейлі олар санмыңдаған кітап жазсын, қаншама шәкірт тәрбиелесін, бірақ оларда иман кем болса, бәрібір олар шайтанның қолындағы біреулер болады. Алла ﷻ бізді олардың кесір-кесапатынан сақтағай, және бізді тура жолдан бөліп жібермегей, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami


سۇحبات: شايتانعا ەرگەندەرمەن دوس بولما، ولاردان اۋلاق ءجۇر (2026.02.27 / حيجري 1447-جىل 10-رامادان)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Türkiye، 2026) شايتان علیھ ما یستحق، عالايحي ماياستاحيق، ياعني شايتان ەشقاشان توقتامايدى، ول تىنباي قۇلشىنادى، ەش شارشاماستان، تىنىمسىز تۇردە ادامدى توزاققا تارتىپ اكەتۋ ءۇشىن ادامنىڭ ارتىنا تۇسەدى. ال كوپتەگەن ادامدار وسى شايتانعا باعىنىپ، ونىمەن بىرگە بولىپ كەتتى، شايتان وزىمەن بىرگە بولماعاندارعا توزىمدىلىك ەتە المايدى، ول ولاردىڭ بارلىعىن توزاققا تۇسىرگىسى كەلەدى. اللا ﷻ ءبىزدى پاناسىنا العاي، سوندىقتان، ءبىزدى اللامەن بىرگە بولۋ قۇتقارادى، باسقا ەشتەڭە ادامعا پايدا بەرە المايدى. سەبەبى، اللا دارگايىنا، ونىڭ قالاۋىنا، جانە اللاعا قارسى بولۋ ناعىز توپاستىق، ەگەر اللا بىردەڭە بەرسە، ادام وعان باعىنۋى كەرەك، ول كورسەتكەن جاقسى جولعا ىلەسۋ كەرەك.

ال ءسىز اللانىڭ دۇشپانىمەن بىرگە بولماڭىز، اللا ءاززا ءۋا-ءجاللا، «إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا»، ياعني، «راسىندا، شايتان سەندەرگە - ءبىر دۇشپان، سوندىقتان ونى دۇشپان كورىڭدەر» دەيدى، قۇران 35ءىنشى سۇرە 6ءىنشى ايات. اللا ءاززا ءۋا-ءجاللا شايتان ءبىزدىڭ ەڭ ۇلكەن دۇشپانىمىز ەكەندىگىن ايتۋدا، دەمەك، اللا ءاززا ءۋا-ءجاللا شايتاندى دوس ەتپەۋگە ءامىر ەتەدى، ونى دۇشپان كورىڭىز، اتا جاۋ كورىڭىز، ال دۇشپان سىزگە ەشقاشان دوس بولمايدى، شايتان ءجايلى ايتارىمىز مىنە وسى. ال ادامنان بولعان دۇشپان قالاي دوس بولادى؟ ول اللا ﷻدىڭ جولىنا تۇسكەن كەزدە عانا بىزگە دوس بولا الادى.

ال اللا جولىندا بولماعان، اللاعا قارسى اداممەن دوس بولا المايسىز، شايتانمەن دوس بولا المايسىز، شايتان سىزگە جاقسىلىق قالامايدى، ول ەش تىنباستان جاماندىق قالايدى. ول ءارتۇرلى ماسەلەگە ۇشىراۋىڭدى، قينالۋىڭدى قالار، ونىڭ ىزدەيتىنى سول، ول ادامدا تيتتەي جاقسى بىردەڭە بولا قالسا، كۇندىز-ءتۇنى تىنباستان سونى جوق ەتۋگە قۇلشىنار. سوندىقتان، ساق بول، شايتانمەن دوس بولما، ونىڭ جولىنا ىلەسپە، ودان اۋلاق ءجۇر، ونىڭ اسكەرلەرىنەن اۋلاق بول. شايتان تەك قانا قوعامدى قالاي بۇزامىن، قانشا جاماندىق ىستەيمىن دەگەن سياقتى نارسەلەردى عانا ويلار. بۇدان باسقا ەشتەڭە ويلاماس، مۇسىلماندى قويا تۇرالىق، ول - بۇكىل ادامزاتتىڭ جاۋى، سوندىقتان، ول ادامدارعا ءتىپتى دە كوپ جاماندىقتاردى قالايدى.

اللا ءبىزدى ونىڭ كەسىرىنەن ساقتاعاي، اللا جولىنداعىلارمەن، پايعامبارىمىز ﷺنىڭ جولىنداعىلارمەن بىرگە بولىڭىز. ءشاريعات جانە ءتاريقات ەكەۋىنەن دە مىقتاپ ۇستاڭىز، تەك بىرەۋىن عانا ۇستاماڭىز، سەبەبى ولاي ەتپەسەڭىز، شايتان ءسىزدى قاعىپ تۇسىرەتىن بولادى. جۇرت ۇدايى، «سوپىلىق ءتاريقات دەگەن نە» دەپ سۇرايدى، جانە، «سوپىلىق ءتاريقات كەرەك ەمەس» دەيدى، ال بۇنى ايتىپ جۇرگەندەردىڭ ءبىلىمى وزدەرىنە پايدا بەرمەگەن ادامدار. مەيلى ولار سانمىڭداعان كىتاپ جازسىن، قانشاما شاكىرت تاربيەلەسىن، ءبىراق ولاردا يمان كەم بولسا، ءبارىبىر ولار شايتاننىڭ قولىنداعى بىرەۋلەر بولادى. اللا ﷻ ءبىزدى ولاردىڭ كەسىر-كەساپاتىنان ساقتاعاي، جانە ءبىزدى تۋرا جولدان ءبولىپ جىبەرمەگەي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8726