Сұхбат: Алладан ешқашан сынақ сұрама, тек қана нығымет сұра (2024.06.13 / Хижра 1445-жыл 07-зұл хижа)
https://www.nvrislam.net/index.php?j=kz&post=7674
Сұхбат: Алладан ешқашан сынақ сұрама, тек қана нығымет сұра (2024.06.13 / Хижра 1445-жыл 07-зұл хижа)
Исламбол (Стамбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Алла Әззә уә-Жәллә, бисмиллахир рахманир рахим, «رَبَّنَا وَلَا تُحَمِّلْنَا مَا لَا طَاقَةَ لَنَا بِهِ» (біз көтере алмайтын істі бізге бермеңіз) (құран 02:286) дейді, бақара сүресіндегі екі аят (285, 286-аяттар) мираж түнінде пайғамбарымыз ﷺ ға Алла Әззә уә-Жәлләдан төте берілген еді, олар Жебірейіл періште арқылы немесе уахи арқылы берілген жоқ, бірақ Алла Әззә уә-Жәлләдан тіке ұсынылды, кім оларды әркүні түнде жаттап жүрсе, аса зор нығыметтерге жетеді, оның ішінде «біз көтере алмайтын жүкті бізге жүктей көрмеңіз» делінген, о Алла ﷻ, бізге біз арқалай алмайтын хәлді жүктемек түгілі, бізді оның маңайына да жолата көрмеңіз, міне бұның өзі Алла Әззә уә-Жәлләдан берілген нығымет.
Әрине адамдар бұл дүниеде әртүрлі мәселелерге дөп келіп тұрады, бірақ бұл мәселелер бір-біріне ұқсамайды, ұқсамаған адамдар ұқсамаған қиындықтарды бастан кешіреді, тіпті кейбіреулер жәйлы жүрсе де, өздерінің мәлім мәселерге ұшрағандығын айтады, не үшін? тіпті кейбір адамдар барлық дүниесі бола тұра, «Алла ﷻ мені неге жаратты?» дер, ал кейбір адамдарға мәселелер жаңбырша жауып тұрады, бірақ сонда да олар оған сабыр етеді, олар Алла Әззә уә-Жәлләға сенеді, олардың Алла ﷻ ға иманы күшті, ал қалған адамдар, расында міндетті түрде иман хақында үйренулері керек.
Алла Әззә уә-Жәллә бұл өмірді және сізді сізден сұрамастан, сізбен ақылдаспастан жарата салды, Ол сізден «сен қалай ойлайсың? сені қалай жаратсам болады? сені жаратсам бола ма, әлде болмай ма?» деп сұраған жоқ, кейбір адамдарда логика-түсінік бар, бірақ көптеген адамдар бар болып, оларда түсінікпен логика жоқ, Алла Әззә уә-Жәллә бізді жаратты әрі бір рет қана жаратты, ал өзіңізді жаратқан Алла ﷻ дан «не үшін?» деп сұрауға қалай батылың барды? егер «өзім білемдікке» салынсаңыз, түсінігіңіз жоқ болса, таяз адам болсаңыз, онда өз қалағаныңызша сұрай беріңіз! бірақ одан еш пайда келмес, Алла ﷻ бізді панасына алғай, одан сізге тек қана залал келеді, баршасын Алла ﷻ жаратты, Ол сынақ үшін жаратты, хикіметімен жаратты.
Сіздің жаралып, осы дүниеге келе қалуыңыздың өзі аса зор нығымет, егер бұл нығыметті тани алмасаңыз, онда сіз өте үлкен жазаларға лайықты болып қаласыз, сондықтан қанеки жалғасты ... Алла ﷻ бізді панасына алғай, міне бұлар адамдар ұшыраған алуан түрлі алапаттарға жатады, балалар арасында әртүрлі (рухани) ауру, тәкаппарлық сынды кеселдер бар, балаларда да осы кесірлі нәрселер бар әрі бұлар олардың арасында ұқсамаған түрде келеді, демек мына дүниеде толып жатқан сұмдықтар, алапаттар, бәле-қалалар бар, сондықтан біз Алла ﷻ дан бізге өзіміз көтере алмайтын міндетті бермеуін сұрап, дұға жасауымыз керек, біз тым әлсіз құлдармыз, біз әлсіз құлдар болғандықтан, бізді қинамаңыз, бізге жомарттығыңызбен және рахымыңызбен мәміле жасаңыз, бізге ешқандай сынақ бере көрмеңіз, бізге нығыметіңізден беріңіз, біз ешқашан сынақ сұрамаймыз, біз нығыметтеріңізді сұраймыз, Сіз аса жомартсыз, ал біз сіздің әлсіз құлыңызбыз, нашар пендеңізбіз, бізге жомарттығыңыздан сый беріңіз, о Алла ﷻ.
Алла ﷻ бізге ең ірі нәрсе иман қуатын бергей, Ол иман қуатын берген кезде, адамдар өздерін алып жүре алатын болады, әрине барлық адам бірдей алып жүре алмас ... сондықтан біз дұға жасап, Оның бізге еш сынақсыз нығыметтерін жаудыруын сұраймыз, Алла ﷻ бізге Өз нығыметтерінен молынан бергей, бірақ сынақтарынан бермегей, иншалла, ал сыналғандарға Алла ﷻ Өзі жәрдем еткей, олардың сынақтары алынып, оларға жеңілдіктер келгей, Алла ﷻ оларға сабыр бергей, иншалла.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
سۇحبات: اللادان ەشقاشان سىناق سۇراما، تەك قانا نىعىمەت سۇرا (2024.06.13 / حيجرا 1445-جىل 07-زۇل حيجا)
يسلامبول (ستامبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
اللا ءاززا ءۋا-ءجاللا، بيسميللاحير راحمانير راحيم، «رَبَّنَا وَلَا تُحَمِّلْنَا مَا لَا طَاقَةَ لَنَا بِهِ» (ءبىز كوتەرە المايتىن ءىستى بىزگە بەرمەڭىز) (قۇران 02:286) دەيدى، باقارا سۇرەسىندەگى ەكى ايات (285، 286-اياتتار) ميراج تۇنىندە پايعامبارىمىز ﷺ عا اللا ءاززا ءۋا-ءجاللادان توتە بەرىلگەن ەدى، ولار جەبىرەيىل پەرىشتە ارقىلى نەمەسە ۋاحي ارقىلى بەرىلگەن جوق، ءبىراق اللا ءاززا ءۋا-ءجاللادان تىكە ۇسىنىلدى، كىم ولاردى اركۇنى تۇندە جاتتاپ جۇرسە، اسا زور نىعىمەتتەرگە جەتەدى، ونىڭ ىشىندە «ءبىز كوتەرە المايتىن جۇكتى بىزگە جۇكتەي كورمەڭىز» دەلىنگەن، و اللا ﷻ، بىزگە ءبىز ارقالاي المايتىن ءحالدى جۇكتەمەك تۇگىلى، ءبىزدى ونىڭ ماڭايىنا دا جولاتا كورمەڭىز، مىنە بۇنىڭ ءوزى اللا ءاززا ءۋا-ءجاللادان بەرىلگەن نىعىمەت.
ارينە ادامدار بۇل دۇنيەدە ءارتۇرلى ماسەلەلەرگە ءدوپ كەلىپ تۇرادى، ءبىراق بۇل ماسەلەلەر ءبىر-بىرىنە ۇقسامايدى، ۇقساماعان ادامدار ۇقساماعان قيىندىقتاردى باستان كەشىرەدى، ءتىپتى كەيبىرەۋلەر ءجايلى جۇرسە دە، وزدەرىنىڭ ءمالىم ماسەلەرگە ۇشراعاندىعىن ايتادى، نە ءۇشىن؟ ءتىپتى كەيبىر ادامدار بارلىق دۇنيەسى بولا تۇرا، «اللا ﷻ مەنى نەگە جاراتتى؟» دەر، ال كەيبىر ادامدارعا ماسەلەلەر جاڭبىرشا جاۋىپ تۇرادى، ءبىراق سوندا دا ولار وعان سابىر ەتەدى، ولار اللا ءاززا ءۋا-ءجاللاعا سەنەدى، ولاردىڭ اللا ﷻ عا يمانى كۇشتى، ال قالعان ادامدار، راسىندا مىندەتتى تۇردە يمان حاقىندا ۇيرەنۋلەرى كەرەك.
اللا ءاززا ءۋا-ءجاللا بۇل ءومىردى جانە ءسىزدى سىزدەن سۇراماستان، سىزبەن اقىلداسپاستان جاراتا سالدى، ول سىزدەن «سەن قالاي ويلايسىڭ؟ سەنى قالاي جاراتسام بولادى؟ سەنى جاراتسام بولا ما، الدە بولماي ما؟» دەپ سۇراعان جوق، كەيبىر ادامداردا لوگيكا-تۇسىنىك بار، ءبىراق كوپتەگەن ادامدار بار بولىپ، ولاردا تۇسىنىكپەن لوگيكا جوق، اللا ءاززا ءۋا-ءجاللا ءبىزدى جاراتتى ءارى ءبىر رەت قانا جاراتتى، ال ءوزىڭىزدى جاراتقان اللا ﷻ دان «نە ءۇشىن؟» دەپ سۇراۋعا قالاي باتىلىڭ باردى؟ ەگەر «ءوزىم بىلەمدىككە» سالىنساڭىز، تۇسىنىگىڭىز جوق بولسا، تاياز ادام بولساڭىز، وندا ءوز قالاعانىڭىزشا سۇراي بەرىڭىز! ءبىراق ودان ەش پايدا كەلمەس، اللا ﷻ ءبىزدى پاناسىنا العاي، ودان سىزگە تەك قانا زالال كەلەدى، بارشاسىن اللا ﷻ جاراتتى، ول سىناق ءۇشىن جاراتتى، حيكىمەتىمەن جاراتتى.
ءسىزدىڭ جارالىپ، وسى دۇنيەگە كەلە قالۋىڭىزدىڭ ءوزى اسا زور نىعىمەت، ەگەر بۇل نىعىمەتتى تاني الماساڭىز، وندا ءسىز وتە ۇلكەن جازالارعا لايىقتى بولىپ قالاسىز، سوندىقتان قانەكي جالعاستى ... اللا ﷻ ءبىزدى پاناسىنا العاي، مىنە بۇلار ادامدار ۇشىراعان الۋان ءتۇرلى الاپاتتارعا جاتادى، بالالار اراسىندا ءارتۇرلى (رۋحاني) اۋرۋ، تاكاپپارلىق سىندى كەسەلدەر بار، بالالاردا دا وسى كەسىرلى نارسەلەر بار ءارى بۇلار ولاردىڭ اراسىندا ۇقساماعان تۇردە كەلەدى، دەمەك مىنا دۇنيەدە تولىپ جاتقان سۇمدىقتار، الاپاتتار، بالە-قالالار بار، سوندىقتان ءبىز اللا ﷻ دان بىزگە ءوزىمىز كوتەرە المايتىن مىندەتتى بەرمەۋىن سۇراپ، دۇعا جاساۋىمىز كەرەك، ءبىز تىم ءالسىز قۇلدارمىز، ءبىز ءالسىز قۇلدار بولعاندىقتان، ءبىزدى قيناماڭىز، بىزگە جومارتتىعىڭىزبەن جانە راحىمىڭىزبەن مامىلە جاساڭىز، بىزگە ەشقانداي سىناق بەرە كورمەڭىز، بىزگە نىعىمەتىڭىزدەن بەرىڭىز، ءبىز ەشقاشان سىناق سۇرامايمىز، ءبىز نىعىمەتتەرىڭىزدى سۇرايمىز، ءسىز اسا جومارتسىز، ال ءبىز ءسىزدىڭ ءالسىز قۇلىڭىزبىز، ناشار پەندەڭىزبىز، بىزگە جومارتتىعىڭىزدان سىي بەرىڭىز، و اللا ﷻ.
اللا ﷻ بىزگە ەڭ ءىرى نارسە يمان قۋاتىن بەرگەي، ول يمان قۋاتىن بەرگەن كەزدە، ادامدار وزدەرىن الىپ جۇرە الاتىن بولادى، ارينە بارلىق ادام بىردەي الىپ جۇرە الماس ... سوندىقتان ءبىز دۇعا جاساپ، ونىڭ بىزگە ەش سىناقسىز نىعىمەتتەرىن جاۋدىرۋىن سۇرايمىز، اللا ﷻ بىزگە ءوز نىعىمەتتەرىنەن مولىنان بەرگەي، ءبىراق سىناقتارىنان بەرمەگەي، ينشاللا، ال سىنالعاندارعا اللا ﷻ ءوزى جاردەم ەتكەي، ولاردىڭ سىناقتارى الىنىپ، ولارعا جەڭىلدىكتەر كەلگەي، اللا ﷻ ولارعا سابىر بەرگەي، ينشاللا.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=7674