Мазмұнды Көшіру

https://www.nvrislam.net/index.php?j=kz&post=7420
Сұхбат: жақсы амал үстінде өткен ұзақ өмір ең жақсы өмір (2024.02.04 / Хижра 1445-жыл 25-режеп)
Исламбол (Стамбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Пайғамбарымыз саллал-лаху әлейхис-салам «араларыңдағы ең жақсыларың жақсы амалмен ұзақ өмір өткізгендерің» дейді, міне осындай адам жақсы адам, адамның ең бұзықтары жұртқа залал жасаумен ұзақ өмір сүргендері болмақ, зиянкес адам Алла Әззә уә-Жәллә жағынан жек көрілген.

Әрине Алла Әззә уә-Жәллә әр адамға мәлім өмір берген әрі оның не боларын Ол Өзі біледі, олар қанша ұзақ өмір сүреді, қанша тыныс алады, бұның барлығы Алла Жәллә Жәләлуху жағынан белгіленген, ештеңе Оның қалауынан тыс болмас, кейбір сәбилер туыла салып, 1-10 күн өмір сүрсе, кейбір адамдар он жыл, жүз жыл өмір сүрер, бұның барлығы Алла Жәллә Жәләлухудың қалауынан, бірақ бұндағы ең ақымақ іс осы өмірді ысырап етіп, босқа кетіру болмақ, бұл өмірдің нығымет екендігін біліп, оны Алла Жәллә Жәләлухудың қалағанындай өткізу даналыққа жатады, әйітпесе адамдар бәрібір өліп, барлығын артына тастап кетеді емеспе, демек олар ақиретке қолдарына ештеңе алмастан құр алақан кете барар, ал зиянкестік істеген адамдар ақиретте ештеңе таба алмас, бірақ жақсы адамдар биік мақамға жетеді, адамдардың ең үлкен арманы жәннәтқа жету, ал адамдар Алла Жәллә Жәләлухудың ризалығына жетсе, жақсы адам бола білсе болғаны, Ол бұны оларға беретін болады, әйітпесе қалғанының бәрі бос болар.

Қазіргі адамдар бұны білмейді, бұл ғана емес, олар оған сенбес, сенгісі де келмес, сіз сенерсіз я сенбессіз, Алла Әззә уә-Жәллә сізден еш пайда қажетсінбес, жамандығыңның Алла Жәллә Жәләлухуға еш әсері жоқ, сіз не істесеңіз де, оны өзіңіз үшін істейсіз, адамдар не істесе де, барлығын өзі үшін істер, олар қалағанынша тырысуына болады, адамдар өздері құлшынып әрекеттенбесе, оларға ешкім жәрдем бермес, Алла Әззә уә-Жәллә әртүрлі адамдарды жаратты, олардың харектірлері әртүрлі болғандықтан, ойлары, қабілиеттері де әртүрлі келер. Кейбір адамдарға не айтсаңыз да олар себеп-сылтау тауып, өздерінен басқа елдің барлығы күнәлі етер, олар өздері ғана күнәсіз болар, олар ештеңе істемейді, «мынаны істе» десе, «жоқ, істей алмаймын» дер, «онда бұны істе, осындай жұмыс бар» делінсе, «жоқ, ол жұмыс бір түрлі екен» дер, «мынадай міндет бар» делінсе, «жоқ, ол жаман екен, себебі мынау ...» дейді, «мынаны істе», «жоқ, ол маған лайықты емес», «онда басқа шаруа бар», «жоқ, олар маған жаман мәміле жасар» дер, осындай адам да болады, олар мына дүниені өздерінше ойлар, оның өздеріне сай болуын қалар.

Тағы бір түрлі адамдар бар болып, олар ештеңені қабыл етпейді, ештеңені ұнатпайды, Алла Жәллә Жәләлухудың ақирет әмірлерін қабыл етпейді, ислам әмірлерін қабылдамайды, олардың жағдайы қиын, себебі олардың барар ақырғы мекені жақсы жәй болмас, олар «біз өлгенде ел бізді еске алады, біз жәйлы "біздің елде осындай керемет адам өткен" деп айтады» деп ойлайды, олар «мен өлгенде, мені бір шұңқырға тастай салыңдар, мені іздеп келмеңдер» дейді, олар «өлсек құтыламыз» деп ойлап қалған, бірақ нағыз өмір енді ғана басталар, онан соң жазаланатын боласыз, сол кезде Алла Әззә уә-Жәлләның хақтығы шын әлде жалған екендігін көресіз, Алла Жәллә Жәләлухудың рұхсатында хақ қашанда хақ, біз барлығымыз хаққа қарай жүріп барамыз, мейлі иман келтіргендер, мейлі иман келтірмегендер болсын, оны барлығы көрер, Алла Жәллә Жәләлуху бізді панасына алғай, иншалла.

Осы кездегі адамдардың көбі діннен, иманнан қашып кеткенін, одан аулақ болғанын ақылдылық санайтын болған, өздерінен басқаларды ақымақ, надан көрер, бірақ осылай ойлап жүрген олардың өзі нағыз ақымақтар еді, олар Алла Әззә уә-Жәлләдың бергені жайлы жақсы ойлануы керек, мына дүниедегі барлығы Алла Әззә уә-Жәлләның мұғжизасынан-дүр, мына бізге берілген өмір де мұғжиза, сіздің туылуыңыз да мұғжиза, кім бұны жоққа шығарса, олар ақылды адам емес. Жас кезінен бастап жаман адамдарға еріп алып, өмірлерін бұзғандар көп, кейбірі денесне ою басып алар, олар кейін өкінер, бірақ одан құтыла алмас ... өмірі ұзақ болып әрі өмірін жамандықпен кесір ішінде өткен адамдар, расында ең бұзық адамдар, Алла Жәллә Жәләлуху оларды сүймейді, оларға ергендерді де сүймейді.

Біздің заманмен бұрынғы үлкендердің заманы мүлдем ұқсамайды, қазір барлығы тым бұзылып кетті, олар бір жамандықтан тағы бір сұмдық жамандыққа тоқтамастан секіруде, Алла Жәллә Жәләлуху бізге жәрдем бергей, себебі біз ақырзаманда өмір сүріп жатырмыз, барлығы былыққан, пайғамбарымыз саллал-лаху әлейхис-салам айтып өткендей әр жерде «хариж уа мариж» болуда яғни бүкіл дүние төңкеріліп қалды, адамдар не істеп жатқанын өздері білмейді, олар біреулерді өлтіруде, ана-мына жерге соғыс ашуда, олар соғыстан да жаман іс істеп жатыр, демек олар адамдардың санасына небір сұмдық улы-лас ой-идеяларды сіңіруде, бұл соғыстан да жаман, Алла Жәллә Жәләлуху бізді панасына алғай, бізге күшті иман бергей, иншалла, мұсылмандарымызды және олардың балаларын қорғағай, себебі олар бұзық адамдардың ең басты нысанасы болып отыр, Алла Жәллә Жәләлуху оларды хауіпсіз еткей, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami


سۇحبات: جاقسى امال ۇستىندە وتكەن ۇزاق ءومىر (2024.02.04 / حيجرا 1445-جىل 25-رەجەپ)
يسلامبول (ستامبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

پايعامبارىمىز ساللال-لاحۋ الەيحيس-سالام «ارالارىڭداعى ەڭ جاقسىلارىڭ جاقسى امالمەن ۇزاق ءومىر وتكىزگەندەرىڭ» دەيدى، مىنە وسىنداي ادام جاقسى ادام، ادامنىڭ ەڭ بۇزىقتارى جۇرتقا زالال جاساۋمەن ۇزاق ءومىر سۇرگەندەرى بولماق، زيانكەس ادام اللا ءاززا ءۋا-ءجاللا جاعىنان جەك كورىلگەن.

ارينە اللا ءاززا ءۋا-ءجاللا ءار ادامعا ءمالىم ءومىر بەرگەن ءارى ونىڭ نە بولارىن ول ءوزى بىلەدى، ولار قانشا ۇزاق ءومىر سۇرەدى، قانشا تىنىس الادى، بۇنىڭ بارلىعى اللا ءجاللا ءجالالۋحۋ جاعىنان بەلگىلەنگەن، ەشتەڭە ونىڭ قالاۋىنان تىس بولماس، كەيبىر سابيلەر تۋىلا سالىپ، 1-10 كۇن ءومىر سۇرسە، كەيبىر ادامدار ون جىل، ءجۇز جىل ءومىر سۇرەر، بۇنىڭ بارلىعى اللا ءجاللا ءجالالۋحۋدىڭ قالاۋىنان، ءبىراق بۇنداعى ەڭ اقىماق ءىس وسى ءومىردى ىسىراپ ەتىپ، بوسقا كەتىرۋ بولماق، بۇل ءومىردىڭ نىعىمەت ەكەندىگىن ءبىلىپ، ونى اللا ءجاللا ءجالالۋحۋدىڭ قالاعانىنداي وتكىزۋ دانالىققا جاتادى، ايىتپەسە ادامدار ءبارىبىر ءولىپ، بارلىعىن ارتىنا تاستاپ كەتەدى ەمەسپە، دەمەك ولار اقيرەتكە قولدارىنا ەشتەڭە الماستان قۇر الاقان كەتە بارار، ال زيانكەستىك ىستەگەن ادامدار اقيرەتتە ەشتەڭە تابا الماس، ءبىراق جاقسى ادامدار بيىك ماقامعا جەتەدى، ادامداردىڭ ەڭ ۇلكەن ارمانى ءجانناتقا جەتۋ، ال ادامدار اللا ءجاللا ءجالالۋحۋدىڭ ريزالىعىنا جەتسە، جاقسى ادام بولا بىلسە بولعانى، ول بۇنى ولارعا بەرەتىن بولادى، ايىتپەسە قالعانىنىڭ ءبارى بوس بولار.

قازىرگى ادامدار بۇنى بىلمەيدى، بۇل عانا ەمەس، ولار وعان سەنبەس، سەنگىسى دە كەلمەس، ءسىز سەنەرسىز يا سەنبەسسىز، اللا ءاززا ءۋا-ءجاللا سىزدەن ەش پايدا قاجەتسىنبەس، جاماندىعىڭنىڭ اللا ءجاللا ءجالالۋحۋعا ەش اسەرى جوق، ءسىز نە ىستەسەڭىز دە، ونى ءوزىڭىز ءۇشىن ىستەيسىز، ادامدار نە ىستەسە دە، بارلىعىن ءوزى ءۇشىن ىستەر، ولار قالاعانىنشا تىرىسۋىنا بولادى، ادامدار وزدەرى قۇلشىنىپ ارەكەتتەنبەسە، ولارعا ەشكىم جاردەم بەرمەس، اللا ءاززا ءۋا-ءجاللا ءارتۇرلى ادامداردى جاراتتى، ولاردىڭ حارەكتىرلەرى ءارتۇرلى بولعاندىقتان، ويلارى، قابىليەتتەرى دە ءارتۇرلى كەلەر. كەيبىر ادامدارعا نە ايتساڭىز دا ولار سەبەپ-سىلتاۋ تاۋىپ، وزدەرىنەن باسقا ەلدىڭ بارلىعى كۇنالى ەتەر، ولار وزدەرى عانا كۇناسىز بولار، ولار ەشتەڭە ىستەمەيدى، «مىنانى ىستە» دەسە، «جوق، ىستەي المايمىن» دەر، «وندا بۇنى ىستە، وسىنداي جۇمىس بار» دەلىنسە، «جوق، ول جۇمىس ءبىر ءتۇرلى ەكەن» دەر، «مىناداي مىندەت بار» دەلىنسە، «جوق، ول جامان ەكەن، سەبەبى مىناۋ ...» دەيدى، «مىنانى ىستە»، «جوق، ول ماعان لايىقتى ەمەس»، «وندا باسقا شارۋا بار»، «جوق، ولار ماعان جامان مامىلە جاسار» دەر، وسىنداي ادام دا بولادى، ولار مىنا دۇنيەنى وزدەرىنشە ويلار، ونىڭ وزدەرىنە ساي بولۋىن قالار.

تاعى ءبىر ءتۇرلى ادامدار بار بولىپ، ولار ەشتەڭەنى قابىل ەتپەيدى، ەشتەڭەنى ۇناتپايدى، اللا ءجاللا ءجالالۋحۋدىڭ اقيرەت امىرلەرىن قابىل ەتپەيدى، يسلام امىرلەرىن قابىلدامايدى، ولاردىڭ جاعدايى قيىن، سەبەبى ولاردىڭ بارار اقىرعى مەكەنى جاقسى ءجاي بولماس، ولار «ءبىز ولگەندە ەل ءبىزدى ەسكە الادى، ءبىز ءجايلى "ءبىزدىڭ ەلدە وسىنداي كەرەمەت ادام وتكەن" دەپ ايتادى» دەپ ويلايدى، ولار «مەن ولگەندە، مەنى ءبىر شۇڭقىرعا تاستاي سالىڭدار، مەنى ىزدەپ كەلمەڭدەر» دەيدى، ولار «ولسەك قۇتىلامىز» دەپ ويلاپ قالعان، ءبىراق ناعىز ءومىر ەندى عانا باستالار، ونان سوڭ جازالاناتىن بولاسىز، سول كەزدە اللا ءاززا ءۋا-ءجاللانىڭ حاقتىعى شىن الدە جالعان ەكەندىگىن كورەسىز، اللا ءجاللا ءجالالۋحۋدىڭ رۇحساتىندا حاق قاشاندا حاق، ءبىز بارلىعىمىز حاققا قاراي ءجۇرىپ بارامىز، مەيلى يمان كەلتىرگەندەر، مەيلى يمان كەلتىرمەگەندەر بولسىن، ونى بارلىعى كورەر، اللا ءجاللا ءجالالۋحۋ ءبىزدى پاناسىنا العاي، ينشاللا.

وسى كەزدەگى ادامداردىڭ كوبى دىننەن، يماننان قاشىپ كەتكەنىن، ودان اۋلاق بولعانىن اقىلدىلىق سانايتىن بولعان، وزدەرىنەن باسقالاردى اقىماق، نادان كورەر، ءبىراق وسىلاي ويلاپ جۇرگەن ولاردىڭ ءوزى ناعىز اقىماقتار ەدى، ولار اللا ءاززا ءۋا-ءجاللادىڭ بەرگەنى جايلى جاقسى ويلانۋى كەرەك، مىنا دۇنيەدەگى بارلىعى اللا ءاززا ءۋا-ءجاللانىڭ مۇعجيزاسىنان-ءدۇر، مىنا بىزگە بەرىلگەن ءومىر دە مۇعجيزا، ءسىزدىڭ تۋىلۋىڭىز دا مۇعجيزا، كىم بۇنى جوققا شىعارسا، ولار اقىلدى ادام ەمەس. جاس كەزىنەن باستاپ جامان ادامدارعا ەرىپ الىپ، ومىرلەرىن بۇزعاندار كوپ، كەيبىرى دەنەسنە ويۋ باسىپ الار، ولار كەيىن وكىنەر، ءبىراق ودان قۇتىلا الماس ... ءومىرى ۇزاق بولىپ ءارى ءومىرىن جاماندىقپەن كەسىر ىشىندە وتكەن ادامدار، راسىندا ەڭ بۇزىق ادامدار، اللا ءجاللا ءجالالۋحۋ ولاردى سۇيمەيدى، ولارعا ەرگەندەردى دە سۇيمەيدى.

ءبىزدىڭ زامانمەن بۇرىنعى ۇلكەندەردىڭ زامانى مۇلدەم ۇقسامايدى، ءقازىر بارلىعى تىم بۇزىلىپ كەتتى، ولار ءبىر جاماندىقتان تاعى ءبىر سۇمدىق جاماندىققا توقتاماستان سەكىرۋدە، اللا ءجاللا ءجالالۋحۋ بىزگە جاردەم بەرگەي، سەبەبى ءبىز اقىرزاماندا ءومىر ءسۇرىپ جاتىرمىز، بارلىعى بىلىققان، پايعامبارىمىز ساللال-لاحۋ الەيحيس-سالام ايتىپ وتكەندەي ءار جەردە «حاريج ۋا ماريج» بولۋدا ياعني بۇكىل دۇنيە توڭكەرىلىپ قالدى، ادامدار نە ىستەپ جاتقانىن وزدەرى بىلمەيدى، ولار بىرەۋلەردى ولتىرۋدە، انا-مىنا جەرگە سوعىس اشۋدا، ولار سوعىستان دا جامان ءىس ىستەپ جاتىر، دەمەك ولار ادامداردىڭ ساناسىنا نەبىر سۇمدىق ۋلى-لاس وي-يدەيالاردى سىڭىرۋدە، بۇل سوعىستان دا جامان، اللا ءجاللا ءجالالۋحۋ ءبىزدى پاناسىنا العاي، بىزگە كۇشتى يمان بەرگەي، ينشاللا، مۇسىلماندارىمىزدى جانە ولاردىڭ بالالارىن قورعاعاي، سەبەبى ولار بۇزىق ادامداردىڭ ەڭ باستى نىساناسى بولىپ وتىر، اللا ءجاللا ءجالالۋحۋ ولاردى ءحاۋىپسىز ەتكەي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=7420