Сұхбат: қанағат кетіп, ашкөздік жәйлаған заман (2023.12.29 / 1445-хижри 16-Жұмада әл-Тани)
https://www.nvrislam.net/index.php?j=kz&post=7338
Сұхбат: қанағат кетіп, ашкөздік жәйлаған заман (2023.12.29 / 1445-хижри 16-Жұмада әл-Тани)
Исламбол (Стамбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Адам баласында толып жатқан жаман қасиеттер бар әрі ондағы ең жаман бір қасиет ашкөздік еді, ертедегі адамдарда да ашкөздік болған, бірақ қазіргі кездегі адамдардың ашкөздігі тым шектен шығып кетті, олар бұнысын «тұтынушы қоғам» деп атап алған, олар бұл кеселді укілді өткен ғасырда адамдарға «салған» еді, демек оларға не берсеңіз де, олар оған тоймас, оларға үкімет оны-бұны берсе де, барлығын берсе де, олар «тағы да көп бер» деп сұрай берер, қанағат етпес, ал адамдарды тойдыратын нәрсе қанағат еді, қанағатсыздар бүкіл дүниені «тұтынса да», сол баяғысынша тоймайды.
Оларды дүние алдар, үкімет те адамдар ақша сұрап жатқандай, оларға ақша берер, алайда біраз уақыт өткен соң бұл адамдар оны азсынып, тағы да көп сұрар, тоймай сұрамшақтыққа басар, не үшін? себебі ол бір кесірлі бұзықтық айналымы еді, мәселен сіз бірдеңені мына жақтан көптеп арттырған сайын, ол ана жаққа барып үйіліп, жинала береді, ол биіктеп, өрлей берер, өсе берер, демек адамдардың ашкөздігі берген сайын артар, егер әр адам қанағат етіп, риза болса, өмір іркіліссіз түрде жақсы өтер еді, бірақ оларда қанағат жоқ, ал қанағат болмаған жерде адамдарды ештеңе тойдыра алмас, адам баласы міне осындай. Нұх әлейхис-салам пайғамбар өз кезінде кеме жасау үшін әр жерден ағаш жинайды, ол заманда алыптар қауымы бар болатұғын, бірақ олардың көбі жойылып, бірнешеуі ғана қалған еді.
Нұх әлейхис-салам кезінде осы алыптардан қалған бір алып адам бар еді, оны жұрт тойдыра алмай әлек болатұғын, Нұх әлейхис-салам тандырда нан пысрып, алыпқа берер, бірақ ол оған тоймас, Нұх әлейхис-салам оған «егер сен маған ағаш әкеліп берсең, мен сені тойдырамын» дер, ол келісіп, екі кеме жасарлық ағаш әкеледі, Нұх әлейхис-салам оған үлкен үш жапырақ нан беріп, «"бисмиллаһ" деп же» дейді, ал алып «олай етпеймін, "бисмиллаһ" айтпаймын» деп қасарысар, оған тағы да «же, бисмиллаһпен же» делінер, ол «мен оны айтпаймын» дер, Нұх әлейхис-салам оған «нені айтпаймын дейсің?» деп әдейілеп сұрар, алып «мен "бисмиллаһир рахманир рахим" деп айтпаймын» дейді, ал Нұх әлейхис-салам «жарайды, енді же» дер, міне осылай алып адам байқамастан бисмиллаһ айтып, нанды жеп қояды, Нұх әлейхис-салам оған үш жапырақ нан берген соң, манағы алып адамның құрсағы тойып қалады, ол екеуін жеп болып, үшінші жапырақ нанды әрең жейді де, «сен маған сыйқыр жасадың» деп ашуаланады әрі әкелген ағаштарын алып кетеді, аз ғана ағаш қалады, Нұх әлейхис-салам қалған осы ағаштардан кемесін жасайды.
Жағдай міне осылай, тіпті алып адамның өзі бисмилла айтып, Алла Жәллә Жәләлухудың есімін атаған кезде тойды, қанағат тапты, бірақ қазіргі адамдар Алла Жәллә Жәләлухуды ұмытып, дүниемен өз қалауларына құмарлана еріп кетті, олар ойында нені жақсы көрсе соған ерер, ал бұндайда олар қайдан ғана тойынсын? ашкөзденбей қайтсын! адамдарда қанағат та, иман да қалған жоқ, Алла Жәллә Жәләлуху бізге жәрдем бергей, көптеген адамдар, тіпті әр адам осындай ұқсас хәлдерді бастан кешіруде, Алла Жәллә Жәләлуху бізге жәрдем бергей, панасына алғай, біз бұған не дей алармыз? Алла Жәллә Жәләлуху Өзі берекесін бергей.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: قاناعات كەتىپ، اشكوزدىك ءجايلاعان زامان (2023.12.29 / 1445-حيجري 16-جۇمادا ءال-تاني)
يسلامبول (ستامبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
ادام بالاسىندا تولىپ جاتقان جامان قاسيەتتەر بار ءارى ونداعى ەڭ جامان ءبىر قاسيەت اشكوزدىك ەدى، ەرتەدەگى ادامداردا دا اشكوزدىك بولعان، ءبىراق قازىرگى كەزدەگى ادامداردىڭ اشكوزدىگى تىم شەكتەن شىعىپ كەتتى، ولار بۇنىسىن «تۇتىنۋشى قوعام» دەپ اتاپ العان، ولار بۇل كەسەلدى ۋكىلدى وتكەن عاسىردا ادامدارعا «سالعان» ەدى، دەمەك ولارعا نە بەرسەڭىز دە، ولار وعان تويماس، ولارعا ۇكىمەت ونى-بۇنى بەرسە دە، بارلىعىن بەرسە دە، ولار «تاعى دا كوپ بەر» دەپ سۇراي بەرەر، قاناعات ەتپەس، ال ادامداردى تويدىراتىن نارسە قاناعات ەدى، قاناعاتسىزدار بۇكىل دۇنيەنى «تۇتىنسا دا»، سول باياعىسىنشا تويمايدى.
ولاردى دۇنيە الدار، ۇكىمەت تە ادامدار اقشا سۇراپ جاتقانداي، ولارعا اقشا بەرەر، الايدا ءبىراز ۋاقىت وتكەن سوڭ بۇل ادامدار ونى ازسىنىپ، تاعى دا كوپ سۇرار، تويماي سۇرامشاقتىققا باسار، نە ءۇشىن؟ سەبەبى ول ءبىر كەسىرلى بۇزىقتىق اينالىمى ەدى، ماسەلەن ءسىز بىردەڭەنى مىنا جاقتان كوپتەپ ارتتىرعان سايىن، ول انا جاققا بارىپ ءۇيىلىپ، جينالا بەرەدى، ول بيىكتەپ، ورلەي بەرەر، وسە بەرەر، دەمەك ادامداردىڭ اشكوزدىگى بەرگەن سايىن ارتار، ەگەر ءار ادام قاناعات ەتىپ، ريزا بولسا، ءومىر ىركىلىسسىز تۇردە جاقسى وتەر ەدى، ءبىراق ولاردا قاناعات جوق، ال قاناعات بولماعان جەردە ادامداردى ەشتەڭە تويدىرا الماس، ادام بالاسى مىنە وسىنداي. نۇح الەيحيس-سالام پايعامبار ءوز كەزىندە كەمە جاساۋ ءۇشىن ءار جەردەن اعاش جينايدى، ول زاماندا الىپتار قاۋىمى بار بولاتۇعىن، ءبىراق ولاردىڭ كوبى جويىلىپ، بىرنەشەۋى عانا قالعان ەدى.
نۇح الەيحيس-سالام كەزىندە وسى الىپتاردان قالعان ءبىر الىپ ادام بار ەدى، ونى جۇرت تويدىرا الماي الەك بولاتۇعىن، نۇح الەيحيس-سالام تاندىردا نان پىسرىپ، الىپقا بەرەر، ءبىراق ول وعان تويماس، نۇح الەيحيس-سالام وعان «ەگەر سەن ماعان اعاش اكەلىپ بەرسەڭ، مەن سەنى تويدىرامىن» دەر، ول كەلىسىپ، ەكى كەمە جاسارلىق اعاش اكەلەدى، نۇح الەيحيس-سالام وعان ۇلكەن ءۇش جاپىراق نان بەرىپ، «"بيسميللاھ" دەپ جە» دەيدى، ال الىپ «ولاي ەتپەيمىن، "بيسميللاھ" ايتپايمىن» دەپ قاسارىسار، وعان تاعى دا «جە، بيسميللاھپەن جە» دەلىنەر، ول «مەن ونى ايتپايمىن» دەر، نۇح الەيحيس-سالام وعان «نەنى ايتپايمىن دەيسىڭ؟» دەپ ادەيىلەپ سۇرار، الىپ «مەن "بيسميللاھير راحمانير راحيم" دەپ ايتپايمىن» دەيدى، ال نۇح الەيحيس-سالام «جارايدى، ەندى جە» دەر، مىنە وسىلاي الىپ ادام بايقاماستان بيسميللاھ ايتىپ، ناندى جەپ قويادى، نۇح الەيحيس-سالام وعان ءۇش جاپىراق نان بەرگەن سوڭ، ماناعى الىپ ادامنىڭ قۇرساعى تويىپ قالادى، ول ەكەۋىن جەپ بولىپ، ءۇشىنشى جاپىراق ناندى ارەڭ جەيدى دە، «سەن ماعان سىيقىر جاسادىڭ» دەپ اشۋالانادى ءارى اكەلگەن اعاشتارىن الىپ كەتەدى، از عانا اعاش قالادى، نۇح الەيحيس-سالام قالعان وسى اعاشتاردان كەمەسىن جاسايدى.
جاعداي مىنە وسىلاي، ءتىپتى الىپ ادامنىڭ ءوزى بيسميللا ايتىپ، اللا ءجاللا ءجالالۋحۋدىڭ ەسىمىن اتاعان كەزدە تويدى، قاناعات تاپتى، ءبىراق قازىرگى ادامدار اللا ءجاللا ءجالالۋحۋدى ۇمىتىپ، دۇنيەمەن ءوز قالاۋلارىنا قۇمارلانا ەرىپ كەتتى، ولار ويىندا نەنى جاقسى كورسە سوعان ەرەر، ال بۇندايدا ولار قايدان عانا تويىنسىن؟ اشكوزدەنبەي قايتسىن! ادامداردا قاناعات تا، يمان دا قالعان جوق، اللا ءجاللا ءجالالۋحۋ بىزگە جاردەم بەرگەي، كوپتەگەن ادامدار، ءتىپتى ءار ادام وسىنداي ۇقساس حالدەردى باستان كەشىرۋدە، اللا ءجاللا ءجالالۋحۋ بىزگە جاردەم بەرگەي، پاناسىنا العاي، ءبىز بۇعان نە دەي الارمىز؟ اللا ءجاللا ءجالالۋحۋ ءوزى بەرەكەسىن بەرگەي.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7338