Мазмұнды Көшіру

https://www.nvrislam.net/index.php?j=kz&post=6974
Сұхбат: өзіңнен басқа ешкімнен көмек күтпе (2023.07.12, 24 Зұл-Хижа 1444)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

«Істі оңай етіңдер, оларды ауыр етпеңдер, адамдарға жақсы шүйіншілі хабар беріңдер, олар қашырып жібермеңдер» дейді пайғамбарымыз саллал-лаху әлейхис-салам, әрбір амалды «жақсы» деп біліңіз, демек, біз істеген барлық істерімізді Алла Әззә уә-Жәлләдан берілген берекедей білуіміз керек, сонда іс-амалдарымыз берекеге толып, барлығы тосалғысыз жүретін болады, бірақ егер сіз «әрбір іс қиын, ол оңай емес» деп өзгелерден көмек сұрай беретін болсаңыз, онда сіз үшін барлық іс қиын бола бермек, Алла Жәллә Жәләлуху сізге күш-қуат, құт-береке және ақыл-сана берді, әр адам өзінде бар қабілет мүмкіндіктері арқылы өмір сүріп, жан баға алады, Алла Жәллә Жәләлуху әрбір адамға мәлім өнермен қабілет берген, егер сіз осыны өзіңізбен сақтай білсеңіз әрі өзге адамдармен шығысымды болып, жақсы жүрсеңіз, сіздің өміріңіз жәйлі өмір болмақ, жақсы өмір сүресіз, алайда сіз ештеңені ұнатпай басқа адамдармен шығыса білмесеңіз, онда бұл сіздің өз қателігіңіз болмақ.

Кейбір адамдар бар, сіз не істесеңіз де, олар онан кемшіліктер тауып алады, ал сіз оларға «мынаны істе» десеңіз, олар «бұл болмайды екен, ол бұндай, ол сондай» дейді, оған «елдің барлығы істеп жатыр емеспе» десеңіз, олар істер, бірақ істесе де, олар одан нәтиже шығара алмайды, сүрінеді, онан соң «онда мұны істеп көр» десеңіз, олар бұл істен де мыңдаған мәселе тауып, ол да ақпайды, оларға «онда не қаласаң, соны істе» десеңіз, олар сол шаруаларды да істей алмайды, онан соң олар айналып келіп, бұнысына өзгелерді кінәлап айыптайды, олар сізге «сен "осылай істе" деп едің, бірақ одан түк шықпады» дейтін болады, ал шындығында олар өздері түк бітірмеген еді.

Олар әрбір істе тек кемшілікпен қателік іздейді де, барлық ісі ақпай, сәтсіз болады, қателікке түседі, не үшін? себебі олардың ниеті немесе ойы сонау әуел бастан әлсіз, ақауға толы, сондықтан, пайғамбарымыз саллал-лаху әлейхис-салам ұдайы «فَإِذَا عَزَمْتَ فَتَوَكَّلْ عَلَى ٱللَّهِ» (шешім етер болсаңдар, Аллаға тәуекел етіңдер) (құран 03:159) деп айтушы еді, егер сіз бірер іс істемекші болсаңыз, оған еш қорықпастан кірісіп кетіңіз, сонда жеңіске жетесіз.

Айтып өткеніміздей, барлық адамдар емес, бірақ бір бөлім адамдар бар, сіз не істесеңіз де, не айтсаңыз да, олар сізге «бұл ақпады, бұл істемеді» деп айтар, себебі, айтқанымыздай, олар сонау әуел бастан-ақ бұзылған, тіпті олардың амалы бір қадамды басудан бұрын-ақ бұзылып болған, себебі олардың ниеттері бұзылған еді, сондықтан олар не істесе, сол ісі бұзылады, бірақ олар әуел баста тәуекел етіп, «Алла Жәллә Жәләлухудың рұхсатында» және «бисмилла» деп бастаса әрі сабыр етсе, істерінің нәтижесі мәселесіз түрде қамтамасыз етілер еді, әйтпесе, олар «сен айтып едің, мен соны істеп едім, сол үшін қателік сенде» деумен күні өтер, бірақ шындығында қателік олардың өздерінде тұр.

Ешкім өзгелердің іс-амалдарын бақылап отырмайды, олар бар болғаны ақылын айтып, жол көрсетеді, ал сіз сол жолға ерсеңіз, бұл сізге қайырлы болмақ, әрине, жолда мәлім кедергілер кездеседі, онда жеңілдіктер де бар, бірақ ол тым жеңіл бола бермейді, егер істің барлығы оңай болса, барлығы сол ұқсас жолға түсіп, тартып отырар еді ғой, қазіргі кездегі адамдар осындай топтағылар болды, олар үкімет-билікке, өзгер адамдарға айғайлап, кіжініп жатады, ештеңені де ұнатпайды, ал ештеңені ұнатпайтын адамдар ұтылады, сондықтан «يَسِّرُوا ولا تُعَسِّرُوا» (оңай етіңдер, оларды ауырластырмаңдар) делінер, жеңіл етіп, қайыр-жақсылық сұраңыздар, сонда жақсылыққа жететін боласыздар, егер қайыр-жақсылық сұрамасаңыз, сынаққа ұшырап, қылған істеріңіз арнасымен аға алмайтын болады.

Бұл кеңес барлығымыз үшін-дүр, егер біреу арқалаған ісіне өзгелерді кінәлайтын болса, ол ешқашан табысқа жетпейді, адамдар жығылар, қайта тұрар, одан жүрер, сөйтіп көтерілер, егер олар іс қылмай біреулердің келіп, өздерін көтеруін күтіп отырса, олар сол отырған орнында қалатын болады, оларға ешкім жәрдем бермейді, Алла Жәллә Жәләлуху адамдарға жәрдемші болғай, бұл кеңес дүниелік өмірге арналған, ол барлығына үйлеседі, демек, өзіңізден басқа ешкімнен көмек күтпеңіз, дәме етпеңіз.

Әрбір адам өзі нәпсісімен қарбалас жүр, Алла Әззә уә-Жәллә құранда «وَلَا تَزِرُ وَازِرَةٌ وِزْرَ أُخْرَىٰ» (біреулер келіп, басқа өзге біреулердің ауырытпашылықтарын көтермейді) (құран 35:18) дейді, демек, біреу тағы біреулердің жапа-машақатымен күнәларын арқаламайды, Алла Әззә уә-Жәллә адамдарды жаратты әрі Алла Әззә уә-Жәллә олардың не істеулері керектігін теңшеп, үйлестіріп қойған, оларға осы өз жолдарының ағынымен іс қылу жеңіл келеді, олар өзге адамдардан ешқашан бірдеңе күтпеуі керек, күтетінін Алла Жәллә Жәләлухудан күтсін, істерінің жақсы жүрулері үшін, олар Алла Жәллә Жәләлухудан көмек сұрауы керек.

Айтып өткеніміздей, сондай бір топтағы адамдар болады, егер сіз оларға кездесіп қалсаңыз, оларға сөйлеудің де керек жоқ, себебі сіз оларға не айтсаңыз да, не көрсетсеңіз де, олар оны ұнатпайды, олар «біз істеп көргенбіз, болмайды екен, нәтиже жоқ» дейді, олар сіздің уақытыңызды бостан-босқа кетіреді әрі басыңызды бостан-босқа ауыртады. Алла Жәллә Жәләлуху бізді панасына алғай, Алла Жәллә Жәләлуху әрбір жанға жақсылықтан табыс еншілегей, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw



سۇحبات: وزىڭنەن باسقا ەشكىمنەن كومەك كۇتپە (2023.07.12، 24 زۇل-حيجا 1444)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

«ءىستى وڭاي ەتىڭدەر، ولاردى اۋىر ەتپەڭدەر، ادامدارعا جاقسى ءشۇيىنشىلى حابار بەرىڭدەر، ولار قاشىرىپ جىبەرمەڭدەر» دەيدى پايعامبارىمىز ساللال-لاحۋ الەيحيس-سالام، ءاربىر امالدى «جاقسى» دەپ ءبىلىڭىز، دەمەك، ءبىز ىستەگەن بارلىق ىستەرىمىزدى اللا ءاززا ءۋا-ءجاللادان بەرىلگەن بەرەكەدەي ءبىلۋىمىز كەرەك، سوندا ءىس-امالدارىمىز بەرەكەگە تولىپ، بارلىعى توسالعىسىز جۇرەتىن بولادى، ءبىراق ەگەر ءسىز «ءاربىر ءىس قيىن، ول وڭاي ەمەس» دەپ وزگەلەردەن كومەك سۇراي بەرەتىن بولساڭىز، وندا ءسىز ءۇشىن بارلىق ءىس قيىن بولا بەرمەك، اللا ءجاللا ءجالالۋحۋ سىزگە كۇش-قۋات، قۇت-بەرەكە جانە اقىل-سانا بەردى، ءار ادام وزىندە بار قابىلەت مۇمكىندىكتەرى ارقىلى ءومىر ءسۇرىپ، جان باعا الادى، اللا ءجاللا ءجالالۋحۋ ءاربىر ادامعا ءمالىم ونەرمەن قابىلەت بەرگەن، ەگەر ءسىز وسىنى وزىڭىزبەن ساقتاي بىلسەڭىز ءارى وزگە ادامدارمەن شىعىسىمدى بولىپ، جاقسى جۇرسەڭىز، ءسىزدىڭ ءومىرىڭىز ءجايلى ءومىر بولماق، جاقسى ءومىر سۇرەسىز، الايدا ءسىز ەشتەڭەنى ۇناتپاي باسقا ادامدارمەن شىعىسا بىلمەسەڭىز، وندا بۇل ءسىزدىڭ ءوز قاتەلىگىڭىز بولماق.

كەيبىر ادامدار بار، ءسىز نە ىستەسەڭىز دە، ولار ونان كەمشىلىكتەر تاۋىپ الادى، ال ءسىز ولارعا «مىنانى ىستە» دەسەڭىز، ولار «بۇل بولمايدى ەكەن، ول بۇنداي، ول سونداي» دەيدى، وعان «ەلدىڭ بارلىعى ىستەپ جاتىر ەمەسپە» دەسەڭىز، ولار ىستەر، ءبىراق ىستەسە دە، ولار ودان ناتيجە شىعارا المايدى، سۇرىنەدى، ونان سوڭ «وندا مۇنى ىستەپ كور» دەسەڭىز، ولار بۇل ىستەن دە مىڭداعان ماسەلە تاۋىپ، ول دا اقپايدى، ولارعا «وندا نە قالاساڭ، سونى ىستە» دەسەڭىز، ولار سول شارۋالاردى دا ىستەي المايدى، ونان سوڭ ولار اينالىپ كەلىپ، بۇنىسىنا وزگەلەردى كىنالاپ ايىپتايدى، ولار سىزگە «سەن "وسىلاي ىستە" دەپ ەدىڭ، ءبىراق ودان تۇك شىقپادى» دەيتىن بولادى، ال شىندىعىندا ولار وزدەرى تۇك بىتىرمەگەن ەدى.

ولار ءاربىر ىستە تەك كەمشىلىكپەن قاتەلىك ىزدەيدى دە، بارلىق ءىسى اقپاي، ءساتسىز بولادى، قاتەلىككە تۇسەدى، نە ءۇشىن؟ سەبەبى ولاردىڭ نيەتى نەمەسە ويى سوناۋ اۋەل باستان ءالسىز، اقاۋعا تولى، سوندىقتان، پايعامبارىمىز ساللال-لاحۋ الەيحيس-سالام ۇدايى «فَإِذَا عَزَمْتَ فَتَوَكَّلْ عَلَى ٱللَّهِ» (شەشىم ەتەر بولساڭدار، اللاعا تاۋەكەل ەتىڭدەر) (قۇران 03:159) دەپ ايتۋشى ەدى، ەگەر ءسىز بىرەر ءىس ىستەمەكشى بولساڭىز، وعان ەش قورىقپاستان كىرىسىپ كەتىڭىز، سوندا جەڭىسكە جەتەسىز.

ايتىپ وتكەنىمىزدەي، بارلىق ادامدار ەمەس، ءبىراق ءبىر ءبولىم ادامدار بار، ءسىز نە ىستەسەڭىز دە، نە ايتساڭىز دا، ولار سىزگە «بۇل اقپادى، بۇل ىستەمەدى» دەپ ايتار، سەبەبى، ايتقانىمىزداي، ولار سوناۋ اۋەل باستان-اق بۇزىلعان، ءتىپتى ولاردىڭ امالى ءبىر قادامدى باسۋدان بۇرىن-اق بۇزىلىپ بولعان، سەبەبى ولاردىڭ نيەتتەرى بۇزىلعان ەدى، سوندىقتان ولار نە ىستەسە، سول ءىسى بۇزىلادى، ءبىراق ولار اۋەل باستا تاۋەكەل ەتىپ، «اللا ءجاللا ءجالالۋحۋدىڭ رۇحساتىندا» جانە «بيسميللا» دەپ باستاسا ءارى سابىر ەتسە، ىستەرىنىڭ ناتيجەسى ماسەلەسىز تۇردە قامتاماسىز ەتىلەر ەدى، ايتپەسە، ولار «سەن ايتىپ ەدىڭ، مەن سونى ىستەپ ەدىم، سول ءۇشىن قاتەلىك سەندە» دەۋمەن كۇنى وتەر، ءبىراق شىندىعىندا قاتەلىك ولاردىڭ وزدەرىندە تۇر.

ەشكىم وزگەلەردىڭ ءىس-امالدارىن باقىلاپ وتىرمايدى، ولار بار بولعانى اقىلىن ايتىپ، جول كورسەتەدى، ال ءسىز سول جولعا ەرسەڭىز، بۇل سىزگە قايىرلى بولماق، ارينە، جولدا ءمالىم كەدەرگىلەر كەزدەسەدى، وندا جەڭىلدىكتەر دە بار، ءبىراق ول تىم جەڭىل بولا بەرمەيدى، ەگەر ءىستىڭ بارلىعى وڭاي بولسا، بارلىعى سول ۇقساس جولعا ءتۇسىپ، تارتىپ وتىرار ەدى عوي، قازىرگى كەزدەگى ادامدار وسىنداي توپتاعىلار بولدى، ولار ۇكىمەت-بيلىككە، وزگەر ادامدارعا ايعايلاپ، كىجىنىپ جاتادى، ەشتەڭەنى دە ۇناتپايدى، ال ەشتەڭەنى ۇناتپايتىن ادامدار ۇتىلادى، سوندىقتان «يَسِّرُوا ولا تُعَسِّرُوا» (وڭاي ەتىڭدەر، ولاردى اۋىرلاستىرماڭدار) دەلىنەر، جەڭىل ەتىپ، قايىر-جاقسىلىق سۇراڭىزدار، سوندا جاقسىلىققا جەتەتىن بولاسىزدار، ەگەر قايىر-جاقسىلىق سۇراماساڭىز، سىناققا ۇشىراپ، قىلعان ىستەرىڭىز ارناسىمەن اعا المايتىن بولادى.

بۇل كەڭەس بارلىعىمىز ءۇشىن-ءدۇر، ەگەر بىرەۋ ارقالاعان ىسىنە وزگەلەردى كىنالايتىن بولسا، ول ەشقاشان تابىسقا جەتپەيدى، ادامدار جىعىلار، قايتا تۇرار، ودان جۇرەر، ءسويتىپ كوتەرىلەر، ەگەر ولار ءىس قىلماي بىرەۋلەردىڭ كەلىپ، وزدەرىن كوتەرۋىن كۇتىپ وتىرسا، ولار سول وتىرعان ورنىندا قالاتىن بولادى، ولارعا ەشكىم جاردەم بەرمەيدى، اللا ءجاللا ءجالالۋحۋ ادامدارعا جاردەمشى بولعاي، بۇل كەڭەس دۇنيەلىك ومىرگە ارنالعان، ول بارلىعىنا ۇيلەسەدى، دەمەك، وزىڭىزدەن باسقا ەشكىمنەن كومەك كۇتپەڭىز، دامە ەتپەڭىز.

ءاربىر ادام ءوزى ناپسىسىمەن قاربالاس ءجۇر، اللا ءاززا ءۋا-ءجاللا قۇراندا «وَلَا تَزِرُ وَازِرَةٌ وِزْرَ أُخْرَىٰ» (بىرەۋلەر كەلىپ، باسقا وزگە بىرەۋلەردىڭ اۋىرىتپاشىلىقتارىن كوتەرمەيدى) (قۇران 35:18) دەيدى، دەمەك، بىرەۋ تاعى بىرەۋلەردىڭ جاپا-ماشاقاتىمەن كۇنالارىن ارقالامايدى، اللا ءاززا ءۋا-ءجاللا ادامداردى جاراتتى ءارى اللا ءاززا ءۋا-ءجاللا ولاردىڭ نە ىستەۋلەرى كەرەكتىگىن تەڭشەپ، ۇيلەستىرىپ قويعان، ولارعا وسى ءوز جولدارىنىڭ اعىنىمەن ءىس قىلۋ جەڭىل كەلەدى، ولار وزگە ادامداردان ەشقاشان بىردەڭە كۇتپەۋى كەرەك، كۇتەتىنىن اللا ءجاللا ءجالالۋحۋدان كۇتسىن، ىستەرىنىڭ جاقسى جۇرۋلەرى ءۇشىن، ولار اللا ءجاللا ءجالالۋحۋدان كومەك سۇراۋى كەرەك.

ايتىپ وتكەنىمىزدەي، سونداي ءبىر توپتاعى ادامدار بولادى، ەگەر ءسىز ولارعا كەزدەسىپ قالساڭىز، ولارعا سويلەۋدىڭ دە كەرەك جوق، سەبەبى ءسىز ولارعا نە ايتساڭىز دا، نە كورسەتسەڭىز دە، ولار ونى ۇناتپايدى، ولار «ءبىز ىستەپ كورگەنبىز، بولمايدى ەكەن، ناتيجە جوق» دەيدى، ولار ءسىزدىڭ ۋاقىتىڭىزدى بوستان-بوسقا كەتىرەدى ءارى باسىڭىزدى بوستان-بوسقا اۋىرتادى. اللا ءجاللا ءجالالۋحۋ ءبىزدى پاناسىنا العاي، اللا ءجاللا ءجالالۋحۋ ءاربىر جانعا جاقسىلىقتان تابىس ەنشىلەگەي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6974