Мазмұнды Көшіру

https://www.nvrislam.net/index.php?j=kz&post=6862
Сұхбат: нағыз пірден білім ал (2023.06.04, 15 Зұл-Қада 1444)
Канада, Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Шүкірилилла, әлхамдулилла, біз өзіміздің жерден тым алыс құрлықта жатқан осы мемлекетке (канадаға) сапар еткізген Алла Әззә уә-Жәлләға рахметімізді айтамыз, Оның әдемі жаралған осыбір жерлерді біздің көруімізге нәсіп еткеніне рахмет айтамыз, Алла Жәллә Жәләлухудың жаратқанының барлығы әдемі, бірақ Ол кей жерге одан аз берсе, кей жерге көп береді, ал бұл Оның хикіметінен-дүр, дей тұрғанымен, кеше айтып өткеніміздей, біздің бұл дүниедегі өміріміз уақытша өмір ғана, сондықтан, сіз Алла Жәллә Жәләлухудың сізге бергеніне рахмет айтыңыз, біз әрдайым Алла Жәллә Жәләлухуға шүкір етелік.

Әрине, ол жерден бұл жерге, ана мемлекеттен мына мемлекетке алып келу Алла Жәллә Жәләлухудың қалауы-дүр, егер сіздің риздығыңыз осында болса, сіздің бұнда боларыңыз сөзсіз, оны өз еліңізден ала алмайсыз, сондықтан, сіз әр уақыт Алла Жәллә Жәләлухуға шүкірлік айтыңыз, көп сауап сұраңыз, бұл дүниеде нәпсіңізден және өзгеден алданып қалудан сақтануыңыз үшін көптеп дұға етіңіз, соны сұраңыз, Алла Жәллә Жәләлухудан пана-қорған тілеу аса маңызды.

Біз өмір сүріп жатырмыз, бірақ әрбір басқан қадам астымызда тұзақ құрылған, демек, сіз алда не боларын білмейсіз, сіз «бір сағаттан соң, бәлен іс істеймін» дей алмайсыз, сіз оны білмейсіз, демек, біз дәл қазіргі көз алдағы уақыт сәтінде өмір сүріп жатырмыз, бізде «келер шақ, өткен шақ және дәл қазіргі шақ» бар, осы үшеуі бар. Сәйдина Жалалудин Руми хазірет айтқандай кешеміз өтіп кетті, бүгін біз бұндамыз, ертеңді білмедік. Сіз өміріңіздегі әрбір миноттың ішінде өмір сүре біліңіз, Алла Жәллә Жәләлухуға шүкірлік етіңіз әрі сізді мәңгілік бақытсыздыққа қалдыратын істерді істеп қоюдан сақтаныңыз, бұл шаруалар аса маңызды.

Сіз ештеңе білмейсіз, ешкім де білмес, ғалымдар, ғұламалар немесе басқалар болсын, олардан ешкім ертең не болатынын айта алмайды, әрине, олар «бір милион жылдан соң, бір милиярт жылдан соң анау болады, мынау болады» деп айта береді, бірақ онда да ешбір нақтылық жоқ, олар милион жылдан соң не боларын айтқысы келеді, бірақ алдағы бір сағаттан соң не боларын да білмейді, мүмкін, бір сағаттан соң олар бұл дүниеде өздері болмай қалатын шығар.

Ең маңызды іс дегеніміз өзімізді тани білуіміз болмақ, біз кімбіз? біз Алла Әззә уә-Жәлләның қолындамыз, міне бұл сіз білуге тиісті іс-дүр, «مَنْ عَرَفَ نَفْسَهُ فَقَدْ عَرَفَ رَبَّهُ» (кім өзін білсе, Раббысын да біледі) дейді Сәйдина Мухиди ибн әл-Араби әулие, кім өзін таныса, Раббысын да танымақ, бірақ кейде бұны түсіну тым қиын келеді, кейбір адамдар «ол кез раббың Алла Әззә уә-Жәлләны білген кезде болады» деп ойлайды, бұл сөздің мәнісі «сіз өзіңіздің ештеңе емес екендігіңізді білгенде ғана Раббыңыз Алла Әззә уә-Жәлләны танисыз» деген сөз, бұл маңызды түйін, біз бұны сөзсіз білуіміз керек, ол сөзде «Алла Жәллә Жәләлуху қандай, Ол қалай?» деген мән жоқ, жоқ, бұл білім емес, сіз бұған жете алмайсыз, бұлар олардың айтқаны емес-дүр, алайда бұның мағынасы сіз өзіңіздің Оның құлы екендігіңізді шынайы танып, Ол сіздің ұлық Раббыңыз екендігін түсінуіңіз болмақ, міне Мұхиди ибн әл-Араби хазіреттің сөзінің мағынасы осы.

Сәйдина ибн әл-Араби аса алып шайық, жұрт оны «шайықұл әкбар, ұлы шайық» деп атаған, ол ғұлама әрі сопы болған, ал көптеген адамдар қазір оның сөзін басқа бір қырынан түсініп жүр, себебі оның сөздерін түсіну оңай емес, егер сіз оны түсіне алмасаңыз, сіз ұқсас бағытта жүре алмайсыз, сіз төтесінен немесе мүлдем кері бағытта кетуіңіз мүмкін, көптеген жұрт оның кітаптарын алады, оқиды, бірақ сіз не оқып жатқандығыңызды түсінуіңіз керек, оны түсінетін нағыз кісіден сұрауыңыз керек, себебі оны мың немесе он-мың адамның ішінен аз ғана адам түсінуі мүмкін, ал қалған 99% адамдар оны мүлдем түсінбейді.

Сондықтан, біз Алла Әззә уә-Жәлләдан өзінің илаһи құзіретінен білім беріп, бізді қолдауын сұраймыз, сіз екі ауыз сөзді түсінетін шығарсыз, бірақ ең жақсысы әулиенің немесе ахлу-Аллаһ яғни ұлық пірдің бүкіл кітабын оқығаныңыз абзал. Тіпті, көптеген адамдар Мәуләнә Шайық Назым немесе Мәуләнә Шайық Абдулла әд-Дағистани хазіреттің алдында отырса да, олар бұл шайықтардың сұхбатынан, сабақтарынан ештеңе түсіне алмайды, олар «түсініп жатыр», бірақ айтып өткеніміздей, олардың түсінігі бейне жұрттың Мұхиди ибн әл-Араби сөздерін «түсінгеніне» ұқсайды, демек, олар кері бағытқа кетіп, теріс түсінеді, олар кері бағытқа болмаса да басқа бағытқа кетіп қалған, бұл да дұрыс емес.

Сондықтан, «Мәуләнә Шайық Назым хазіретті естімей, тек Шәуләнә Шайық Абдулла әд-Дағыстани хазіретті ғана еститіндерды керемет біреу, әулие, керемет шайық» деп ойлап қалмаңыз, жоқ, бұл ойда болмаңыз, бұл да сіздің нәпсіңізден келген бір қулық, бір шырға, ал ол сіздің үлкен әулиелерден алған құт-берекеңізді жоқ қылып жібергісі келеді. Алла Жәллә Жәләлуху сізді Мәуләнә Шайық Назым хазіретке құлақ асатын жан еткендігі үшін, сіз Алла Жәллә Жәләлухуға шүкірлік айтуыңыз керек, себебі Мәуләнә Шайық Назым ұлық шайығымыз Шайық Абдулла әд-Дағыстани хазіретті нағыз түсінетін кісі-дүр, ал басқалар сөйлесе, оны жөндеп түсіндіре алмай, жұртты алжастырады да, оларды ақиқаттан қашырып жібереді, себебі адамдар ненің шәриғат, ненің тәриқат екендігі жәйлі азды-көпті ғана біледі, ал бұларды түсінбейтін адам сайрап сөйлей бастағанда, ол жақсылыққа апармайды, қайта жамандық болып тиеді.

Бұнда осыған қатысты бір ғибырат әңгіме бар, бірде Бағдат қаласындағы бір үлкен ғұлама Бағдаттағы бір өзеннен өтпек болады, ол кезде өзенде көпір жоқ болып, жұрт кішкене қайық арқылы өзеннен өтетін еді, сонымен ғұлама қайыққа отырады, ол өзін тым жоғары санайтын тәкаппар кісі болатын, ол (қайықшыға) қарап «ол ештеңе білмейді, ол - су надан» деп ойлайды, ол одан (қайықшыдан) ана-мына сұрақтарды сұрай береді, ал оны қарсы жағаға алып бара жатқан кісі «мен білмеймін» деп жауап береді, ол ескек есіп бара жатқан қайықшы еді. Біраз уақыттан соң жел соға бастайды, өзен тым үлкен өзен еді, жел барған сайын үдеп, олар отырған қайық тербеле береді, тіпті ол суға бата бастайды, ал қайықты ескен кедей қайықшы ғұламаға «сіз суда малтауды білесіз бе?» дейді, ғұлама «жоқ» дер, қайықшы оған «онда сіздің бар өміріңіз біткелі жатыр» дейді, қайықшы тағы да «шала дохтыр өміріңді бітіреді, шала ғұлама жәханнамға жібереді» дейді.

Сондықтан, біз сақ болуымыз керек, бұл өте маңызды, демек, біз елден естіген немесе ел айтқан нәрселерді бірден қабыл ете бермеуіміз керек, бірақ алатынды нағыз адам, нағыз пірден алуымыз керек, әлхамдулилла, Мәуләнә Шайық Назым хазіреттің кітаптарымен бейне-баяндары әр жерде бар, көптеген адамдар ештеңеге қызықпаушы еді, бірақ қазір олар машиналарын (компютер тб.) алып, оны (Мәуләнәның) көруде әрі олар «ол қандай ұлы кісі еді!» деп жатыр, Мәуләнә тек жақсылықпен игіліктің ісін айтып жатыр, ол ешқашан «бұл менен» деп айтқан жоқ, ол әр жолы « бұл Мәуләнә Шайық Абдулла хазіреттен, бұл Мәуләнә Шайық Абдулла хазіреттен» дейді, бірақ басқа көптеген адамдар бар, олар «мен онда болдым, мен бұндай, мен мынадай» деп жатады, алайда кейін не болды? жақсы болмады, келеңсіз істер туылды.

Тәриқаттағылар үшін «бұл менің ойым, ол менің идеям» деп, нәпсісіне ерудей жағдай болмауы керек, сіз нәпсіңізді талқандауыңыз керек, кішпейіл болуыңыз керек, әлхамдулилла, біз көптеген үлкен-ұлық ғұламаларды көрдік, олар Мәуләнә Шайық Назым хазіреттің алдына келгенде кішпейілдік етіп, оны қабыл қылды, олар кімнің Алла Жәллә Жәләлухудан білім берілген нағыз білімді нағыз адам екендігін біледі, олар Аулия-Аллаһты (әулиелерді), ғұламаларды қабыл етеді, өздеріне (нәпсілеріне) ештеңе қалдырмады, міне бұл әулиелердің, машайықтардың үйреткендері, себебі олар нағыз өмір сүріп жүргендер, сұхбаттың басында айтып өткеніміздей, олар дәл қазіргі уақытында, сол ұқсас сәтте өмір сүретіндер, олар кейін не боларын жоспарламайды, оларда «егер мені бұны айтсам, жұрт маған риза болмай қалар, оқушыларым азайып кетер, бірдеңем жоғалар» деген ой болмайды, бұндай болуы мүмкін емес, бұл жоқ-дүр, олар бұны біледі, қабыл етеді, себебі олар өздерін бұл дүние үшін емес, бірақ ақирет үшін арнаған жандар, сіздің ниетіңіз жақсылық үшін болуы керек, сонымен бірге оны кей-кезде амалмен де істеуіңіз керек, көп жағдайда сіздің ниетіңіз жақсы іс істеу үшін болар, бірақ оны істей алмай қаласыз, ал оны істей алатын болсаңыз, «бірдеңем жоғалып қаларма екен» деп алаң қылмастан осы істеп тастауыңыз керек, егер сіз бәлендей ойға берілсеңіз, барлығын жоғалтып алатын боласыз, демек, барыңыздан айырыласыз.

Міне бұл біздің сопылық тәриқат, біздің жол, Тәриқат Нақышбандия, барлық 40 сопылық тәриқат кішпейілділікті үйретер, ал тәриқаттан тыс жатқандар тәкаппар келеді де, «мен анау, мен мынау, мен доктор, мен профессор, мен - ол, мен - бұл» дейді, бірақ бұндай нәрселер біздің тәриқаттан емес. Мәуләнә Шайық Назым хазірет «мен доктормын» дейтін кісілерді қызықтап, күлдіруші еді, бір кісі келіп Мәуләнәға «мен шәриғат докторымын» дейді, Мәуләнә жеңін түріп, «қане, маған қара, менің тамыр соғуыма қарап көрші» дейді (мәуләнә күлді), ол «жо, жоқ, мен бұндай дохтыр емеспін» дер, Мәуләнә «ох, распа? онда шәриғат дохтырының пайдасы не? сендер адамдарға, шәриғатқа медитсина, дәрі-дәрмек бересіңдер ме» дейтін еді. Кейде шайтан адамдарды олардың өзіне білдірместен сайқы-мазақ қылады, бірақ олар бұнысын жақсы бірдеңе істеп жатқандай көреді, сіз доктор болсаңыз, докторсыз, көп сөз айтпаңыз (оған бола өзіңізді жоғары санамаңыз), кішпейіл бола біліңіз, егер сіз осыны білсеңіз, Алла Жәллә Жәләлуху сізді көтеріп, биіктететін болады, «مَنْ تَوَاضَعَ لله رَفَعَه» (Алла үшін кішпейіл болғанды, Алла Өзі көтереді) делінер, алайда, сіз өзіңізді өзіңіз көтермекші болып тыраштанар болсаңыз, Алла Жәллә Жәләлуху сізді төмендететін болады, Алла Жәллә Жәләлуху бізді өз нәпсімізден қорғағай, иншалла.

Әлхамдулилла, біз үш аптадан бері бұнда (канада) жүрміз, Алла Жәллә Жәләлуху бұл елге нағыз әдемі дүниелерін беріпті, барлығын берген, бірақ адамдар осыған шүкірлік етіп, Алла Әззә уә-Жәлләны ұмытпауы және Оған қарсы келмеуі керек, бұл да сынақ, Алла Жәллә Жәләлуху кейде жақсы нәрсемен, кейде жаман нәрсемен сынайды. Алайда бұның барлығын бізге Алла Жәллә Жәләлуху берген, біз Оған шүкір айтуымыз керек, міне бұл Алла Жәллә Жәләлухудың бізден қалайтыны, әйтпесе, «لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِى لَشَدِيدٌ» (егер шүкіршіл болсаңдар арттыра беремін, бірақ қарсы келсеңдер, расында, менің азабым ауыр) (құран 14:07) делінеді, демек, Ол «егер шүкірсіз болып, Маған қарсы келсеңдер, бақытты бола алмайсыңдар, үлкен бәлеге тап боласыңдар» дейді. Сіздің сыртыңыз бүтін болып, бүкіл барлығы бар болса да, Алла Жәллә Жәләлуху сізді іш жағыңыздан күйдіре береді, сіз жәнәтта жүрерсіз, бірақ ішіңізден күйіп еш бақытты сезіне алмайтын боласыз, еш қуаныштың дәмін сезіне алмайсыз, ал керісінше болса Сәйдина Ибырахим әлейхис-салам сияқты күйде болмақсыз, демек, ол өрттің ортасында отырды, бірақ ол оған жәннәт сияқты болды.

Адам балалары үшін де осылай, ер-әйел барлық адам бұл дүниеден аттанып кеткенге дейін осылай өтпек, бұл ара мәңгілік тұрағыңыз емес, біз тек қана жолаушымыз, пайғамбарымыз саллал-лаху әлейхис-салам «жолаушылар» дейді, машалла, көріп жүрміз, әр жолы біз сапар намаз оқимыз, себебі біз ханафи мәзхабындамыз, біз 15 күш сапар намаз оқуымыз керек, 15 күннен соң біз төрт ракат оқуымызға болады, бірақ әдетте біз екі ракат парыз орындаймыз, бұнда жаңа мұсылман болған кісілерді немесе бұны онша түсіне бермейтін адамдарды көрдім, олар бізбен бірге екі ракат намаз оқып, сәлем шығарып жатыр, сонан біз осылай намаз оқыған бір бауырдан «сен жолаушы емессің ғой» дедік, ол «жоқ, жоқ, мен де жолаушымын, біз ақиретке жолаушылап бара жатырмыз емеспе!» деді (қалжыңдады, мәуләнә күлді).

Алла Жәллә Жәләлуху баршамызға жәрдем бергей, бұндағы барлығыңызға рахмет, біздің адамдар, демек, біздер сіздерді шаршаттық, әр уақытта 24 сағат қызмет қылып жатсыздар, иншалла, бұл Алла Жәллә Жәләлуху үшін-дүр, Алла Жәллә Жәләлуху оларға мол сауап бергей, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw


سۇحبات: ناعىز پىردەن ءبىلىم ال (2023.06.04، 15 زۇل-قادا 1444)
كانادا، يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

شۇكىريليللا، ءالحامدۋليللا، ءبىز ءوزىمىزدىڭ جەردەن تىم الىس قۇرلىقتا جاتقان وسى مەملەكەتكە (كاناداعا) ساپار ەتكىزگەن اللا ءاززا ءۋا-ءجاللاعا راحمەتىمىزدى ايتامىز، ونىڭ ادەمى جارالعان ءوسىبىر جەرلەردى ءبىزدىڭ كورۋىمىزگە ءناسىپ ەتكەنىنە راحمەت ايتامىز، اللا ءجاللا ءجالالۋحۋدىڭ جاراتقانىنىڭ بارلىعى ادەمى، ءبىراق ول كەي جەرگە ودان از بەرسە، كەي جەرگە كوپ بەرەدى، ال بۇل ونىڭ حيكىمەتىنەن-ءدۇر، دەي تۇرعانىمەن، كەشە ايتىپ وتكەنىمىزدەي، ءبىزدىڭ بۇل دۇنيەدەگى ءومىرىمىز ۋاقىتشا ءومىر عانا، سوندىقتان، ءسىز اللا ءجاللا ءجالالۋحۋدىڭ سىزگە بەرگەنىنە راحمەت ايتىڭىز، ءبىز ءاردايىم اللا ءجاللا ءجالالۋحۋعا شۇكىر ەتەلىك.

ارينە، ول جەردەن بۇل جەرگە، انا مەملەكەتتەن مىنا مەملەكەتكە الىپ كەلۋ اللا ءجاللا ءجالالۋحۋدىڭ قالاۋى-ءدۇر، ەگەر ءسىزدىڭ ريزدىعىڭىز وسىندا بولسا، ءسىزدىڭ بۇندا بولارىڭىز ءسوزسىز، ونى ءوز ەلىڭىزدەن الا المايسىز، سوندىقتان، ءسىز ءار ۋاقىت اللا ءجاللا ءجالالۋحۋعا شۇكىرلىك ايتىڭىز، كوپ ساۋاپ سۇراڭىز، بۇل دۇنيەدە ناپسىڭىزدەن جانە وزگەدەن الدانىپ قالۋدان ساقتانۋىڭىز ءۇشىن كوپتەپ دۇعا ەتىڭىز، سونى سۇراڭىز، اللا ءجاللا ءجالالۋحۋدان پانا-قورعان تىلەۋ اسا ماڭىزدى.

ءبىز ءومىر ءسۇرىپ جاتىرمىز، ءبىراق ءاربىر باسقان قادام استىمىزدا تۇزاق قۇرىلعان، دەمەك، ءسىز الدا نە بولارىن بىلمەيسىز، ءسىز «ءبىر ساعاتتان سوڭ، بالەن ءىس ىستەيمىن» دەي المايسىز، ءسىز ونى بىلمەيسىز، دەمەك، ءبىز ءدال قازىرگى كوز الداعى ۋاقىت ساتىندە ءومىر ءسۇرىپ جاتىرمىز، بىزدە «كەلەر شاق، وتكەن شاق جانە ءدال قازىرگى شاق» بار، وسى ۇشەۋى بار. ءسايدينا جالالۋدين رۋمي حازىرەت ايتقانداي كەشەمىز ءوتىپ كەتتى، بۇگىن ءبىز بۇندامىز، ەرتەڭدى بىلمەدىك. ءسىز ومىرىڭىزدەگى ءاربىر مينوتتىڭ ىشىندە ءومىر سۇرە ءبىلىڭىز، اللا ءجاللا ءجالالۋحۋعا شۇكىرلىك ەتىڭىز ءارى ءسىزدى ماڭگىلىك باقىتسىزدىققا قالدىراتىن ىستەردى ىستەپ قويۋدان ساقتانىڭىز، بۇل شارۋالار اسا ماڭىزدى.

ءسىز ەشتەڭە بىلمەيسىز، ەشكىم دە بىلمەس، عالىمدار، عۇلامالار نەمەسە باسقالار بولسىن، ولاردان ەشكىم ەرتەڭ نە بولاتىنىن ايتا المايدى، ارينە، ولار «ءبىر ميليون جىلدان سوڭ، ءبىر ميليارت جىلدان سوڭ اناۋ بولادى، مىناۋ بولادى» دەپ ايتا بەرەدى، ءبىراق وندا دا ەشبىر ناقتىلىق جوق، ولار ميليون جىلدان سوڭ نە بولارىن ايتقىسى كەلەدى، ءبىراق الداعى ءبىر ساعاتتان سوڭ نە بولارىن دا بىلمەيدى، مۇمكىن، ءبىر ساعاتتان سوڭ ولار بۇل دۇنيەدە وزدەرى بولماي قالاتىن شىعار.

ەڭ ماڭىزدى ءىس دەگەنىمىز ءوزىمىزدى تاني ءبىلۋىمىز بولماق، ءبىز كىمبىز؟ ءبىز اللا ءاززا ءۋا-ءجاللانىڭ قولىندامىز، مىنە بۇل ءسىز بىلۋگە ءتيىستى ءىس-ءدۇر، «مَنْ عَرَفَ نَفْسَهُ فَقَدْ عَرَفَ رَبَّهُ» (كىم ءوزىن بىلسە، راببىسىن دا بىلەدى) دەيدى ءسايدينا مۋحيدي يبن ءال-ارابي اۋليە، كىم ءوزىن تانىسا، راببىسىن دا تانىماق، ءبىراق كەيدە بۇنى ءتۇسىنۋ تىم قيىن كەلەدى، كەيبىر ادامدار «ول كەز راببىڭ اللا ءاززا ءۋا-ءجاللانى بىلگەن كەزدە بولادى» دەپ ويلايدى، بۇل ءسوزدىڭ ءمانىسى «ءسىز ءوزىڭىزدىڭ ەشتەڭە ەمەس ەكەندىگىڭىزدى بىلگەندە عانا راببىڭىز اللا ءاززا ءۋا-ءجاللانى تانيسىز» دەگەن ءسوز، بۇل ماڭىزدى ءتۇيىن، ءبىز بۇنى ءسوزسىز ءبىلۋىمىز كەرەك، ول سوزدە «اللا ءجاللا ءجالالۋحۋ قانداي، ول قالاي؟» دەگەن ءمان جوق، جوق، بۇل ءبىلىم ەمەس، ءسىز بۇعان جەتە المايسىز، بۇلار ولاردىڭ ايتقانى ەمەس-ءدۇر، الايدا بۇنىڭ ماعىناسى ءسىز ءوزىڭىزدىڭ ونىڭ قۇلى ەكەندىگىڭىزدى شىنايى تانىپ، ول ءسىزدىڭ ۇلىق راببىڭىز ەكەندىگىن ءتۇسىنۋىڭىز بولماق، مىنە مۇحيدي يبن ءال-ارابي حازىرەتتىڭ ءسوزىنىڭ ماعىناسى وسى.

ءسايدينا يبن ءال-ارابي اسا الىپ شايىق، جۇرت ونى «شايىقۇل اكبار، ۇلى شايىق» دەپ اتاعان، ول عۇلاما ءارى سوپى بولعان، ال كوپتەگەن ادامدار ءقازىر ونىڭ ءسوزىن باسقا ءبىر قىرىنان ءتۇسىنىپ ءجۇر، سەبەبى ونىڭ سوزدەرىن ءتۇسىنۋ وڭاي ەمەس، ەگەر ءسىز ونى تۇسىنە الماساڭىز، ءسىز ۇقساس باعىتتا جۇرە المايسىز، ءسىز توتەسىنەن نەمەسە مۇلدەم كەرى باعىتتا كەتۋىڭىز مۇمكىن، كوپتەگەن جۇرت ونىڭ كىتاپتارىن الادى، وقيدى، ءبىراق ءسىز نە وقىپ جاتقاندىعىڭىزدى ءتۇسىنۋىڭىز كەرەك، ونى تۇسىنەتىن ناعىز كىسىدەن سۇراۋىڭىز كەرەك، سەبەبى ونى مىڭ نەمەسە ون-مىڭ ادامنىڭ ىشىنەن از عانا ادام ءتۇسىنۋى مۇمكىن، ال قالعان 99% ادامدار ونى مۇلدەم تۇسىنبەيدى.

سوندىقتان، ءبىز اللا ءاززا ءۋا-ءجاللادان ءوزىنىڭ يلاھي قۇزىرەتىنەن ءبىلىم بەرىپ، ءبىزدى قولداۋىن سۇرايمىز، ءسىز ەكى اۋىز ءسوزدى تۇسىنەتىن شىعارسىز، ءبىراق ەڭ جاقسىسى اۋليەنىڭ نەمەسە احلۋ-اللاھ ياعني ۇلىق ءپىردىڭ بۇكىل كىتابىن وقىعانىڭىز ابزال. ءتىپتى، كوپتەگەن ادامدار ءماۋلانا شايىق نازىم نەمەسە ءماۋلانا شايىق ابدۋللا ءاد-داعيستاني حازىرەتتىڭ الدىندا وتىرسا دا، ولار بۇل شايىقتاردىڭ سۇحباتىنان، ساباقتارىنان ەشتەڭە تۇسىنە المايدى، ولار «ءتۇسىنىپ جاتىر»، ءبىراق ايتىپ وتكەنىمىزدەي، ولاردىڭ تۇسىنىگى بەينە جۇرتتىڭ مۇحيدي يبن ءال-ارابي سوزدەرىن «تۇسىنگەنىنە» ۇقسايدى، دەمەك، ولار كەرى باعىتقا كەتىپ، تەرىس تۇسىنەدى، ولار كەرى باعىتقا بولماسا دا باسقا باعىتقا كەتىپ قالعان، بۇل دا دۇرىس ەمەس.

سوندىقتان، «ءماۋلانا شايىق نازىم حازىرەتتى ەستىمەي، تەك ءشاۋلانا شايىق ابدۋللا ءاد-داعىستاني حازىرەتتى عانا ەستيتىندەردى كەرەمەت بىرەۋ، اۋليە، كەرەمەت شايىق» دەپ ويلاپ قالماڭىز، جوق، بۇل ويدا بولماڭىز، بۇل دا ءسىزدىڭ ناپسىڭىزدەن كەلگەن ءبىر قۋلىق، ءبىر شىرعا، ال ول ءسىزدىڭ ۇلكەن اۋليەلەردەن العان قۇت-بەرەكەڭىزدى جوق قىلىپ جىبەرگىسى كەلەدى. اللا ءجاللا ءجالالۋحۋ ءسىزدى ءماۋلانا شايىق نازىم حازىرەتكە قۇلاق اساتىن جان ەتكەندىگى ءۇشىن، ءسىز اللا ءجاللا ءجالالۋحۋعا شۇكىرلىك ايتۋىڭىز كەرەك، سەبەبى ءماۋلانا شايىق نازىم ۇلىق شايىعىمىز شايىق ابدۋللا ءاد-داعىستاني حازىرەتتى ناعىز تۇسىنەتىن كىسى-ءدۇر، ال باسقالار سويلەسە، ونى جوندەپ تۇسىندىرە الماي، جۇرتتى الجاستىرادى دا، ولاردى اقيقاتتان قاشىرىپ جىبەرەدى، سەبەبى ادامدار نەنىڭ ءشاريعات، نەنىڭ ءتاريقات ەكەندىگى ءجايلى ازدى-كوپتى عانا بىلەدى، ال بۇلاردى تۇسىنبەيتىن ادام سايراپ سويلەي باستاعاندا، ول جاقسىلىققا اپارمايدى، قايتا جاماندىق بولىپ تيەدى.

بۇندا وسىعان قاتىستى ءبىر عيبىرات اڭگىمە بار، بىردە باعدات قالاسىنداعى ءبىر ۇلكەن عۇلاما باعداتتاعى ءبىر وزەننەن وتپەك بولادى، ول كەزدە وزەندە كوپىر جوق بولىپ، جۇرت كىشكەنە قايىق ارقىلى وزەننەن وتەتىن ەدى، سونىمەن عۇلاما قايىققا وتىرادى، ول ءوزىن تىم جوعارى سانايتىن تاكاپپار كىسى بولاتىن، ول (قايىقشىعا) قاراپ «ول ەشتەڭە بىلمەيدى، ول - سۋ نادان» دەپ ويلايدى، ول ودان (قايىقشىدان) انا-مىنا سۇراقتاردى سۇراي بەرەدى، ال ونى قارسى جاعاعا الىپ بارا جاتقان كىسى «مەن بىلمەيمىن» دەپ جاۋاپ بەرەدى، ول ەسكەك ەسىپ بارا جاتقان قايىقشى ەدى. ءبىراز ۋاقىتتان سوڭ جەل سوعا باستايدى، وزەن تىم ۇلكەن وزەن ەدى، جەل بارعان سايىن ۇدەپ، ولار وتىرعان قايىق تەربەلە بەرەدى، ءتىپتى ول سۋعا باتا باستايدى، ال قايىقتى ەسكەن كەدەي قايىقشى عۇلاماعا «ءسىز سۋدا مالتاۋدى بىلەسىز بە؟» دەيدى، عۇلاما «جوق» دەر، قايىقشى وعان «وندا ءسىزدىڭ بار ءومىرىڭىز بىتكەلى جاتىر» دەيدى، قايىقشى تاعى دا «شالا دوحتىر ءومىرىڭدى بىتىرەدى، شالا عۇلاما ءجاحاننامعا جىبەرەدى» دەيدى.

سوندىقتان، ءبىز ساق بولۋىمىز كەرەك، بۇل وتە ماڭىزدى، دەمەك، ءبىز ەلدەن ەستىگەن نەمەسە ەل ايتقان نارسەلەردى بىردەن قابىل ەتە بەرمەۋىمىز كەرەك، ءبىراق الاتىندى ناعىز ادام، ناعىز پىردەن الۋىمىز كەرەك، ءالحامدۋليللا، ءماۋلانا شايىق نازىم حازىرەتتىڭ كىتاپتارىمەن بەينە-باياندارى ءار جەردە بار، كوپتەگەن ادامدار ەشتەڭەگە قىزىقپاۋشى ەدى، ءبىراق ءقازىر ولار ماشينالارىن (كومپيۋتەر تب.) الىپ، ونى (ءماۋلانانىڭ) كورۋدە ءارى ولار «ول قانداي ۇلى كىسى ەدى!» دەپ جاتىر، ءماۋلانا تەك جاقسىلىقپەن يگىلىكتىڭ ءىسىن ايتىپ جاتىر، ول ەشقاشان «بۇل مەنەن» دەپ ايتقان جوق، ول ءار جولى « بۇل ءماۋلانا شايىق ابدۋللا حازىرەتتەن، بۇل ءماۋلانا شايىق ابدۋللا حازىرەتتەن» دەيدى، ءبىراق باسقا كوپتەگەن ادامدار بار، ولار «مەن وندا بولدىم، مەن بۇنداي، مەن مىناداي» دەپ جاتادى، الايدا كەيىن نە بولدى؟ جاقسى بولمادى، كەلەڭسىز ىستەر تۋىلدى.

ءتاريقاتتاعىلار ءۇشىن «بۇل مەنىڭ ويىم، ول مەنىڭ يدەيام» دەپ، ناپسىسىنە ەرۋدەي جاعداي بولماۋى كەرەك، ءسىز ءناپسىڭىزدى تالقانداۋىڭىز كەرەك، كىشپەيىل بولۋىڭىز كەرەك، ءالحامدۋليللا، ءبىز كوپتەگەن ۇلكەن-ۇلىق عۇلامالاردى كوردىك، ولار ءماۋلانا شايىق نازىم حازىرەتتىڭ الدىنا كەلگەندە كىشپەيىلدىك ەتىپ، ونى قابىل قىلدى، ولار كىمنىڭ اللا ءجاللا ءجالالۋحۋدان ءبىلىم بەرىلگەن ناعىز ءبىلىمدى ناعىز ادام ەكەندىگىن بىلەدى، ولار اۋليا-اللاھتى (اۋليەلەردى)، عۇلامالاردى قابىل ەتەدى، وزدەرىنە (ناپسىلەرىنە) ەشتەڭە قالدىرمادى، مىنە بۇل اۋليەلەردىڭ، ماشايىقتاردىڭ ۇيرەتكەندەرى، سەبەبى ولار ناعىز ءومىر ءسۇرىپ جۇرگەندەر، سۇحباتتىڭ باسىندا ايتىپ وتكەنىمىزدەي، ولار ءدال قازىرگى ۋاقىتىندا، سول ۇقساس ساتتە ءومىر سۇرەتىندەر، ولار كەيىن نە بولارىن جوسپارلامايدى، ولاردا «ەگەر مەنى بۇنى ايتسام، جۇرت ماعان ريزا بولماي قالار، وقۋشىلارىم ازايىپ كەتەر، بىردەڭەم جوعالار» دەگەن وي بولمايدى، بۇنداي بولۋى مۇمكىن ەمەس، بۇل جوق-ءدۇر، ولار بۇنى بىلەدى، قابىل ەتەدى، سەبەبى ولار وزدەرىن بۇل دۇنيە ءۇشىن ەمەس، ءبىراق اقيرەت ءۇشىن ارناعان جاندار، ءسىزدىڭ نيەتىڭىز جاقسىلىق ءۇشىن بولۋى كەرەك، سونىمەن بىرگە ونى كەي-كەزدە امالمەن دە ىستەۋىڭىز كەرەك، كوپ جاعدايدا ءسىزدىڭ نيەتىڭىز جاقسى ءىس ىستەۋ ءۇشىن بولار، ءبىراق ونى ىستەي الماي قالاسىز، ال ونى ىستەي الاتىن بولساڭىز، «بىردەڭەم جوعالىپ قالارما ەكەن» دەپ الاڭ قىلماستان وسى ىستەپ تاستاۋىڭىز كەرەك، ەگەر ءسىز بالەندەي ويعا بەرىلسەڭىز، بارلىعىن جوعالتىپ الاتىن بولاسىز، دەمەك، بارىڭىزدان ايىرىلاسىز.

مىنە بۇل ءبىزدىڭ سوپىلىق ءتاريقات، ءبىزدىڭ جول، ءتاريقات ناقىشبانديا، بارلىق 40 سوپىلىق ءتاريقات كىشپەيىلدىلىكتى ۇيرەتەر، ال ءتاريقاتتان تىس جاتقاندار تاكاپپار كەلەدى دە، «مەن اناۋ، مەن مىناۋ، مەن دوكتور، مەن پروفەسسور، مەن - ول، مەن - بۇل» دەيدى، ءبىراق بۇنداي نارسەلەر ءبىزدىڭ ءتاريقاتتان ەمەس. ءماۋلانا شايىق نازىم حازىرەت «مەن دوكتورمىن» دەيتىن كىسىلەردى قىزىقتاپ، كۇلدىرۋشى ەدى، ءبىر كىسى كەلىپ ءماۋلاناعا «مەن ءشاريعات دوكتورىمىن» دەيدى، ءماۋلانا جەڭىن ءتۇرىپ، «قانە، ماعان قارا، مەنىڭ تامىر سوعۋىما قاراپ كورشى» دەيدى (ءماۋلانا كۇلدى)، ول «جو، جوق، مەن بۇنداي دوحتىر ەمەسپىن» دەر، ءماۋلانا «وح، راسپا؟ وندا ءشاريعات دوحتىرىنىڭ پايداسى نە؟ سەندەر ادامدارعا، ءشاريعاتقا مەديتسينا، ءدارى-دارمەك بەرەسىڭدەر مە» دەيتىن ەدى. كەيدە شايتان ادامداردى ولاردىڭ وزىنە بىلدىرمەستەن سايقى-مازاق قىلادى، ءبىراق ولار بۇنىسىن جاقسى بىردەڭە ىستەپ جاتقانداي كورەدى، ءسىز دوكتور بولساڭىز، دوكتورسىز، كوپ ءسوز ايتپاڭىز (وعان بولا ءوزىڭىزدى جوعارى ساناماڭىز)، كىشپەيىل بولا ءبىلىڭىز، ەگەر ءسىز وسىنى بىلسەڭىز، اللا ءجاللا ءجالالۋحۋ ءسىزدى كوتەرىپ، بيىكتەتەتىن بولادى، «مَنْ تَوَاضَعَ لله رَفَعَه» (اللا ءۇشىن كىشپەيىل بولعاندى، اللا ءوزى كوتەرەدى) دەلىنەر، الايدا، ءسىز ءوزىڭىزدى ءوزىڭىز كوتەرمەكشى بولىپ تىراشتانار بولساڭىز، اللا ءجاللا ءجالالۋحۋ ءسىزدى تومەندەتەتىن بولادى، اللا ءجاللا ءجالالۋحۋ ءبىزدى ءوز ناپسىمىزدەن قورعاعاي، ينشاللا.

ءالحامدۋليللا، ءبىز ءۇش اپتادان بەرى بۇندا (كانادا) ءجۇرمىز، اللا ءجاللا ءجالالۋحۋ بۇل ەلگە ناعىز ادەمى دۇنيەلەرىن بەرىپتى، بارلىعىن بەرگەن، ءبىراق ادامدار وسىعان شۇكىرلىك ەتىپ، اللا ءاززا ءۋا-ءجاللانى ۇمىتپاۋى جانە وعان قارسى كەلمەۋى كەرەك، بۇل دا سىناق، اللا ءجاللا ءجالالۋحۋ كەيدە جاقسى نارسەمەن، كەيدە جامان نارسەمەن سىنايدى. الايدا بۇنىڭ بارلىعىن بىزگە اللا ءجاللا ءجالالۋحۋ بەرگەن، ءبىز وعان شۇكىر ايتۋىمىز كەرەك، مىنە بۇل اللا ءجاللا ءجالالۋحۋدىڭ بىزدەن قالايتىنى، ايتپەسە، «لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِى لَشَدِيدٌ» (ەگەر شۇكىرشىل بولساڭدار ارتتىرا بەرەمىن، ءبىراق قارسى كەلسەڭدەر، راسىندا، مەنىڭ ازابىم اۋىر) (قۇران 14:07) دەلىنەدى، دەمەك، ول «ەگەر شۇكىرسىز بولىپ، ماعان قارسى كەلسەڭدەر، باقىتتى بولا المايسىڭدار، ۇلكەن بالەگە تاپ بولاسىڭدار» دەيدى. ءسىزدىڭ سىرتىڭىز ءبۇتىن بولىپ، بۇكىل بارلىعى بار بولسا دا، اللا ءجاللا ءجالالۋحۋ ءسىزدى ءىش جاعىڭىزدان كۇيدىرە بەرەدى، ءسىز ءجاناتتا جۇرەرسىز، ءبىراق ىشىڭىزدەن كۇيىپ ەش باقىتتى سەزىنە المايتىن بولاسىز، ەش قۋانىشتىڭ ءدامىن سەزىنە المايسىز، ال كەرىسىنشە بولسا ءسايدينا يبىراحيم الەيحيس-سالام سياقتى كۇيدە بولماقسىز، دەمەك، ول ءورتتىڭ ورتاسىندا وتىردى، ءبىراق ول وعان ءجاننات سياقتى بولدى.

ادام بالالارى ءۇشىن دە وسىلاي، ەر-ايەل بارلىق ادام بۇل دۇنيەدەن اتتانىپ كەتكەنگە دەيىن وسىلاي وتپەك، بۇل ارا ماڭگىلىك تۇراعىڭىز ەمەس، ءبىز تەك قانا جولاۋشىمىز، پايعامبارىمىز ساللال-لاحۋ الەيحيس-سالام «جولاۋشىلار» دەيدى، ماشاللا، كورىپ ءجۇرمىز، ءار جولى ءبىز ساپار ناماز وقيمىز، سەبەبى ءبىز حانافي ءمازحابىندامىز، ءبىز 15 كۇش ساپار ناماز وقۋىمىز كەرەك، 15 كۇننەن سوڭ ءبىز ءتورت راكات وقۋىمىزعا بولادى، ءبىراق ادەتتە ءبىز ەكى راكات پارىز ورىندايمىز، بۇندا جاڭا مۇسىلمان بولعان كىسىلەردى نەمەسە بۇنى ونشا تۇسىنە بەرمەيتىن ادامداردى كوردىم، ولار بىزبەن بىرگە ەكى راكات ناماز وقىپ، سالەم شىعارىپ جاتىر، سونان ءبىز وسىلاي ناماز وقىعان ءبىر باۋىردان «سەن جولاۋشى ەمەسسىڭ عوي» دەدىك، ول «جوق، جوق، مەن دە جولاۋشىمىن، ءبىز اقيرەتكە جولاۋشىلاپ بارا جاتىرمىز ەمەسپە!» دەدى (قالجىڭدادى، ءماۋلانا كۇلدى).

اللا ءجاللا ءجالالۋحۋ بارشامىزعا جاردەم بەرگەي، بۇنداعى بارلىعىڭىزعا راحمەت، ءبىزدىڭ ادامدار، دەمەك، بىزدەر سىزدەردى شارشاتتىق، ءار ۋاقىتتا 24 ساعات قىزمەت قىلىپ جاتسىزدار، ينشاللا، بۇل اللا ءجاللا ءجالالۋحۋ ءۇشىن-ءدۇر، اللا ءجاللا ءجالالۋحۋ ولارعا مول ساۋاپ بەرگەي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6862