Мазмұнды Көшіру

https://www.nvrislam.net/index.php?j=kz&post=6847
Сұхбат: шүкіршіл болуға бір кеңес (2023.05.28, 08 Зұл-Қада 1444)
Канада, Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бисмиллахир рахманир рахим, «لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِى لَشَدِيدٌ» (егер сендер шүкірлік етсеңдер, сендерге арттыра береміз, бірақ қарсы келсеңдер, расында, Менің жазам ауыр) (құран 14:07), садақаллахул ғазим.

Алла Әззә уә-Жәллә бізге «егер сендер Алла Жәллә Жәләлухудың барлық бергеніне шүкіршіл болсаңдар, Алла Жәллә Жәләлуху сендерге тіпті де көп нәрселер беретін болады» деп айтуда, себебі бүкіл барлығы Алла Жәллә Жәләлуху үшін-дүр, біздің алған, қол жеткізген барлық нәрселеріміз Алла Жәллә Жәләлухудан, сіз «мен оны бұл адамнан, ол әйелден, ана-мына мемлекеттен, елден, үкіметтен, одан-бұдан алдым» деп ешқашан ойлаушы болмаңыз, бұның барлығы Алла Әззә уә-Жәлләдан-дүр, бар болғаны Алла Жәллә Жәләлуху оларды осы жолдар арқылы саған жеткізді, демек, Ол оларды осы адамдар арқылы, бұл үкімет, ол кісі, бәлен шайық, оны-бұнымен сізге жеткізді, бірақ барлығы Алла Жәллә Жәләлухудан келген, ал сіз Алла Жәллә Жәләлухуға шүкіршіл болсаңыз, Ол берер нығыметтерін онан арман арттыра бермек, себебі Оның қазынасы шексіз көп, шегі жоқ, Ол барлығын беруші. Жәннәттә ең төмен тұратын адамның бір өзінде осы жер шарындай жәннәт мекені болады, ойлап көріңіз, бұл жәннәттағы ең төмен дәрежеге беріледі, жәннәттағы ең төмен адам дегеніміз тозақта неше милиондаған жылдар бойы жатып шыққан соң жәннәтқа кірген адам, ал осындай адамға осы дүниедей үлкен нәрсе беріледі, сондықтан, Ол әр нәрсе хақында «"бұл таусылады" деп қорықпаңдар» дейді.

Қазір біз осы жершарында өмір сүріп жатырмыз, жерде көптеген нәрселер жоғалып кетті, мыңдаған түрлі-түрлі аңдар, өсімдіктер, балықтар жойылды, адамдар тіпті суды да тауысып жібермекші, бұнда барлығында мәлім шек бар, алайда сіз Алла Жәллә Жәләлухумен бірге болсаңыз әрі Оған шүкірлікте жүрсеңіз, сіздің «таусылып кетеді-ау» деп ойлаған нәрсеңіз барған сайын көбеие бермек.

Сондықтан, біз адамдардың Алла Жәллә Жәләлухуға шүкірлік етулеріне кеңес береміз, әр жолы «шүкір я Алла, шүкір я Раббана, Сіздің бізге бергеніңізге рахмет» деп айтыңыз, міне бұл сопылық тәриқаттың әдебі, исламның әдебі. Тәриқат және ислам ұқсас, еш парқы жоқ, кейбір адамдар «сопылық (суфизм) исламнан тыс нәрсе» деп ойлар, жоқ, сопылық исламның жүрегі. Мәуләнә әрдайым мәлім бір жақсы хабар ести қалса шүкірлік етіп сәжде қылатын, кейде екі ракат шүкір намаз оқитын. Әлхамдулилла, біз де жақсы хабар естідік (Ердоғанның президент болуы), Алла Жәллә Жәләлухудың махаббаты үшін, біз де осы шүкір намазды оқыдық, әсіресе Алла Жәллә Жәләлухудың үмбетке берген игілігі үшін шүкіршілік еттік, бұл шүкірлік намаз өте маңызды, Алла Жәллә Жәләлухуға шүкірлік қылу исламға мол күш-қуат береді әрі тажалмен оның ерушілерінен, шайтамен оның әскерлерінен қорғайды.

Олар еш шаршамастан шабуыл жасауда, әр заманда да солай болған, Алла Әззә уә-Жәллә Адам әлейхис-салам атамызды жәннәттан түсіргелі бері бұл соғыс тоқтаған жоқ, ол үздіксіз жалғасып келеді, Алла Әззә уә-Жәлләның хикіметінде бұл соғыс қияметке дейін бір тынбақ емес. Алла Әззә уә-Жәллә Адам әлейхис-салам атамызға яғни бірінші адамға мәлім ағаштан жеуді харам етті, оны жеу харам еді, бірақ Адам әлейхис-салам атамыз оны жеді, көптеген адамдар осы себепті Адам әлейхис-салам атамызға ренжиді, бірақ ол біздің атамыз, бұл ренжуші топтар «бүкіл барлығы оның кемшілігінен болды, біздің істегеніміздің барлығы оның күнәларынан, бұның бәріне сол жауапты» дейді, жоқ, олай емес, бұлар Алла Жәллә Жәләлухудың қалауы, Алла Жәллә Жәләлуху Адам әлейхис-саламды одан жеуді харам етті, бірақ Ол оны ол ағаштан жеуден тосқан жоқ, демек, Алла Жәллә Жәләлуху оған оны харам етті, ал ондағы хикімет-даналық сол, Ол адамды ағаштан тосқан жоқ. Алла Жәллә Жәләлуху өз кезінде періштелерге Адам әлейхис-саламға сәжде қылдырып, бастарын игізген еді, Ол бүкіл періштелерге «адамға сәжде ет» деп әмір еткенде, ібліс қана сәжде етпей астамсиды, Алла Жәллә Жәләлуху сәждеге әмір етті, бірақ іблісті (шайтан) сәжде жасаудан тиді, сәжде еткізбеді, бұл Алла Жәллә Жәләлухудың хикіметінен болып, соғыс қияметке дейін жалғасатын болды, кім Адам әлейхис-саламға ерсе жеңеді, ал кім шайтанға ерсе жеңіледі, бұндағы Оның хикіметі осы, ал бұны ешбір ғұлама, ешбір ғалым түсіндіре алмайды. Алайда ақылсыз-мисыз адамдар Адам әлейхис-саламды кінәлап «ол қателік істеді, оның осы қателігі себепті бүкіл адам баласы жәннәттан шығып қалды» деп сарнайды, жоқ, олай емес, бұл тек Алла Әззә уә-Жәллә адамдардың осы дүниеге келіп, сыналуына қылған қалауы, олардың ішінде кім тура жолға, кім теріс жолға түсетіндігі сыналмақ, бұл сынақтар осы дүниеде болады.

Біз қазір өте қиын заманда өмір сүріп жатырмыз, бұнда хақпен батил (жалғандық), дұрыспен бұрыс, жақсымен жаман, сұлулықпен көріксіздік яғни жиркенішті амал арасында өте үлкен ұрыс болып жатыр, сіз көп жұрт «шайтанды тым көркісіз» деп ойлап жүргенін білерсіз, бірақ шайтан өте әдемі істермен адамдарға жақындауы мүмкін, ал шындығында ол өте жиркенішті-дүр, барлық соғыс міне осылар арасында болатын соғыс, қазір ең күшті, ең жанкешті ұрыс болып жатыр, себебі заман соңына таяп келеді, сондықтан бұл істердің туылары сөзсіз, ал біз болсақ бар шамамыздың келгенінше амал етудеміз, мұсылмандармен мүминдерге күш беретін жақсы іс болуда (Ердоғанның президент болуы), біз соған қуанудамыз әрі осы іс үшін Алла Әззә уә-Жәлләға шүкірлік етеміз.

Алла Әззә уә-Жәллә «وَلَئِن كَفَرْتُمْ إِنَّ عَذَابِى لَشَدِيدٌ» (бірақ сендер жоққа шығарсаңдар, Менің жазам тым ауыр) (құран 14:07) дейді, демек, Алла Жәллә Жәләлуху кімде-кім бұған қарсы келсе, қабыл қылмаса, шүкірлік етпесе, жазасының тым ауыр болатындығын айтуда. Егер сіз өкініп, тәубе етпесеңіз, аса үлкен жазаларға тап боласыз, ол жаза тым ауыр, оны «қалжың» деп ойлап қалмаңыз, ол бүкіл барлығын жаратушы болған және бүкіл барлығын Оның қолында болған біздің ұлық Раббымыздың уәдесі, ештеңе Оған әсер етпес, бүкіл әлем Алла Жәллә Жәләлухуға қарсы келсе де, бұл Оған бір милиметір де әсер етпес, бүкіл дүние, бүкіл әлем, бар ғалам Алла Жәллә Жәләлухумен бірге болса да, бұл Оған еш әсер етпейді, Оған келіп-кетер ештеңесі жоқ, ол еш пайда бере алмайды, себебі Ол бүкіл барлығының Иесі-дүр.

Алайда, Алла Жәллә Жәләлуху бізге аса мейірімділік етіп, адамдарға қай жердің хауіпсіз, қай жердің хауіпті екендігі туралы нұсқаулар көрсетті, Ол бізге қашан қате жолдарға немесе қатерлерге түсіп кететініміз жәйлі, қайда бармауымыз керектігі жәйлі айтып кетті, шүкірлік етіңіз, ал сіз шүкірсіз болсаңыз, хауіпте қалатын боласыз, себебі сіз тым сүркейлі жерде мәңгілік қалып қалуыңыз мүмкін, ол жер біздің аса мейірімді раббымыз Алла Әззә уә-Жәлләдан кешірім сұрамайтындар тұратын жер, ешкім Алла Жәллә Жәләлухудан мейірімді емес, ол барлығын кешіре алады, Алла Әззә уә-Жәллә «إِنَّ ٱللَّهَ يَغْفِرُ ٱلذُّنُوبَ جَمِيعًا ۚ إِنَّهُۥ هُوَ ٱلْغَفُورُ ٱلرَّحِيمُ» (расында, Алла барлық күнәларды кешіреді, расында, Ол кешірімді, рахымды) (құран 39:53), садақаллахул ғазим, Ол барлығын кешіре алады, барлық істеген істеріңізде, оның кешірімін ала алсаңыз болғаны, ол сізді кешіреді, Ол «бұл орайды жоғалтып алма» дейді, сіз өміріңіздің ең соңына дейін ғапу-кешірім сұрай аласыз, одан соң, оны істей алмайсыз.

Сондықтан, сіз сақ жүріңіз, жақсыны жаман, жаманды жақсы етіп көрсететін адамдарға алданып қалмаңыз, мүмкін, шайтанның жолына, демек, Алла Әззә уә-Жәлләға қарсы жолға ілесу оңай шығар, бірақ шынын айтсақ, иман жолы сәл қиындау келеді, себебі сізде нәпсі бар, шайтан бар, демек, сізді көңілсіз ететін және осы тура жолға еруді қиындастыратын көптеген нәрселер бар, алайда, сіз тура жолға ілесе білсеңіз, бұл дүниеде де сондай бақытты бола аласыз, әсіресе, келер өмірде, ақиретте ерекше бақытты боласыз, мәңгі бақытты боласыз, иншалла.

Алла Жәллә Жәләлуху бізді осы кері заманда, бұзық заманда әрдайым есендікте еткей, шынында, біз де, басқа көп ел-жұрт та осы жамандықтарды сезініп, түйсініп жатыр, секем алуда, иншалла, мүминдер үшін бұлар жақсы болады, жаман болмас, иншалла, Алла Жәллә Жәләлуху сіздерге жәрдем бергей, баршаңызға тіпті де мол иман бергей, ең қымбат нәрсе иман-дүр, иншалла, Алла Жәллә Жәләлуху пайғамбарымыз саллал-лаху әлейхис-саламмен әулиелердің берекесінде біздің иманымызды күшейте бергей, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw


سۇحبات: شۇكىرشىل بولۋعا ءبىر كەڭەس (2023.05.28، 08 زۇل-قادا 1444)
كانادا، يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بيسميللاحير راحمانير راحيم، «لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِى لَشَدِيدٌ» (ەگەر سەندەر شۇكىرلىك ەتسەڭدەر، سەندەرگە ارتتىرا بەرەمىز، ءبىراق قارسى كەلسەڭدەر، راسىندا، مەنىڭ جازام اۋىر) (قۇران 14:07)، ساداقاللاحۋل عازيم.

اللا ءاززا ءۋا-ءجاللا بىزگە «ەگەر سەندەر اللا ءجاللا ءجالالۋحۋدىڭ بارلىق بەرگەنىنە شۇكىرشىل بولساڭدار، اللا ءجاللا ءجالالۋحۋ سەندەرگە ءتىپتى دە كوپ نارسەلەر بەرەتىن بولادى» دەپ ايتۋدا، سەبەبى بۇكىل بارلىعى اللا ءجاللا ءجالالۋحۋ ءۇشىن-ءدۇر، ءبىزدىڭ العان، قول جەتكىزگەن بارلىق نارسەلەرىمىز اللا ءجاللا ءجالالۋحۋدان، ءسىز «مەن ونى بۇل ادامنان، ول ايەلدەن، انا-مىنا مەملەكەتتەن، ەلدەن، ۇكىمەتتەن، ودان-بۇدان الدىم» دەپ ەشقاشان ويلاۋشى بولماڭىز، بۇنىڭ بارلىعى اللا ءاززا ءۋا-ءجاللادان-ءدۇر، بار بولعانى اللا ءجاللا ءجالالۋحۋ ولاردى وسى جولدار ارقىلى ساعان جەتكىزدى، دەمەك، ول ولاردى وسى ادامدار ارقىلى، بۇل ۇكىمەت، ول كىسى، بالەن شايىق، ونى-بۇنىمەن سىزگە جەتكىزدى، ءبىراق بارلىعى اللا ءجاللا ءجالالۋحۋدان كەلگەن، ال ءسىز اللا ءجاللا ءجالالۋحۋعا شۇكىرشىل بولساڭىز، ول بەرەر نىعىمەتتەرىن ونان ارمان ارتتىرا بەرمەك، سەبەبى ونىڭ قازىناسى شەكسىز كوپ، شەگى جوق، ول بارلىعىن بەرۋشى. ءجانناتتا ەڭ تومەن تۇراتىن ادامنىڭ ءبىر وزىندە وسى جەر شارىنداي ءجاننات مەكەنى بولادى، ويلاپ كورىڭىز، بۇل ءجانناتتاعى ەڭ تومەن دارەجەگە بەرىلەدى، ءجانناتتاعى ەڭ تومەن ادام دەگەنىمىز توزاقتا نەشە ميليونداعان جىلدار بويى جاتىپ شىققان سوڭ ءجانناتقا كىرگەن ادام، ال وسىنداي ادامعا وسى دۇنيەدەي ۇلكەن نارسە بەرىلەدى، سوندىقتان، ول ءار نارسە حاقىندا «"بۇل تاۋسىلادى" دەپ قورىقپاڭدار» دەيدى.

ءقازىر ءبىز وسى جەرشارىندا ءومىر ءسۇرىپ جاتىرمىز، جەردە كوپتەگەن نارسەلەر جوعالىپ كەتتى، مىڭداعان ءتۇرلى-ءتۇرلى اڭدار، وسىمدىكتەر، بالىقتار جويىلدى، ادامدار ءتىپتى سۋدى دا تاۋىسىپ جىبەرمەكشى، بۇندا بارلىعىندا ءمالىم شەك بار، الايدا ءسىز اللا ءجاللا جالالۋحۋمەن بىرگە بولساڭىز ءارى وعان شۇكىرلىكتە جۇرسەڭىز، ءسىزدىڭ «تاۋسىلىپ كەتەدى-اۋ» دەپ ويلاعان نارسەڭىز بارعان سايىن كوبەيە بەرمەك.

سوندىقتان، ءبىز ادامداردىڭ اللا ءجاللا ءجالالۋحۋعا شۇكىرلىك ەتۋلەرىنە كەڭەس بەرەمىز، ءار جولى «شۇكىر يا اللا، شۇكىر يا راببانا، ءسىزدىڭ بىزگە بەرگەنىڭىزگە راحمەت» دەپ ايتىڭىز، مىنە بۇل سوپىلىق ءتاريقاتتىڭ ادەبى، يسلامنىڭ ادەبى. ءتاريقات جانە يسلام ۇقساس، ەش پارقى جوق، كەيبىر ادامدار «سوپىلىق (سۋفيزم) يسلامنان تىس نارسە» دەپ ويلار، جوق، سوپىلىق يسلامنىڭ جۇرەگى. ءماۋلانا ءاردايىم ءمالىم ءبىر جاقسى حابار ەستي قالسا شۇكىرلىك ەتىپ ساجدە قىلاتىن، كەيدە ەكى راكات شۇكىر ناماز وقيتىن. ءالحامدۋليللا، ءبىز دە جاقسى حابار ەستىدىك (ەردوعاننىڭ پرەزيدەنت بولۋى)، اللا ءجاللا ءجالالۋحۋدىڭ ماحابباتى ءۇشىن، ءبىز دە وسى شۇكىر نامازدى وقىدىق، اسىرەسە اللا ءجاللا ءجالالۋحۋدىڭ ۇمبەتكە بەرگەن يگىلىگى ءۇشىن شۇكىرشىلىك ەتتىك، بۇل شۇكىرلىك ناماز وتە ماڭىزدى، اللا ءجاللا ءجالالۋحۋعا شۇكىرلىك قىلۋ يسلامعا مول كۇش-قۋات بەرەدى ءارى تاجالمەن ونىڭ ەرۋشىلەرىنەن، شايتامەن ونىڭ اسكەرلەرىنەن قورعايدى.

ولار ەش شارشاماستان شابۋىل جاساۋدا، ءار زاماندا دا سولاي بولعان، اللا ءاززا ءۋا-ءجاللا ادام الەيحيس-سالام اتامىزدى ءجانناتتان تۇسىرگەلى بەرى بۇل سوعىس توقتاعان جوق، ول ۇزدىكسىز جالعاسىپ كەلەدى، اللا ءاززا ءۋا-ءجاللانىڭ حيكىمەتىندە بۇل سوعىس قيامەتكە دەيىن ءبىر تىنباق ەمەس. اللا ءاززا ءۋا-ءجاللا ادام الەيحيس-سالام اتامىزعا ياعني ءبىرىنشى ادامعا ءمالىم اعاشتان جەۋدى حارام ەتتى، ونى جەۋ حارام ەدى، ءبىراق ادام الەيحيس-سالام اتامىز ونى جەدى، كوپتەگەن ادامدار وسى سەبەپتى ادام الەيحيس-سالام اتامىزعا رەنجيدى، ءبىراق ول ءبىزدىڭ اتامىز، بۇل رەنجۋشى توپتار «بۇكىل بارلىعى ونىڭ كەمشىلىگىنەن بولدى، ءبىزدىڭ ىستەگەنىمىزدىڭ بارلىعى ونىڭ كۇنالارىنان، بۇنىڭ بارىنە سول جاۋاپتى» دەيدى، جوق، ولاي ەمەس، بۇلار اللا ءجاللا ءجالالۋحۋدىڭ قالاۋى، اللا ءجاللا ءجالالۋحۋ ادام الەيحيس-سالامدى ودان جەۋدى حارام ەتتى، ءبىراق ول ونى ول اعاشتان جەۋدەن توسقان جوق، دەمەك، اللا ءجاللا ءجالالۋحۋ وعان ونى حارام ەتتى، ال ونداعى حيكىمەت-دانالىق سول، ول ادامدى اعاشتان توسقان جوق. اللا ءجاللا ءجالالۋحۋ ءوز كەزىندە پەرىشتەلەرگە ادام الەيحيس-سالامعا ساجدە قىلدىرىپ، باستارىن يگىزگەن ەدى، ول بۇكىل پەرىشتەلەرگە «ادامعا ساجدە ەت» دەپ ءامىر ەتكەندە، ءىبلىس قانا ساجدە ەتپەي استامسيدى، اللا ءجاللا ءجالالۋحۋ ساجدەگە ءامىر ەتتى، ءبىراق ءىبلىستى (شايتان) ساجدە جاساۋدان ءتيدى، ساجدە ەتكىزبەدى، بۇل اللا ءجاللا ءجالالۋحۋدىڭ حيكىمەتىنەن بولىپ، سوعىس قيامەتكە دەيىن جالعاساتىن بولدى، كىم ادام الەيحيس-سالامعا ەرسە جەڭەدى، ال كىم شايتانعا ەرسە جەڭىلەدى، بۇنداعى ونىڭ حيكىمەتى وسى، ال بۇنى ەشبىر عۇلاما، ەشبىر عالىم تۇسىندىرە المايدى. الايدا اقىلسىز-ميسىز ادامدار ادام الەيحيس-سالامدى كىنالاپ «ول قاتەلىك ىستەدى، ونىڭ وسى قاتەلىگى سەبەپتى بۇكىل ادام بالاسى ءجانناتتان شىعىپ قالدى» دەپ سارنايدى، جوق، ولاي ەمەس، بۇل تەك اللا ءاززا ءۋا-ءجاللا ادامداردىڭ وسى دۇنيەگە كەلىپ، سىنالۋىنا قىلعان قالاۋى، ولاردىڭ ىشىندە كىم تۋرا جولعا، كىم تەرىس جولعا تۇسەتىندىگى سىنالماق، بۇل سىناقتار وسى دۇنيەدە بولادى.

ءبىز ءقازىر وتە قيىن زاماندا ءومىر ءسۇرىپ جاتىرمىز، بۇندا حاقپەن باتيل (جالعاندىق)، دۇرىسپەن بۇرىس، جاقسىمەن جامان، سۇلۋلىقپەن كورىكسىزدىك ياعني جيركەنىشتى امال اراسىندا وتە ۇلكەن ۇرىس بولىپ جاتىر، ءسىز كوپ جۇرت «شايتاندى تىم كوركىسىز» دەپ ويلاپ جۇرگەنىن بىلەرسىز، ءبىراق شايتان وتە ادەمى ىستەرمەن ادامدارعا جاقىنداۋى مۇمكىن، ال شىندىعىندا ول وتە جيركەنىشتى-ءدۇر، بارلىق سوعىس مىنە وسىلار اراسىندا بولاتىن سوعىس، ءقازىر ەڭ كۇشتى، ەڭ جانكەشتى ۇرىس بولىپ جاتىر، سەبەبى زامان سوڭىنا تاياپ كەلەدى، سوندىقتان بۇل ىستەردىڭ تۋىلارى ءسوزسىز، ال ءبىز بولساق بار شامامىزدىڭ كەلگەنىنشە امال ەتۋدەمىز، مۇسىلماندارمەن مۇميندەرگە كۇش بەرەتىن جاقسى ءىس بولۋدا (ەردوعاننىڭ پرەزيدەنت بولۋى)، ءبىز سوعان قۋانۋدامىز ءارى وسى ءىس ءۇشىن اللا ءاززا ءۋا-ءجاللاعا شۇكىرلىك ەتەمىز.

اللا ءاززا ءۋا-ءجاللا «وَلَئِن كَفَرْتُمْ إِنَّ عَذَابِى لَشَدِيدٌ» (ءبىراق سەندەر جوققا شىعارساڭدار، مەنىڭ جازام تىم اۋىر) (قۇران 14:07) دەيدى، دەمەك، اللا ءجاللا ءجالالۋحۋ كىمدە-كىم بۇعان قارسى كەلسە، قابىل قىلماسا، شۇكىرلىك ەتپەسە، جازاسىنىڭ تىم اۋىر بولاتىندىعىن ايتۋدا. ەگەر ءسىز وكىنىپ، تاۋبە ەتپەسەڭىز، اسا ۇلكەن جازالارعا تاپ بولاسىز، ول جازا تىم اۋىر، ونى «قالجىڭ» دەپ ويلاپ قالماڭىز، ول بۇكىل بارلىعىن جاراتۋشى بولعان جانە بۇكىل بارلىعىن ونىڭ قولىندا بولعان ءبىزدىڭ ۇلىق راببىمىزدىڭ ۋادەسى، ەشتەڭە وعان اسەر ەتپەس، بۇكىل الەم اللا ءجاللا ءجالالۋحۋعا قارسى كەلسە دە، بۇل وعان ءبىر ميليمەتىر دە اسەر ەتپەس، بۇكىل دۇنيە، بۇكىل الەم، بار عالام اللا ءجاللا جالالۋحۋمەن بىرگە بولسا دا، بۇل وعان ەش اسەر ەتپەيدى، وعان كەلىپ-كەتەر ەشتەڭەسى جوق، ول ەش پايدا بەرە المايدى، سەبەبى ول بۇكىل بارلىعىنىڭ يەسى-ءدۇر.

الايدا، اللا ءجاللا ءجالالۋحۋ بىزگە اسا مەيىرىمدىلىك ەتىپ، ادامدارعا قاي جەردىڭ ءحاۋىپسىز، قاي جەردىڭ ءحاۋىپتى ەكەندىگى تۋرالى نۇسقاۋلار كورسەتتى، ول بىزگە قاشان قاتە جولدارعا نەمەسە قاتەرلەرگە ءتۇسىپ كەتەتىنىمىز ءجايلى، قايدا بارماۋىمىز كەرەكتىگى ءجايلى ايتىپ كەتتى، شۇكىرلىك ەتىڭىز، ال ءسىز شۇكىرسىز بولساڭىز، حاۋىپتە قالاتىن بولاسىز، سەبەبى ءسىز تىم سۇركەيلى جەردە ماڭگىلىك قالىپ قالۋىڭىز مۇمكىن، ول جەر ءبىزدىڭ اسا مەيىرىمدى راببىمىز اللا ءاززا ءۋا-ءجاللادان كەشىرىم سۇرامايتىندار تۇراتىن جەر، ەشكىم اللا ءجاللا ءجالالۋحۋدان مەيىرىمدى ەمەس، ول بارلىعىن كەشىرە الادى، اللا ءاززا ءۋا-ءجاللا «إِنَّ ٱللَّهَ يَغْفِرُ ٱلذُّنُوبَ جَمِيعًا ۚ إِنَّهُۥ هُوَ ٱلْغَفُورُ ٱلرَّحِيمُ» (راسىندا، اللا بارلىق كۇنالاردى كەشىرەدى، راسىندا، ول كەشىرىمدى، راحىمدى) (قۇران 39:53)، ساداقاللاحۋل عازيم، ول بارلىعىن كەشىرە الادى، بارلىق ىستەگەن ىستەرىڭىزدە، ونىڭ كەشىرىمىن الا الساڭىز بولعانى، ول ءسىزدى كەشىرەدى، ول «بۇل ورايدى جوعالتىپ الما» دەيدى، ءسىز ءومىرىڭىزدىڭ ەڭ سوڭىنا دەيىن عاپۋ-كەشىرىم سۇراي الاسىز، ودان سوڭ، ونى ىستەي المايسىز.

سوندىقتان، ءسىز ساق ءجۇرىڭىز، جاقسىنى جامان، جاماندى جاقسى ەتىپ كورسەتەتىن ادامدارعا الدانىپ قالماڭىز، مۇمكىن، شايتاننىڭ جولىنا، دەمەك، اللا ءاززا ءۋا-ءجاللاعا قارسى جولعا ىلەسۋ وڭاي شىعار، ءبىراق شىنىن ايتساق، يمان جولى ءسال قيىنداۋ كەلەدى، سەبەبى سىزدە ءناپسى بار، شايتان بار، دەمەك، ءسىزدى كوڭىلسىز ەتەتىن جانە وسى تۋرا جولعا ەرۋدى قيىنداستىراتىن كوپتەگەن نارسەلەر بار، الايدا، ءسىز تۋرا جولعا ىلەسە بىلسەڭىز، بۇل دۇنيەدە دە سونداي باقىتتى بولا الاسىز، اسىرەسە، كەلەر ومىردە، اقيرەتتە ەرەكشە باقىتتى بولاسىز، ماڭگى باقىتتى بولاسىز، ينشاللا.

اللا ءجاللا ءجالالۋحۋ ءبىزدى وسى كەرى زاماندا، بۇزىق زاماندا ءاردايىم ەسەندىكتە ەتكەي، شىنىندا، ءبىز دە، باسقا كوپ ەل-جۇرت تا وسى جاماندىقتاردى سەزىنىپ، ءتۇيسىنىپ جاتىر، سەكەم الۋدا، ينشاللا، مۇميندەر ءۇشىن بۇلار جاقسى بولادى، جامان بولماس، ينشاللا، اللا ءجاللا ءجالالۋحۋ سىزدەرگە جاردەم بەرگەي، بارشاڭىزعا ءتىپتى دە مول يمان بەرگەي، ەڭ قىمبات نارسە يمان-ءدۇر، ينشاللا، اللا ءجاللا ءجالالۋحۋ پايعامبارىمىز ساللال-لاحۋ الەيحيس-سالاممەن اۋليەلەردىڭ بەرەكەسىندە ءبىزدىڭ يمانىمىزدى كۇشەيتە بەرگەي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6847