Асықсаң жақсылыққа асық, ал басқасына асықпа (2021.10.25)
https://www.nvrislam.net/index.php?j=kz&post=147
Асықсаң жақсылыққа асық, ал басқасына асықпа (2021.10.25)
Біз әр істі істегенде абай болғанымыз жөн, тіпті сөз сөйлегенде де абай бол, тек жақсы нәрселерді ғана сөйлегін, бұл пайғамбарымыздың бізге айтқан нәсихаттарынан еді. Әлде біреуіміз сөз сөйлегенде сөйлесек жақсы сөзді айталық немесе ауыз ашпай үнсіз қалуымыз керек, пайғамбарымыз бұнда жаман нәрселерді айтпауға өсиет етеді. Үнсіз қалған жақсырақ, себебі сөз сөйлеген кезде, періштелер оны жазып алады және оны басқалар естиді, сонымен бірге «айтылған сөз атылған оқ» яғни аузыңнан шыққан сөздеріңді қайтарып ала алмайтын боласың, егер басқалардың жүректерін жаралап қойсаң немесе басқаларға өтірік айтқан болсаң, оларды оңап қайтадан орнына әкелуге келмейді де, бұларың өткен шаққа айналады. Адамдар әр нәрседе асықпағаны жөн, оларды іс істеуден бұрын ол туралы жеткілікті ойланып толғануы тиіс. Мәселен біреулерден бір сөзді ести сала, оған дереу сене кетпе және оны басқаларға таратуға асықпа, жұмыс орын хақында да солай, мәлім жұмыстың барын білген соң, оған асығып көзсіз жүгірме, зияннан сақтану үшін оны істеуден бұрын алдын ала жақсы ойлан.
«Сақсынған амандықта болады, асыққан өкінішке қалады» деген сөз бар, асықпаған байыпты әрекетте хауыпсіздік бар, ал асығыстық өкінішке қалдырмақ, ол сені өкіндіріп физикалық немесе рухани зардаптар ала келеді. Алайда атқарылмақ болған істың жақсы не жаман нәтиже әкелетіні хақында жақсы ойланып тексере білсең, бұл саған пайдалы болмақ. Істемек болған ісің жайлы басқалармен ақылдасу және олардан кеңес алу - пайғамбарымыздың сүннеттерінен, пайғамбарымыз «іс хақында олармен ақылдас.» деп алла тағаланың өзі қасиетті құран кәримде бұйырғанын айтады, міне осылай, тіпті пайғамбарымыздың өзі сахабалардан кеңес сұрайтұғын, осы туралы бір дәлел бар. Пайғамбарымыз Бәдір соғысында мәлін жоспар жасайды, осы кезде бір сахаба «бұл жоспарыңыз алла тағаладан келген әмір ме, әлде өзіңіздің түзгеніңіз бе? егер алла тағала бұйырған болса біз оған қуана еретін боламыз.» дейді, ал пайғамбарымыз болса ол сахабадан өзінің бөлісер әлдебір ойының бар-жоқтығын сұрайды, сахаба бола «ұрыста біз ұқсамаған жерлерде тоқталық, сонда біз жеңілмейміз, бірақ жеңіске жетеміз.» дейді, пайғамбарымыз оған «жақсы айттың.» деп оны айтқаны бойынша жоспар жасайды әрі олар ол соғыста жеңіске жетеді.
Пайғамбарымыздың істеген әрбір ісі біз үшін сабақ, кім болсада өз қимыл-әрекеттерін ақылдаса білу керек, бұл бір сүннет, ақылдасу ұятты немесе күнәлі істерден емес, ісіңді ұдайы кеңесіп жүрсең кейін өкінішке қалмайтын боласың, егер өзің бір байламға келіп, тек өз қалауың бойынша ғана іс атқарсаң, соңында өзіңді де өзгені де зиянға ұшыратасың, бірақ көптеген адамдар өр көкіректікке салынып бұл кеңесті ескерусіз қалдырады, шындығында ақылдаса білу әрі жақсы әрі сауапты істерден болып, біз оны істеу арқылы пайғамбарымыздың сүннетін атқарған боламыз. Асықсаң жақсылыққа яғни жақсы істі тындырмаққа асық, ал бұдан басқа істерге асығушылық жақсы емес, мәселен садақа, намаз, ораза, қажылық өтеу сияқтылар жақсы істерден, егер асықсаң осындай істерге асық, үйленуде солай, тезірек үйленуге асығуың керек, ал басқа істерге асығудың қажеті шамалы.
Уамин Аллах ат-Тауфиқ, әл-Фатиха.
Исламбол (Станбул), Түркия
- Әулие Сопы Маулана Шайық Мехмет Әділ әр-Раббани
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф
http://www.fb.com/tanirtaw
اسىقساڭ جاقسىلىققا اسىق، ال باسقاسىنا اسىقپا (2021.10.25)
ءبىز ءار ءىستى ىستەگەندە اباي بولعانىمىز ءجون، ءتىپتى ءسوز سويلەگەندە دە اباي بول، تەك جاقسى نارسەلەردى عانا سويلەگىن، بۇل پايعامبارىمىزدىڭ بىزگە ايتقان ءناسيحاتتارىنان ەدى. الدە بىرەۋىمىز ءسوز سويلەگەندە سويلەسەك جاقسى ءسوزدى ايتالىق نەمەسە اۋىز اشپاي ءۇنسىز قالۋىمىز كەرەك، پايعامبارىمىز بۇندا جامان نارسەلەردى ايتپاۋعا وسيەت ەتەدى. ءۇنسىز قالعان جاقسىراق، سەبەبى ءسوز سويلەگەن كەزدە، پەرىشتەلەر ونى جازىپ الادى جانە ونى باسقالار ەستيدى، سونىمەن بىرگە «ايتىلعان ءسوز اتىلعان وق» ياعني اۋزىڭنان شىققان سوزدەرىڭدى قايتارىپ الا المايتىن بولاسىڭ، ەگەر باسقالاردىڭ جۇرەكتەرىن جارالاپ قويساڭ نەمەسە باسقالارعا وتىرىك ايتقان بولساڭ، ولاردى وڭاپ قايتادان ورنىنا اكەلۋگە كەلمەيدى دە، بۇلارىڭ وتكەن شاققا اينالادى. ادامدار ءار نارسەدە اسىقپاعانى ءجون، ولاردى ءىس ىستەۋدەن بۇرىن ول تۋرالى جەتكىلىكتى ويلانىپ تولعانۋى ءتيىس. ماسەلەن بىرەۋلەردەن ءبىر ءسوزدى ەستي سالا، وعان دەرەۋ سەنە كەتپە جانە ونى باسقالارعا تاراتۋعا اسىقپا، جۇمىس ورىن حاقىندا دا سولاي، ءمالىم جۇمىستىڭ بارىن بىلگەن سوڭ، وعان اسىعىپ كوزسىز جۇگىرمە، زياننان ساقتانۋ ءۇشىن ونى ىستەۋدەن بۇرىن الدىن الا جاقسى ويلان.
«ساقسىنعان اماندىقتا بولادى، اسىققان وكىنىشكە قالادى» دەگەن ءسوز بار، اسىقپاعان بايىپتى ارەكەتتە حاۋىپسىزدىك بار، ال اسىعىستىق وكىنىشكە قالدىرماق، ول سەنى وكىندىرىپ فيزيكالىق نەمەسە رۋحاني زارداپتار الا كەلەدى. الايدا اتقارىلماق بولعان ءىستىڭ جاقسى نە جامان ناتيجە اكەلەتىنى حاقىندا جاقسى ويلانىپ تەكسەرە بىلسەڭ، بۇل ساعان پايدالى بولماق. ىستەمەك بولعان ءىسىڭ جايلى باسقالارمەن اقىلداسۋ جانە ولاردان كەڭەس الۋ - پايعامبارىمىزدىڭ سۇننەتتەرىنەن، پايعامبارىمىز «ءىس حاقىندا ولارمەن اقىلداس.» دەپ اللا تاعالانىڭ ءوزى قاسيەتتى قۇران كاريمدە بۇيىرعانىن ايتادى، مىنە وسىلاي، ءتىپتى پايعامبارىمىزدىڭ ءوزى ساحابالاردان كەڭەس سۇرايتۇعىن، وسى تۋرالى ءبىر دالەل بار. پايعامبارىمىز ءبادىر سوعىسىندا ءمالىن جوسپار جاسايدى، وسى كەزدە ءبىر ساحابا «بۇل جوسپارىڭىز اللا تاعالادان كەلگەن ءامىر مە، الدە ءوزىڭىزدىڭ تۇزگەنىڭىز بە؟ ەگەر اللا تاعالا بۇيىرعان بولسا ءبىز وعان قۋانا ەرەتىن بولامىز.» دەيدى، ال پايعامبارىمىز بولسا ول ساحابادان ءوزىنىڭ بولىسەر الدەبىر ويىنىڭ بار-جوقتىعىن سۇرايدى، ساحابا بولا «ۇرىستا ءبىز ۇقساماعان جەرلەردە توقتالىق، سوندا ءبىز جەڭىلمەيمىز، بىراق جەڭىسكە جەتەمىز.» دەيدى، پايعامبارىمىز وعان «جاقسى ايتتىڭ.» دەپ ونى ايتقانى بويىنشا جوسپار جاسايدى ءارى ولار ول سوعىستا جەڭىسكە جەتەدى.
پايعامبارىمىزدىڭ ىستەگەن ءاربىر ءىسى ءبىز ءۇشىن ساباق، كىم بولسادا ءوز قيمىل-ارەكەتتەرىن اقىلداسا ءبىلۋ كەرەك، بۇل ءبىر سۇننەت، اقىلداسۋ ۇياتتى نەمەسە كۇنالى ىستەردەن ەمەس، ءىسىڭدى ۇدايى كەڭەسىپ جۇرسەڭ كەيىن وكىنىشكە قالمايتىن بولاسىڭ، ەگەر ءوزىڭ ءبىر بايلامعا كەلىپ، تەك ءوز قالاۋىڭ بويىنشا عانا ءىس اتقارساڭ، سوڭىندا ءوزىڭدى دە وزگەنى دە زيانعا ۇشىراتاسىڭ، بىراق كوپتەگەن ادامدار ءور كوكىرەكتىككە سالىنىپ بۇل كەڭەستى ەسكەرۋسىز قالدىرادى، شىندىعىندا اقىلداسا ءبىلۋ ءارى جاقسى ءارى ساۋاپتى ىستەردەن بولىپ، ءبىز ونى ىستەۋ ارقىلى پايعامبارىمىزدىڭ سۇننەتىن اتقارعان بولامىز. اسىقساڭ جاقسىلىققا ياعني جاقسى ءىستى تىندىرماققا اسىق، ال بۇدان باسقا ىستەرگە اسىعۋشىلىق جاقسى ەمەس، ماسەلەن ساداقا، ناماز، ورازا، قاجىلىق وتەۋ سياقتىلار جاقسى ىستەردەن، ەگەر اسىقساڭ وسىنداي ىستەرگە اسىق، ۇيلەنۋدە سولاي، تەزىرەك ۇيلەنۋگە اسىعۋىڭ كەرەك، ال باسقا ىستەرگە اسىعۋدىڭ قاجەتى شامالى.
ۋامين اللاح ات-تاۋفيق، ءال-فاتيحا.
يسلامبول (ستانبۋل)، تۇركيا
- اۋليە سوپى ماۋلانا شايىق مەحمەت ءادىل ءار-رابباني
#يسلام #سۇننەت #اۋليە #جۇرەك #قازاق #ءدىن #تاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف
Сілтеме: https://www.nvrislam.net/index.php?j=kz&post=147