Екінші надандық дәуірі және білімді надан (2021.08.26)
https://www.nvrislam.net/index.php?j=kz&post=101
Екінші надандық дәуірі және білімді надан (2021.08.26)
Мүбарак пайғамбарымыз адам қайтыс болған соң мына үш нәрседен басқаның барлығы үзіледі, оның амалдарымен құлшылықтарынан келетін сауап тоқтайды. Жаның шыққан соң намаз оқып, ораза ұстай алмайсың, бұл істерді тек бұл дүниеде тірі жүргеніңде ғана істей аласың, олар тірлігіңде ғана пайдаңа жазылады. Мұнда адам өлген соңда жалғаса беретін үш іс бар. Оның бірі садақа жәрия яғни үзілмеген садақа, тағы біреуі жақсы ұрпақ, енді бірі артқа қалдырып кеткен білім. Артыңа жақсы-дұрыс білім қалдырып кетуің керек, адамдар бұл нәрселеріңнен өздеріне пайда алып жатса, алла тағала сенің жақсы амал кітабыңды ашық қалдырып, оған сауаптарды жазып отыратын болады. Қалдырғаның қаншалықты ұзақ уақыт пайдаға жараса, соншалықты сауап жазылады. Алайда біз айтып өткендей, артыңа қалдырғаның жақсы-дұрыс білім болуы керек, әдетте жазылып қалдырылған білімнің барлығы бірдей жақсы білімдер бола бермейді, керісінше, көбісі надандыққа толы келеді.
Надандық деп отырғанымыз жақсы нәрселерді танып біле алмау, шындық ақиқатты көре білмеу, ненің жақсы ненің ақиқат екендігін тани білмегендер - надандар. Адамдар универстеттерде жақсы атақ алып профессор болып жатады, алайда бұлар нағыз атаққа жатпайтын, еш құны жоқ нәрселер, себебі олар хақ білімді таратпайды, керісінше адамдарды жолдан адастыруда. Олар алла тағаланың алдында көрсоқыр надан адамдар есептелінеді, надандықтың сан алуан түрі бар. Кейбірі сауатсыз надан болады, олар жазумен оқуды білмейді, бұны да надандық деп жатады, сонда олар кімдер? Олар жазумен оқу ғана емес, дін туралы ештеңе білмейтіндер, олар намаз оқымайды, нәпсісі нені қаласа соны істеп жүре беретіндер, олардың надандығы олардың бай немесе кедей болуы болуымен қатыссыз. Кімде-кім нәпсісіне ерсе ол надан болғаны, тіпті ол өзін білімдімін деп ойласада, ол бәрібір сол надан топтардан болмақ. Сонымен бірге, өздері көп оқыған білімді келетін, бірақ алла тағаланы танымайтын білімді адамдар бар, бұлар тіпті де надан топтар болып табылады, олар - әрі білімді әрі надан. Бұл топтағылар өздеріне пайдалы жұмыс істейді және ұқсас уақытта алла тағалаға қарсы шығады. Олар алла тағаланың бұйрығына қарсы нәрселер жазады да, бұл надандықтарын адамдарға бейне бір жақсы игілікті іс сияқты етіп көрсетеді.
Надандықтың аса көптеген түрлері бар, алла тағала біздерді бұл надандықтардан сақтасын, «надандармен бірге болма, надандармен бірге отырма.» делінген көптеген аяттар бар, ал хадистерде «надандық - қараңғылық, иман - нұр.» деп айтылады. Қасиетті пайғамбарымыз ең қараңғы заманда дүниеге келді де, барша әлемді нұр шұғылаға толтырды, ол «алда қазіргіден де қараңғы болатын екінші надандық дәуірі келеді.» деп айтқан еді, бұл айтылған «екінші надандық дәуірі» деп осы біздің дәуір меңзеледі. Пайғамбарымыздың заманында адамдар сауатсыз әрі білімсіз болатұғын, сондықтанда ол дәуірдегілер бұтқа табынатын, олар надан қараңғы болды, бірақ хақ келгенде олар хаққа бұрылып, оны қабыл ете білді, ал екінші надандық дәуірі онан арман сұмдық қараңғы болмақ-дүр. Алла тағала біздерді өзі қорғағай, алла тағаланың надан адамдарды тура жолға салсын деп дұға етеміз, баршамызды надандықтан сақтасын. Надандық - қауыпты нәрсе, оның өте қатерлі болғаны соншалықты, олар адамдардың жүрегіндегі иманын алып кетеді. Алла тағала біздерге күшті иман бергей әрі біздерді панасына алғай.
Уамин Аллах ат-Тауфиқ, әл-Фатиха.
Ыстанбұл, Түркия
- Әулие Сопы Маулана Шайық Мехмет Әділ әр-Раббани
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф
ەكىنشى ناداندىق ءداۋىرى جانە ءبىلىمدى نادان (2021.08.26)
مۇباراك پايعامبارىمىز ادام قايتىس بولعان سوڭ مىنا ءۇش نارسەدەن باسقانىڭ بارلىعى ۇزىلەدى، ونىڭ امالدارىمەن قۇلشىلىقتارىنان كەلەتىن ساۋاپ توقتايدى. جانىڭ شىققان سوڭ ناماز وقىپ، ورازا ۇستاي المايسىڭ، بۇل ىستەردى تەك بۇل دۇنيەدە ءتىرى جۇرگەنىڭدە عانا ىستەي الاسىڭ، ولار تىرلىگىڭدە عانا پايداڭا جازىلادى. مۇندا ادام ولگەن سوڭدا جالعاسا بەرەتىن ءۇش ءىس بار. ونىڭ ءبىرى ساداقا ءجاريا ياعني ۇزىلمەگەن ساداقا، تاعى بىرەۋى جاقسى ۇرپاق، ەندى ءبىرى ارتقا قالدىرىپ كەتكەن ءبىلىم. ارتىڭا جاقسى-دۇرىس ءبىلىم قالدىرىپ كەتۋىڭ كەرەك، ادامدار بۇل نارسەلەرىڭنەن وزدەرىنە پايدا الىپ جاتسا، اللا تاعالا سەنىڭ جاقسى امال كىتابىڭدى اشىق قالدىرىپ، وعان ساۋاپتاردى جازىپ وتىراتىن بولادى. قالدىرعانىڭ قانشالىقتى ۇزاق ۋاقىت پايداعا جاراسا، سونشالىقتى ساۋاپ جازىلادى. الايدا ءبىز ايتىپ وتكەندەي، ارتىڭا قالدىرعانىڭ جاقسى-دۇرىس ءبىلىم بولۋى كەرەك، ادەتتە جازىلىپ قالدىرىلعان ءبىلىمنىڭ بارلىعى بىردەي جاقسى بىلىمدەر بولا بەرمەيدى، كەرىسىنشە، كوبىسى ناداندىققا تولى كەلەدى.
ناداندىق دەپ وتىرعانىمىز جاقسى نارسەلەردى تانىپ بىلە الماۋ، شىندىق اقيقاتتى كورە بىلمەۋ، نەنىڭ جاقسى نەنىڭ اقيقات ەكەندىگىن تاني بىلمەگەندەر - ناداندار. ادامدار ۋنيۆەرستەتتەردە جاقسى اتاق الىپ پروفەسسور بولىپ جاتادى، الايدا بۇلار ناعىز اتاققا جاتپايتىن، ەش قۇنى جوق نارسەلەر، سەبەبى ولار حاق ءبىلىمدى تاراتپايدى، كەرىسىنشە ادامداردى جولدان اداستىرۋدا. ولار اللا تاعالانىڭ الدىندا كورسوقىر نادان ادامدار ەسەپتەلىنەدى، ناداندىقتىڭ سان الۋان ءتۇرى بار. كەيبىرى ساۋاتسىز نادان بولادى، ولار قالاي جازۋمەن وقۋدى بىلمەيدى، بۇنى دا ناداندىق دەپ جاتادى، سوندا ولار كىمدەر؟ ولار جازۋمەن وقۋ عانا ەمەس، ءدىن تۋرالى ەشتەڭە بىلمەيتىندەر، ولار ناماز وقىمايدى، ءناپسىسى نەنى قالاسا سونى ىستەپ جۇرە بەرەتىندەر، ولاردىڭ ناداندىعى ولاردىڭ باي نەمەسە كەدەي بولۋى بولۋىمەن قاتىسسىز. كىمدە-كىم ناپسىسىنە ەرسە ول نادان بولعانى، ءتىپتى ول ءوزىن ءبىلىمدىمىن دەپ ويلاسادا، ول ءبارىبىر سول نادان توپتاردان بولماق. سونىمەن بىرگە، وزدەرى كوپ وقىعان ءبىلىمدى كەلەتىن، بىراق اللا تاعالانى تانىمايتىن نەمەسە سەنبەيتىن ءبىلىمدى ادامدار بار، بۇلار ءتىپتى دە نادان توپتار بولىپ تابىلادى، ولار - ءارى ءبىلىمدى ءارى نادان. بۇل توپتاعىلار وزدەرىنە پايدالى جۇمىس ىستەيدى جانە ۇقساس ۋاقىتتا اللا تاعالاعا قارسى شىعادى. ولار اللا تاعالانىڭ بۇيرىعىنا قارسى نارسەلەر جازادى دا، بۇل ناداندىقتارىن ادامدارعا بەينە ءبىر جاقسى يگىلىكتى ءىس سياقتى ەتىپ كورسەتەدى.
ناداندىقتىڭ اسا كوپتەگەن تۇرلەرى بار، اللا تاعالا بىزدەردى بۇل ناداندىقتاردان ساقتاسىن، «ناداندارمەن بىرگە بولما، ناداندارمەن بىرگە وتىرما.» دەلىنگەن كوپتەگەن اياتتار بار، ال حاديستەردە «ناداندىق - قاراڭعىلىق، يمان - نۇر.» دەپ ايتىلادى. قاسيەتتى پايعامبارىمىز ەڭ قاراڭعى زاماندا كەلدى دە، بارشا الەمدى نۇر شۇعىلاعا تولتىردى، ول «الدا قازىرگىدەن دە قاراڭعى بولاتىن ەكىنشى ناداندىق ءداۋىرى كەلەدى.» دەپ ايتقان ەدى، بۇل ايتىلعان «ەكىنشى ناداندىق ءداۋىرى» دەپ وسى ءبىزدىڭ ءداۋىر مەڭزەلەدى. پايعامبارىمىزدىڭ زامانىندا ادامدار ساۋاتسىز ءارى ءبىلىمسىز بولاتۇعىن، سوندىقتاندا ول داۋىردەگىلەر بۇتقا تابىناتىن، ولار نادان قاراڭعى بولدى، بىراق حاق كەلگەندە ولار حاققا بۇرىلىپ، ونى قابىل ەتە ءبىلدى، ال ەكىنشى ناداندىق ءداۋىرى ونان ارمان سۇمدىق بولماق-ءدۇر. اللا تاعالا بىزدەردى ءوزى قورعاعاي، اللا تاعالانىڭ نادان ادامداردى تۋرا جولعا سالۋىنا دۇعا ەتەمىز، بارشامىزدى ناداندىقتان ساقتاسىن. ناداندىق - قاۋىپتى نارسە، ونىڭ وتە قاتەرلى بولعانى سونشالىقتى، ولار ادامداردىڭ جۇرەگىندەگى يمانىن الىپ كەتەدى. اللا تاعالا بىزدەرگە كۇشتى يمان بەرگەي ءارى بىزدەردى پاناسىنا العاي.
ۋامين اللاح ات-تاۋفيق، ءال-فاتيحا.
ىستانبۇل، تۇركيا
- اۋليە سوپى ماۋلانا شايىق مەحمەت ءادىل ءار-رابباني
#يسلام #سۇننەت #اۋليە #جۇرەك #قازاق #ءدىن #تاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف
Сілтеме: https://www.nvrislam.net/index.php?j=kz&post=101