https://www.nvrislam.net/index.php?j=tote&post=82
Нақшыбанды Тәриқаты Хақында (2021.08.10)
Мұхаррам айы - қасиетті ай, осы айда пайғамбарларға, әулиелермен сахабаларға үлкен си-сауаптар беріледі, ал мұхаррамның ашура күнінде оларға ерекше нәрселер ұсынылады. Мұхаррамның басталуы - пайғамбарымыздың Меккеден Мединаға көшкенінен кейінгі қижыра жылының да басталуы. Пайғамбарымыз Мединеге көшіп бара жатқанда, қазірет Әбубакір Сыдықпен жолда тауыр үңгіріне тоқтайды, дәл осы арада пайғамбарымыз қазірет Әбубакір Сыдыққа нақшыбанды тәриқатын үйретеді, сондықтанда тауыр үңгірі нақшыбанды тәриқаты үшін ерекше маңызға ие.
Көптеген мұсылмандар тәриқат неге керек деп сұрайды. Ол біздің пайдамыз үшін, біздің иманымызды күшейту үшін керек. Тәриқат бізді қасиетті пайғамбарымызға алып барады, әр минот сайын пайғамбарымыздың құзіретінде бола алуы үшін, пайғамбарымыз қазірет Әбубакір Сыдыққа тауыр үңгірінде осы аурадттарды (зікірлерді) таныстырып үйретті. Пайғамбарымыз бұл үңгірде барлық нақшыбанды машайықтарын (рух әлемінде) жинады әрі осы рухани сапарда тәриқат нұрын олардың рухтарына енгізді, сондықтан тәриқат адамдар үшін, мұсылмандар үшін және біздің иманымыз үшін маңызды болмақ. Иманымыз болмаса немесе каміл иман болмаса, басқасының сәнімен мәні болмайды, адамдар әйтіп-бүйтіп жан сақтап өмірін өткізер, алайда кейінгі өмірінде қиындыққа тап болатын болады. Иман - алла тағала адамдарға силаған ең сұлу нәрсе.
Бұнда ең алғашқы қадамда ислам келеді, одан соң біз осы жолмен ары қарай жүруіміз керек, бұл жол бөлінбеген. Бұл жолдан шығып кеткендер - ұқсамаған адамдар және ұқсамаған топ-фирқаларға айналып кетеді, ал бұл бөлінгендер тәриқат саналмайды, бірақ олар фирқа яғни қыңыр-адасқақ топтар болып саналады. Адамдар бұндай қыңыр-адасқақ фирқаларға бөлінуді сонау пайғамбарымыздың кезінде-ақ бастаған, мәселен, пайғамбарымыздың кезінде жалған пайғамбарлар болған. Олар істеген істері ыңғайына баспай қалғанда, уәсуа және шайтан нұсқауымен келіп, фирқа-топтарды пайда етті, фирқалар тәриқат емес, олар тәриқатқа жатпайды. Тәриқат, әсіресе, қазірет Әбубакір Сыдықтан келген нақшыбанды тәриқаты - шариғаттың өзегімен жүрегі.
Пайғамбарымыздың заманында мазхаб жоқ еді, сондықтан, барлық сахабалар пайғамбарымыздан көргендерін істеді, әр сахаба өзі бір иман болатұғын. Сахабалардың ішінде пайғамбарымызға ең жақын сахаба қазірет Сәидина Әбубакір Сыдық екендігін құран кәримде айтады, пайғамбарымыз кеудесіндегі білімдерін қазірет Сәидина Әбубакір Сыдыққа құяды әрі бұл білімдер пайғамбар үмбетіне жеткізіледі. Тәриқаттың пайдасы осылар, тәриқат жамағаттан емес, ал жамағат болса фирқаға жатады. Тәриқат адамдарды жинап, оларға жолды көрсетуге арналған, ал бұл жолдан шығып кету фирқа саналып, олар бөлінген топтар делінеді.
Мұхаррам айы - тәриқаттың да басталған айы, дәл басталу күні емес, бірақ пайғамбарымыз нақшыбанды тәриқат машайықтары руханиятының маңыздылығын білдіріп әрі осы жолды көрсеткен кезге сәйкес келеді, ол кез - бір қасиетті шақтардан. Алла тағала біздерді бұл дұрыс жолдан бөлініп, фирқалар болып кетуден сақтасын, біздерді 73 фирқа-топтардан етпей, хақтың жолындағылардан етсін, біздерді тура жолдың үстінде еткей, иншалла.
Уамин Аллах ат-Тауфиқ, әл-Фатиха.
2021.08.10, Ыстанбұл, Түркия
- Әулие Сопы Маулана Шайық Мехмет Әділ әр-Раббани
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф
ناقشىباندى تاريقاتى حاقىندا (2021.08.10)
مۇحاررام ايى - قاسيەتتى اي، وسى ايدا پايعامبارلارعا، اۋليەلەرمەن ساحابالارعا ۇلكەن سي-ساۋاپتار بەرىلەدى، ال مۇحاررامنىڭ اشۋرا كۇنىندە ولارعا ەرەكشە نارسەلەر ۇسىنىلادى. مۇحاررامنىڭ باستالۋى - پايعامبارىمىزدىڭ مەككەدەن مەديناعا كوشكەنىنەن كەيىنگى قيجىرا جىلىنىڭ دا باستالۋى. پايعامبارىمىز مەدينەگە كوشىپ بارا جاتقاندا، قازىرەت ابۋباكىر سىدىقپەن جولدا تاۋىر ۇڭگىرىنە توقتايدى، ءدال وسى ارادا پايعامبارىمىز قازىرەت ابۋباكىر سىدىققا ناقشىباندى تاريقاتىن ۇيرەتەدى، سوندىقتاندا تاۋىر ۇڭگىرى ناقشىباندى تاريقاتى ءۇشىن ەرەكشە ماڭىزعا يە.
كوپتەگەن مۇسىلماندار تاريقات نەگە كەرەك دەپ سۇرايدى. ول ءبىزدىڭ پايدامىز ءۇشىن، ءبىزدىڭ يمانىمىزدى كۇشەيتۋ ءۇشىن كەرەك. تاريقات ءبىزدى قاسيەتتى پايعامبارىمىزعا الىپ بارادى، ءار مينوت سايىن پايعامبارىمىزدىڭ قۇزىرەتىندە بولا الۋى ءۇشىن، پايعامبارىمىز قازىرەت ابۋباكىر سىدىققا تاۋىر ۇڭگىرىندە وسى اۋرادتتاردى (زىكىرلەردى) تانىستىرىپ ۇيرەتتى. پايعامبارىمىز بۇل ۇڭگىردە بارلىق ناقشىباندى ماشايىقتارىن (رۋح الەمىندە) جينادى ءارى وسى رۋحاني ساپاردا تاريقات نۇرىن ولاردىڭ رۋحتارىنا ەنگىزدى، سوندىقتان تاريقات ادامدار ءۇشىن، مۇسىلماندار ءۇشىن جانە ءبىزدىڭ يمانىمىز ءۇشىن ماڭىزدى بولماق. يمانىمىز بولماسا نەمەسە كامىل يمان بولماسا، باسقاسىنىڭ سانىمەن ءمانى بولمايدى، ادامدار ءايتىپ-ءبۇيتىپ جان ساقتاپ ءومىرىن وتكىزەر، الايدا كەيىنگى ومىرىندە قيىندىققا تاپ بولاتىن بولادى. يمان - اللا تاعالا ادامدارعا سيلاعان ەڭ سۇلۋ نارسە.
بۇندا ەڭ العاشقى قادامدا يسلام كەلەدى، ودان سوڭ ءبىز وسى جولمەن ارى قاراي ءجۇرۋىمىز كەرەك، بۇل جول بولىنبەگەن. بۇل جولدان شىعىپ كەتكەندەر - ۇقساماعان ادامدار جانە ۇقساماعان توپ-فيرقالارعا اينالىپ كەتەدى، ال بۇل بولىنگەندەر تاريقات سانالمايدى، بىراق ولار فيرقا ياعني قىڭىر-اداسقاق توپتار بولىپ سانالادى. ادامدار بۇنداي قىڭىر-اداسقاق فيرقالارعا ءبولىنۋدى سوناۋ پايعامبارىمىزدىڭ كەزىندە-اق باستاعان، ماسەلەن، پايعامبارىمىزدىڭ كەزىندە جالعان پايعامبارلار بولعان. ولار ىستەگەن ىستەرى ىڭعايىنا باسپاي قالعاندا، ءۋاسۋا جانە شايتان نۇسقاۋىمەن كەلىپ، فيرقا-توپتاردى پايدا ەتتى، فيرقالار تاريقات ەمەس، ولار تاريقاتقا جاتپايدى. تاريقات، اسىرەسە، قازىرەت ابۋباكىر سىدىقتان كەلگەن ناقشىباندى تاريقاتى - شاريعاتتىڭ وزەگىمەن جۇرەگى.
پايعامبارىمىزدىڭ زامانىندا مازحاب جوق ەدى، سوندىقتان، بارلىق ساحابالار پايعامبارىمىزدان كورگەندەرىن ىستەدى، ءار ساحابا ءوزى ءبىر يمان بولاتۇعىن. ساحابالاردىڭ ىشىندە پايعامبارىمىزعا ەڭ جاقىن ساحابا قازىرەت ءسايدينا ابۋباكىر سىدىق ەكەندىگىن قۇران كاريمدە ايتادى، پايعامبارىمىز كەۋدەسىندەگى بىلىمدەرىن قازىرەت ءسايدينا ابۋباكىر سىدىققا قۇيادى ءارى بۇل بىلىمدەر پايعامبار ۇمبەتىنە جەتكىزىلەدى. تاريقاتتىڭ پايداسى وسىلار، تاريقات جاماعاتتان ەمەس، ال جاماعات بولسا فيرقاعا جاتادى. تاريقات ادامداردى جيناپ، ولارعا جولدى كورسەتۋگە ارنالعان، ال بۇل جولدان شىعىپ كەتۋ فيرقا سانالىپ، ولار بولىنگەن توپتار دەلىنەدى.
مۇحاررام ايى - تاريقاتتىڭ دا باستالعان ايى، ءدال باستالۋ كۇنى ەمەس، بىراق پايعامبارىمىز ناقشىباندى تاريقات ماشايىقتارى رۋحانياتىنىڭ ماڭىزدىلىعىن ءبىلدىرىپ ءارى وسى جولدى كورسەتكەن كەزگە سايكەس كەلەدى، ول كەز - ءبىر قاسيەتتى شاقتاردان. اللا تاعالا بىزدەردى بۇل دۇرىس جولدان ءبولىنىپ، فيرقالار بولىپ كەتۋدەن ساقتاسىن، بىزدەردى 73 فيرقا-توپتاردان ەتپەي، حاقتىڭ جولىنداعىلاردان ەتسىن، بىزدەردى تۋرا جولدىڭ ۇستىندە ەتكەي، ينشاللا.
ۋامين اللاح ات-تاۋفيق، ءال-فاتيحا.
2021.08.10، ىستانبۇل، تۇركيا
- اۋليە سوپى ماۋلانا شايىق مەحمەت ءادىل ءار-رابباني
#يسلام #سۇننەت #اۋليە #جۇرەك #قازاق #ءدىن #تاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف
سىلتەمە: https://www.nvrislam.net/index.php?j=tote&post=82