You are using an outdated browser. For a faster, safer browsing experience, upgrade for free today.



https://www.nvrislam.net/index.php?j=tote&post=8042
ОСЫ ЖҰМА КЕШТЕ РАМАЗАН АЙЫ КІРЕДІ, РАМАЗАНДА МЫНА АМАЛДАРДЫ ІСТЕЙМІЗ

- 30 күн ораза ұстау
- сахұр яғни таңғы сәресе ас ішу
- денсаулықты жақсарту
- тамақты аздау я орташа жеу
- әркүні тәхажұт намазға тұру және дұға жасау
- әркүні 20 ракат тарауиқ оқу
- әркүні құраннан 1 жүз оқып, рамазанда құранды 1 аударып шығу
- құрсақ, тіл, көз, жүрек 4 оразаны бірдей ұстау

алдағы жұма кеште (2025.02.28) ислам хижри 1446 інші жылдың рамазан айы кіріп, тарауйық намазы оқылады, ал сенбі таңнан бастап, ораза ұсталады, бұл ай Аллаға жақындайтын ай. Қалың орманда жалпы қанша жапырақ бар екендігіне ақылыңыз жетпейтіні сияқты, рамазанда берілген сауаптың санына да ақылыңыз жетпес, оларды тек ақиретте көріп, қатты таңғаласыз. Рамазанда 30 күн ораза ұстайсыз, ауыз бекітерде сахұр яғни сәресе ішесіз, ішпей қоймаңыз, бір урттам су болса да ішіңіз, себебі сахұрда береке бар, тәнге ем бар, тамақты тоя жемей аздау я орташа жеңіз, сонда оразаның ләззатін татып, тәніңіз көптеген аурудан жазылады. Себебі пайғамбарымыз 'ораза ұстап, денсаулыққа жет' дейді, демек оразаның денеңізге емдік ролы өте көп, ораза денеңіздегі артық май, ет, ауру, бұзылған кілеткаларды жойып, денсаулықты жақсартады, сондықтан қазір әр жерде 'оразамен емдеу' деген медицина саласы жарыққа келді, демек Алла әмір еткен әрбір істе иглік бар, ал кәпірлер оны мың жыл өткен соң әзер біліп жүр. Балаларыңызды да ораза ұстауға шабыттандырыңыз, жасына қарай бірнеше күн, бір күн, тіпті жарты күн болса да ораза ұстатып үйретіңіз, бұнда мол игілік бар. Оразада әркүні тәхажұт намаз оқыңыз және дұға етіңіз, себебі қадір түнінің рамазанның 30 күн ішінде болу мүмкіншілігі жоғары, соған ілінуіңіз мүмкін, 'қадір түні рамазанның 27 інші күні' деген жаңсақ сөзге алданып қалмаңыз, ол күн қадір түнінің болу мүмкіндігі жоғарылау күн ғана. Алайда 27 інші күні ниет етіп, жақсы құлшылық ету де жақсы іс, бірақ қадір түні сол күні ғана деп, жаңсақтықпен қалған күндерді бос өткізіп алмаңыз. Қадір түні бір жылдың кезкелген түні бола береді, ол жұмбақ түн, сырлы түн, алайда ол рамазан айында көбірек кездеседі, және рамазанның соңғы он тақ түндерінде кездеседі, ал егер бір жыл 365 күн бойы тәхажұт оқып, дұға етіп жүрсеңіз, онда қадір түніне сөзсіз кездесесіз, демек қадір түніне Алланың ықласты құлдары оңай кездеседі. Сонымен бірге тарауйық намазын тастамаңыз, әр күніне берілетін ерекше сый бар, ол 20 ракаттан тұрады, тарауиқта ұзын аяттар оқу шарт емес, бастысы қысқа сүре-аяттармен 20 ракатты толып бітіріп, пайғамбарымыздың сүннетін атқару маңызды, уахаби-салафилар 10 ракат оқиды, бұл дұрыс емес. Мүмкін болса, әркүні құраннан бір жүз оқыңыз, ал оқи алмасаңыз, құранға қарап, оқылуына ілесіңіз, әркүні бір жүз құран естіңіз, міне осылай, рамазанда құранды бір аударып шыққан боласыз, бұған да зор сауап бар. Рамазанда тек құрсаққа емес, тіл, көз, ой-жүрекке де ораза ұстаймыз, бұл жоғары дәрежедегі оразаға жатады, тіл оразасы - жаман сөз айтпау, өсек айтпау, көз оразасы - харамға қарамау, ой оразасы - жаман ой ойламау, тек жақсы ойлау, ниетті түзеу, міне осы 4 ораза бір келгенде Аллаға көп жақындайтын боламыз, тек құрсақ оразасымен шектеліп қалмайық.

وسى جۇما كەشتە رامازان ايى كىرەدى، رامازاندا مىنا امالداردى ىستەيمىز

- 30 كۇن ورازا ۇستاۋ
- ساحۇر ياعني تاڭعى سارەسە اس ءىشۋ
- دەنساۋلىقتى جاقسارتۋ
- تاماقتى ازداۋ يا ورتاشا جەۋ
- اركۇنى ءتاحاجۇت نامازعا تۇرۋ جانە دۇعا جاساۋ
- اركۇنى 20 راكات تاراۋيق وقۋ
- اركۇنى قۇراننان 1 ءجۇز وقىپ، رامازاندا قۇراندى 1 اۋدارىپ شىعۋ
- قۇرساق، ءتىل، كوز، جۇرەك 4 ورازانى بىردەي ۇستاۋ

الداعى جۇما كەشتە (2025.02.28) يسلام حيجري 1446 ءىنشى جىلدىڭ رامازان ايى كىرىپ، تاراۋيىق نامازى وقىلادى، ال سەنبى تاڭنان باستاپ، ورازا ۇستالادى، بۇل اي اللاعا جاقىندايتىن اي. قالىڭ ورماندا جالپى قانشا جاپىراق بار ەكەندىگىنە اقىلىڭىز جەتپەيتىنى سياقتى، رامازاندا بەرىلگەن ساۋاپتىڭ سانىنا دا اقىلىڭىز جەتپەس، ولاردى تەك اقيرەتتە كورىپ، قاتتى تاڭعالاسىز. رامازاندا 30 كۇن ورازا ۇستايسىز، اۋىز بەكىتەردە ساحۇر ياعني سارەسە ىشەسىز، ىشپەي قويماڭىز، ءبىر ۋرتتام سۋ بولسا دا ءىشىڭىز، سەبەبى ساحۇردا بەرەكە بار، تانگە ەم بار، تاماقتى تويا جەمەي ازداۋ يا ورتاشا جەڭىز، سوندا ورازانىڭ ءلاززاتىن تاتىپ، ءتانىڭىز كوپتەگەن اۋرۋدان جازىلادى. سەبەبى پايعامبارىمىز 'ورازا ۇستاپ، دەنساۋلىققا جەت' دەيدى، دەمەك ورازانىڭ دەنەڭىزگە ەمدىك رولى وتە كوپ، ورازا دەنەڭىزدەگى ارتىق ماي، ەت، اۋرۋ، بۇزىلعان كىلەتكالاردى جويىپ، دەنساۋلىقتى جاقسارتادى، سوندىقتان ءقازىر ءار جەردە 'ورازامەن ەمدەۋ' دەگەن مەديتسينا سالاسى جارىققا كەلدى، دەمەك اللا ءامىر ەتكەن ءاربىر ىستە يگلىك بار، ال كاپىرلەر ونى مىڭ جىل وتكەن سوڭ ازەر ءبىلىپ ءجۇر. بالالارىڭىزدى دا ورازا ۇستاۋعا شابىتتاندىرىڭىز، جاسىنا قاراي بىرنەشە كۇن، ءبىر كۇن، ءتىپتى جارتى كۇن بولسا دا ورازا ۇستاتىپ ۇيرەتىڭىز، بۇندا مول يگىلىك بار. ورازادا اركۇنى ءتاحاجۇت ناماز وقىڭىز جانە دۇعا ەتىڭىز، سەبەبى ءقادىر ءتۇنىنىڭ رامازاننىڭ 30 كۇن ىشىندە بولۋ مۇمكىنشىلىگى جوعارى، سوعان ءىلىنۋىڭىز مۇمكىن، 'ءقادىر ءتۇنى رامازاننىڭ 27 ءىنشى كۇنى' دەگەن جاڭساق سوزگە الدانىپ قالماڭىز، ول كۇن ءقادىر ءتۇنىنىڭ بولۋ مۇمكىندىگى جوعارىلاۋ كۇن عانا. الايدا 27 ءىنشى كۇنى نيەت ەتىپ، جاقسى قۇلشىلىق ەتۋ دە جاقسى ءىس، ءبىراق ءقادىر ءتۇنى سول كۇنى عانا دەپ، جاڭساقتىقپەن قالعان كۇندەردى بوس وتكىزىپ الماڭىز. ءقادىر ءتۇنى ءبىر جىلدىڭ كەزكەلگەن ءتۇنى بولا بەرەدى، ول جۇمباق ءتۇن، سىرلى ءتۇن، الايدا ول رامازان ايىندا كوبىرەك كەزدەسەدى، جانە رامازاننىڭ سوڭعى ون تاق تۇندەرىندە كەزدەسەدى، ال ەگەر ءبىر جىل 365 كۇن بويى ءتاحاجۇت وقىپ، دۇعا ەتىپ جۇرسەڭىز، وندا ءقادىر تۇنىنە ءسوزسىز كەزدەسەسىز، دەمەك ءقادىر تۇنىنە اللانىڭ ىقلاستى قۇلدارى وڭاي كەزدەسەدى. سونىمەن بىرگە تاراۋيىق نامازىن تاستاماڭىز، ءار كۇنىنە بەرىلەتىن ەرەكشە سىي بار، ول 20 راكاتتان تۇرادى، تاراۋيقتا ۇزىن اياتتار وقۋ شارت ەمەس، باستىسى قىسقا سۇرە-اياتتارمەن 20 راكاتتى تولىپ ءبىتىرىپ، پايعامبارىمىزدىڭ سۇننەتىن اتقارۋ ماڭىزدى، ۋاحابي-سالافيلار 10 راكات وقيدى، بۇل دۇرىس ەمەس. مۇمكىن بولسا، اركۇنى قۇراننان ءبىر ءجۇز وقىڭىز، ال وقي الماساڭىز، قۇرانعا قاراپ، وقىلۋىنا ىلەسىڭىز، اركۇنى ءبىر ءجۇز قۇران ەستىڭىز، مىنە وسىلاي، رامازاندا قۇراندى ءبىر اۋدارىپ شىققان بولاسىز، بۇعان دا زور ساۋاپ بار. رامازاندا تەك قۇرساققا ەمەس، ءتىل، كوز، وي-جۇرەككە دە ورازا ۇستايمىز، بۇل جوعارى دارەجەدەگى ورازاعا جاتادى، ءتىل ورازاسى - جامان ءسوز ايتپاۋ، وسەك ايتپاۋ، كوز ورازاسى - حارامعا قاراماۋ، وي ورازاسى - جامان وي ويلاماۋ، تەك جاقسى ويلاۋ، نيەتتى تۇزەۋ، مىنە وسى 4 ورازا ءبىر كەلگەندە اللاعا كوپ جاقىندايتىن بولامىز، تەك قۇرساق ورازاسىمەن شەكتەلىپ قالمايىق.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami

سىلتەمە: https://www.nvrislam.net/index.php?j=tote&post=8042