ОСЫ БЕЙСЕНБІ (2025.02.13) КЕШТЕ ТІЛЕКТЕР ҚАБЫЛ БОЛАТЫН БАРАТ ТҮНІ КІРЕДІ

бүрсүгүні яғни алдағы бейсенбі кеште ислам хижри 1446-жылдың шағбан айының 15-күні болып, қасиетті барат түні кіреді, шағбанның ортанғы түнін яғни 15-шағбанды 'барат түні' дейді. Сол қасиетті түнде Алла төменгі әлемге 'келіп' құлдарына, 'кешірім керекпе, кешірейін, риздық керекпе, берейін, қиындықтан құтылғың келеме, құтқарайын, Менен сұраңдар' дейді. Бараттың күндізі ораза ұстайды, осы сәрсенбі, бейсенбі, жұма үш күн ораза ұстаса, ең абзал болмақ, кемінде осы сәрсенбі-бейсенбі я бейсенбі-жұма 2 күн ораза ұстаған жөн. Барат түні өткен жылғы амалдарымыз Аллаға көрсетіліп, келер жылы не істейтіндігіміз алдын ала жазылады, сонымен бірге осы түнде тілектер қабыл болып, ол біздің жақсылыққа жетуімізге себепші болады. Барат түні кеште ақшаммен құптан намазы арасында ясин сүресін үш түрлі ниетпен үш рет оқып, Алладан қажетімізді сұраймыз. Ясин сүресін бірінші рет, иманға толы ұзақ өмір сұрау ниетімен оқиды, екінші рет, халал риздық сұрап, ешкімге мұхтаж болмау ниетімен оқиды, үшінші рет, қиындықпен бәле-қаладан қорғану ниетімен оқиды. Ал құптаннан кейін тәсбих және шүкір намаздарын оқыса болады, бұдан тыс сол түні 100 ракат намаз бар, оны 'салатул-қайыр яғни қайыр намазы' дейді, оны екі ракаттан оқиды, әр ракатта 1 фатиха, 10 ықлас оқиды, бұл нәфил намазды шама жеткенінше орындаса болды. Біз қадір түнінің нақты қашан болатынын білмейміз, бірақ барат, рағайып, ашура сияқты түндердің уақыты белгілі, сондықтан бұл түнді бос кетірмеу керек, олар қадір түнінен кейінгі қасиетті түндер.

وسى بەيسەنبى (2025.02.13) كەشتە تىلەكتەر قابىل بولاتىن بارات ءتۇنى كىرەدى

بۇرسۇگۇنى ياعني الداعى بەيسەنبى كەشتە يسلام حيجري 1446-جىلدىڭ شاعبان ايىنىڭ 15-كۇنى بولىپ، قاسيەتتى بارات ءتۇنى كىرەدى، شاعباننىڭ ورتانعى ءتۇنىن ياعني 15-شاعباندى 'بارات ءتۇنى' دەيدى. سول قاسيەتتى تۇندە اللا تومەنگى الەمگە 'كەلىپ' قۇلدارىنا، 'كەشىرىم كەرەكپە، كەشىرەيىن، ريزدىق كەرەكپە، بەرەيىن، قيىندىقتان قۇتىلعىڭ كەلەمە، قۇتقارايىن، مەنەن سۇراڭدار' دەيدى. باراتتىڭ كۇندىزى ورازا ۇستايدى، وسى سارسەنبى، بەيسەنبى، جۇما ءۇش كۇن ورازا ۇستاسا، ەڭ ابزال بولماق، كەمىندە وسى سارسەنبى-بەيسەنبى يا بەيسەنبى-جۇما 2 كۇن ورازا ۇستاعان ءجون. بارات ءتۇنى وتكەن جىلعى امالدارىمىز اللاعا كورسەتىلىپ، كەلەر جىلى نە ىستەيتىندىگىمىز الدىن الا جازىلادى، سونىمەن بىرگە وسى تۇندە تىلەكتەر قابىل بولىپ، ول ءبىزدىڭ جاقسىلىققا جەتۋىمىزگە سەبەپشى بولادى. بارات ءتۇنى كەشتە اقشاممەن قۇپتان نامازى اراسىندا ياسين سۇرەسىن ءۇش ءتۇرلى نيەتپەن ءۇش رەت وقىپ، اللادان قاجەتىمىزدى سۇرايمىز. ياسين سۇرەسىن ءبىرىنشى رەت، يمانعا تولى ۇزاق ءومىر سۇراۋ نيەتىمەن وقيدى، ەكىنشى رەت، حالال ريزدىق سۇراپ، ەشكىمگە مۇحتاج بولماۋ نيەتىمەن وقيدى، ءۇشىنشى رەت، قيىندىقپەن بالە-قالادان قورعانۋ نيەتىمەن وقيدى. ال قۇپتاننان كەيىن ءتاسبيح جانە شۇكىر نامازدارىن وقىسا بولادى، بۇدان تىس سول ءتۇنى 100 راكات ناماز بار، ونى 'سالاتۋل-قايىر ياعني قايىر نامازى' دەيدى، ونى ەكى راكاتتان وقيدى، ءار راكاتتا 1 فاتيحا، 10 ىقلاس وقيدى، بۇل ءنافيل نامازدى شاما جەتكەنىنشە ورىنداسا بولدى. ءبىز ءقادىر ءتۇنىنىڭ ناقتى قاشان بولاتىنىن بىلمەيمىز، ءبىراق بارات، راعايىپ، اشۋرا سياقتى تۇندەردىڭ ۋاقىتى بەلگىلى، سوندىقتان بۇل ءتۇندى بوس كەتىرمەۋ كەرەك، ولار ءقادىر تۇنىنەن كەيىنگى قاسيەتتى تۇندەر.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislam
سىلتەمە: https://www.nvrislam.net/index.php?j=tote&post=8009