БАСТАҒЫ АҚЫЛ АЛДАЙДЫ, ЖҮРЕКТЕГІ АҚЫЛ ЖАҢЫЛДЫРМАЙДЫ

әйгілі әулие мәуләнә руми хазірет Аллаға, 'Сізді санаммен де, жүрегіммен де сүймеймін, себебі санам сарғайып, бәрін ұмытады, жүрегім тоқтайды, Сізді жаныммен сүйемін, себебі жаным мәңгілік' дейді. Ол тағы 'құранды көзбен оқысаң, әріп көресің, ақылмен оқысаң, білім көресің, жүрекпен оқысаң, махаббат көресің, жанмен оқысаң, Алланы көресің' дейді. Әулиелер хикіметінде 'бастағы ақылын істете білген дүние ісіне жүйрік, бай болады; жүректегі ақылын істете білген Алланы танып, дана болады; жандағы ақылын істете білген Аллаға жетіп, әулие болады' делінеді. Олар тағы 'бас істесе де, бірақ жүрек істемесе, бәрі бекер, жүректі істет, ақыл тізгіні жүректе болсын' дейді. Демек бұлар мидың дүние ісіне, жан бағысқа, ал жүректің иман ісіне, руханиятқа арналғанын білдіреді. Қазір кәпірлер сан түрлі дүниелер жасауда, бірақ оған таңғалу қажетсіз, себебі исламда 'біреулерден өзенді теріс ағызып, тау көтерген, аспанда ұшқан керемет көрсең де, бірақ олар Алла жолында болмаса, оларға көз қырын да салма, олар дәнеңе емес, олардың жүрегі өлі' дейді. Күпірлік, Алланы танымау, имансыздық, арсыздық, мунафиықтық, пайғамбарымызбен әулиелерге қарсылық жүректегі ақылды істете алмаудан туындайды, ал жүрегін істете білмейтін мұсылман мейлі қанша қари, қанша білімді болсын, мүмин бола алмас. Әулиелер тағы бүй дейді, білімін басына сақтаған адам қартайған сайын білімін ұмытады, ал білімін жүрегіне сақтаған адам білімін ешқашан ұмытпайды, қартайған сайын оның білімі артып, көкірегі ашыла береді, данаға айналады.

باستاعى اقىل الدايدى، جۇرەكتەگى اقىل جاڭىلدىرمايدى

ايگىلى اۋليە ءماۋلانا رۋمي حازىرەت اللاعا، 'ءسىزدى ساناممەن دە، جۇرەگىممەن دە سۇيمەيمىن، سەبەبى سانام سارعايىپ، ءبارىن ۇمىتادى، جۇرەگىم توقتايدى، ءسىزدى جانىممەن سۇيەمىن، سەبەبى جانىم ماڭگىلىك' دەيدى. ول تاعى 'قۇراندى كوزبەن وقىساڭ، ءارىپ كورەسىڭ، اقىلمەن وقىساڭ، ءبىلىم كورەسىڭ، جۇرەكپەن وقىساڭ، ماحاببات كورەسىڭ، جانمەن وقىساڭ، اللانى كورەسىڭ' دەيدى. اۋليەلەر حيكىمەتىندە 'باستاعى اقىلىن ىستەتە بىلگەن دۇنيە ىسىنە جۇيرىك، باي بولادى; جۇرەكتەگى اقىلىن ىستەتە بىلگەن اللانى تانىپ، دانا بولادى; جانداعى اقىلىن ىستەتە بىلگەن اللاعا جەتىپ، اۋليە بولادى' دەلىنەدى. ولار تاعى 'باس ىستەسە دە، ءبىراق جۇرەك ىستەمەسە، ءبارى بەكەر، جۇرەكتى ىستەت، اقىل تىزگىنى جۇرەكتە بولسىن' دەيدى. دەمەك بۇلار ميدىڭ دۇنيە ىسىنە، جان باعىسقا، ال جۇرەكتىڭ يمان ىسىنە، رۋحانياتقا ارنالعانىن بىلدىرەدى. ءقازىر كاپىرلەر سان ءتۇرلى دۇنيەلەر جاساۋدا، ءبىراق وعان تاڭعالۋ قاجەتسىز، سەبەبى يسلامدا 'بىرەۋلەردەن وزەندى تەرىس اعىزىپ، تاۋ كوتەرگەن، اسپاندا ۇشقان كەرەمەت كورسەڭ دە، ءبىراق ولار اللا جولىندا بولماسا، ولارعا كوز قىرىن دا سالما، ولار دانەڭە ەمەس، ولاردىڭ جۇرەگى ءولى' دەيدى. كۇپىرلىك، اللانى تانىماۋ، يمانسىزدىق، ارسىزدىق، مۋنافيىقتىق، پايعامبارىمىزبەن اۋليەلەرگە قارسىلىق جۇرەكتەگى اقىلدى ىستەتە الماۋدان تۋىندايدى، ال جۇرەگىن ىستەتە بىلمەيتىن مۇسىلمان مەيلى قانشا قاري، قانشا ءبىلىمدى بولسىن، ءمۇمين بولا الماس. اۋليەلەر تاعى ءبۇي دەيدى، ءبىلىمىن باسىنا ساقتاعان ادام قارتايعان سايىن ءبىلىمىن ۇمىتادى، ال ءبىلىمىن جۇرەگىنە ساقتاعان ادام ءبىلىمىن ەشقاشان ۇمىتپايدى، قارتايعان سايىن ونىڭ ءبىلىمى ارتىپ، كوكىرەگى اشىلا بەرەدى، داناعا اينالادى.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami
سىلتەمە: https://www.nvrislam.net/index.php?j=tote&post=8001