АРШЫНЫ ОРАП ЖАТҚАН АЛЫП АЙДАҒАР

Алла аршыны жаратып, оған есебі жоқ әлемді салып, адам ақылы жетпес нәрселермен безендірді, аршы аса алып еді, Жебірейіл періште жүзмың жыл ұшса да, аршының сүйемдей жерінен аса алмады. Өзінің осындай ұлық жаратылғанына аршы қатты тебірене теңселді, асқақтап шайқалды, тыныш тұрмай қойды, 'менен артық жаратылыс жоқ шығар' деп, өзіне тамсана ғашық болды. Сол кезде Алла бір алып айдағар жаратты, ол аршыны түгел орап алды, ал аршы өзін ораған бұл алып айдағарды көргенде, 'о Алла, менен де ірі жаратылысың бар екен!' деп, сабасына түсті, теңселуін қойып тынышталды. Айдағар ерте заманнан бері көптеген ұлт-ұлыстар үшін күш-құдіреттің симолы болып келеді, мәселен қытай сияқты азия халықтары айдағарды ерекше құрметтейді. Бұл жәй емес еді, оның қайнары исламда, себебі адам атадан бастап, барлық пайғамбарлар қауымдарына ислам дінін үйреткен, олар көптеген білім-хикіметтерді қалдырды. Ал айдағарды күш-құдірет белгісі ретінде көру, осы илаһи білімдерінен қалған бір сарқыншақ еді. Адамзатқа пайдалы білімдер пайғамбарлардан қалған, кейбір білімдер мүлдем жоғалып кетті. Ал қазір ақырзаман болғандықтан мыңдаған жылда ашылатын білімдер бір жылда я бір айда ашылуда, технология дәуірі келді, бірақ бұл адамзаттың ақылдылығынан емес, Алланың қалауынан, мың жылдық білімдер аз уақытқа сыйдырылды. Мәхди хазірет шыққанда, электр жоғалып, технология дәуірі кетеді, орнын мұғжизалар дәуірі басады, ол технология дәуірінен әлдеқайда жоғары ғажап заман, ол 40 жыл тұрады, онан соң қиямет орнайды.

ارشىنى وراپ جاتقان الىپ ايداعار

اللا ارشىنى جاراتىپ، وعان ەسەبى جوق الەمدى سالىپ، ادام اقىلى جەتپەس نارسەلەرمەن بەزەندىردى، ارشى اسا الىپ ەدى، جەبىرەيىل پەرىشتە ءجۇزمىڭ جىل ۇشسا دا، ارشىنىڭ سۇيەمدەي جەرىنەن اسا المادى. ءوزىنىڭ وسىنداي ۇلىق جاراتىلعانىنا ارشى قاتتى تەبىرەنە تەڭسەلدى، اسقاقتاپ شايقالدى، تىنىش تۇرماي قويدى، 'مەنەن ارتىق جاراتىلىس جوق شىعار' دەپ، وزىنە تامسانا عاشىق بولدى. سول كەزدە اللا ءبىر الىپ ايداعار جاراتتى، ول ارشىنى تۇگەل وراپ الدى، ال ارشى ءوزىن وراعان بۇل الىپ ايداعاردى كورگەندە، 'و اللا، مەنەن دە ءىرى جاراتىلىسىڭ بار ەكەن!' دەپ، ساباسىنا ءتۇستى، تەڭسەلۋىن قويىپ تىنىشتالدى. ايداعار ەرتە زاماننان بەرى كوپتەگەن ۇلت-ۇلىستار ءۇشىن كۇش-قۇدىرەتتىڭ سيمولى بولىپ كەلەدى، ماسەلەن قىتاي سياقتى ازيا حالىقتارى ايداعاردى ەرەكشە قۇرمەتتەيدى. بۇل ءجاي ەمەس ەدى، ونىڭ قاينارى يسلامدا، سەبەبى ادام اتادان باستاپ، بارلىق پايعامبارلار قاۋىمدارىنا يسلام ءدىنىن ۇيرەتكەن، ولار كوپتەگەن ءبىلىم-حيكىمەتتەردى قالدىردى. ال ايداعاردى كۇش-قۇدىرەت بەلگىسى رەتىندە كورۋ، وسى يلاھي بىلىمدەرىنەن قالعان ءبىر سارقىنشاق ەدى. ادامزاتقا پايدالى بىلىمدەر پايعامبارلاردان قالعان، كەيبىر بىلىمدەر مۇلدەم جوعالىپ كەتتى. ال ءقازىر اقىرزامان بولعاندىقتان مىڭداعان جىلدا اشىلاتىن بىلىمدەر ءبىر جىلدا يا ءبىر ايدا اشىلۋدا، تەحنولوگيا ءداۋىرى كەلدى، ءبىراق بۇل ادامزاتتىڭ اقىلدىلىعىنان ەمەس، اللانىڭ قالاۋىنان، مىڭ جىلدىق بىلىمدەر از ۋاقىتقا سىيدىرىلدى. ءماحدي حازىرەت شىققاندا، ەلەكتر جوعالىپ، تەحنولوگيا ءداۋىرى كەتەدى، ورنىن مۇعجيزالار ءداۋىرى باسادى، ول تەحنولوگيا داۋىرىنەن الدەقايدا جوعارى عاجاپ زامان، ول 40 جىل تۇرادى، ونان سوڭ قيامەت ورنايدى.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami
سىلتەمە: https://www.nvrislam.net/index.php?j=tote&post=7832