ӨЗІН ТАНИ АЛМАҒАН, АЛЛАНЫ ТАНИ АЛМАЙДЫ

'Алла бүкіл әлемді адам баласының бойына сыйдырып қойған, ал шайтан сыртта бізді аңдып тұрып, орға түсірмекші болған біреу емес, ол іш жағыңыздан келетін бір үн, өз шайтаныңызды іздемек болсаңыз, оны өзгелерден емес, өзіңізден іздеңіз, сонымен бірге кім өз шайтанын білсе, Алланы да білетінін ұмытып қалмаңыз' дейді әйгілі әулие Баязид Бастами хазірет, ол тағы 'нәпсіңізді жете танып білу, сізді Алланың біліміне бастар' дейді. Әулиенің бұндағы 'өз шайтаның' дегені нәпсіміз еді, нәпсі әркімде бар, тек қана пайғамбарымыздың нәпсісі Алла қалауымен мұсылман болған, ал қалған адамдар оны меңгеруді үйренуі керек. Егер адамдар өз нәпсісін танып, меңгеруге ұмтылса, Алла оларға мол сауап береді, иманын күшейтеді, өмірін бақытты етеді, жүрегін тазалайды, ақиреттегі дәрежесін өсіреді, бастысы мына өмірде Алланы тануға жетелейді. Сондықтан исламда 'өзін таныған, Алланы таныр' дейді, егер біреу нәпсісін танымаса, ол Алланы ешқашан тани алмайды. Әр адам баласының төрт дұшпаны бар, олар нәпсі, хауа, дүние және шайтан. Олар өзара тонның ішкі бауындай жалғасқан, бұндағы ең сорақысы тағы сол нәпсі болып, бір нәпсіде 70 шайтанның күші, 80 мың айласы бар, сондықтан исламда ең әуелі нәпсі тәрбиелеуге баса мән береді, кім нәпсісін меңгере алса, шайтанға оңай алданбайды, ал нәпсісіне ие бола алмаған адамның жүрегі шайтанның төріне айналады, себебі нәпсі іштен шыққан жауға ұқсайды, ол сырттағы дұшпан шайтанға есік ашып береді, сондықтан нәпсіні меңгере білу бүкіл мәселені өз орнына қояды. Исламда нәпсіні тәрбиелеп, жүректі тазартатын ілімді сопылық тәриқат дейді, ол әр мұсылман үшін кем болса болмайтын рухани ілім.

ءوزىن تاني الماعان، اللانى تاني المايدى

'اللا بۇكىل الەمدى ادام بالاسىنىڭ بويىنا سىيدىرىپ قويعان، ال شايتان سىرتتا ءبىزدى اڭدىپ تۇرىپ، ورعا تۇسىرمەكشى بولعان بىرەۋ ەمەس، ول ءىش جاعىڭىزدان كەلەتىن ءبىر ءۇن، ءوز شايتانىڭىزدى ىزدەمەك بولساڭىز، ونى وزگەلەردەن ەمەس، وزىڭىزدەن ىزدەڭىز، سونىمەن بىرگە كىم ءوز شايتانىن بىلسە، اللانى دا بىلەتىنىن ۇمىتىپ قالماڭىز' دەيدى ايگىلى اۋليە بايازيد باستامي حازىرەت، ول تاعى 'ءناپسىڭىزدى جەتە تانىپ ءبىلۋ، ءسىزدى اللانىڭ بىلىمىنە باستار' دەيدى. اۋليەنىڭ بۇنداعى 'ءوز شايتانىڭ' دەگەنى ءناپسىمىز ەدى، ءناپسى اركىمدە بار، تەك قانا پايعامبارىمىزدىڭ ءناپسىسى اللا قالاۋىمەن مۇسىلمان بولعان، ال قالعان ادامدار ونى مەڭگەرۋدى ۇيرەنۋى كەرەك. ەگەر ادامدار ءوز ءناپسىسىن تانىپ، مەڭگەرۋگە ۇمتىلسا، اللا ولارعا مول ساۋاپ بەرەدى، يمانىن كۇشەيتەدى، ءومىرىن باقىتتى ەتەدى، جۇرەگىن تازالايدى، اقيرەتتەگى دارەجەسىن وسىرەدى، باستىسى مىنا ومىردە اللانى تانۋعا جەتەلەيدى. سوندىقتان يسلامدا 'ءوزىن تانىعان، اللانى تانىر' دەيدى، ەگەر بىرەۋ ءناپسىسىن تانىماسا، ول اللانى ەشقاشان تاني المايدى. ءار ادام بالاسىنىڭ ءتورت دۇشپانى بار، ولار ءناپسى، حاۋا، دۇنيە جانە شايتان. ولار ءوزارا توننىڭ ىشكى باۋىنداي جالعاسقان، بۇنداعى ەڭ سوراقىسى تاعى سول ءناپسى بولىپ، ءبىر ناپسىدە 70 شايتاننىڭ كۇشى، 80 مىڭ ايلاسى بار، سوندىقتان يسلامدا ەڭ اۋەلى ءناپسى تاربيەلەۋگە باسا ءمان بەرەدى، كىم ءناپسىسىن مەڭگەرە السا، شايتانعا وڭاي الدانبايدى، ال ناپسىسىنە يە بولا الماعان ادامنىڭ جۇرەگى شايتاننىڭ تورىنە اينالادى، سەبەبى ءناپسى ىشتەن شىققان جاۋعا ۇقسايدى، ول سىرتتاعى دۇشپان شايتانعا ەسىك اشىپ بەرەدى، سوندىقتان ءناپسىنى مەڭگەرە ءبىلۋ بۇكىل ماسەلەنى ءوز ورنىنا قويادى. يسلامدا ءناپسىنى تاربيەلەپ، جۇرەكتى تازارتاتىن ءىلىمدى سوپىلىق ءتاريقات دەيدى، ول ءار مۇسىلمان ءۇشىن كەم بولسا بولمايتىن رۋحاني ءىلىم.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami
سىلتەمە: https://www.nvrislam.net/index.php?j=tote&post=7822