Сұхбат: түнгі сапармен көкке көтерілу (2) (2023.01.22, 29 Жүмәдә әл-Ақир 1444)

Файзан Ислам Мешіті, Мәнчестр Қаласы, Ұлы Британия.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Қазір Ережеп айы кірді, Алла Жәллә Жәләлуху оны баршамызға және бүкіл мұсылман дүниесі үшін мүбәрак еткей, оны басқалардың да хидаятқа табуына сеп қылып, оларды Оның қақпасына келуге нәсіп еткей, олар да Алла Жәллә Жәләлухудың қақпасына келгей. «وَٱللَّهُ يَدْعُوٓا۟ إِلَىٰ دَارِ ٱلسَّلَـٰمِ» (Құран 10:25) яғни «Алла тыныштық үйіне шақырады.» (Құран 10:25) делінген.

Алла Жәллә Жәләлуху адамдарды тыныштыққа шақырады, Ол тыныштық үйіне яғни жәннәтына шақырар, Ол бүкіл адам баласын шақыруда, бірақ адамдар жақсылықты қаламай, жамандықтың артынан жүгіріп жүр, Алла Жәллә Жәләлуху ешкімді қажет етпес, бүкіл барлығы жиылып келсе де Алла Әззә уа-Жәллә үшін ештеңе емес, ал ешкім келмесе де Оған еш әсері жоқ. Алла Әззә уа-Жәлләның аса құдіреттілігі үшін Оны қажетсінетін дәл мына біздерміз, Оның құдіретінде шек жоқ, бірақ Ол бізді Өзіне шақыруда. Біз тұрған мына жер әлемнің алдында бір түйір тозаң да бола алмас, ал біз сол тозаңға татымас бірдеңенің ішінде өмір сүріп жатырмыз, сонда біз неміз! біз тозаң құрлы жоқпыз, біз ештеңе емеспіз, алайда Алла Жәллә Жәләлуху бізге деп қойып, құн берді, әтуерлеп «кел» деп шақырды, бірақ сіз онан қашасыз!

Олар «жоқ, біз сенбейміз» дер, бірақ сіз қазір сенбегеніңізбен, кейін не жоғалтып алғаныңызды білетін боласыз әрі ол кезде оны сізге қайта оңап алуға екінші рет мұрсат берілмейді, егер бұл дүниеден иман-сенімсіз кетсеңіз, одан соң екінші орай жоқ-дүр, алайда мына дүниеде жүргеніңізде өміріңіздің соңғы тынысына дейін сізде мүмкіндік бар, бұл аралықта сіз Алла Жәллә Жәләлухуға қайтсаңыз, Ол сізді қабыл етер, Ол сізді беттен қақпайды, ол аса мейірімді.

Бұл ай яғни Ережеп айы Алланың айы, бұл айда көп нәрселер бар, оның бірінші бейсенбісі берекеге толған қасиетті түндердің бірі саналады, Алла Жәллә Жәләлуху ол күні дұға қабыл етеді, керегіңізге дұға жасаңыз, оны сол түнде сұраңыз. Ол кұні кемінде құптан намазын оқыңыз, дәрет алып жуынып уду намазымен ұйықтаңыз, одан соң таң намазда немесе одан бұрын тұрыңыз да дұға жасаңыз, Алла Жәллә Жәләлуху «Мен бұл дұғаны қабыл етемін.» дейді, ол осы бірінші бейсенбі түн жасалады, Ережеп айының өн бойы берекеге толы ай.

Ережеп айының екінші қасиетті түні оның 27-түні болмақ, ол аса берекелі түн, ол түнде Алла Әззә уа-Жәллә пайғамбарымызды Өзінің илаһи құзіретіне шақырды. Бұл сапарда пайғамбарымыз әуелі Меккеден Құдысқа барды, бұны «түнгі сапар» деп атайды, одан соң Иерусалим Құдыстан көкке көтерілді, осы түнде пайғамбарымыз барлық пайғамбарға имам болды, күллі пайғамбар атаулы оның артында тұрып намаз оқыды, ол Алла Жәллә Жәләлухудың ең сүйікті адамы еді, барлық пайғамбарлар оның үмбетінен болуды аңсаған, осылай бүкіл пайғамбарлар Құдыста оның артына тізіліп намаз оқыды, одан соң Алла Жәллә Жәләлуху Жебірейіл періштеге пайғамбарымызды көкке көтеруге әмір етті, ол оны көкке алып кетті, бұл бір ұзақ әңгіме. Ол бірінші, екінші, үшінші көкке барды ... әрбір көкте бір пайғамбар бар еді, ал періштелер де кімнің келгенін сұрастырып жатты, оларға пайғамбарымыздың келгені мәлім етілді, олар аса шадыман қуанышты түрде пайғамбарымызды қарсы алды.

Ол осылай екінші, үшінші, төртінші, бесінші, алтыншы және жетінші көкке барды, ол онан да жоғарды көтеріліп Жебірейіл періште «бұл жер сіздің мақамыңыз, оған тек сіз ғана кіре аласыз, мен оған кірсем күйіп жоқ боламын.» деген жерге дейін барды, одан соң пайғамбарымыз Алла Жәллә Жәләлухудың илаһи құзыретіне кірді, біз ол арада не болғанын, қалай болғанын және оның не екендігін білмейміз, оны ешкім білмейді, себебі ол ара тек пайғамбарымызға ғана арналған, біздің ой-санамыз, қялымыз бұл мақам-дәрежеге жете алмайды, оны түсінуге санамыз шақ келмейді, одан бұрын ол араға ешкім жетіп көрген емес, Алла Жәллә Жәләлуху оны пайғамбарымызға ғана арналған ерекше жәй етіп қойған.

Ал қазір не жағдайлар болып жатыр? айтып өткеніміздей, тауықтың миындай ғана кішкене миы бар құтырған біреулер шығып «бұл түс.» деп жатыр, демек олар пайғамбарымыздың сапарын «түс» дейді, елдің барлығы түс көреді, көп нәрсе көреді, түс көрмеу мүмкін емес, баршамызда түрлі-түрлі түстер көреміз ғой, ал осыбір ақылы тым аз адамдар пайғамбарымыздың осы сапарын «түс» деп жатыр. Біз оны білмейміз, себебі ол жәйлі ойлану харам етілген, себебі ақылымыз жетпейді, ол Жебірейіл періштеге харам етілген болса, ал бізге ол хақында сұраумен оған ой жүгірту тіпті де харам екендігі анық емеспе, бұнда біз тек «Алла Жәллә Жәләлуху пайғамбарымызға ешкім жете алмайтын сондай аса биік мақам берді.» деп қана айта аламыз.

Одан соң Алла Әззә уа-Жәлләдан оның үмбетіне хидая яғни сыйлық ұсынды, демек бес уақ намаз оқу сол кезде берілді. Намаз бес уақ болды, себебі пайғамбар Мұса әлейхис-саламның өз үмбетінен жиған тәжірибесі бар еді, ол пайғамбарымызға «бұл тым көп.» дей берді де, намаз 45, 40, 35, 30, 25, 20, 15, 10 болды, соңында 5 уаққа түсті, осылай әр жолы азайды, Мұса әлейхис-саламның үмбеті саудада баға таласуға келгенде өте ақылды еді, соңында пайғамбарымыз оған «бес уақ» болды дер, ал Мұса әлейхис-салам оған тағы да «бұл да тым көп, көп қой!» дейді, ол расында дұрыс айтты, себебі қазір бес уақ намазды оқымай жүргендер қаншама! біздің пайғамбарымыз «жоқ, бес уақ болады.» дейді, осылайша намаз бес уақ болып бекітілді, бес уақ намаз Алла Әззә уа-Жәлләдан берілген бір сый-дүр. Құрандағы бақара сүресінің «әмәнар расулу» деп келетін ең соңғы екі аяты (Құран 02:285-286) да Алла Әззә уа-Жәлләдан пайғамбарымыздың үмбетіне берілген тағы бір сый еді, ол Жебірейіл періштесіз пайғамбарымызға төте берілген (аят).

Бұндағы тағы бір айта кетерлігі, осы сапарда пайғамбарымыз тозақты көрді, ол ондағылардың не істеп жатқанын, онда не боп жатқанын, олардың қалай азап тартып жатқандығын көрді, содан кейін ол қайтып келді, кейбір адамдар ондағы уақыттың қандай болғанын сұрайды, себебі Алла Әззә уа-Жәлләға уақыт әсер етпейді, Ол уақытты жаратқан, уақыт та бір жаратылыс, бірақ ол жәй нәрсе емес, Алла Жәллә Жәләлуху оны адамзат үшін жаратты, бізде уақыт болады, ал Алла Жәллә Жәләлуху үшін барлығы өзгеше, Ол қаласа адамдарға өткенді де, болашақты да көрсете береді, бұл нәрсе пайғамбарларда болады, пайғамбарлықтың бір мағынасы осы, демек болашақта не болатындығын айту қатарлылар пайғамбарлыққа жатады.

Осы істерден соң пайғамбарымыз кері қайтып, Меккеге оралды, ол сапарда шамамен екі сағаттай болды, бірақ ол мыңдаған жылдардың ісін көрді, себебі ол әр жерде болды, бұны «тайуу заман» деп атайды, онда уақыт қысқарып кішірейтілді, Алла Жәллә Жәләлуху қаласа мыңдаған жылдардың ісін екі-ақ сағатқа сыйдыра береді, пайғамбарымызбен болған уақиғалардың жәйі міне осылай.

Пайғамбарымыз Меккеге қайтып келгенде, ол адамдардың иманға келуі үшін, Алла Әззә уа-Жәлләға сенулері үшін көргендерін айтты, ал мүшіріктер болса, бұл сапарға қатты қуанды, олар «ох, біз Мұхаметті бұнысымен жәйлайтын болдық.» десті, олар пайғамбарымызды «расул-аллаһ» демейді, олар «бұл нәрсені ешкім істей алмайды, сондықтан оған ешкім де сенбейді.» дейді, олар айызы қанғанша күліп алысты, өзгелерді шақырып, болған әңгімелерді айтты.

Ол кезде сахабалар аз болатын, бар-жоғы 40 я 50-дей ғана сахаба бар еді, олар Сәйдина Әбу Бәкір әс-Сыддыққа келіп, «сен досыңның не деп жүргенін естідің бе?» дейді, ол «ол не айтты?» дер, олар оған пайғамбарымыздың құдысқа барғанын және оның онан арман көкке көтерілгенін айтады әрі оған «осыған сенесің бе?» дейді, ол «бұны пайғамбар айтты ма?» деп сұрайды, олар «иә, ол солай айтты, біз содан естідік.» дейді, ол «егер пайғамбар бұны айтқан болса, мен оған сенемін.» дейді, ол басқа ештеңе сұрамады, тек олардан бұл сөздерді пайғамбардан әлде басқа біреулерден естігенін сұрады, осы істен соң оның есімі «Сыддық» болды, ол сенді, ол күшті мүмин еді, біздің сопылық тәриқат пайғамбарымыздан бастау алып «Сыддық, Салман, Қасым, Жафар ...» деп келеді, әлхамдулиллаһ, барлығы тәриқатпен осылай келеді, бұл жол қазірге дейін жалғасып келеді, ол осы сызықты бойлап келе жатыр, әлхамдулиллаһ, міне бұл мүминдердің жол «сызығы», иншалла, бұрын бұл тәриқаттың Әбу Бәкір Сыддық хазіреттің кезіндегі есімі «Сыддықия» болған. Бүгін түн де (Ережеп айы кірген түн) қасиетті түн, біз де оны құттықтаймыз, иншалла, Алла Жәллә Жәләлуху рахымымен берекесін үмбетке жаудырар, иншалла.

Біз иман келтірушілерміз, бұл айтылғандар пайғамбарымыздың айтқандарымен көргендері еді, ол жәннәтпен жәхәннамды көрді, ал адамдар «біз бұған сенбейміз.» дер, егер сіз саясаткер болсаңыз, онда біз сізге сене алмаймыз, әртис болсаңыз да солай, сізге сену қиын, ал саудагер болсаңыз, сіз бізді алдауыңыз әбден мүмкін, бірақ біз пайғамбарға сенеміз, оған иланамыз, тіпті мүшіріктердің өзі хижыраға дейін пайғамбарымызға сенген, олар оған «біз саған сенбейміз.» дейді, бірақ олар пайғамбарымыздың үйін мал-мүліктерін сақтайтын қазына қамбасындай көріп, барлығын оған тапсырып, сақтатушы еді, олар қайта келгенде, олардың мүлкін пайғамбарымыз оларға қайтарып беретін, олар пайғамбарға жау болып, оған иман етпеді, бірақ олар оған сенді, олар тәкәппарлығы себепті, оны қабыл етпеді, тәкәппарлық өте жаман нәрсе, тәкәппарлықтары себепті көптеген адамдар имансыз күйде өледі, мүшіріктердің басындағы жағдай осы еді.

Алла Жәллә Жәләлуху бізге жәрдем беріп, бізді өзінің алдында кішіпейіл жандардан еткей, бірақ пайдасы жоқ жаман адамдарға кішіпейіл болу қажетсіз, кедейлерге, мүминдерге кішіпейіл бол, бірақ алдыңда мұсылмандармен басқалар жәйлі жаман сөз айтып, тәкәппарлыққа басқандарға кішіпейіл болудың қажеті шамалы, қайта ондай адамдарға өрлік қыл, олардан өр бол.

Мүшіріктермен мұсылмандар арасында ғазуа яғни соғыс болып жатқан еді, сол кезде оларда өте үлкен бір қылыш бар болатын, пайғамбарымыз елді шақырып «мына үлкен қылышты кім ұстайды, кім оның құнын өтеп, ақысын көрсете алады?» дейді, оны алмаққа бір кісі келеді, пайғамбарымыз оған «бұл саған болмайды.» дейді, тағы бір кісі келді, оған да «саған жараспайды.» делінді, тағы біреулер келді, оларға да «болмайды.» айтылды, ең соңында денесі алып балуан бір сахаба келді, оның есімін ұмытып қалыппын, ол «оны алсам болама? маған бересіз бе?» дейді, пайғамбарымыз «иә, ал.» дейді, бұл сахаба қылышты алып, қызыл сәлделі тұрбанын киді әрі жұртқа маңғаздық көрсетіп, тәкәппарланғандай болды, пайғамбарымыз бұл істі көріп «пайғамбарыңмен раббың Алла оның бұл қылығын (мүминдер алдында тәкәппарланғанын) жақсы көрмеді.» дейді, алайда бұл сахаба айбарлана тәкәппарлықпен соғысқа бас қойып кеткенде, пайғамбарымыз «бірақ оның бұл ісін (дұшпандарға тәкәппарланғанын) ұнатамыз, қазір ол бейне шөпті шалғымен баудай шауып түсіретін кісіге ұқсады.» дейді.

Кей жерлерде сіз даналық істеуіңіз керек, себебі жұмсақ сөйлейтін кез болады, қаттырақ сөйлейтін кез болады, өр болатын кез бар, сол сияқты кішіпейіл болатын кез де бар, бұлар сопылық тәриқаттың әдептерінен, бұл әдеп шәриғатта жоқ, бірақ шәриғатпен тәриқат ұқсас, кейбір адамдар «олар ұқсамайды.» деп ойлауы мүмкін, алайда мұсылмандармен тәриқаттағылар бұны білуі керек, ол әдепке жатады, әдеп дегеніміз кім көрінгеннен қорқу емес, кейде сақтансаңыз да, кейде керекті сөзді өз орнында айту керек, орны келгенде сөз айтылмай қалса, сөздің атасы өледі.

Алла Жәллә Жәләлуху осы аймен пайғамбарымыздың құрметі үшін бізге даналық сыйлағай яғни хикмет бергей, иншалла.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: تۇنگى ساپارمەن كوككە كوتەرىلۋ (2) (2023.01.22، 29 ءجۇمادا ءال-اقير 1444)

فايزان يسلام مەشىتى، مانچەستر قالاسى، ۇلى بريتانيا.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

ءقازىر ەرەجەپ ايى كىردى، اللا ءجاللا ءجالالۋحۋ ونى بارشامىزعا جانە بۇكىل مۇسىلمان دۇنيەسى ءۇشىن مۇباراك ەتكەي، ونى باسقالاردىڭ دا حيداياتقا تابۋىنا سەپ قىلىپ، ولاردى ونىڭ قاقپاسىنا كەلۋگە ءناسىپ ەتكەي، ولار دا اللا ءجاللا ءجالالۋحۋدىڭ قاقپاسىنا كەلگەي. «وَٱللَّهُ يَدْعُوٓا۟ إِلَىٰ دَارِ ٱلسَّلَـٰمِ» (قۇران 10:25) ياعني «اللا تىنىشتىق ۇيىنە شاقىرادى.» (قۇران 10:25) دەلىنگەن.

اللا ءجاللا ءجالالۋحۋ ادامداردى تىنىشتىققا شاقىرادى، ول تىنىشتىق ۇيىنە ياعني ءجانناتىنا شاقىرار، ول بۇكىل ادام بالاسىن شاقىرۋدا، ءبىراق ادامدار جاقسىلىقتى قالاماي، جاماندىقتىڭ ارتىنان جۇگىرىپ ءجۇر، اللا ءجاللا ءجالالۋحۋ ەشكىمدى قاجەت ەتپەس، بۇكىل بارلىعى جيىلىپ كەلسە دە اللا ءاززا ۋا-ءجاللا ءۇشىن ەشتەڭە ەمەس، ال ەشكىم كەلمەسە دە وعان ەش اسەرى جوق. اللا ءاززا ۋا-ءجاللانىڭ اسا قۇدىرەتتىلىگى ءۇشىن ونى قاجەتسىنەتىن ءدال مىنا بىزدەرمىز، ونىڭ قۇدىرەتىندە شەك جوق، ءبىراق ول ءبىزدى وزىنە شاقىرۋدا. ءبىز تۇرعان مىنا جەر الەمنىڭ الدىندا ءبىر ءتۇيىر توزاڭ دا بولا الماس، ال ءبىز سول توزاڭعا تاتىماس بىردەڭەنىڭ ىشىندە ءومىر ءسۇرىپ جاتىرمىز، سوندا ءبىز نەمىز! ءبىز توزاڭ قۇرلى جوقپىز، ءبىز ەشتەڭە ەمەسپىز، الايدا اللا ءجاللا ءجالالۋحۋ بىزگە دەپ قويىپ، قۇن بەردى، اتۋەرلەپ «كەل» دەپ شاقىردى، ءبىراق ءسىز ونان قاشاسىز!

ولار «جوق، ءبىز سەنبەيمىز» دەر، ءبىراق ءسىز ءقازىر سەنبەگەنىڭىزبەن، كەيىن نە جوعالتىپ العانىڭىزدى بىلەتىن بولاسىز ءارى ول كەزدە ونى سىزگە قايتا وڭاپ الۋعا ەكىنشى رەت مۇرسات بەرىلمەيدى، ەگەر بۇل دۇنيەدەن يمان-سەنىمسىز كەتسەڭىز، ودان سوڭ ەكىنشى وراي جوق-ءدۇر، الايدا مىنا دۇنيەدە جۇرگەنىڭىزدە ءومىرىڭىزدىڭ سوڭعى تىنىسىنا دەيىن سىزدە مۇمكىندىك بار، بۇل ارالىقتا ءسىز اللا ءجاللا ءجالالۋحۋعا قايتساڭىز، ول ءسىزدى قابىل ەتەر، ول ءسىزدى بەتتەن قاقپايدى، ول اسا مەيىرىمدى.

بۇل اي ياعني ەرەجەپ ايى اللانىڭ ايى، بۇل ايدا كوپ نارسەلەر بار، ونىڭ ءبىرىنشى بەيسەنبىسى بەرەكەگە تولعان قاسيەتتى تۇندەردىڭ ءبىرى سانالادى، اللا ءجاللا ءجالالۋحۋ ول كۇنى دۇعا قابىل ەتەدى، كەرەگىڭىزگە دۇعا جاساڭىز، ونى سول تۇندە سۇراڭىز. ول كۇنى كەمىندە قۇپتان نامازىن وقىڭىز، دارەت الىپ جۋىنىپ ۋدۋ نامازىمەن ۇيىقتاڭىز، ودان سوڭ تاڭ نامازدا نەمەسە ودان بۇرىن تۇرىڭىز دا دۇعا جاساڭىز، اللا ءجاللا ءجالالۋحۋ «مەن بۇل دۇعانى قابىل ەتەمىن.» دەيدى، ول وسى ءبىرىنشى بەيسەنبى ءتۇن جاسالادى، ەرەجەپ ايىنىڭ ءون بويى بەرەكەگە تولى اي.

ەرەجەپ ايىنىڭ ەكىنشى قاسيەتتى ءتۇنى ونىڭ 27-ءتۇنى بولماق، ول اسا بەرەكەلى ءتۇن، ول تۇندە اللا ءاززا ۋا-ءجاللا پايعامبارىمىزدى ءوزىنىڭ يلاھي قۇزىرەتىنە شاقىردى. بۇل ساپاردا پايعامبارىمىز اۋەلى مەككەدەن قۇدىسقا باردى، بۇنى «تۇنگى ساپار» دەپ اتايدى، ودان سوڭ يەرۋساليم قۇدىستان كوككە كوتەرىلدى، وسى تۇندە پايعامبارىمىز بارلىق پايعامبارعا يمام بولدى، كۇللى پايعامبار اتاۋلى ونىڭ ارتىندا تۇرىپ ناماز وقىدى، ول اللا ءجاللا ءجالالۋحۋدىڭ ەڭ سۇيىكتى ادامى ەدى، بارلىق پايعامبارلار ونىڭ ۇمبەتىنەن بولۋدى اڭساعان، وسىلاي بۇكىل پايعامبارلار قۇدىستا ونىڭ ارتىنا ءتىزىلىپ ناماز وقىدى، ودان سوڭ اللا ءجاللا ءجالالۋحۋ جەبىرەيىل پەرىشتەگە پايعامبارىمىزدى كوككە كوتەرۋگە ءامىر ەتتى، ول ونى كوككە الىپ كەتتى، بۇل ءبىر ۇزاق اڭگىمە. ول ءبىرىنشى، ەكىنشى، ءۇشىنشى كوككە باردى ... ءاربىر كوكتە ءبىر پايعامبار بار ەدى، ال پەرىشتەلەر دە كىمنىڭ كەلگەنىن سۇراستىرىپ جاتتى، ولارعا پايعامبارىمىزدىڭ كەلگەنى ءمالىم ەتىلدى، ولار اسا شادىمان قۋانىشتى تۇردە پايعامبارىمىزدى قارسى الدى.

ول وسىلاي ەكىنشى، ءۇشىنشى، ءتورتىنشى، بەسىنشى، التىنشى جانە جەتىنشى كوككە باردى، ول ونان دا جوعاردى كوتەرىلىپ جەبىرەيىل پەرىشتە «بۇل جەر ءسىزدىڭ ماقامىڭىز، وعان تەك ءسىز عانا كىرە الاسىز، مەن وعان كىرسەم كۇيىپ جوق بولامىن.» دەگەن جەرگە دەيىن باردى، ودان سوڭ پايعامبارىمىز اللا ءجاللا ءجالالۋحۋدىڭ يلاھي قۇزىرەتىنە كىردى، ءبىز ول ارادا نە بولعانىن، قالاي بولعانىن جانە ونىڭ نە ەكەندىگىن بىلمەيمىز، ونى ەشكىم بىلمەيدى، سەبەبى ول ارا تەك پايعامبارىمىزعا عانا ارنالعان، ءبىزدىڭ وي-سانامىز، قيالىمىز بۇل ماقام-دارەجەگە جەتە المايدى، ونى تۇسىنۋگە سانامىز شاق كەلمەيدى، ودان بۇرىن ول اراعا ەشكىم جەتىپ كورگەن ەمەس، اللا ءجاللا ءجالالۋحۋ ونى پايعامبارىمىزعا عانا ارنالعان ەرەكشە ءجاي ەتىپ قويعان.

ال ءقازىر نە جاعدايلار بولىپ جاتىر؟ ايتىپ وتكەنىمىزدەي، تاۋىقتىڭ ميىنداي عانا كىشكەنە ميى بار قۇتىرعان بىرەۋلەر شىعىپ «بۇل ءتۇس.» دەپ جاتىر، دەمەك ولار پايعامبارىمىزدىڭ ساپارىن «ءتۇس» دەيدى، ەلدىڭ بارلىعى ءتۇس كورەدى، كوپ نارسە كورەدى، ءتۇس كورمەۋ مۇمكىن ەمەس، بارشامىزدا ءتۇرلى-ءتۇرلى تۇستەر كورەمىز عوي، ال ءوسىبىر اقىلى تىم از ادامدار پايعامبارىمىزدىڭ وسى ساپارىن «ءتۇس» دەپ جاتىر. ءبىز ونى بىلمەيمىز، سەبەبى ول ءجايلى ويلانۋ حارام ەتىلگەن، سەبەبى اقىلىمىز جەتپەيدى، ول جەبىرەيىل پەرىشتەگە حارام ەتىلگەن بولسا، ال بىزگە ول حاقىندا سۇراۋمەن وعان وي جۇگىرتۋ ءتىپتى دە حارام ەكەندىگى انىق ەمەسپە، بۇندا ءبىز تەك «اللا ءجاللا ءجالالۋحۋ پايعامبارىمىزعا ەشكىم جەتە المايتىن سونداي اسا بيىك ماقام بەردى.» دەپ قانا ايتا الامىز.

ودان سوڭ اللا ءاززا ۋا-ءجاللادان ونىڭ ۇمبەتىنە حيدايا ياعني سىيلىق ۇسىندى، دەمەك بەس ۋاق ناماز وقۋ سول كەزدە بەرىلدى. ناماز بەس ۋاق بولدى، سەبەبى پايعامبار مۇسا الەيحيس-سالامنىڭ ءوز ۇمبەتىنەن جيعان تاجىريبەسى بار ەدى، ول پايعامبارىمىزعا «بۇل تىم كوپ.» دەي بەردى دە، ناماز 45، 40، 35، 30، 25، 20، 15، 10 بولدى، سوڭىندا 5 ۋاققا ءتۇستى، وسىلاي ءار جولى ازايدى، مۇسا الەيحيس-سالامنىڭ ۇمبەتى ساۋدادا باعا تالاسۋعا كەلگەندە وتە اقىلدى ەدى، سوڭىندا پايعامبارىمىز وعان «بەس ۋاق» بولدى دەر، ال مۇسا الەيحيس-سالام وعان تاعى دا «بۇل دا تىم كوپ، كوپ قوي!» دەيدى، ول راسىندا دۇرىس ايتتى، سەبەبى ءقازىر بەس ۋاق نامازدى وقىماي جۇرگەندەر قانشاما! ءبىزدىڭ پايعامبارىمىز «جوق، بەس ۋاق بولادى.» دەيدى، وسىلايشا ناماز بەس ۋاق بولىپ بەكىتىلدى، بەس ۋاق ناماز اللا ءاززا ۋا-ءجاللادان بەرىلگەن ءبىر سىي-ءدۇر. قۇرانداعى باقارا سۇرەسىنىڭ «ءامانار راسۋلۋ» دەپ كەلەتىن ەڭ سوڭعى ەكى اياتى (قۇران 02:285-286) دا اللا ءاززا ۋا-ءجاللادان پايعامبارىمىزدىڭ ۇمبەتىنە بەرىلگەن تاعى ءبىر سىي ەدى، ول جەبىرەيىل پەرىشتەسىز پايعامبارىمىزعا توتە بەرىلگەن (ايات).

بۇنداعى تاعى ءبىر ايتا كەتەرلىگى، وسى ساپاردا پايعامبارىمىز توزاقتى كوردى، ول ونداعىلاردىڭ نە ىستەپ جاتقانىن، وندا نە بوپ جاتقانىن، ولاردىڭ قالاي ازاپ تارتىپ جاتقاندىعىن كوردى، سودان كەيىن ول قايتىپ كەلدى، كەيبىر ادامدار ونداعى ۋاقىتتىڭ قانداي بولعانىن سۇرايدى، سەبەبى اللا ءاززا ۋا-ءجاللاعا ۋاقىت اسەر ەتپەيدى، ول ۋاقىتتى جاراتقان، ۋاقىت تا ءبىر جاراتىلىس، ءبىراق ول ءجاي نارسە ەمەس، اللا ءجاللا ءجالالۋحۋ ونى ادامزات ءۇشىن جاراتتى، بىزدە ۋاقىت بولادى، ال اللا ءجاللا ءجالالۋحۋ ءۇشىن بارلىعى وزگەشە، ول قالاسا ادامدارعا وتكەندى دە، بولاشاقتى دا كورسەتە بەرەدى، بۇل نارسە پايعامبارلاردا بولادى، پايعامبارلىقتىڭ ءبىر ماعىناسى وسى، دەمەك بولاشاقتا نە بولاتىندىعىن ايتۋ قاتارلىلار پايعامبارلىققا جاتادى.

وسى ىستەردەن سوڭ پايعامبارىمىز كەرى قايتىپ، مەككەگە ورالدى، ول ساپاردا شامامەن ەكى ساعاتتاي بولدى، ءبىراق ول مىڭداعان جىلداردىڭ ءىسىن كوردى، سەبەبى ول ءار جەردە بولدى، بۇنى «تايۋۋ زامان» دەپ اتايدى، وندا ۋاقىت قىسقارىپ كىشىرەيتىلدى، اللا ءجاللا ءجالالۋحۋ قالاسا مىڭداعان جىلداردىڭ ءىسىن ەكى-اق ساعاتقا سىيدىرا بەرەدى، پايعامبارىمىزبەن بولعان ۋاقيعالاردىڭ ءجايى مىنە وسىلاي.

پايعامبارىمىز مەككەگە قايتىپ كەلگەندە، ول ادامداردىڭ يمانعا كەلۋى ءۇشىن، اللا ءاززا ۋا-ءجاللاعا سەنۋلەرى ءۇشىن كورگەندەرىن ايتتى، ال مۇشىرىكتەر بولسا، بۇل ساپارعا قاتتى قۋاندى، ولار «وح، ءبىز مۇحامەتتى بۇنىسىمەن ءجايلايتىن بولدىق.» دەستى، ولار پايعامبارىمىزدى «راسۋل-اللاھ» دەمەيدى، ولار «بۇل نارسەنى ەشكىم ىستەي المايدى، سوندىقتان وعان ەشكىم دە سەنبەيدى.» دەيدى، ولار ايىزى قانعانشا كۇلىپ الىستى، وزگەلەردى شاقىرىپ، بولعان اڭگىمەلەردى ايتتى.

ول كەزدە ساحابالار از بولاتىن، بار-جوعى 40 يا 50-دەي عانا ساحابا بار ەدى، ولار ءسايدينا ءابۋ باكىر ءاس-سىددىققا كەلىپ، «سەن دوسىڭنىڭ نە دەپ جۇرگەنىن ەستىدىڭ بە؟» دەيدى، ول «ول نە ايتتى؟» دەر، ولار وعان پايعامبارىمىزدىڭ قۇدىسقا بارعانىن جانە ونىڭ ونان ارمان كوككە كوتەرىلگەنىن ايتادى ءارى وعان «وسىعان سەنەسىڭ بە؟» دەيدى، ول «بۇنى پايعامبار ايتتى ما؟» دەپ سۇرايدى، ولار «ءيا، ول سولاي ايتتى، ءبىز سودان ەستىدىك.» دەيدى، ول «ەگەر پايعامبار بۇنى ايتقان بولسا، مەن وعان سەنەمىن.» دەيدى، ول باسقا ەشتەڭە سۇرامادى، تەك ولاردان بۇل سوزدەردى پايعامباردان الدە باسقا بىرەۋلەردەن ەستىگەنىن سۇرادى، وسى ىستەن سوڭ ونىڭ ەسىمى «سىددىق» بولدى، ول سەندى، ول كۇشتى ءمۇمين ەدى، ءبىزدىڭ سوپىلىق ءتاريقات پايعامبارىمىزدان باستاۋ الىپ «سىددىق، سالمان، قاسىم، جافار ...» دەپ كەلەدى، ءالحامدۋليللاھ، بارلىعى تاريقاتپەن وسىلاي كەلەدى، بۇل جول قازىرگە دەيىن جالعاسىپ كەلەدى، ول وسى سىزىقتى بويلاپ كەلە جاتىر، ءالحامدۋليللاھ، مىنە بۇل مۇميندەردىڭ جول «سىزىعى»، ينشاللا، بۇرىن بۇل ءتاريقاتتىڭ ءابۋ باكىر سىددىق حازىرەتتىڭ كەزىندەگى ەسىمى «سىددىقيا» بولعان. بۇگىن ءتۇن دە (ەرەجەپ ايى كىرگەن ءتۇن) قاسيەتتى ءتۇن، ءبىز دە ونى قۇتتىقتايمىز، ينشاللا، اللا ءجاللا ءجالالۋحۋ راحىمىمەن بەرەكەسىن ۇمبەتكە جاۋدىرار، ينشاللا.

ءبىز يمان كەلتىرۋشىلەرمىز، بۇل ايتىلعاندار پايعامبارىمىزدىڭ ايتقاندارىمەن كورگەندەرى ەدى، ول جانناتپەن ءجاحاننامدى كوردى، ال ادامدار «ءبىز بۇعان سەنبەيمىز.» دەر، ەگەر ءسىز ساياساتكەر بولساڭىز، وندا ءبىز سىزگە سەنە المايمىز، ءارتيس بولساڭىز دا سولاي، سىزگە سەنۋ قيىن، ال ساۋداگەر بولساڭىز، ءسىز ءبىزدى الداۋىڭىز ابدەن مۇمكىن، ءبىراق ءبىز پايعامبارعا سەنەمىز، وعان يلانامىز، ءتىپتى مۇشىرىكتەردىڭ ءوزى حيجىراعا دەيىن پايعامبارىمىزعا سەنگەن، ولار وعان «ءبىز ساعان سەنبەيمىز.» دەيدى، ءبىراق ولار پايعامبارىمىزدىڭ ءۇيىن مال-مۇلىكتەرىن ساقتايتىن قازىنا قامباسىنداي كورىپ، بارلىعىن وعان تاپسىرىپ، ساقتاتۋشى ەدى، ولار قايتا كەلگەندە، ولاردىڭ مۇلكىن پايعامبارىمىز ولارعا قايتارىپ بەرەتىن، ولار پايعامبارعا جاۋ بولىپ، وعان يمان ەتپەدى، ءبىراق ولار وعان سەندى، ولار تاكاپپارلىعى سەبەپتى، ونى قابىل ەتپەدى، تاكاپپارلىق وتە جامان نارسە، تاكاپپارلىقتارى سەبەپتى كوپتەگەن ادامدار يمانسىز كۇيدە ولەدى، مۇشىرىكتەردىڭ باسىنداعى جاعداي وسى ەدى.

اللا ءجاللا ءجالالۋحۋ بىزگە جاردەم بەرىپ، ءبىزدى ءوزىنىڭ الدىندا كىشىپەيىل جانداردان ەتكەي، ءبىراق پايداسى جوق جامان ادامدارعا كىشىپەيىل بولۋ قاجەتسىز، كەدەيلەرگە، مۇميندەرگە كىشىپەيىل بول، ءبىراق الدىڭدا مۇسىلماندارمەن باسقالار ءجايلى جامان ءسوز ايتىپ، تاكاپپارلىققا باسقاندارعا كىشىپەيىل بولۋدىڭ قاجەتى شامالى، قايتا ونداي ادامدارعا ورلىك قىل، ولاردان ءور بول.

مۇشىرىكتەرمەن مۇسىلماندار اراسىندا عازۋا ياعني سوعىس بولىپ جاتقان ەدى، سول كەزدە ولاردا وتە ۇلكەن ءبىر قىلىش بار بولاتىن، پايعامبارىمىز ەلدى شاقىرىپ «مىنا ۇلكەن قىلىشتى كىم ۇستايدى، كىم ونىڭ قۇنىن وتەپ، اقىسىن كورسەتە الادى؟» دەيدى، ونى الماققا ءبىر كىسى كەلەدى، پايعامبارىمىز وعان «بۇل ساعان بولمايدى.» دەيدى، تاعى ءبىر كىسى كەلدى، وعان دا «ساعان جاراسپايدى.» دەلىندى، تاعى بىرەۋلەر كەلدى، ولارعا دا «بولمايدى.» ايتىلدى، ەڭ سوڭىندا دەنەسى الىپ بالۋان ءبىر ساحابا كەلدى، ونىڭ ەسىمىن ۇمىتىپ قالىپپىن، ول «ونى السام بولاما؟ ماعان بەرەسىز بە؟» دەيدى، پايعامبارىمىز «ءيا، ال.» دەيدى، بۇل ساحابا قىلىشتى الىپ، قىزىل سالدەلى تۇربانىن كيدى ءارى جۇرتقا ماڭعازدىق كورسەتىپ، تاكاپپارلانعانداي بولدى، پايعامبارىمىز بۇل ءىستى كورىپ «پايعامبارىڭمەن راببىڭ اللا ونىڭ بۇل قىلىعىن (مۇميندەر الدىندا تاكاپپارلانعانىن) جاقسى كورمەدى.» دەيدى، الايدا بۇل ساحابا ايبارلانا تاكاپپارلىقپەن سوعىسقا باس قويىپ كەتكەندە، پايعامبارىمىز «ءبىراق ونىڭ بۇل ءىسىن (دۇشپاندارعا تاكاپپارلانعانىن) ۇناتامىز، ءقازىر ول بەينە ءشوپتى شالعىمەن باۋداي شاۋىپ تۇسىرەتىن كىسىگە ۇقسادى.» دەيدى.

كەي جەرلەردە ءسىز دانالىق ىستەۋىڭىز كەرەك، سەبەبى جۇمساق سويلەيتىن كەز بولادى، قاتتىراق سويلەيتىن كەز بولادى، ءور بولاتىن كەز بار، سول سياقتى كىشىپەيىل بولاتىن كەز دە بار، بۇلار سوپىلىق ءتاريقاتتىڭ ادەپتەرىنەن، بۇل ادەپ ءشاريعاتتا جوق، ءبىراق شاريعاتپەن ءتاريقات ۇقساس، كەيبىر ادامدار «ولار ۇقسامايدى.» دەپ ويلاۋى مۇمكىن، الايدا مۇسىلماندارمەن ءتاريقاتتاعىلار بۇنى ءبىلۋى كەرەك، ول ادەپكە جاتادى، ادەپ دەگەنىمىز كىم كورىنگەننەن قورقۋ ەمەس، كەيدە ساقتانساڭىز دا، كەيدە كەرەكتى ءسوزدى ءوز ورنىندا ايتۋ كەرەك، ورنى كەلگەندە ءسوز ايتىلماي قالسا، ءسوزدىڭ اتاسى ولەدى.

اللا ءجاللا ءجالالۋحۋ وسى ايمەن پايعامبارىمىزدىڭ قۇرمەتى ءۇشىن بىزگە دانالىق سىيلاعاي ياعني حيكمەت بەرگەي، ينشاللا.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw