Сұхбат: адамдарға өсиет (2) (2023.01.15, 22 Жүмәдә әл-Ақир 1444)

Айып Сұлтан Дерга, Станбул.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Әбу Аиуб Әл-Әнсәри Мәдад.

Алла Әззә уа-Жәллә ұқсамаған сан түрлі адамдарды жаратты, әрбір адамда ұқсамаған хәл бар. Алла Әззә уа-Жәллә былай дейді:

«عالَُّماْلغُيُوب» (Құран 09:78)

яғни Алла Әззә уа-Жәллә «бұкіл ғайыптарды білуші.» (Құран 09:78) дейді.

Алла Әззә уа-Жәллә бүкіл адам баласының жүректерімен хәлдерін өте жақсы білуші-дүр, Алла Әззә уа-Жәлләдан жасырын қалған ештеңе жоқ, Оның құдіретімен айбыны аса шексіз, ақыл-саналардың оны танып жетуі ешқашан мүмкін емес, оның шегіне еш жетпек жоқ, оның шегі болмайды, Алла Әззә уа-Жәлләның құдіретімен айбынды ұлылығы тым шексіз.

Сондықтан адам баласы Алла Жәллә Жәләлухуға бойұсынуы және Алла Жәллә Жәләлухуға сенуі керек әрі Алла Жәллә Жәләлуху оған не берсе, соған риза болуы керек, сонымен бірге шүкірлік етіңіз, сонда барлығы да жақсы бола бермек әрі Алла Жәллә Жәләлуху бізге берер нығыметін онан арман арттырмақ, бұндағы ең ұлы нығымет біздың мына заманда тым тапшы болып жүрген «Иман» деген нәрсе еді.

Қазіргі осы кездің сұлтаны кім? қазір адамдардың сұлтаны шайтан, олар шайтанның айтқанын істейді, бірақ Алла Әззә уа-Жәлләның айтқанын істемейді әрі осылай бола тұра олар бәлендей жақсылықтың болуын қалайды, олар өздерінің ойы бойынша іс қылуға жанын салып бағады және «мен оны істеймін, бұны қыламын.» дейді, алайда олар пайдасы жоқ, ақыры жақсылыққа апармайтын бос істермен әбігер боп жүр. Мейлі қалағандарыңызды істеңіз немесе бүкіл дүниені өзіңізге тәуелдеп алыңыз, ажалыңыз келгенде, сізді ешкім құтқара алмақ емес, сондықтан Алла Әззә уа-Жәлләға мойын ұсынып бағыну керек.

Қасиетті пайғамбарымыз және басқада барлық пайғамбарлар адамдарға осы себепке байланысты жіберілген, олар адамдардың алданып, шайтанға бас қойып, оған еріп кетпеуі үшін жіберілді, пайғамбарлардың міндеті осы, одан соңғы міндет сахабаларға, машайықтармен мүминдерге жүктелінді, бұл міндет адамилықпен барша адам атаулының пайдасы үшін берілді.

Алла Әззә уа-Жәллә «Алла сендерге жақсылықты, әдемілікті қалайды, ал шайтан сендерге бүкіл кесір-кесапатпен жамандық атаулыны уәде етеді.» дейді, сонымен бірге бұнда көңіл бөлерлік бір іс, шайтан сіздерге кедейлікті уағда етер, Алла Әззә уа-Жәллә «Мен сендерге береке сыйлаймын, шайтан сендерге кедейлік сыйлайды.» дейді. 

Адамдар әлі сол шайтанның артында жүр, олар оған еріп алған, адамзат «бұл оңай» деп ойлар, демек «шайтанға еру оңай» дер, олардың миына келгені міне осы, алайда шындығында шайтанға еру қиын-дүр, себебі шайтанға ерсе, олардың тағдырымен ақыры мүшкіл хәлге дұшар болмақ, бұл жол шыдас бермейтін қиын жол, шайтанның жолы бұзық жолдардың ең бұзығы, Алла Жәллә Жәләлуху сіздері оған еруден сақтағай, оның жол тым ластыққа толған, оның жолы - кесірлі жол, ол барлық мәселелермен залалдарға толы жол, оның жолы көзге қарамаққа әдемі көрінгенімен, ақиқатында ол тек бір алдамшылық қана, ол адамдар үшін ашылған кесірлі жол, ол жол бұл дүниені бүлдіреді, ал ақиретті онан арман мүшкілдестірмек.

Мына дүниеде жүргенде нәпсіңізге ермеңіз, Алла Жәллә Жәләлуху сізге халал нәрселерді берді, ал сіз осыларды істесеңіз ешбір харамды керек етпейтін боласыз, демек олар сізге жеткілікті болмақ, біреулер жұртты «мен саған мұнша берем, содан соң сіз мұнша бересіз.» деп алдайды, бұл шайтан-дүр, олар тағы «егер сіз мынаны істесеңіз, бәлен пайда табасыз, ал ананы істесеңіз, түгілен табасыз.» дейді, мейлі онымен қанша тапсаңыз, сонша таба беріңіз, одан еш пайда да, еш береке де келмес.

Оған қатысты көптеген ғыбыраттар бар, ондай істерді өмірде көп көріп жүрміз. Осыдан шамамен 35 жыл бұрын Кипірде едік, біз Мәуләнә Шайық Назым қазіретпен Лефкадағы бір мешітке бардық, ал қайтып келе жатқан жолда бір үлкен дүкен бар еді, оның иесі Мәуләнәні жақсы көретін, сүйетін еді, оның дүкенінде барлығы бар болатын, бірақ оның дүкеніндегі бір нәрсеге Мәуләнәның көзі түсті, ол Кипірдің ішетін бір нәрсесі ме, әлде басқа ма білмедім, әйтеу арақ екен яғни дүкен иесі арақ қойып сата бастапты. Мәуләнә оған «бұны істеме, тіпті одан пайда тапқан күнде де, одан еш береке келмес, оны сатпа, алып таста, одан аз тиын табарсың, бірақ береке кетеді, берекең қалмайды.» дейді, бірақ ол кісі бәлен бір сылтауын айтып, Мәуләнәның кеңесін қабыл етпеді, 1-2 жыл өтті, кейін біз оның бүкіл үйі, дүкені және оның барлық дүниесі өртке кетіп күйіп кеткенін көрдік, барлығы жанып кетіпті, міне бұл оның қалайша кенеттен барлығын жоғалтып алғанының баяны еді, ол мейлі қанша тапсада, одан еш береке келмеді, ол өзіне де, өзгеге де бақытсыздық алып келді, бар жиғаны бірдемде осылай жоқ болды.

Хараммен табыс табатындардан, харам ішіп-жейтіндерден және онысын тәқ бірдеңе тындырғандай көретіндерден аулақ жүру керек, адамдар бұндай кісілерге сенуіне болмайды, оларға жақындаудың еш керегі жоқ, бұлардың бұл істеп жүрген қасиетсіз істері яғни бақытсыздықтары олардың отбасын да былғайды, бұндағы ең жаманы бұлардың бұл ісі олардың балаларының жаман адам болуына әсер етер, осыбір жаман істері себепті Алла Жәллә Жәләлуху оларға бір кесел жіберсе, олар барлық тапқан-таянғанын сол кеселін емдеуге кетірер, бірақ одан тағы да еш пайда келмес.

Харам ақшамен жаман қылықтың адамдар үшін шегі жоқ нәрсе, сол үшін адам нәпсісіне ермеуі керек.

Алла Жәллә Жәләлуху балаларымызды панасына алғай, қазір көптеген сатқын, опасыз жандар жастарға у жегізіп отыр, олар шегімдікті бүкіл дүниеге таратып жіберді, онсыз да бұны істеп жүргендер Исламмен Алла Жәллә Жәләлухудың дұшпандары еді, олардың одан тапқандары ең әуелі олардың тәніне және өздеріне қайтады, демек ол у өздеріне қайта қайтпақ, олар кейін өздерінің істегеніне өкінер, бірақ ол кезде бұл өкініштері оларға пайда бермейтін болады, сондықтан біреудің «мен бұны (харам затты) салсам бәлен табам, түгілен табам.» деп масайрауының еш орны жоқ, одан ешбір пайда келмек емес.

Алла Жәллә Жәләлуху бұндай харам іс істеп жүргендерді істерінен құтқарғай, ал істемегендерді одан сақтағай.

Қазір әр жерде шайтанның ерекше әскерлері жүр, тіпті бұкіл Ислам әлемінде де олар қаптап жүр, қайда қарасаңызда, бар жерді ренішпен риза болмаушылық жаулап алған, жұрт «ол шегімдікке құмар болған, не екенін білмедік, ол сондай бірдеңеге кіріптар болды, құмар боп қапты.» деп айтып жатады, сондықтан адамдар өз нәпсілерін тежеуі керек, Мұсылман отбасылары, ата-аналар және балалар олардан өзін аулаққа салуы керек.

Бұндай залалды нәрселерді беретін адам шайтаннан да жаман шайтан-дүр, демек оның шайтаннан бетер жаман болғаны, оған ерме, себебі ол саған жақсылық істеп жатқан жоқ, бірақ жамандық істеп жатыр. Балалар ең әуелі темекі шегуден бастайды, ал темекі-шылымдар ең үлкен пәлекеттердің бір егейі-дүр, Алла Жәллә Жәләлуху оларды одан сақтағай, адам әуелі шылым шегер, одан соң ол онан ары қарай басқа жамандыққа жалғасып, барлығы насырға шабар.

Сондықтан «шылым кішкене іс қой.» деп ескерусіздікке салынбаңыз, ғәфілеттік болмасын, оны «болмашы іс.» демеңіз, бұны мейлі қай-қайсыңыз айтсаңыз да, бұл «кішкенеңіз» кейін үлкейе келе, сізді тас-талқан ететін болады, ол сізді осылай жоқ етер.

Сондықтан Алла Жәллә Жәләлухудың жолында болыңыз, Оның жолы өте әдемі, Алла Жәллә Жәләлухудың жолы бұл дүние үшін де, ақирет үшін де аса қайырлы болмақ. Алла Жәллә Жәләлухудың жолында болыңыз, Алла Жәллә Жәләлухудың достары әулиелермен бірге болыңыз , әулиелерді сүйгендермен бірге болыңыз, ал қалған адамдар дос болып жарытпас, тіпті оларды адам деуге де келмес.

Қазіргі мына дүниеде адамдар құбыжық болып кеткен, олар бір-бірін жемекке анталап тұр, сондықтан оларға желініп жем болып қалудан сақтаныңыз, ал сақтанбасаңыз олар сізді жейді әрі үстіңізге түкіріп кететін болады, Алла Жәллә Жәләлуху бізді панасына алғай.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: ادامدارعا وسيەت (2) (2023.01.15، 22 ءجۇمادا ءال-اقير 1444)

ايىپ سۇلتان دەرگا، ستانبۋل.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

ءابۋ ايۋب ءال-ءانساري ءماداد.

اللا ءاززا ۋا-ءجاللا ۇقساماعان سان ءتۇرلى ادامداردى جاراتتى، ءاربىر ادامدا ۇقساماعان ءحال بار. اللا ءاززا ۋا-ءجاللا بىلاي دەيدى:

«عالَُّماْلغُيُوب» (قۇران 09:78)

ياعني اللا ءاززا ۋا-ءجاللا «بۇكىل عايىپتاردى ءبىلۋشى.» (قۇران 09:78) دەيدى.

اللا ءاززا ۋا-ءجاللا بۇكىل ادام بالاسىنىڭ جۇرەكتەرىمەن حالدەرىن وتە جاقسى ءبىلۋشى-ءدۇر، اللا ءاززا ۋا-ءجاللادان جاسىرىن قالعان ەشتەڭە جوق، ونىڭ قۇدىرەتىمەن ايبىنى اسا شەكسىز، اقىل-سانالاردىڭ ونى تانىپ جەتۋى ەشقاشان مۇمكىن ەمەس، ونىڭ شەگىنە ەش جەتپەك جوق، ونىڭ شەگى بولمايدى، اللا ءاززا ۋا-ءجاللانىڭ قۇدىرەتىمەن ايبىندى ۇلىلىعى تىم شەكسىز.

سوندىقتان ادام بالاسى اللا ءجاللا ءجالالۋحۋعا بويۇسىنۋى جانە اللا ءجاللا ءجالالۋحۋعا سەنۋى كەرەك ءارى اللا ءجاللا ءجالالۋحۋ وعان نە بەرسە، سوعان ريزا بولۋى كەرەك، سونىمەن بىرگە شۇكىرلىك ەتىڭىز، سوندا بارلىعى دا جاقسى بولا بەرمەك ءارى اللا ءجاللا ءجالالۋحۋ بىزگە بەرەر نىعىمەتىن ونان ارمان ارتتىرماق، بۇنداعى ەڭ ۇلى نىعىمەت ءبىزدىڭ مىنا زاماندا تىم تاپشى بولىپ جۇرگەن «يمان» دەگەن نارسە ەدى.

قازىرگى وسى كەزدىڭ سۇلتانى كىم؟ ءقازىر ادامداردىڭ سۇلتانى شايتان، ولار شايتاننىڭ ايتقانىن ىستەيدى، ءبىراق اللا ءاززا ۋا-ءجاللانىڭ ايتقانىن ىستەمەيدى ءارى وسىلاي بولا تۇرا ولار بالەندەي جاقسىلىقتىڭ بولۋىن قالايدى، ولار وزدەرىنىڭ ويى بويىنشا ءىس قىلۋعا جانىن سالىپ باعادى جانە «مەن ونى ىستەيمىن، بۇنى قىلامىن.» دەيدى، الايدا ولار پايداسى جوق، اقىرى جاقسىلىققا اپارمايتىن بوس ىستەرمەن ابىگەر بوپ ءجۇر. مەيلى قالاعاندارىڭىزدى ىستەڭىز نەمەسە بۇكىل دۇنيەنى وزىڭىزگە تاۋەلدەپ الىڭىز، اجالىڭىز كەلگەندە، ءسىزدى ەشكىم قۇتقارا الماق ەمەس، سوندىقتان اللا ءاززا ۋا-ءجاللاعا مويىن ۇسىنىپ باعىنۋ كەرەك.

قاسيەتتى پايعامبارىمىز جانە باسقادا بارلىق پايعامبارلار ادامدارعا وسى سەبەپكە بايلانىستى جىبەرىلگەن، ولار ادامداردىڭ الدانىپ، شايتانعا باس قويىپ، وعان ەرىپ كەتپەۋى ءۇشىن جىبەرىلدى، پايعامبارلاردىڭ مىندەتى وسى، ودان سوڭعى مىندەت ساحابالارعا، ماشايىقتارمەن مۇميندەرگە جۇكتەلىندى، بۇل مىندەت اداميلىقپەن بارشا ادام اتاۋلىنىڭ پايداسى ءۇشىن بەرىلدى.

اللا ءاززا ۋا-ءجاللا «اللا سەندەرگە جاقسىلىقتى، ادەمىلىكتى قالايدى، ال شايتان سەندەرگە بۇكىل كەسىر-كەساپاتپەن جاماندىق اتاۋلىنى ۋادە ەتەدى.» دەيدى، سونىمەن بىرگە بۇندا كوڭىل بولەرلىك ءبىر ءىس، شايتان سىزدەرگە كەدەيلىكتى ۋاعدا ەتەر، اللا ءاززا ۋا-ءجاللا «مەن سەندەرگە بەرەكە سىيلايمىن، شايتان سەندەرگە كەدەيلىك سىيلايدى.» دەيدى. 

ادامدار ءالى سول شايتاننىڭ ارتىندا ءجۇر، ولار وعان ەرىپ العان، ادامزات «بۇل وڭاي» دەپ ويلار، دەمەك «شايتانعا ەرۋ وڭاي» دەر، ولاردىڭ ميىنا كەلگەنى مىنە وسى، الايدا شىندىعىندا شايتانعا ەرۋ قيىن-ءدۇر، سەبەبى شايتانعا ەرسە، ولاردىڭ تاعدىرىمەن اقىرى مۇشكىل حالگە دۇشار بولماق، بۇل جول شىداس بەرمەيتىن قيىن جول، شايتاننىڭ جولى بۇزىق جولداردىڭ ەڭ بۇزىعى، اللا ءجاللا ءجالالۋحۋ سىزدەرى وعان ەرۋدەن ساقتاعاي، ونىڭ جول تىم لاستىققا تولعان، ونىڭ جولى - كەسىرلى جول، ول بارلىق ماسەلەلەرمەن زالالدارعا تولى جول، ونىڭ جولى كوزگە قاراماققا ادەمى كورىنگەنىمەن، اقيقاتىندا ول تەك ءبىر الدامشىلىق قانا، ول ادامدار ءۇشىن اشىلعان كەسىرلى جول، ول جول بۇل دۇنيەنى بۇلدىرەدى، ال اقيرەتتى ونان ارمان مۇشكىلدەستىرمەك.

مىنا دۇنيەدە جۇرگەندە ناپسىڭىزگە ەرمەڭىز، اللا ءجاللا ءجالالۋحۋ سىزگە حالال نارسەلەردى بەردى، ال ءسىز وسىلاردى ىستەسەڭىز ەشبىر حارامدى كەرەك ەتپەيتىن بولاسىز، دەمەك ولار سىزگە جەتكىلىكتى بولماق، بىرەۋلەر جۇرتتى «مەن ساعان مۇنشا بەرەم، سودان سوڭ ءسىز مۇنشا بەرەسىز.» دەپ الدايدى، بۇل شايتان-ءدۇر، ولار تاعى «ەگەر ءسىز مىنانى ىستەسەڭىز، بالەن پايدا تاباسىز، ال انانى ىستەسەڭىز، تۇگىلەن تاباسىز.» دەيدى، مەيلى ونىمەن قانشا تاپساڭىز، سونشا تابا بەرىڭىز، ودان ەش پايدا دا، ەش بەرەكە دە كەلمەس.

وعان قاتىستى كوپتەگەن عىبىراتتار بار، ونداي ىستەردى ومىردە كوپ كورىپ ءجۇرمىز. وسىدان شامامەن 35 جىل بۇرىن كيپىردە ەدىك، ءبىز ءماۋلانا شايىق نازىم قازىرەتپەن لەفكاداعى ءبىر مەشىتكە باردىق، ال قايتىپ كەلە جاتقان جولدا ءبىر ۇلكەن دۇكەن بار ەدى، ونىڭ يەسى ءماۋلانانى جاقسى كورەتىن، سۇيەتىن ەدى، ونىڭ دۇكەنىندە بارلىعى بار بولاتىن، ءبىراق ونىڭ دۇكەنىندەگى ءبىر نارسەگە ءماۋلانانىڭ كوزى ءتۇستى، ول كيپىردىڭ ىشەتىن ءبىر نارسەسى مە، الدە باسقا ما بىلمەدىم، ايتەۋ اراق ەكەن ياعني دۇكەن يەسى اراق قويىپ ساتا باستاپتى. ءماۋلانا وعان «بۇنى ىستەمە، ءتىپتى ودان پايدا تاپقان كۇندە دە، ودان ەش بەرەكە كەلمەس، ونى ساتپا، الىپ تاستا، ودان از تيىن تابارسىڭ، ءبىراق بەرەكە كەتەدى، بەرەكەڭ قالمايدى.» دەيدى، ءبىراق ول كىسى بالەن ءبىر سىلتاۋىن ايتىپ، ءماۋلانانىڭ كەڭەسىن قابىل ەتپەدى، 1-2 جىل ءوتتى، كەيىن ءبىز ونىڭ بۇكىل ءۇيى، دۇكەنى جانە ونىڭ بارلىق دۇنيەسى ورتكە كەتىپ كۇيىپ كەتكەنىن كوردىك، بارلىعى جانىپ كەتىپتى، مىنە بۇل ونىڭ قالايشا كەنەتتەن بارلىعىن جوعالتىپ العانىنىڭ بايانى ەدى، ول مەيلى قانشا تاپسادا، ودان ەش بەرەكە كەلمەدى، ول وزىنە دە، وزگەگە دە باقىتسىزدىق الىپ كەلدى، بار جيعانى بىردەمدە وسىلاي جوق بولدى.

حاراممەن تابىس تاباتىنداردان، حارام ءىشىپ-جەيتىندەردەن جانە ونىسىن ءتاق بىردەڭە تىندىرعانداي كورەتىندەردەن اۋلاق ءجۇرۋ كەرەك، ادامدار بۇنداي كىسىلەرگە سەنۋىنە بولمايدى، ولارعا جاقىنداۋدىڭ ەش كەرەگى جوق، بۇلاردىڭ بۇل ىستەپ جۇرگەن قاسيەتسىز ىستەرى ياعني باقىتسىزدىقتارى ولاردىڭ وتباسىن دا بىلعايدى، بۇنداعى ەڭ جامانى بۇلاردىڭ بۇل ءىسى ولاردىڭ بالالارىنىڭ جامان ادام بولۋىنا اسەر ەتەر، ءوسىبىر جامان ىستەرى سەبەپتى اللا ءجاللا ءجالالۋحۋ ولارعا ءبىر كەسەل جىبەرسە، ولار بارلىق تاپقان-تايانعانىن سول كەسەلىن ەمدەۋگە كەتىرەر، ءبىراق ودان تاعى دا ەش پايدا كەلمەس.

حارام اقشامەن جامان قىلىقتىڭ ادامدار ءۇشىن شەگى جوق نارسە، سول ءۇشىن ادام ناپسىسىنە ەرمەۋى كەرەك.

اللا ءجاللا ءجالالۋحۋ بالالارىمىزدى پاناسىنا العاي، ءقازىر كوپتەگەن ساتقىن، وپاسىز جاندار جاستارعا ۋ جەگىزىپ وتىر، ولار شەگىمدىكتى بۇكىل دۇنيەگە تاراتىپ جىبەردى، ونسىز دا بۇنى ىستەپ جۇرگەندەر يسلاممەن اللا ءجاللا ءجالالۋحۋدىڭ دۇشپاندارى ەدى، ولاردىڭ ودان تاپقاندارى ەڭ اۋەلى ولاردىڭ تانىنە جانە وزدەرىنە قايتادى، دەمەك ول ۋ وزدەرىنە قايتا قايتپاق، ولار كەيىن وزدەرىنىڭ ىستەگەنىنە وكىنەر، ءبىراق ول كەزدە بۇل وكىنىشتەرى ولارعا پايدا بەرمەيتىن بولادى، سوندىقتان بىرەۋدىڭ «مەن بۇنى (حارام زاتتى) سالسام بالەن تابام، تۇگىلەن تابام.» دەپ ماسايراۋىنىڭ ەش ورنى جوق، ودان ەشبىر پايدا كەلمەك ەمەس.

اللا ءجاللا ءجالالۋحۋ بۇنداي حارام ءىس ىستەپ جۇرگەندەردى ىستەرىنەن قۇتقارعاي، ال ىستەمەگەندەردى ودان ساقتاعاي.

ءقازىر ءار جەردە شايتاننىڭ ەرەكشە اسكەرلەرى ءجۇر، ءتىپتى بۇكىل يسلام الەمىندە دە ولار قاپتاپ ءجۇر، قايدا قاراساڭىزدا، بار جەردى رەنىشپەن ريزا بولماۋشىلىق جاۋلاپ العان، جۇرت «ول شەگىمدىككە قۇمار بولعان، نە ەكەنىن بىلمەدىك، ول سونداي بىردەڭەگە كىرىپتار بولدى، قۇمار بوپ قاپتى.» دەپ ايتىپ جاتادى، سوندىقتان ادامدار ءوز ناپسىلەرىن تەجەۋى كەرەك، مۇسىلمان وتباسىلارى، اتا-انالار جانە بالالار ولاردان ءوزىن اۋلاققا سالۋى كەرەك.

بۇنداي زالالدى نارسەلەردى بەرەتىن ادام شايتاننان دا جامان شايتان-ءدۇر، دەمەك ونىڭ شايتاننان بەتەر جامان بولعانى، وعان ەرمە، سەبەبى ول ساعان جاقسىلىق ىستەپ جاتقان جوق، ءبىراق جاماندىق ىستەپ جاتىر. بالالار ەڭ اۋەلى تەمەكى شەگۋدەن باستايدى، ال تەمەكى-شىلىمدار ەڭ ۇلكەن پالەكەتتەردىڭ ءبىر ەگەيى-ءدۇر، اللا ءجاللا ءجالالۋحۋ ولاردى ودان ساقتاعاي، ادام اۋەلى شىلىم شەگەر، ودان سوڭ ول ونان ارى قاراي باسقا جاماندىققا جالعاسىپ، بارلىعى ناسىرعا شابار.

سوندىقتان «شىلىم كىشكەنە ءىس قوي.» دەپ ەسكەرۋسىزدىككە سالىنباڭىز، عافىلەتتىك بولماسىن، ونى «بولماشى ءىس.» دەمەڭىز، بۇنى مەيلى قاي-قايسىڭىز ايتساڭىز دا، بۇل «كىشكەنەڭىز» كەيىن ۇلكەيە كەلە، ءسىزدى تاس-تالقان ەتەتىن بولادى، ول ءسىزدى وسىلاي جوق ەتەر.

سوندىقتان اللا ءجاللا ءجالالۋحۋدىڭ جولىندا بولىڭىز، ونىڭ جولى وتە ادەمى، اللا ءجاللا ءجالالۋحۋدىڭ جولى بۇل دۇنيە ءۇشىن دە، اقيرەت ءۇشىن دە اسا قايىرلى بولماق. اللا ءجاللا ءجالالۋحۋدىڭ جولىندا بولىڭىز، اللا ءجاللا ءجالالۋحۋدىڭ دوستارى اۋليەلەرمەن بىرگە بولىڭىز ، اۋليەلەردى سۇيگەندەرمەن بىرگە بولىڭىز، ال قالعان ادامدار دوس بولىپ جارىتپاس، ءتىپتى ولاردى ادام دەۋگە دە كەلمەس.

قازىرگى مىنا دۇنيەدە ادامدار قۇبىجىق بولىپ كەتكەن، ولار ءبىر-ءبىرىن جەمەككە انتالاپ تۇر، سوندىقتان ولارعا جەلىنىپ جەم بولىپ قالۋدان ساقتانىڭىز، ال ساقتانباساڭىز ولار ءسىزدى جەيدى ءارى ۇستىڭىزگە تۇكىرىپ كەتەتىن بولادى، اللا ءجاللا ءجالالۋحۋ ءبىزدى پاناسىنا العاي.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw