Сұхбат: балаға ең алғаш үйретілетін нәрсе (2023.01.05, 12 Жүмәдә әл-Ақир 1444)

Ақ Баба Дергасы, Таң Намаз.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

«أَلَا بِذِكْرِ اللَّهِ تَطْمَئِنُّ الْقُلُوبُ» (құран 13:28).

«Шыныменде, жүрек Алланы зікірлеумен тыныш табады.» (құран 13:28) делінген.

Жүрек Алла Әззә уа-Жәлләны зікірлеу арқылы қанағатын табады, адамдар ұдайы Алла Жәллә Жәләлухуды зікірлеп еске алумен тыныштыққа жетеді, сондықтан пайғамбарымыз саллал-лаху әлейхис-салам «балаларыңның тілі шыға бастағанда олардың ең алғашқы тіл ашар сөзін "Аллаһ" деп үйретіңдер.» дейді, олардың тілі осыған үйренуі керек, олардың тілі Алла Жәллә Жәләлухудың есімімен басталып жетілсе, олардың өмірі жақсы болады әрі Алла Жәллә Жәләлуху оларды қорғап өсірер. Қасиетті пайғамбарымыз саллал-лаху әлейхис-салам тіпті сәбилердің өзі Алла Жәллә Жәләлухудың атын атау арқылы да аса зор игілікке жететінін айтады, үйрететін істердің ішінде балаларға Алла Жәллә Жәләлуху жәйлі білім сөзсіз үйретілуі керек.

Қазір елдің барлығы балаларын оқыту жәйлі алаң болып жүр, олар «балаларымыз не істеу керек? оларды қайсы мектепке берсек болады? олар қайсы институт, қайсы университетке оқыса жақсы?» дейді, бүкіл дүние осымен әбігер, бұл ескірген тақырып, бұлай дейтініміздің себебі жұрт осыдан 30-40 жыл бұрын-ақ осы нәрселерін ақырындап айта бастаған еді, ал қазір бұл тақырып қатты қызып тұр, ел-жұрт бұдан басқа ештеңені ойламайтын болған, барлығының есіл-дерті сонда, алайда Алла Әззә уа-Жәллә адамдарға «Алла Жәллә Жәләлухуды зікірлеумен қарбалас болыңдар.» дейді, кімде-кім Алла Жәллә Жәләлухуды зікірлеумен қарбалас болса, ол тыныштыққа жететін болады.

Оқу немесе мектепке апару я онда бару-келу еш маңызды іс емес, себебі маңызды іс дегеніміз Алла Әззә уа-Жәлләны білу болатұғын, егер балаларды мектепке бермек болсаңыз оларға Алла Әззә уа-Жәлләны ұғындыратын және Ол хақында үйрететін мектептерге беру керек, бұны білмекте зор игілік бар, ал қалғандары жәй әңгіме, кеудесінде жүрегі бар тірі жанның барлығы оқып жүр ғой, барлығы да өз тіршілігін қылып жатыр емеспе! бұл нәрселер басты мақсат емес, басты мақсат Алла Әззә уа-Жәлләны білу және Оның ризалығына жету болмақ.

Айтып өткеніміздей, сонау сәби кезінен бастап, өмірінің соңғы деміне дейін Алла Жәллә Жәләлухуды зікірлеп өткен жан Алла Жәллә Жәләлухудың ризалығына бөленеді, міне сондайлар Алла Жәллә Жәләлухудың сүйікті құлдары болмақ, ал басқа нәрселермен қарбалас болып, Алла Жәллә Жәләлухуды ұмытқандар мейлі кім болса сол болсын, олар Алла Жәллә Жәләлухудың назарында ештеңеге жарамас құнсыз біреу болар, жұрт өздерінің жеке бас-пайдасы үшін сондай адамдармен бір болады, олар олармен уақыттарын өткізеді, оларға ереді, бұл нәрселерді адамдар тек жеке пайдасы үшін істер, басқа дәнеңеде жоқ, алайда кімде-кім Алла Жәллә Жәләлухудың ризалығы үшін құлшынса, адамдарды Алла Жәллә Жәләлухудың махаббатымен сүйсе, сол үшін олармен бірге болса, ол адам жақсы адам саналмақ.

Алла Жәллә Жәләлухудың зікірі жүрегімізде ұдайы сайрап тұрғай, иншалла, сонымен бірге біз жұрттың үнемі Алла Жәллә Жәләлухуды есіне алып, Оны зікірлеп жүруіне дұға етеміз, иншалла.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: بالاعا ەڭ العاش ۇيرەتىلەتىن نارسە (2023.01.05، 12 ءجۇمادا ءال-اقير 1444)

اق بابا دەرگاسى، تاڭ ناماز.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

«أَلَا بِذِكْرِ اللَّهِ تَطْمَئِنُّ الْقُلُوبُ» (قۇران 13:28).

«شىنىمەندە، جۇرەك اللانى زىكىرلەۋمەن تىنىش تابادى.» (قۇران 13:28) دەلىنگەن.

جۇرەك اللا ءاززا ۋا-ءجاللانى زىكىرلەۋ ارقىلى قاناعاتىن تابادى، ادامدار ۇدايى اللا ءجاللا ءجالالۋحۋدى زىكىرلەپ ەسكە الۋمەن تىنىشتىققا جەتەدى، سوندىقتان پايعامبارىمىز ساللال-لاحۋ الەيحيس-سالام «بالالارىڭنىڭ ءتىلى شىعا باستاعاندا ولاردىڭ ەڭ العاشقى ءتىل اشار ءسوزىن "اللاھ" دەپ ۇيرەتىڭدەر.» دەيدى، ولاردىڭ ءتىلى وسىعان ۇيرەنۋى كەرەك، ولاردىڭ ءتىلى اللا ءجاللا ءجالالۋحۋدىڭ ەسىمىمەن باستالىپ جەتىلسە، ولاردىڭ ءومىرى جاقسى بولادى ءارى اللا ءجاللا ءجالالۋحۋ ولاردى قورعاپ وسىرەر. قاسيەتتى پايعامبارىمىز ساللال-لاحۋ الەيحيس-سالام ءتىپتى سابيلەردىڭ ءوزى اللا ءجاللا ءجالالۋحۋدىڭ اتىن اتاۋ ارقىلى دا اسا زور يگىلىككە جەتەتىنىن ايتادى، ۇيرەتەتىن ىستەردىڭ ىشىندە بالالارعا اللا ءجاللا ءجالالۋحۋ ءجايلى ءبىلىم ءسوزسىز ۇيرەتىلۋى كەرەك.

ءقازىر ەلدىڭ بارلىعى بالالارىن وقىتۋ ءجايلى الاڭ بولىپ ءجۇر، ولار «بالالارىمىز نە ىستەۋ كەرەك؟ ولاردى قايسى مەكتەپكە بەرسەك بولادى؟ ولار قايسى ينستيتۋت، قايسى ۋنيۆەرسيتەتكە وقىسا جاقسى؟» دەيدى، بۇكىل دۇنيە وسىمەن ابىگەر، بۇل ەسكىرگەن تاقىرىپ، بۇلاي دەيتىنىمىزدىڭ سەبەبى جۇرت وسىدان 30-40 جىل بۇرىن-اق وسى نارسەلەرىن اقىرىنداپ ايتا باستاعان ەدى، ال ءقازىر بۇل تاقىرىپ قاتتى قىزىپ تۇر، ەل-جۇرت بۇدان باسقا ەشتەڭەنى ويلامايتىن بولعان، بارلىعىنىڭ ەسىل-دەرتى سوندا، الايدا اللا ءاززا ۋا-ءجاللا ادامدارعا «اللا ءجاللا ءجالالۋحۋدى زىكىرلەۋمەن قاربالاس بولىڭدار.» دەيدى، كىمدە-كىم اللا ءجاللا ءجالالۋحۋدى زىكىرلەۋمەن قاربالاس بولسا، ول تىنىشتىققا جەتەتىن بولادى.

وقۋ نەمەسە مەكتەپكە اپارۋ يا وندا بارۋ-كەلۋ ەش ماڭىزدى ءىس ەمەس، سەبەبى ماڭىزدى ءىس دەگەنىمىز اللا ءاززا ۋا-ءجاللانى ءبىلۋ بولاتۇعىن، ەگەر بالالاردى مەكتەپكە بەرمەك بولساڭىز ولارعا اللا ءاززا ۋا-ءجاللانى ۇعىندىراتىن جانە ول حاقىندا ۇيرەتەتىن مەكتەپتەرگە بەرۋ كەرەك، بۇنى بىلمەكتە زور يگىلىك بار، ال قالعاندارى ءجاي اڭگىمە، كەۋدەسىندە جۇرەگى بار ءتىرى جاننىڭ بارلىعى وقىپ ءجۇر عوي، بارلىعى دا ءوز تىرشىلىگىن قىلىپ جاتىر ەمەسپە! بۇل نارسەلەر باستى ماقسات ەمەس، باستى ماقسات اللا ءاززا ۋا-ءجاللانى ءبىلۋ جانە ونىڭ ريزالىعىنا جەتۋ بولماق.

ايتىپ وتكەنىمىزدەي، سوناۋ ءسابي كەزىنەن باستاپ، ءومىرىنىڭ سوڭعى دەمىنە دەيىن اللا ءجاللا ءجالالۋحۋدى زىكىرلەپ وتكەن جان اللا ءجاللا ءجالالۋحۋدىڭ ريزالىعىنا بولەنەدى، مىنە سوندايلار اللا ءجاللا ءجالالۋحۋدىڭ سۇيىكتى قۇلدارى بولماق، ال باسقا نارسەلەرمەن قاربالاس بولىپ، اللا ءجاللا ءجالالۋحۋدى ۇمىتقاندار مەيلى كىم بولسا سول بولسىن، ولار اللا ءجاللا ءجالالۋحۋدىڭ نازارىندا ەشتەڭەگە جاراماس قۇنسىز بىرەۋ بولار، جۇرت وزدەرىنىڭ جەكە باس-پايداسى ءۇشىن سونداي ادامدارمەن ءبىر بولادى، ولار ولارمەن ۋاقىتتارىن وتكىزەدى، ولارعا ەرەدى، بۇل نارسەلەردى ادامدار تەك جەكە پايداسى ءۇشىن ىستەر، باسقا دانەڭەدە جوق، الايدا كىمدە-كىم اللا ءجاللا ءجالالۋحۋدىڭ ريزالىعى ءۇشىن قۇلشىنسا، ادامداردى اللا ءجاللا ءجالالۋحۋدىڭ ماحابباتىمەن سۇيسە، سول ءۇشىن ولارمەن بىرگە بولسا، ول ادام جاقسى ادام سانالماق.

اللا ءجاللا ءجالالۋحۋدىڭ زىكىرى جۇرەگىمىزدە ۇدايى سايراپ تۇرعاي، ينشاللا، سونىمەن بىرگە ءبىز جۇرتتىڭ ۇنەمى اللا ءجاللا ءجالالۋحۋدى ەسىنە الىپ، ونى زىكىرلەپ جۇرۋىنە دۇعا ەتەمىز، ينشاللا.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw