Сұхбат: жақсылыққа үміттен (2022.12.20, 26 Жүмәдүл әуәл 1444)

Лефка, Кипр Аралы.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт.

Тәриқатуна әс-Сұхбах уа л-Қайру фи л-Жәмиях.

«”طُو ُل الأَ َمل“»

«Тұлұл амал» яғни «тынымсыз үміт» дейді қасиетті пайғамбарымыз.

Адамдардың тынымсыз үміттері оларды үнемі істемекші болған ісінен тосып қояды, сондықтан көп жағдайларда көптеген адамдар «болашақта ананы істеймін я мынаны істеймін.» деп жүріп, соңында ештеңе істей алмай қалып жатады, осы себептерге байланысты Алла Әззә уа-Жәллә «жақсы істі тезден істеп жіберуге асығыңдар.» дейді, бірақ көп ел «мен оны кейін істеймін немесе басқа уақытта істеймін, болашақта істей жатармын.» дейді, бұнда сіздің сол болашаққа жете алар я жете алмасыңыз еш анық емес, оған кепілдік жоқ.

Қасиетті пайғамбарымыз бұл мәселерді сонау баяғыда-ақ көрсетіп кеткен еді, ол жерге үш сызық сызды, оның біреуін алдыға қарай тартып, ұзын етіп сызды да, қалғанын қысқа етіп сызып, артқа қалдырып қойды, содан соң пайғамбарымыз «мына алға қарай кетіп бара жатқан сызық өлім, ал артта қалған сызықтар үміт.» деп айтты, қараңыз, міне осылай үміт ұдайы артта қалып отырады.

Әрине, Алла Әззә уа-Жәллә «үмітті» адамдардың жәйлылығы үшін жаратты, оның пайдасы да, сонымен бірге зияны да бар, сондықтан оны дұрыс жаққа пайдалана білуіміз керек, арап халқында мынадай бір сөз бар:

«“مَا أَضْيَقَ العَيْشَ لَوْلاَ فُسْحَةُ الأَمَلِ”»

мағынасы «үміттің кең көкжиегі болмаса, мына өмір тым тарылып кетеді.» деген сөз, расында, егер үмітпен арман болмаса мына өмір қатты қиындасып, тым тарыла түсер еді, ол кезде адамдар өздерін бейне түрмеде отырғандай сезінбек. Жұрттан екі тал дауыс ала алмасада, бірақ өздерін президент болып кететіндей сезініп, ісініп сыймай жүрген үміттері таудан үлкен жандар бар, үміттің «құдіреті» міне осындай, олар оны үміт етеді, олар өздерін үмітпен жұбандырып, өздерін жәйлі сезінеді.

Осы тектес істер көп кездеседі, алайда айтып өткеніміздей, көптеген адамдар үміт-армандарының артынан босқа шауып, уақыттарымен ақшаларын бекерден-бекер ысырап етеді, бірақ сіз Алла тағаланың жолында болсаңыз, әр нәрсені Алла тағаладан үміт ететін боласыз, әрбір жақсылық, құт-береке, бәрі-бәрі Алла тағала жағынан беріледі, Алла тағала өз рұқсат-қалауымен өз қалағанына қалағанын береді, үміт пайдасыз бос нәрсе де емес, адамдар оған бұнда жете алмаса да, олар ақиретте қуанатын болады.

Алайда дүние қуалап, тек дүниені ғана ойлайтын, тек дүниені ғана үміт ететіндердың күні қиындайтын болады, оларды қиындыққа толы уақыттар күтуде. Алла тағала баршамызды панасына алып қорғағай, біз жақсылықпен игілікті үміт етелік, иншалла, бізді Алла тағаланың жолында болуға нәсіп етсін.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw

سۇحبات: جاقسىلىققا ۇمىتتەن (2022.12.20، 26 ءجۇمادۇل ءاۋال 1444)

لەفكا، كيپر ارالى.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات.

ءتاريقاتۋنا ءاس-سۇحباح ۋا ل-قايرۋ في ل-ءجامياح.

«”طُو ُل الأَ َمل“»

«تۇلۇل امال» ياعني «تىنىمسىز ءۇمىت» دەيدى قاسيەتتى پايعامبارىمىز.

ادامداردىڭ تىنىمسىز ۇمىتتەرى ولاردى ۇنەمى ىستەمەكشى بولعان ىسىنەن توسىپ قويادى، سوندىقتان كوپ جاعدايلاردا كوپتەگەن ادامدار «بولاشاقتا انانى ىستەيمىن يا مىنانى ىستەيمىن.» دەپ ءجۇرىپ، سوڭىندا ەشتەڭە ىستەي الماي قالىپ جاتادى، وسى سەبەپتەرگە بايلانىستى اللا ءاززا ۋا-ءجاللا «جاقسى ءىستى تەزدەن ىستەپ جىبەرۋگە اسىعىڭدار.» دەيدى، ءبىراق كوپ ەل «مەن ونى كەيىن ىستەيمىن نەمەسە باسقا ۋاقىتتا ىستەيمىن، بولاشاقتا ىستەي جاتارمىن.» دەيدى، بۇندا ءسىزدىڭ سول بولاشاققا جەتە الار يا جەتە الماسىڭىز ەش انىق ەمەس، وعان كەپىلدىك جوق.

قاسيەتتى پايعامبارىمىز بۇل ماسەلەردى سوناۋ باياعىدا-اق كورسەتىپ كەتكەن ەدى، ول جەرگە ءۇش سىزىق سىزدى، ونىڭ بىرەۋىن الدىعا قاراي تارتىپ، ۇزىن ەتىپ سىزدى دا، قالعانىن قىسقا ەتىپ سىزىپ، ارتقا قالدىرىپ قويدى، سودان سوڭ پايعامبارىمىز «مىنا العا قاراي كەتىپ بارا جاتقان سىزىق ءولىم، ال ارتتا قالعان سىزىقتار ءۇمىت.» دەپ ايتتى، قاراڭىز، مىنە وسىلاي ءۇمىت ۇدايى ارتتا قالىپ وتىرادى.

ارينە، اللا ءاززا ۋا-ءجاللا «ءۇمىتتى» ادامداردىڭ ءجايلىلىعى ءۇشىن جاراتتى، ونىڭ پايداسى دا، سونىمەن بىرگە زيانى دا بار، سوندىقتان ونى دۇرىس جاققا پايدالانا ءبىلۋىمىز كەرەك، اراپ حالقىندا مىناداي ءبىر ءسوز بار:

«“مَا أَضْيَقَ العَيْشَ لَوْلاَ فُسْحَةُ الأَمَلِ”»

ماعىناسى «ءۇمىتتىڭ كەڭ كوكجيەگى بولماسا، مىنا ءومىر تىم تارىلىپ كەتەدى.» دەگەن ءسوز، راسىندا، ەگەر ۇمىتپەن ارمان بولماسا مىنا ءومىر قاتتى قيىنداسىپ، تىم تارىلا تۇسەر ەدى، ول كەزدە ادامدار وزدەرىن بەينە تۇرمەدە وتىرعانداي سەزىنبەك. جۇرتتان ەكى تال داۋىس الا الماسادا، ءبىراق وزدەرىن پرەزيدەنت بولىپ كەتەتىندەي سەزىنىپ، ءىسىنىپ سىيماي جۇرگەن ۇمىتتەرى تاۋدان ۇلكەن جاندار بار، ءۇمىتتىڭ «قۇدىرەتى» مىنە وسىنداي، ولار ونى ءۇمىت ەتەدى، ولار وزدەرىن ۇمىتپەن جۇباندىرىپ، وزدەرىن ءجايلى سەزىنەدى.

وسى تەكتەس ىستەر كوپ كەزدەسەدى، الايدا ايتىپ وتكەنىمىزدەي، كوپتەگەن ادامدار ءۇمىت-ارماندارىنىڭ ارتىنان بوسقا شاۋىپ، ۋاقىتتارىمەن اقشالارىن بەكەردەن-بەكەر ىسىراپ ەتەدى، ءبىراق ءسىز اللا تاعالانىڭ جولىندا بولساڭىز، ءار نارسەنى اللا تاعالادان ءۇمىت ەتەتىن بولاسىز، ءاربىر جاقسىلىق، قۇت-بەرەكە، ءبارى-ءبارى اللا تاعالا جاعىنان بەرىلەدى، اللا تاعالا ءوز رۇقسات-قالاۋىمەن ءوز قالاعانىنا قالاعانىن بەرەدى، ءۇمىت پايداسىز بوس نارسە دە ەمەس، ادامدار وعان بۇندا جەتە الماسا دا، ولار اقيرەتتە قۋاناتىن بولادى.

الايدا دۇنيە قۋالاپ، تەك دۇنيەنى عانا ويلايتىن، تەك دۇنيەنى عانا ءۇمىت ەتەتىندەردىڭ كۇنى قيىندايتىن بولادى، ولاردى قيىندىققا تولى ۋاقىتتار كۇتۋدە. اللا تاعالا بارشامىزدى پاناسىنا الىپ قورعاعاي، ءبىز جاقسىلىقپەن يگىلىكتى ءۇمىت ەتەلىك، ينشاللا، ءبىزدى اللا تاعالانىڭ جولىندا بولۋعا ءناسىپ ەتسىن.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw