Сұхбат: ісіңді жасырын іске асыр (2022.12.07, 13 Жүмәдүл әуәл 1444)

Таң намазы, Ақбаба Дергасы

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт.

Тәриқатуна әс-Сұхбах уа л-Қайру фи л-Жәмиях.

Қасиетті пайғамбарымыз былай дейді:

«اسْتَعِينُوا عَلَى قَضَاءِ حَوَائِجَكُمْ بِالْكِتْمَانِ»

Бұнда «қажетті істеріңді істегенде, оны жасыру арқылы өзіңе көмек қыл» делінген, мәлім бір істі істегенде оны ешкімге білдірмей істеңіз, әйтпесе өзгелер сізден қызғануы мүмкін, содан соң жоспарыңыз орындалмай қалуы мүмкін немесе өзіңіз жәйсіз бір күйде қалуыңыз мүмкін, сондықтан бұнда шаруаңызды жақсы іске асыруға қатысты берілген осыбір әдемі кеңес бар, себебі адамдардың барлығында нәпсі болады, мұсылмандар да солай, олар да нәпсісіне ерік беріп, соған еріп кетеді, ал бей-мұсұлмандар нәпсілеріне мүлдем бас қойған жандар-дүр.

Осындай нәпсілік себептерге байланысты істемекші болған мәлім жақсы ісіңізді айналаңдағыларыңызға айтуыңыз еш қажетсіз, ал кейбір істер «айтуды» мүлдем қажет етпейді, сондықтан оны жасырын істей беріңіз, осылай қылсақ алла тағала бізге жәрдем етеді де, шаруаларымыз оңына басып, оңай іске асатын болады, егер бұлай болмай, елге «мен мына істі, мен ана істі істегелі жатырмын» деп дабыра етіп жүрсеңіз, ісіңіз ойдағыдай жүрмейді, мүмкін істерсіз, бірақ іс оңына баса қоймас, үйтсеңіз көп жағдайларда «бірдеңе» алдыңыздан шығып, сізге тосқындық жасайды немесе кейбір адамдар сізге төте қарсы келіп, жоспарыңыз іске аспай қалады, олардың кейбірі көре алмастық қылады, бұл да шаруаңыздың жүзеге аспай қалуына әкеліп соқтыратын себептерден болмақ.

Сондықтан біздің қасиетті пайғамбарымыз бізге осыбір пайдалы кеңесті айтып кетті, бұл біз сөзсіз ілесуге тиісті кеңес, пайғамбарымыздың айтып кеткен сөздері бүкіл адам баласына пайдалы кеңестер саналады, бірақ адамзат оның ақыл-кеңестеріне құлақ салмауда, оған ілеспей жатыр. Көптеген адамдар өздерінің нәпсісімен еліткен аңсарына ереді, олар менмендікпен нәпсішілдікке салынып, «мен былай істеп жіберемін» деп кеудесін қағады, бөсіп әкіреңдейді, бірақ соңында түкте болмайды, ештеңеде бітпеген, одан соң олар істемекші болған ісін неге істей алмай қойғандығын түсінбей, аң-таң болып, абдыраған күйде қалады.

Алла тағала бізді өзіміздің нәпсіміздің жамандығымен кесірлерінен сақтағай, себебі адамдар көбінде өздерін өздері нәпсілеріне ілесу арқылы зияндайды, олар ақыл-кеңеске құлақ салмай, оны қабыл етпеген кезде көптеген жоғалтулармен зияндарға ұшырайтын болады. Алла тағала бізді өзіне құлақ салып, көңіл қойғандардан, өзіне ергендерден еткей, иншалла.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw

سۇحبات: ءىسىڭدى جاسىرىن ىسكە اسىر (2022.12.07، 13 ءجۇمادۇل ءاۋال 1444)

تاڭ نامازى، اقبابا دەرگاسى

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات.

ءتاريقاتۋنا ءاس-سۇحباح ۋا ل-قايرۋ في ل-ءجامياح.

قاسيەتتى پايعامبارىمىز بىلاي دەيدى:

«اسْتَعِينُوا عَلَى ءقَضَاِ حَوَائِجَكُمْ بِالْكِتْمَانِ»

بۇندا «قاجەتتى ىستەرىڭدى ىستەگەندە، ونى جاسىرۋ ارقىلى وزىڭە كومەك قىل» دەلىنگەن، ءمالىم ءبىر ءىستى ىستەگەندە ونى ەشكىمگە بىلدىرمەي ىستەڭىز، ايتپەسە وزگەلەر سىزدەن قىزعانۋى مۇمكىن، سودان سوڭ جوسپارىڭىز ورىندالماي قالۋى مۇمكىن نەمەسە ءوزىڭىز ءجايسىز ءبىر كۇيدە قالۋىڭىز مۇمكىن، سوندىقتان بۇندا شارۋاڭىزدى جاقسى ىسكە اسىرۋعا قاتىستى بەرىلگەن ءوسىبىر ادەمى كەڭەس بار، سەبەبى ادامداردىڭ بارلىعىندا ءناپسى بولادى، مۇسىلماندار دا سولاي، ولار دا ناپسىسىنە ەرىك بەرىپ، سوعان ەرىپ كەتەدى، ال بەي-مۇسۇلماندار ناپسىلەرىنە مۇلدەم باس قويعان جاندار-ءدۇر.

وسىنداي ناپسىلىك سەبەپتەرگە بايلانىستى ىستەمەكشى بولعان ءمالىم جاقسى ءىسىڭىزدى اينالاڭداعىلارىڭىزعا ايتۋىڭىز ەش قاجەتسىز، ال كەيبىر ىستەر «ايتۋدى» مۇلدەم قاجەت ەتپەيدى، سوندىقتان ونى جاسىرىن ىستەي بەرىڭىز، وسىلاي قىلساق اللا تاعالا بىزگە جاردەم ەتەدى دە، شارۋالارىمىز وڭىنا باسىپ، وڭاي ىسكە اساتىن بولادى، ەگەر بۇلاي بولماي، ەلگە «مەن مىنا ءىستى، مەن انا ءىستى ىستەگەلى جاتىرمىن» دەپ دابىرا ەتىپ جۇرسەڭىز، ءىسىڭىز ويداعىداي جۇرمەيدى، مۇمكىن ىستەرسىز، ءبىراق ءىس وڭىنا باسا قويماس، ۇيتسەڭىز كوپ جاعدايلاردا «بىردەڭە» الدىڭىزدان شىعىپ، سىزگە توسقىندىق جاسايدى نەمەسە كەيبىر ادامدار سىزگە توتە قارسى كەلىپ، جوسپارىڭىز ىسكە اسپاي قالادى، ولاردىڭ كەيبىرى كورە الماستىق قىلادى، بۇل دا شارۋاڭىزدىڭ جۇزەگە اسپاي قالۋىنا اكەلىپ سوقتىراتىن سەبەپتەردەن بولماق.

سوندىقتان ءبىزدىڭ قاسيەتتى پايعامبارىمىز بىزگە ءوسىبىر پايدالى كەڭەستى ايتىپ كەتتى، بۇل ءبىز ءسوزسىز ىلەسۋگە ءتيىستى كەڭەس، پايعامبارىمىزدىڭ ايتىپ كەتكەن سوزدەرى بۇكىل ادام بالاسىنا پايدالى كەڭەستەر سانالادى، ءبىراق ادامزات ونىڭ اقىل-كەڭەستەرىنە قۇلاق سالماۋدا، وعان ىلەسپەي جاتىر. كوپتەگەن ادامدار وزدەرىنىڭ ناپسىسىمەن ەلىتكەن اڭسارىنا ەرەدى، ولار مەنمەندىكپەن ناپسىشىلدىككە سالىنىپ، «مەن بىلاي ىستەپ جىبەرەمىن» دەپ كەۋدەسىن قاعادى، ءبوسىپ اكىرەڭدەيدى، ءبىراق سوڭىندا تۇكتە بولمايدى، ەشتەڭەدە بىتپەگەن، ودان سوڭ ولار ىستەمەكشى بولعان ءىسىن نەگە ىستەي الماي قويعاندىعىن تۇسىنبەي، اڭ-تاڭ بولىپ، ابدىراعان كۇيدە قالادى.

اللا تاعالا ءبىزدى ءوزىمىزدىڭ ءناپسىمىزدىڭ جاماندىعىمەن كەسىرلەرىنەن ساقتاعاي، سەبەبى ادامدار كوبىندە وزدەرىن وزدەرى ناپسىلەرىنە ىلەسۋ ارقىلى زياندايدى، ولار اقىل-كەڭەسكە قۇلاق سالماي، ونى قابىل ەتپەگەن كەزدە كوپتەگەن جوعالتۋلارمەن زياندارعا ۇشىرايتىن بولادى. اللا تاعالا ءبىزدى وزىنە قۇلاق سالىپ، كوڭىل قويعانداردان، وزىنە ەرگەندەردەن ەتكەي، ينشاللا.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw