https://www.nvrislam.net/index.php?j=tote&post=158
Аманатқа қиянат етпеу (2021.11.19)
«Әй иман келтіргендер, алла тағаламен пайғамбарға сатқындық жасамаңдар немесе аманаттарыңды бұзбаңдар.» (құран 08:27) дейді алла тағала құран кәримде, «аманатқа қиянат етпеңдер, бірақ оны жақсы сақтаңдар.» делінеді. Алла тағаламен пайғамбарымыздың аманаты сақталынуы тиіс, сонымен бірге әр түрлі тапсырылған аманаттың барлығында жақсы қорғай біл. Бұнда ең алдымен иман аманатымызды сақтауымыз керек, одан соң алла тағаланың адамдарға деген аманатын сақта, өзгелердің саған тапсырған нәрселерін өзіңдікі етіп тәуелдеп алма, міне осылар мақсат болсын.
Алла тағала әр адамның риздықтарын береді, әркімнің халалдан немесе харамнан болған өз несібелері яғни риздықтары бар, сондықтан халал риздық ізде. Ең маңызды нәрсе аманат, пайғамбарымыздың ең ұлы ең сұлу қасиеті Мұхаммад әл-Әмин еді, ол ең сенімді адам ретінде аты машхұр болып, тіпті исламнан бұрын ол бүкіл Құрайыш тайпасының арасында барлық аманатты сақтайтұғын. Исламнан кейінде соншама зұлымдықтар кезеңінде де, мүшірік кәпірлер пайғамбарымызға қарсы бола тұрып, аманаттары қауыпсіз болуы үшін оларды тағы да сол пайғамбарымызға тапсырып кететін. Бұрындар бәнке жоқ болып, олар мүліктерін пайғамбарымызға аманатқа беретін, ол кезде қағаз ақша жоқ және олар тұрған жерлер хауыпты болатұғын, сондықтан оларға бір сенімді адам керек еді, пайғамбарымыз оларға жау болса да, олар пайғамбарымызға сенетін-ді.
Бұл мұсылмандардың ең жақсы қасиеттерінің бірі, бізде осы қасиет болу керек, исламда қиянат жасап, сатқындық қылу деген болмайды, бұларды тек қана екі жүзді мұнафиқтар істейді, кәпірлер аманатты сақтай алар, бірақ мұнафиқтар аманатты сақтай алмайды, себебі олардың ішімен сырты екі бөлек болады. Екі жүзділер ешқашан аманатты сақтай алмайды, бұл әуел бастан солай болатұғын, олар көрер көзге мұсылман көрінеді, бірақ іші кәпір болып еш өзгерместен сол күйінде қалған. Сондықтан аманат жайлы аса сақ болу керек, саған мәлім аманат берілсе, оны сол күйінде қайтара біл, ешқашанда оны өз пайдаң үшін істетпе.
Сәидина Омар Халифа қазіреттің кезінде шамға май құйылып істетілетін, ал сахаба Өмар қазіреті мемілекет жұмысына істетілетін шамды үйге істетпейтін, үйін жарықтандыру керек болса, жұмысқа істетілетін шамды өшіріп, үйге арналған бөлек шамды істететін еді, олар осындай түйіндерге дейін қатты көңіл бөлетін, олар аманат хақында қатты сақтанатын-ды. Қазір адамдарға садақамен зекеттер беріліп, оны тарату аманатталынса, олар оны өздерінің жеке бас пайдасына істетіп жүр, бұл мүлде қате іс, алла тағала өзі сақтасын, бұндай істен адамдарға еш пайда келмейді, бірақ олар өздеріне зор зяндарды тауып алмақ, сондықтан бұл мәселелер қатты көңіл бөлінетін нүқталардан болып табылады. Көптеген адамдар оны біліп немесе білмей істейді, бірақ саған аманат тапсырылады екен, онда оған қатты көңіл бөл, егер онда бір күмән не кемдік болса оны толықтап қайтарып бер. Алла тағала баршамызға береке берсін және біздерді ешкімге мұхтаж етпегей, иншалла.
Уәмин Аллаһ ат-Тауфиқ, әл-Фатиха.
Исламбол (Станбул), Түркия
- Әулие Сопы Маулана Шайық Мехмет Әділ әр-Раббани
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф
http://www.fb.com/tanirtaw
اماناتقا قيانات ەتپەۋ (2021.11.19)
«ءاي يمان كەلتىرگەندەر، اللا تاعالامەن پايعامبارعا ساتقىندىق جاساماڭدار نەمەسە اماناتتارىڭدى بۇزباڭدار.» (قۇران 08:27) دەيدى اللا تاعالا قۇران كاريمدە، «اماناتقا قيانات ەتپەڭدەر، بىراق ونى جاقسى ساقتاڭدار.» دەلىنەدى. اللا تاعالامەن پايعامبارىمىزدىڭ اماناتى ساقتالىنۋى ءتيىس، سونىمەن بىرگە ءار ءتۇرلى تاپسىرىلعان اماناتتىڭ بارلىعىندا جاقسى قورعاي ءبىل. بۇندا ەڭ الدىمەن يمان اماناتىمىزدى ساقتاۋىمىز كەرەك، ودان سوڭ اللا تاعالانىڭ ادامدارعا دەگەن اماناتىن ساقتا، وزگەلەردىڭ ساعان تاپسىرعان نارسەلەرىن وزىڭدىكى ەتىپ تاۋەلدەپ الما، مىنە وسىلار ماقسات بولسىن.
اللا تاعالا ءار ادامنىڭ ريزدىقتارىن بەرەدى، اركىمنىڭ حالالدان نەمەسە حارامنان بولعان ءوز نەسىبەلەرى ياعني ريزدىقتارى بار، سوندىقتان حالال ريزدىق ىزدە. ەڭ ماڭىزدى نارسە امانات، پايعامبارىمىزدىڭ ەڭ ۇلى ەڭ سۇلۋ قاسيەتى مۇحامماد ءال-ءامين ەدى، ول ەڭ سەنىمدى ادام رەتىندە اتى ماشحۇر بولىپ، ءتىپتى يسلامنان بۇرىن ول بۇكىل قۇرايىش تايپاسىنىڭ اراسىندا بارلىق اماناتتى ساقتايتۇعىن. يسلامنان كەيىندە سونشاما زۇلىمدىقتار كەزەڭىندە دە، مۇشىرىك كاپىرلەر پايعامبارىمىزعا قارسى بولا تۇرىپ، اماناتتارى قاۋىپسىز بولۋى ءۇشىن ولاردى تاعى دا سول پايعامبارىمىزعا تاپسىرىپ كەتەتىن. بۇرىندار بانكە جوق بولىپ، ولار مۇلىكتەرىن پايعامبارىمىزعا اماناتقا بەرەتىن، ول كەزدە قاعاز اقشا جوق جانە ولار تۇرعان جەرلەر حاۋىپتى بولاتۇعىن، سوندىقتان ولارعا ءبىر سەنىمدى ادام كەرەك ەدى، پايعامبارىمىز ولارعا جاۋ بولسا دا، ولار پايعامبارىمىزعا سەنەتىن-ءدى.
بۇل مۇسىلمانداردىڭ ەڭ جاقسى قاسيەتتەرىنىڭ ءبىرى، بىزدە وسى قاسيەت بولۋ كەرەك، يسلامدا قيانات جاساپ، ساتقىندىق قىلۋ دەگەن بولمايدى، بۇلاردى تەك قانا ەكى ءجۇزدى مۇنافيقتار ىستەيدى، كاپىرلەر اماناتتى ساقتاي الار، بىراق مۇنافيقتار اماناتتى ساقتاي المايدى، سەبەبى ولاردىڭ ىشىمەن سىرتى ەكى بولەك بولادى. ەكى جۇزدىلەر ەشقاشان اماناتتى ساقتاي المايدى، بۇل اۋەل باستان سولاي بولاتۇعىن، ولار كورەر كوزگە مۇسىلمان كورىنەدى، بىراق ءىشى كاپىر بولىپ ەش وزگەرمەستەن سول كۇيىندە قالعان. سوندىقتان امانات جايلى اسا ساق بولۋ كەرەك، ساعان ءمالىم امانات بەرىلسە، ونى سول كۇيىندە قايتارا ءبىل، ەشقاشاندا ونى ءوز پايداڭ ءۇشىن ىستەتپە.
ءسايدينا ومار حاليفا قازىرەتتىڭ كەزىندە شامعا ماي قۇيىلىپ ىستەتىلەتىن، ال ساحابا ءومار قازىرەتى مەمىلەكەت جۇمىسىنا ىستەتىلەتىن شامدى ۇيگە ىستەتپەيتىن، ءۇيىن جارىقتاندىرۋ كەرەك بولسا، جۇمىسقا ىستەتىلەتىن شامدى ءوشىرىپ، ۇيگە ارنالعان بولەك شامدى ىستەتەتىن ەدى، ولار وسىنداي تۇيىندەرگە دەيىن قاتتى كوڭىل بولەتىن، ولار امانات حاقىندا قاتتى ساقتاناتىن-دى. قازىر ادامدارعا ساداقامەن زەكەتتەر بەرىلىپ، ونى تاراتۋ اماناتتالىنسا، ولار ونى وزدەرىنىڭ جەكە باس پايداسىنا ىستەتىپ ءجۇر، بۇل مۇلدە قاتە ءىس، اللا تاعالا ءوزى ساقتاسىن، بۇنداي ىستەن ادامدارعا ەش پايدا كەلمەيدى، بىراق ولار وزدەرىنە زور زيانداردى تاۋىپ الماق، سوندىقتان بۇل ماسەلەلەر قاتتى كوڭىل بولىنەتىن نۇقتالاردان بولىپ تابىلادى. كوپتەگەن ادامدار ونى ءبىلىپ نەمەسە بىلمەي ىستەيدى، بىراق ساعان امانات تاپسىرىلادى ەكەن، وندا وعان قاتتى كوڭىل ءبول، ەگەر وندا ءبىر كۇمان نە كەمدىك بولسا ونى تولىقتاپ قايتارىپ بەر. اللا تاعالا بارشامىزعا بەرەكە بەرسىن جانە بىزدەردى ەشكىمگە مۇحتاج ەتپەگەي، ينشاللا.
ءۋامين اللاھ ات-تاۋفيق، ءال-فاتيحا.
يسلامبول (ستانبۋل)، تۇركيا
- اۋليە سوپى ماۋلانا شايىق مەحمەت ءادىل ءار-رابباني
#يسلام #سۇننەت #اۋليە #جۇرەك #قازاق #ءدىن #تاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف
سىلتەمە: https://www.nvrislam.net/index.php?j=tote&post=158