https://www.nvrislam.net/index.php?j=tote&post=133
Болатұғын іс жақын, болмайтұғын іс алыс (2021.10.13)
Пайғамбарымыздың барлық хадистері оте маңызды (күшті-сенімді хадис, әлсіз-дағип хадис деген ұғымдар әсілінде жоқ нәрсе, бұл бертінгі уахабизм-салафизм ағымдары шығарған бидаға), пайғамбар хадистері нұр алып келеді, олар бізге пайғамбарымыздың өмір жолын көрсетіп, сол сияқты өмір сүруді үйретеді, бізді жақсылыққа бұйырып, жамандықтан тияды.
Барлық хадис жақсы, ал қазір бұнда бізді ерекше қызықтырып тұрғаны кеше үйренген соңғы хадис еді яғни «болатұғын әр іс жақын немесе болатұғын әр іс әудем жерде жатыр.» делінген хадис. Мәлім бір нәрсе келе жатса яғни туылмақшы болса, оған таяу қалды деген сөз, ол алыста емес, оның туылмағы тезден іске аспақ, бұл хадис ұқсас түрде мына дүниеге де үйлеседі. Адамдар ессіз күйге түскен қалпымен «бұнда бізге әлі уақыт бар ... үш жылдан соң, төрт жылдан соң, бес жылдан соң көрерміз, әлі уақыт көп қой» дейді. Алайда бұнда уақыт жоқ, егер ол келе жатқан болса, ол таяу, ешқашанда алыс емес, сондықтан біз орайды кетіріп алмауымыз керек, күтіп отырма және «оны кейін істермін» деп кешеуілдеме, оны дереу істе, келе жатқан нәрсе келеді де кетеді, ал сен оның мұншама қалай тез келіп, тез кетіп қалғанын аңғармай орныңда аңтарылып қалмақсың.
Бұнда қасиетті пайғамбарымыздың айтып отырғаны «орайды кетіріп алма, "әлі көп уақыт бар, біз ол істерді істеуге үлгіреміз" деген қиялмен өздеріңді алдамаңдар» деген ақыл-кеңес еді. «Болмақшы болған істің туылуы таяуда, ал болмайтын істің туылуы алыста яғни болатұғын іс жақын, болмайтұғын іс алыс» дейді пайғамбарымыз, болмайтын істер алыста жатады, оның туылып болмағына тым жырақ. Келе жатқан іс жақын, адамдар осыны білуі және түсінуі қажет, әйтпесе олар өздерін алдап, көп нәрседен құр қалмақ, бұл кәрі-жасқа бірдей ұқсас, еш парқы жоқ, болашақ әрбір адам үшін әудем жерде жатыр, кейбіреулер «мен әлі жаспын ғой.» дейді, бірақ шын мәнінде сен тіпті мың жыл өмір сүрсеңде, ол жақын, оның ауылы алыста емес.
Уақыт - алла тағала жаратқан нәрсе, біздің бұл дүниеде тым қысқа ғана уақытымыз бар, мейлі ол қарамаққа қанша ұзақ көрінсе де. Адам атамыздан бері қарай неше мыңдаған жылдар өтсе, ал бүл дүниенің жаралғанына сан милион жылдар өтті, алла тағала адамдарды мына жер шарына орналастырғанына неше мыңдаған жылдың жүзі болды. Адамдар ана-мына жерлерді қазып әлі көптеген нәрселерді табуда, сан мың жылдың алдында өмір сүрген адамдар бар, бірақ қазір олардың ешбірі тірі қалған жоқ.
Иншалла, уәде етілген істер бар яғни келе жатқан істер бар, егер олар бізге арналған болса, онда оған жақын қалды деген сөз, ал бізге арналмаған болса, олар бізден тым жырақта, алла тағала біздерге ең жақсысын бергей. Алла тағала баршамызды хадистер бойынша өмір сүріп, пайғамбарымыздың жолы бойынша жүруді нәсіп қылғай және бізге оларды түсінерлік сана бергей, біздерге сол сұлулықтардан сыбағалар бұйырғай.
Уамин Аллах ат-Тауфиқ, әл-Фатиха.
Исламбол (Станбул), Түркия
- Әулие Сопы Маулана Шайық Мехмет Әділ әр-Раббани
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф
http://www.fb.com/tanirtaw
بولاتۇعىن ءىس جاقىن، بولمايتۇعىن ءىس الىس (2021.10.13)
پايعامبارىمىزدىڭ بارلىق حاديستەرى وتە ماڭىزدى (كۇشتى-سەنىمدى حاديس، ءالسىز-داعيپ حاديس دەگەن ۇعىمدار اسىلىندە جوق نارسە، بۇل بەرتىنگى ۋاحابيزم-سالافيزم اعىمدارى شىعارعان بيداعا)، پايعامبار حاديستەرى نۇر الىپ كەلەدى، ولار بىزگە پايعامبارىمىزدىڭ ءومىر جولىن كورسەتىپ، سول سياقتى ءومىر ءسۇرۋدى ۇيرەتەدى، ءبىزدى جاقسىلىققا بۇيىرىپ، جاماندىقتان تيادى.
بارلىق حاديس جاقسى، ال قازىر بۇندا ءبىزدى ەرەكشە قىزىقتىرىپ تۇرعانى كەشە ۇيرەنگەن سوڭعى حاديس ەدى ياعني «بولاتۇعىن ءار ءىس جاقىن نەمەسە بولاتۇعىن ءار ءىس اۋدەم جەردە جاتىر.» دەلىنگەن حاديس. ءمالىم ءبىر نارسە كەلە جاتسا ياعني تۋىلماقشى بولسا، وعان تاياۋ قالدى دەگەن ءسوز، ول الىستا ەمەس، ونىڭ تۋىلماعى تەزدەن ىسكە اسپاق، بۇل حاديس ۇقساس تۇردە مىنا دۇنيەگە دە ۇيلەسەدى. ادامدار ەسسىز كۇيگە تۇسكەن قالپىمەن «بۇندا بىزگە ءالى ۋاقىت بار ... ءۇش جىلدان سوڭ، ءتورت جىلدان سوڭ، بەس جىلدان سوڭ كورەرمىز، ءالى ۋاقىت كوپ قوي» دەيدى. الايدا بۇندا ۋاقىت جوق، ەگەر ول كەلە جاتقان بولسا، ول تاياۋ، ەشقاشاندا الىس ەمەس، سوندىقتان ءبىز ورايدى كەتىرىپ الماۋىمىز كەرەك، كۇتىپ وتىرما جانە «ونى كەيىن ىستەرمىن» دەپ كەشەۋىلدەمە، ونى دەرەۋ ىستە، كەلە جاتقان نارسە كەلەدى دە كەتەدى، ال سەن ونىڭ مۇنشاما قالاي تەز كەلىپ، تەز كەتىپ قالعانىن اڭعارماي ورنىڭدا اڭتارىلىپ قالماقسىڭ.
بۇندا قاسيەتتى پايعامبارىمىزدىڭ ايتىپ وتىرعانى «ورايدى كەتىرىپ الما، "ءالى كوپ ۋاقىت بار، ءبىز ول ىستەردى ىستەۋگە ۇلگىرەمىز" دەگەن قيالمەن وزدەرىڭدى الداماڭدار» دەگەن اقىل-كەڭەس ەدى. «بولماقشى بولعان ءىستىڭ تۋىلۋى تاياۋدا، ال بولمايتىن ءىستىڭ تۋىلۋى الىستا ياعني بولاتۇعىن ءىس جاقىن، بولمايتۇعىن ءىس الىس» دەيدى پايعامبارىمىز، بولمايتىن ىستەر الىستا جاتادى، ونىڭ تۋىلىپ بولماعىنا تىم جىراق. كەلە جاتقان ءىس جاقىن، ادامدار وسىنى ءبىلۋى جانە ءتۇسىنۋى قاجەت، ايتپەسە ولار وزدەرىن الداپ، كوپ نارسەدەن قۇر قالماق، بۇل كارى-جاسقا بىردەي ۇقساس، ەش پارقى جوق، بولاشاق ءاربىر ادام ءۇشىن اۋدەم جەردە جاتىر، كەيبىرەۋلەر «مەن ءالى جاسپىن عوي.» دەيدى، بىراق شىن مانىندە سەن ءتىپتى مىڭ جىل ءومىر سۇرسەڭدە، ول جاقىن، ونىڭ اۋىلى الىستا ەمەس.
ۋاقىت - اللا تاعالا جاراتقان نارسە، ءبىزدىڭ بۇل دۇنيەدە تىم قىسقا عانا ۋاقىتىمىز بار، مەيلى ول قاراماققا قانشا ۇزاق كورىنسە دە. ادام اتامىزدان بەرى قاراي نەشە مىڭداعان جىلدار وتسە، ال ءبۇل دۇنيەنىڭ جارالعانىنا سان ميليون جىلدار ءوتتى، اللا تاعالا ادامداردى مىنا جەر شارىنا ورنالاستىرعانىنا نەشە مىڭداعان جىلدىڭ ءجۇزى بولدى. ادامدار انا-مىنا جەرلەردى قازىپ ءالى كوپتەگەن نارسەلەردى تابۋدا، سان مىڭ جىلدىڭ الدىندا ءومىر سۇرگەن ادامدار بار، بىراق قازىر ولاردىڭ ەشبىرى ءتىرى قالعان جوق.
ينشاللا، ۋادە ەتىلگەن ىستەر بار ياعني كەلە جاتقان ىستەر بار، ەگەر ولار بىزگە ارنالعان بولسا، وندا وعان جاقىن قالدى دەگەن ءسوز، ال بىزگە ارنالماعان بولسا، ولار بىزدەن تىم جىراقتا، اللا تاعالا بىزدەرگە ەڭ جاقسىسىن بەرگەي. اللا تاعالا بارشامىزدى حاديستەر بويىنشا ءومىر ءسۇرىپ، پايعامبارىمىزدىڭ جولى بويىنشا ءجۇرۋدى ءناسىپ قىلعاي جانە بىزگە ولاردى تۇسىنەرلىك سانا بەرگەي، بىزدەرگە سول سۇلۋلىقتاردان سىباعالار بۇيىرعاي.
ۋامين اللاح ات-تاۋفيق، ءال-فاتيحا.
يسلامبول (ستانبۋل)، تۇركيا
- اۋليە سوپى ماۋلانا شايىق مەحمەت ءادىل ءار-رابباني
#يسلام #سۇننەت #اۋليە #جۇرەك #قازاق #ءدىن #تاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف
سىلتەمە: https://www.nvrislam.net/index.php?j=tote&post=133