Мазмұнды Көшіру

https://www.nvrislam.net/index.php?j=kz&post=8942
ХАРАМ ТАБЫС ҰРПАҚТЫ ҚҰРТАДЫ, ЖӘНЕ БИЛІКТЕН БҰРЫН ӨЗІҢДІ ТҮЗЕ

Адал ақша табу аса маңызды, көп ақшаны қума, берекесі бар ақшаны көзде. Қулық-сұмдық сияқты адал емес жолмен келген ақшалар физикалық және рухани тұрғыда бірдей зиянды. Ондай ақшамен қажылыққа баруға да болмайды, қажылыққа таза табыспен барады. Адал болмаған табыстың отбасы, бала-шағаға әкелетін залалы тіпті үлкен. Демек, бұндайда олардың ішкен-жегені харам болып, олар исламнан алыс болады. Исламға қарсы болып өседі, иманы болмас, шайтанға бейім тұрар. Бизнес істерде, бұл бизнес өзіме және адамдарға қандай пайда әкеледі? Сатқан я жасаған өнімдерім адамдардың денсаулығына қандай зиян әкеледі? деген сияқты нәрселерді ойласу керек. Тапқан табыстың адал я адал еместігі денсаулық, руханият, дүние, ақирет, ислам, иман, отбасы, бала-шаға, айнала, барлығына әсер етеді. Пайғамбарлармен әулиелер адал ақшаға аса көңіл бөлген. Мәселен, Сүлеймен пайғамбар асқан патша болса да, қазынадан ақша істетпеген. Ол жейтін тамағын өз қолымен табатын, яғни, ол шарбақ тоқып, содан тапқан ақшасына ас ішетін. Тағы бір мысал, сахаба халифа Омар хазірет, үкіметтің шырағын тек ел ісіне ғана істететін. Ал жеке іс болса, үкіметтің шырағын өшіріп, өзінің шырағын жандыратын, содан соң ғана жеке істерді сөйлейтін. Олар осындай сақ болған. Кейбір ата-аналар өздері намаз оқып, қажылыққа барып жүреді, бірақ балалары намаз оқымайды, исламнан, иманнан алыс жүреді. Ал оның да басты себебі оларды сонау құрсақта, және бала кезінде адал болмаған табыспен асыраудан туындаған. Тіпті олар исламға келсе де, иманға келе алмай, ислам атын жамылған әртүрлі қыңыр-бұзық нәрселерге ереді. Сондықтан, балаларды қандай табыспен бағып жүргенге көңіл бөлу керек. Қазір жұрт, ақша тапсақ болды, деп оның халал-харамдығына көңіл бөлмейді. Алайда, олар аса көңіл бөлуге тиісті басты істері еді. Міне осы сияқты мәселелер түзелсе, бала да, жеке адам да, отбасы да түзелер еді. Ал әр адаммен отбасы түзелсе, бүкіл қоғам, бүкіл мемлекет түзеледі. Көптеген адамдар, қоғамды түзеу биліктің қолында ғана деп ойлар. Бірақ олай емес, ол осы мемлекетті құраған әр адаммен отбасының қолында. Яғни, ел түзелсе, елдің иманымен исламы түзелсе, ниеті түзелсе, бүкіл қоғам, бүкіл мемлекет те түзеледі, ел жердегі жәннатқа айналады. Ал билік болса, сол мемлекеттегі барша адамдардың мінез-құлық, күш-қуат, білім-сана, иман-ислам деңгейінің ортақ туындысы. Яғни, билік - халықтың айнасы. Сондықтан исламда, еліне қарай билігі болар, елін білем десең, билігіне қара делінер. Демек, билік аспаннан салбырап түспейді, оны халық өзі жасап, өзі дүниеге әкеледі. Сол үшін, билікті түзеп жібермек болғанша, әр адам өз нәпсісін түзеуге, иманды мұсылман, игі адам, жақсы отбасы болуға құлшынуы керек. Исламда, халық билеушісін құрметтеуге, ал билеушісі халқына кішпейіл болуға, әділ болуға міндеттелінген, және олар қияметте осы жайлы сұралатын болады.

حارام تابىس ۇرپاقتى قۇرتادى، جانە بيلىكتەن بۇرىن ءوزىڭدى تۇزە

ادال اقشا تابۋ اسا ماڭىزدى، كوپ اقشانى قۋما، بەرەكەسى بار اقشانى كوزدە. قۋلىق-سۇمدىق سياقتى ادال ەمەس جولمەن كەلگەن اقشالار فيزيكالىق جانە رۋحاني تۇرعىدا بىردەي زياندى. ونداي اقشامەن قاجىلىققا بارۋعا دا بولمايدى، قاجىلىققا تازا تابىسپەن بارادى. ادال بولماعان تابىستىڭ وتباسى، بالا-شاعاعا اكەلەتىن زالالى ءتىپتى ۇلكەن. دەمەك، بۇندايدا ولاردىڭ ىشكەن-جەگەنى حارام بولىپ، ولار يسلامنان الىس بولادى. يسلامعا قارسى بولىپ وسەدى، يمانى بولماس، شايتانعا بەيىم تۇرار. بيزنەس ىستەردە، بۇل بيزنەس وزىمە جانە ادامدارعا قانداي پايدا اكەلەدى؟ ساتقان يا جاساعان ونىمدەرىم ادامداردىڭ دەنساۋلىعىنا قانداي زيان اكەلەدى؟ دەگەن سياقتى نارسەلەردى ويلاسۋ كەرەك. تاپقان تابىستىڭ ادال يا ادال ەمەستىگى دەنساۋلىق، رۋحانيات، دۇنيە، اقيرەت، يسلام، يمان، وتباسى، بالا-شاعا، اينالا، بارلىعىنا اسەر ەتەدى. پايعامبارلارمەن اۋليەلەر ادال اقشاعا اسا كوڭىل بولگەن. ماسەلەن، سۇلەيمەن پايعامبار اسقان پاتشا بولسا دا، قازىنادان اقشا ىستەتپەگەن. ول جەيتىن تاماعىن ءوز قولىمەن تاباتىن، ياعني، ول شارباق توقىپ، سودان تاپقان اقشاسىنا اس ىشەتىن. تاعى ءبىر مىسال، ساحابا حاليفا ومار حازىرەت، ۇكىمەتتىڭ شىراعىن تەك ەل ىسىنە عانا ىستەتەتىن. ال جەكە ءىس بولسا، ۇكىمەتتىڭ شىراعىن ءوشىرىپ، ءوزىنىڭ شىراعىن جاندىراتىن، سودان سوڭ عانا جەكە ىستەردى سويلەيتىن. ولار وسىنداي ساق بولعان. كەيبىر اتا-انالار وزدەرى ناماز وقىپ، قاجىلىققا بارىپ جۇرەدى، ءبىراق بالالارى ناماز وقىمايدى، يسلامنان، يماننان الىس جۇرەدى. ال ونىڭ دا باستى سەبەبى ولاردى سوناۋ قۇرساقتا، جانە بالا كەزىندە ادال بولماعان تابىسپەن اسىراۋدان تۋىنداعان. ءتىپتى ولار يسلامعا كەلسە دە، يمانعا كەلە الماي، يسلام اتىن جامىلعان ءارتۇرلى قىڭىر-بۇزىق نارسەلەرگە ەرەدى. سوندىقتان، بالالاردى قانداي تابىسپەن باعىپ جۇرگەنگە كوڭىل ءبولۋ كەرەك. ءقازىر جۇرت، اقشا تاپساق بولدى، دەپ ونىڭ حالال-حارامدىعىنا كوڭىل بولمەيدى. الايدا، ولار اسا كوڭىل بولۋگە ءتيىستى باستى ىستەرى ەدى. مىنە وسى سياقتى ماسەلەلەر تۇزەلسە، بالا دا، جەكە ادام دا، وتباسى دا تۇزەلەر ەدى. ال ءار اداممەن وتباسى تۇزەلسە، بۇكىل قوعام، بۇكىل مەملەكەت تۇزەلەدى. كوپتەگەن ادامدار، قوعامدى تۇزەۋ بيلىكتىڭ قولىندا عانا دەپ ويلار. ءبىراق ولاي ەمەس، ول وسى مەملەكەتتى قۇراعان ءار اداممەن وتباسىنىڭ قولىندا. ياعني، ەل تۇزەلسە، ەلدىڭ يمانىمەن يسلامى تۇزەلسە، نيەتى تۇزەلسە، بۇكىل قوعام، بۇكىل مەملەكەت تە تۇزەلەدى، ەل جەردەگى ءجانناتقا اينالادى. ال بيلىك بولسا، سول مەملەكەتتەگى بارشا ادامداردىڭ مىنەز-قۇلىق، كۇش-قۋات، ءبىلىم-سانا، يمان-يسلام دەڭگەيىنىڭ ورتاق تۋىندىسى. ياعني، بيلىك - حالىقتىڭ ايناسى. سوندىقتان يسلامدا، ەلىنە قاراي بيلىگى بولار، ەلىن بىلەم دەسەڭ، بيلىگىنە قارا دەلىنەر. دەمەك، بيلىك اسپاننان سالبىراپ تۇسپەيدى، ونى حالىق ءوزى جاساپ، ءوزى دۇنيەگە اكەلەدى. سول ءۇشىن، بيلىكتى تۇزەپ جىبەرمەك بولعانشا، ءار ادام ءوز ءناپسىسىن تۇزەۋگە، يماندى مۇسىلمان، يگى ادام، جاقسى وتباسى بولۋعا قۇلشىنۋى كەرەك. يسلامدا، حالىق بيلەۋشىسىن قۇرمەتتەۋگە، ال بيلەۋشىسى حالقىنا كىشپەيىل بولۋعا، ءادىل بولۋعا مىندەتتەلىنگەن، جانە ولار قيامەتتە وسى جايلى سۇرالاتىن بولادى.

#қазақ #салауат #әулие #ислам #сопылық
nvrislam.net
instagram.com/nvrislami

Сілтеме: https://www.nvrislam.net/index.php?j=kz&post=8942