Мазмұнды Көшіру

https://www.nvrislam.net/index.php?j=kz&post=8934
Сұхбат: қазір шын білімділер жоқ, бірақ білімді көрінетін надандар көп заман (2026.09.05 / Хижри 1448-жыл 23-Рабиул-Аууал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Turkiye, 2026) Пайғамбарымыз ﷺ, «ақырзаманда шын білімділер жоғалып, ғұлама сияқты көрініп алатындар еселеп көбейер» дейді. Ал бұның мағынасы не? оның мағынасы сол, өздерін керемет санайтын, ғажап санайтын адамдар көптеп пайда болады. Олар өзгелерге қате білімдермен қате түсініктерді таратып, ел-жұртты адастырып жібереді, ал осыбір ғұмала атанып жүргендер шындығында «ғұламас-сұғ» яғни «бұзық білімділер» еді, және олар аса ауыр жүкті арқалайтын болады. Олар өте көп, әр жерде өріп жүр, олар өз ойлары бойынша фатуа береді, өз қалауларына немесе өз пайдаларына қарай сөйлейді. Ал біз өмір сүріп отырған қазіргі ақырзаман дәл осыған ұқсар, олардың әрбірі ойларына не келсе, соны сарнап жүр.

Сонымен бірге, ақиқатында олар өздеріне сенеді, «мен ақиқатты сөйлеудемін, қарашы, адамдар менен ақыл-кеңес алады, олар менен, не істесек болар, қайтсек болар деп сұрап жүр» дейді. Ал бұлай істеумен олар өздеріне аса зор жауапкершілік арқалатып алды, себебі, егер адамдар олардың айтқандары бойынша амал етсе, бүкіл жауапкершілік түгелдей оларға артылатын болады. Сол үшін де аса ірі ғұламалардың өзі, «мен білмеймін» деп айтатын болған, тіпті олар өздері білетін мәселелер жәйлы да жәй ғана, «мен білмеймін» деп айтатын. Мәселен, мәлики мәзхабының құрушысы болған Иман Мәліктен сұрақтар сұралады, одан, «бұл жәйлы не айтасыз» деп сұрайды, ол, «мен білмеймін» деп жауап береді, яғни, ол өзінен сұралған 50 сұрақтың 35 сұрағына, «мен білмеймін» деп жауап берген екен.

Ал сұрақ сұраушы қатты таңданып, «сіз бұны қалай білмейсіз» деп сұрайды, сонда ол, «мен жүк арқалағым келмейді, мен білмейтін кезімде білмеймін деп айттым» дейді. Ақиқатында, «мен білмеймін» деу өте үлкен пайда және зор іззет-дүр. Ал бірдеңе білмесе де, бірақ, «жұрт ештеңе білмейтін біреу екен демесін» деген қорқынышыпен нәпсісіне ерген адам, өзіне ауыр жүк арқалататын болады. Сондықтан, түсінбейтін іске келгенде, ол жәйлы ізденіп, сұрауыңыз керек. Себебі, бұнда ойға келетін әр тақырып жәйлы өтірік фатуа шығара беретіндер де өте көп, ал бұлай істеудің жауапкершілігі аса зор. Әр жерде сондай оғаш сөздер, жалған фатуалармен қате жауаптар самаладай самсып тұр, егер оларды тізер болсақ, қараңғы түн болғанша да тізіп бола алмаймыз.

Сондықтан, адам сақ болуы керек, өзіне ауыр жүк артып алмауы керек, сонда ол қандай жүк? мәселен, егер арқаңызға 100 килограм жүк салса, ол сізді мыжып жібереді, ал 500 килограм жүк салса, ол сізді үгітіп жіберді, ал манағы жүк бұлардан әлдеқайда ауыр жүк! оны көзіңізбен көре алмайтын шығарсыз, бірақ оның ауыр болғаны соншалық, ақиретте оған қатты өкінетін боласыз. Егер біреу мына дүниеде сізден сұрау сұраса, «мүфти бар, содан сұраңыз, дінге қатысты ғұламалар бар, солардан кеңес алыңыз» деп айтыңыз. Тәукелшілдікке беріліп, өзіңіз түсінбейтін нәрселерге сүңгіп кетпеңіз, әйтпесе, ауыр жүк арқалап қалатын боласыз. Мейлі мұрагерлік жәйлы, отбасы жәйлы, немесе финаныс жәйлы болсын, араласпаңыз, демек, өзіңіз толық түсінбейтін нәрселерге араласпаңыз, жәй ғана, «мен білмеймін» деңіз.

Ал, «мен білмеймін» деу арқылы сіз өзіңізді жүктен босатасыз, егер сіз шынында білімге ие болсаңыз, және одан игілік алған адамдар болса, сол кезде ғана сөйлеңіз. Әйтпесе, «жұрт мені төмен көрер» деген алаңдаумен нәпсіңізді қанағаттандыру үшін сөйлесеңіз, онда сіз қателесіз. Расында, ұлық ғұлама Имам Мәлік хазіреттің өзі бірде, «сіз соншама мол білімді бола тұра, неге білмеймін деп айтасыз, сіз ғұлама болудан қалыпсыз» деген сұраққа дөп келгенде, ол, «мен арқама ауыр жүк арқалай алмаймын» деп жауап береді. Ал қазіргі кездегі адамдар надан тобырдан бола тұра, білімділер сияқты көрініп, ел-жұртқа жол бастағысы келеді, және сүйтіп жүргенде, олар өздерін де, көпшілікті де бірдей адастырып жібереді. Алла ﷻ бізді панасына алғай, бізді сондай адамдардан және нәпсілеріне ергендерден сақтағай.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: ءقازىر شىن بىلىمدىلەر جوق، ءبىراق ءبىلىمدى كورىنەتىن ناداندار كوپ زامان (2026.09.05 / حيجري 1448-جىل 23-رابيۋل-اۋۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Turkiye، 2026) پايعامبارىمىز ﷺ، «اقىرزاماندا شىن بىلىمدىلەر جوعالىپ، عۇلاما سياقتى كورىنىپ الاتىندار ەسەلەپ كوبەيەر» دەيدى. ال بۇنىڭ ماعىناسى نە؟ ونىڭ ماعىناسى سول، وزدەرىن كەرەمەت سانايتىن، عاجاپ سانايتىن ادامدار كوپتەپ پايدا بولادى. ولار وزگەلەرگە قاتە بىلىمدەرمەن قاتە تۇسىنىكتەردى تاراتىپ، ەل-جۇرتتى اداستىرىپ جىبەرەدى، ال ءوسىبىر عۇمالا اتانىپ جۇرگەندەر شىندىعىندا «عۇلاماس-سۇع» ياعني «بۇزىق بىلىمدىلەر» ەدى، جانە ولار اسا اۋىر جۇكتى ارقالايتىن بولادى. ولار وتە كوپ، ءار جەردە ءورىپ ءجۇر، ولار ءوز ويلارى بويىنشا فاتۋا بەرەدى، ءوز قالاۋلارىنا نەمەسە ءوز پايدالارىنا قاراي سويلەيدى. ال ءبىز ءومىر ءسۇرىپ وتىرعان قازىرگى اقىرزامان ءدال وسىعان ۇقسار، ولاردىڭ ءاربىرى ويلارىنا نە كەلسە، سونى سارناپ ءجۇر.

سونىمەن بىرگە، اقيقاتىندا ولار وزدەرىنە سەنەدى، «مەن اقيقاتتى سويلەۋدەمىن، قاراشى، ادامدار مەنەن اقىل-كەڭەس الادى، ولار مەنەن، نە ىستەسەك بولار، قايتسەك بولار دەپ سۇراپ ءجۇر» دەيدى. ال بۇلاي ىستەۋمەن ولار وزدەرىنە اسا زور جاۋاپكەرشىلىك ارقالاتىپ الدى، سەبەبى، ەگەر ادامدار ولاردىڭ ايتقاندارى بويىنشا امال ەتسە، بۇكىل جاۋاپكەرشىلىك تۇگەلدەي ولارعا ارتىلاتىن بولادى. سول ءۇشىن دە اسا ءىرى عۇلامالاردىڭ ءوزى، «مەن بىلمەيمىن» دەپ ايتاتىن بولعان، ءتىپتى ولار وزدەرى بىلەتىن ماسەلەلەر ءجايلى دا ءجاي عانا، «مەن بىلمەيمىن» دەپ ايتاتىن. ماسەلەن، ماليكي ءمازحابىنىڭ قۇرۋشىسى بولعان يمان مالىكتەن سۇراقتار سۇرالادى، ودان، «بۇل ءجايلى نە ايتاسىز» دەپ سۇرايدى، ول، «مەن بىلمەيمىن» دەپ جاۋاپ بەرەدى، ياعني، ول وزىنەن سۇرالعان 50 سۇراقتىڭ 35 سۇراعىنا، «مەن بىلمەيمىن» دەپ جاۋاپ بەرگەن ەكەن.

ال سۇراق سۇراۋشى قاتتى تاڭدانىپ، «ءسىز بۇنى قالاي بىلمەيسىز» دەپ سۇرايدى، سوندا ول، «مەن جۇك ارقالاعىم كەلمەيدى، مەن بىلمەيتىن كەزىمدە بىلمەيمىن دەپ ايتتىم» دەيدى. اقيقاتىندا، «مەن بىلمەيمىن» دەۋ وتە ۇلكەن پايدا جانە زور ىززەت-ءدۇر. ال بىردەڭە بىلمەسە دە، ءبىراق، «جۇرت ەشتەڭە بىلمەيتىن بىرەۋ ەكەن دەمەسىن» دەگەن قورقىنىشىپەن ناپسىسىنە ەرگەن ادام، وزىنە اۋىر جۇك ارقالاتاتىن بولادى. سوندىقتان، تۇسىنبەيتىن ىسكە كەلگەندە، ول ءجايلى ىزدەنىپ، سۇراۋىڭىز كەرەك. سەبەبى، بۇندا ويعا كەلەتىن ءار تاقىرىپ ءجايلى وتىرىك فاتۋا شىعارا بەرەتىندەر دە وتە كوپ، ال بۇلاي ىستەۋدىڭ جاۋاپكەرشىلىگى اسا زور. ءار جەردە سونداي وعاش سوزدەر، جالعان فاتۋالارمەن قاتە جاۋاپتار سامالاداي سامسىپ تۇر، ەگەر ولاردى تىزەر بولساق، قاراڭعى ءتۇن بولعانشا دا ءتىزىپ بولا المايمىز.

سوندىقتان، ادام ساق بولۋى كەرەك، وزىنە اۋىر جۇك ارتىپ الماۋى كەرەك، سوندا ول قانداي جۇك؟ ماسەلەن، ەگەر ارقاڭىزعا 100 كيلوگرام جۇك سالسا، ول ءسىزدى مىجىپ جىبەرەدى، ال 500 كيلوگرام جۇك سالسا، ول ءسىزدى ۇگىتىپ جىبەردى، ال ماناعى جۇك بۇلاردان الدەقايدا اۋىر جۇك! ونى كوزىڭىزبەن كورە المايتىن شىعارسىز، ءبىراق ونىڭ اۋىر بولعانى سونشالىق، اقيرەتتە وعان قاتتى وكىنەتىن بولاسىز. ەگەر بىرەۋ مىنا دۇنيەدە سىزدەن سۇراۋ سۇراسا، «ءمۇفتي بار، سودان سۇراڭىز، دىنگە قاتىستى عۇلامالار بار، سولاردان كەڭەس الىڭىز» دەپ ايتىڭىز. تاۋكەلشىلدىككە بەرىلىپ، ءوزىڭىز تۇسىنبەيتىن نارسەلەرگە سۇڭگىپ كەتپەڭىز، ايتپەسە، اۋىر جۇك ارقالاپ قالاتىن بولاسىز. مەيلى مۇراگەرلىك ءجايلى، وتباسى ءجايلى، نەمەسە فينانىس ءجايلى بولسىن، ارالاسپاڭىز، دەمەك، ءوزىڭىز تولىق تۇسىنبەيتىن نارسەلەرگە ارالاسپاڭىز، ءجاي عانا، «مەن بىلمەيمىن» دەڭىز.

ال، «مەن بىلمەيمىن» دەۋ ارقىلى ءسىز ءوزىڭىزدى جۇكتەن بوساتاسىز، ەگەر ءسىز شىنىندا بىلىمگە يە بولساڭىز، جانە ودان يگىلىك العان ادامدار بولسا، سول كەزدە عانا سويلەڭىز. ايتپەسە، «جۇرت مەنى تومەن كورەر» دەگەن الاڭداۋمەن ءناپسىڭىزدى قاناعاتتاندىرۋ ءۇشىن سويلەسەڭىز، وندا ءسىز قاتەلەسىز. راسىندا، ۇلىق عۇلاما يمام مالىك حازىرەتتىڭ ءوزى بىردە، «ءسىز سونشاما مول ءبىلىمدى بولا تۇرا، نەگە بىلمەيمىن دەپ ايتاسىز، ءسىز عۇلاما بولۋدان قالىپسىز» دەگەن سۇراققا ءدوپ كەلگەندە، ول، «مەن ارقاما اۋىر جۇك ارقالاي المايمىن» دەپ جاۋاپ بەرەدى. ال قازىرگى كەزدەگى ادامدار نادان توبىردان بولا تۇرا، بىلىمدىلەر سياقتى كورىنىپ، ەل-جۇرتقا جول باستاعىسى كەلەدى، جانە ءسۇيتىپ جۇرگەندە، ولار وزدەرىن دە، كوپشىلىكتى دە بىردەي اداستىرىپ جىبەرەدى. اللا ﷻ ءبىزدى پاناسىنا العاي، ءبىزدى سونداي ادامداردان جانە ناپسىلەرىنە ەرگەندەردەن ساقتاعاي.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8934