Мазмұнды Көшіру

https://www.nvrislam.net/index.php?j=kz&post=8930
Сұхбат: Мәхди хазірет бүкіл жүйені аударып, дүниеге Алланың жүйесін орнатады (2026.08.31 / Хижри 1448-жыл 18-Рабиул-Аууал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Shaykh Nazim Dergah, Lefka, Cyprus, Turkiye, 2026) Бисмиллахир рахманир рахим, «وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ», яғни, «және игілікпен тақуалықта селбесіңдер, бірақ күнәмен зұлымдықта селбеспеңдер», садақаллахулғазим, құран 5інші сүре 2інші аят. Алла Әззә уә-Жәллә сіздерге жақсы істерде бір-бірлеріңізге көмектесуге әмір етеді, демек, ол сіздерді жақсылыққа әмір етеді. Ол тағы жамандық істеуде өзара көмектеспеуге әмір етеді, яғни Алла Әззә уә-Жәллә, «жамандық істеуде бір-біріңе жәрдемдеспеңдер» дейді. Демек, жақсылық істеуде бірігіңіздер, ал егер біреулер жамандық істемек болса, оларды тосыңыздар, ескертіңіздер, оларға, «бұл жаман іс, бұл қате, оны істеуге болмайды» деп, әмір етіңіздер. Ислам діні міне осы, ислам діні - бүкіл жүйелердің анасы.

Мына дүниеде адамдар, «ел-жұртқа қызмет қыламыз» деп, мәлім жүйелерді жасар, бірақ бұлары қызмет қылу болмай шықты, себебі олар адамдар жағынан жасалған бір форма ғана еді. Онда ешқандай руханият жоқ, рухани қолдау жоқ, себебі, олардың жүйесі Алланың әмірінен келмеді, олар жақсы нәтиже бермейтін болады. Олар, «коминист» дер, «коминистік жүйенің мағынасы, бірге болу, өзара көмектесу» дер, бірақ олар осы айтқандарындай көмектескен жоқ. Сендер жұрттың мал-мүлкін, байлығын, еңбегін, үйін, жерін, зауаттарын тартып аласыңдар. Сүйте тұра, еш қымсынбастан, «біз көмектесіп жатырмыз» дейсіңдер, сонда адам ұқығы қайда, әділдік қайда? сендер әділетсіздік істеп жатсыңдар, ол жақсылық істеу емес, бұларың жақсы нәрсе болмас. Ал ислам оған ұқсамайды, ислам, «бір-біріңе өзара көмектесіңдер» дейді.

Байлар кедейлерге көмектесуі керек, ол мүмкін садақа, зекет, қарыз, я кешірімді қарыз болар, көмек деген міне осы. Ал сендер біреудің мал-мүлкін алсаңдар, ол ешқандай адамгершілік емес, дінге ешқашан үйлеспейді. Сондықтан да манағындай жүйелер лас қоқсықтан басқа дәнеңе емес. Одан соң адамдар «сотсиялизим» деген жүйені жасады, және бұл жүйесінде адамдар жұмыс істейді, ақша табады, бірақ олар оны коминизимнен де жаман етіп жіберді. Демек, ол жүйеде біреу 5 теңге тапса, олар оған, «10 теңге салық тапсыр» дейді. Сонда бұл қалай болғаны, мен 5 теңге ғана таптым, ал сендер одан 100, 500, 300, 60, 70 пайыз салық аласыңдар, бұл қалай болғаны? мен жұмыс істеуім керек екен, бірақ оны қалай істеймін, және одан маған не пайда?

Міне бұл бір пайдасыз жүйе, ал қазіргі дүниенің хәлі осындай күйде тұр, барлық батыс елдері осындай жүйемен жүріп еді, адамдар коминизимді аңсайтын болды. Себебі, коминизимде олардың барлығы ұқсас болады, олар әйтіп-бүйтіп жан бағып жүре береді, оларға билік көмектеседі, онда ешкім ойына келгенін істей алмайды, бірақ қазір жағдай ондай емес. Қазір жағдай тіпті де бұзылып кетті, яғни, олар адамдарға зұлымдық жасайды, ақша да бермейді, және сүйте тұра, «мен сендерге жақсы қарап жатырмын, бұны істеп жатырмыз, оны істеп жатырмыз» дейді. Бірақ бұл қабыл емес, ал исламда ақша тапқандар зекет төлейді, бұнда зекет алғандар халал қайнардан алады, ал зекет бергендер сауап табады.

Сонымен манағы жүйелер адамдарға үстемдік орнатты, жұрт оларды, сотсиялист, коминист, фашист, я анау-мынау тағы басқа бірдеңелермен атар. Бірақ олар бірінен бірі өткен қитұрқы болды, ешбірі жеңіске жеткен жоқ, барлығы құрдымға кетті, быт-шыт болды, ал мына дүние де сол ұқсас жолмен құрдымға кетіп барады, олардан еш пайда болмады. Алайда, Алла Әззә уә-Жәллә жағынан құрылған жүйе бар, осы жүйеде сіз әр жылы байлығыңыздан екіжарым пайыз салық төлейсіз. Ол әдетте екіжарым пайыз, ал қазір бір адам күніне қанша салық төлейді, мүмкін 500, немесе 1000 пайыз болар, бұлар бір Алланың өзіне аян. Ал сендер сүйте тұра, «економика жақсы болады, ол болады, бұл болады» деп сайрайсыңдар, бірақ айтқандарың болмас. Демек, адамдардың зұлымдықты негіз еткен жүйесінен жақсы нәтиже шықпайды.

Бұнда Алланың жүйесі ғана қабыл болар, демек, адамдарға береке және жәйлылық алып келетін жүйе - исламның жүйесі, ол - Алла ﷻ жағынан орнатылған жүйе, жеңісті жүйе. Ал одан басқалары сәтсіздіктен басқа дәнеңе емес, барлығы бос бірдеңелер, бос әурешіліктер, олардың ешбірі сәтті жүйе болмақ емес. Ақырына барғанда олардың барлығы коминизим сияқты өздерін өздері ішінен жегідей жеп, құритын болады. Коминизимды сыртқы күштер құлатқан жоқ, ол өз ішінен іріп-шіріп, содан құрдымға кетті, жоқ болды. Қазіргілердің жүйесі қашан құритынын Алла өзі білер, бірақ олар сөзсіз құриды, және адамдар бұны да көретін болады. Содан соң Алла ﷻ, иншалла, өз жүйесін Мәхди әлейхис-саламмен орнататын болады, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: ءماحدي حازىرەت بۇكىل جۇيەنى اۋدارىپ، دۇنيەگە اللانىڭ جۇيەسىن ورناتادى (2026.08.31 / حيجري 1448-جىل 18-رابيۋل-اۋۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Shaykh Nazim Dergah، Lefka، Cyprus، Turkiye، 2026) بيسميللاحير راحمانير راحيم، «وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ»، ياعني، «جانە يگىلىكپەن تاقۋالىقتا سەلبەسىڭدەر، ءبىراق كۇنامەن زۇلىمدىقتا سەلبەسپەڭدەر»، ساداقاللاحۋلعازيم، قۇران 5ءىنشى سۇرە 2ءىنشى ايات. اللا ءاززا ءۋا-ءجاللا سىزدەرگە جاقسى ىستەردە ءبىر-بىرلەرىڭىزگە كومەكتەسۋگە ءامىر ەتەدى، دەمەك، ول سىزدەردى جاقسىلىققا ءامىر ەتەدى. ول تاعى جاماندىق ىستەۋدە ءوزارا كومەكتەسپەۋگە ءامىر ەتەدى، ياعني اللا ءاززا ءۋا-ءجاللا، «جاماندىق ىستەۋدە ءبىر-بىرىڭە جاردەمدەسپەڭدەر» دەيدى. دەمەك، جاقسىلىق ىستەۋدە بىرىگىڭىزدەر، ال ەگەر بىرەۋلەر جاماندىق ىستەمەك بولسا، ولاردى توسىڭىزدار، ەسكەرتىڭىزدەر، ولارعا، «بۇل جامان ءىس، بۇل قاتە، ونى ىستەۋگە بولمايدى» دەپ، ءامىر ەتىڭىزدەر. يسلام ءدىنى مىنە وسى، يسلام ءدىنى - بۇكىل جۇيەلەردىڭ اناسى.

مىنا دۇنيەدە ادامدار، «ەل-جۇرتقا قىزمەت قىلامىز» دەپ، ءمالىم جۇيەلەردى جاسار، ءبىراق بۇلارى قىزمەت قىلۋ بولماي شىقتى، سەبەبى ولار ادامدار جاعىنان جاسالعان ءبىر فورما عانا ەدى. وندا ەشقانداي رۋحانيات جوق، رۋحاني قولداۋ جوق، سەبەبى، ولاردىڭ جۇيەسى اللانىڭ امىرىنەن كەلمەدى، ولار جاقسى ناتيجە بەرمەيتىن بولادى. ولار، «كومينيست» دەر، «كومينيستىك جۇيەنىڭ ماعىناسى، بىرگە بولۋ، ءوزارا كومەكتەسۋ» دەر، ءبىراق ولار وسى ايتقاندارىنداي كومەكتەسكەن جوق. سەندەر جۇرتتىڭ مال-مۇلكىن، بايلىعىن، ەڭبەگىن، ءۇيىن، جەرىن، زاۋاتتارىن تارتىپ الاسىڭدار. سۇيتە تۇرا، ەش قىمسىنباستان، «ءبىز كومەكتەسىپ جاتىرمىز» دەيسىڭدەر، سوندا ادام ۇقىعى قايدا، ادىلدىك قايدا؟ سەندەر ادىلەتسىزدىك ىستەپ جاتسىڭدار، ول جاقسىلىق ىستەۋ ەمەس، بۇلارىڭ جاقسى نارسە بولماس. ال يسلام وعان ۇقسامايدى، يسلام، «ءبىر-بىرىڭە ءوزارا كومەكتەسىڭدەر» دەيدى.

بايلار كەدەيلەرگە كومەكتەسۋى كەرەك، ول مۇمكىن ساداقا، زەكەت، قارىز، يا كەشىرىمدى قارىز بولار، كومەك دەگەن مىنە وسى. ال سەندەر بىرەۋدىڭ مال-مۇلكىن الساڭدار، ول ەشقانداي ادامگەرشىلىك ەمەس، دىنگە ەشقاشان ۇيلەسپەيدى. سوندىقتان دا ماناعىنداي جۇيەلەر لاس قوقسىقتان باسقا دانەڭە ەمەس. ودان سوڭ ادامدار «سوتسياليزيم» دەگەن جۇيەنى جاسادى، جانە بۇل جۇيەسىندە ادامدار جۇمىس ىستەيدى، اقشا تابادى، ءبىراق ولار ونى كومينيزيمنەن دە جامان ەتىپ جىبەردى. دەمەك، ول جۇيەدە بىرەۋ 5 تەڭگە تاپسا، ولار وعان، «10 تەڭگە سالىق تاپسىر» دەيدى. سوندا بۇل قالاي بولعانى، مەن 5 تەڭگە عانا تاپتىم، ال سەندەر ودان 100، 500، 300، 60، 70 پايىز سالىق الاسىڭدار، بۇل قالاي بولعانى؟ مەن جۇمىس ىستەۋىم كەرەك ەكەن، ءبىراق ونى قالاي ىستەيمىن، جانە ودان ماعان نە پايدا؟

مىنە بۇل ءبىر پايداسىز جۇيە، ال قازىرگى دۇنيەنىڭ ءحالى وسىنداي كۇيدە تۇر، بارلىق باتىس ەلدەرى وسىنداي جۇيەمەن ءجۇرىپ ەدى، ادامدار كومينيزيمدى اڭسايتىن بولدى. سەبەبى، كومينيزيمدە ولاردىڭ بارلىعى ۇقساس بولادى، ولار ءايتىپ-ءبۇيتىپ جان باعىپ جۇرە بەرەدى، ولارعا بيلىك كومەكتەسەدى، وندا ەشكىم ويىنا كەلگەنىن ىستەي المايدى، ءبىراق ءقازىر جاعداي ونداي ەمەس. ءقازىر جاعداي ءتىپتى دە بۇزىلىپ كەتتى، ياعني، ولار ادامدارعا زۇلىمدىق جاسايدى، اقشا دا بەرمەيدى، جانە سۇيتە تۇرا، «مەن سەندەرگە جاقسى قاراپ جاتىرمىن، بۇنى ىستەپ جاتىرمىز، ونى ىستەپ جاتىرمىز» دەيدى. ءبىراق بۇل قابىل ەمەس، ال يسلامدا اقشا تاپقاندار زەكەت تولەيدى، بۇندا زەكەت العاندار حالال قايناردان الادى، ال زەكەت بەرگەندەر ساۋاپ تابادى.

سونىمەن ماناعى جۇيەلەر ادامدارعا ۇستەمدىك ورناتتى، جۇرت ولاردى، سوتسياليست، كومينيست، فاشيست، يا اناۋ-مىناۋ تاعى باسقا بىردەڭەلەرمەن اتار. ءبىراق ولار بىرىنەن ءبىرى وتكەن قيتۇرقى بولدى، ەشبىرى جەڭىسكە جەتكەن جوق، بارلىعى قۇردىمعا كەتتى، بىت-شىت بولدى، ال مىنا دۇنيە دە سول ۇقساس جولمەن قۇردىمعا كەتىپ بارادى، ولاردان ەش پايدا بولمادى. الايدا، اللا ءاززا ءۋا-ءجاللا جاعىنان قۇرىلعان جۇيە بار، وسى جۇيەدە ءسىز ءار جىلى بايلىعىڭىزدان ەكىجارىم پايىز سالىق تولەيسىز. ول ادەتتە ەكىجارىم پايىز، ال ءقازىر ءبىر ادام كۇنىنە قانشا سالىق تولەيدى، مۇمكىن 500، نەمەسە 1000 پايىز بولار، بۇلار ءبىر اللانىڭ وزىنە ايان. ال سەندەر سۇيتە تۇرا، «ەكونوميكا جاقسى بولادى، ول بولادى، بۇل بولادى» دەپ سايرايسىڭدار، ءبىراق ايتقاندارىڭ بولماس. دەمەك، ادامداردىڭ زۇلىمدىقتى نەگىز ەتكەن جۇيەسىنەن جاقسى ناتيجە شىقپايدى.

بۇندا اللانىڭ جۇيەسى عانا قابىل بولار، دەمەك، ادامدارعا بەرەكە جانە ءجايلىلىق الىپ كەلەتىن جۇيە - يسلامنىڭ جۇيەسى، ول - اللا ﷻ جاعىنان ورناتىلعان جۇيە، جەڭىستى جۇيە. ال ودان باسقالارى ساتسىزدىكتەن باسقا دانەڭە ەمەس، بارلىعى بوس بىردەڭەلەر، بوس اۋرەشىلىكتەر، ولاردىڭ ەشبىرى ءساتتى جۇيە بولماق ەمەس. اقىرىنا بارعاندا ولاردىڭ بارلىعى كومينيزيم سياقتى وزدەرىن وزدەرى ىشىنەن جەگىدەي جەپ، قۇريتىن بولادى. كومينيزيمدى سىرتقى كۇشتەر قۇلاتقان جوق، ول ءوز ىشىنەن ءىرىپ-ءشىرىپ، سودان قۇردىمعا كەتتى، جوق بولدى. قازىرگىلەردىڭ جۇيەسى قاشان قۇريتىنىن اللا ءوزى بىلەر، ءبىراق ولار ءسوزسىز قۇريدى، جانە ادامدار بۇنى دا كورەتىن بولادى. سودان سوڭ اللا ﷻ، ينشاللا، ءوز جۇيەسىن ءماحدي الەيحيس-سالاممەن ورناتاتىن بولادى، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8930