АЛЛА 18 МЫҢ ҒАЛАМДЫ ПАЙҒАМБАРЫМЫЗДЫҢ ҚҰРМЕТІ ҮШІН ЖАРАТТЫ
https://www.nvrislam.net/index.php?j=kz&post=8918
АЛЛА 18 МЫҢ ҒАЛАМДЫ ПАЙҒАМБАРЫМЫЗДЫҢ ҚҰРМЕТІ ҮШІН ЖАРАТТЫ
Алла Өзінің нұрынан пайғамбарымызды жаратты, одан соң пайғамбарымыздың нұрынан мына бүкіл әлемдерді және оның ішіндегі барша жанды-жансызды жаратты. Мына жер, сансыз әлем, жұлдыз, аймен күн, барша адамзат, періште, жын, тау-тас, қағба, қасиетті жерлер, демек, материяның барлығы пайғамбарымыздың құрметі үшін пайғамбарымыздың нұрынан жаратылды. Жердің сентірі қағба болса, әлемдердің сентірі пайғамбарымыз. Сіздердің мына дүниеге келіп, тік жүрулеріңіздің өзі Пайғамбарымыздың құрметі үшін еді, соны біліңіз. Алла тағала пайғамбарымызға, 'сен демесем, саған деген махаббатым болмаса, мына сансыз әлемдерді жаратпас едім' дейді. Сондықтан, пайғамбарымызды сүйіңіз, оны сүю ең бірінші парыз, оны сүймей тұрып, құлшылығың, намазың, оразаң бәрі бос болар, түкке татымас. Оны сүйгенің Алланы сүйгенің, оның жолына ергенің Алланың жолына ергенің. Алла оны сондай ұлы етіп жаратты, оның ұлылығын түсінуге адам ақылы жетпейді. Бүкіл құлшылық, игі амал, намаз-ораза барлығына пайғамбарымызды сүю қосылғанда ғана, оларға құн беріліп, сауапқа айналады, жан бітеді. Өлген жүректі тірілдіретін де сол махаббат. Егер мына сансыз әлем, мына дүние, сансыз жұлдыз, сансыз тіршілік, адамзат неге жаратылды деп сұралса, олар пайғамбарымыздың құрметі үшін жаратылды, деп жауап беріңіз. Иә, оның жауабы осылай, онда басқа сыр-құпия жоқ, олардың жаралу хикіметі сонда жатыр. Демек, Алла оларды пайғамбарымыздың құрметі үшін жаратты. Сондықтан, пайғамбарымыздың құны аса зор, және оны сүю барлығына парыз. Бүкіл жан-жануарлармен өсімдіктер, тау-тас, ағаш барлығы оны сүйеді. Тек нәпсісімен шайтанға алданған адам баласы ғана оны сүймейді. Ал ешкім пайғамбарымызды сүймей тұрып, Алланы сүйе алмас, иманды болмас. Пайғамбарымыз Алланың ең сүйіктісі, сондықтан, кім пайғамбарымызға тиіссе, оны құрметтемесе, Алла ол адамның иманын алып кетеді. Сонымен, ол адам намаз өтеп жүріп те, құран хафиз болып жүріп те, ғұлама болып жүріп те шайтанмен дос болады, шайтанның әскеріне айналады. Ал қазіргі кезде кең тарап жүрген, 'пайғамбарды сүйме, мәулит өткізбе, ол біз сияқты жәй адам, оны құрметтеме' деп жүргендер, осы шайтанға алданғандар. Шайтан осылай олардың иманын ұрлап, құлшылықтарын күйдірді. Пайғамбарымызды сүю Алла махаббатына апарады, Аллаға оңай жететін жол пайғамбарымызды сүю. Ұдайы пайғамбарымыздың шапағатын сұрап, дұға етіңіз, себебі, ақиретте бізді пайғамбарымыздың шапағатымен махаббаты құтқарады. Ал намаз, ораза құлшылықтарымыз құтқара алмайды, оларды жиып келсе, біздің бір көз, бір қолымыздың құнын төлеуге де жетпейді. Ендеше, пайғамбарымызға деген махаббатты арттырудың жолын ізде, және ұдайы оның шапағатын сұра. Ал пайғамбарымыздың махаббатына оңай жетудің жолы сол махаббатқа жеткендермен, яғни әулие және салихтармен бірге болу. Пайғамбарымызға тез жетудің жолы осылай. Махаббат кітаптан үйренетін нәрсе емес, ол Пайғамбарымыздың махаббатына жеткендермен жүрегі нұрлы иманға толы адамдардың жүрегінен біздің жүрекке таралатын тілсім илаһи қасиет, илаһи нұр.
اللا 18 مىڭ عالامدى پايعامبارىمىزدىڭ قۇرمەتى ءۇشىن جاراتتى
اللا ءوزىنىڭ نۇرىنان پايعامبارىمىزدى جاراتتى، ودان سوڭ پايعامبارىمىزدىڭ نۇرىنان مىنا بۇكىل الەمدەردى جانە ونىڭ ىشىندەگى بارشا جاندى-جانسىزدى جاراتتى. مىنا جەر، سانسىز الەم، جۇلدىز، ايمەن كۇن، بارشا ادامزات، پەرىشتە، جىن، تاۋ-تاس، قاعبا، قاسيەتتى جەرلەر، دەمەك، ماتەريانىڭ بارلىعى پايعامبارىمىزدىڭ قۇرمەتى ءۇشىن پايعامبارىمىزدىڭ نۇرىنان جاراتىلدى. جەردىڭ سەنتىرى قاعبا بولسا، الەمدەردىڭ سەنتىرى پايعامبارىمىز. سىزدەردىڭ مىنا دۇنيەگە كەلىپ، تىك جۇرۋلەرىڭىزدىڭ ءوزى پايعامبارىمىزدىڭ قۇرمەتى ءۇشىن ەدى، سونى ءبىلىڭىز. اللا تاعالا پايعامبارىمىزعا، 'سەن دەمەسەم، ساعان دەگەن ماحابباتىم بولماسا، مىنا سانسىز الەمدەردى جاراتپاس ەدىم' دەيدى. سوندىقتان، پايعامبارىمىزدى ءسۇيىڭىز، ونى ءسۇيۋ ەڭ ءبىرىنشى پارىز، ونى سۇيمەي تۇرىپ، قۇلشىلىعىڭ، نامازىڭ، ورازاڭ ءبارى بوس بولار، تۇككە تاتىماس. ونى سۇيگەنىڭ اللانى سۇيگەنىڭ، ونىڭ جولىنا ەرگەنىڭ اللانىڭ جولىنا ەرگەنىڭ. اللا ونى سونداي ۇلى ەتىپ جاراتتى، ونىڭ ۇلىلىعىن تۇسىنۋگە ادام اقىلى جەتپەيدى. بۇكىل قۇلشىلىق، يگى امال، ناماز-ورازا بارلىعىنا پايعامبارىمىزدى ءسۇيۋ قوسىلعاندا عانا، ولارعا قۇن بەرىلىپ، ساۋاپقا اينالادى، جان بىتەدى. ولگەن جۇرەكتى تىرىلدىرەتىن دە سول ماحاببات. ەگەر مىنا سانسىز الەم، مىنا دۇنيە، سانسىز جۇلدىز، سانسىز تىرشىلىك، ادامزات نەگە جاراتىلدى دەپ سۇرالسا، ولار پايعامبارىمىزدىڭ قۇرمەتى ءۇشىن جاراتىلدى، دەپ جاۋاپ بەرىڭىز. ءيا، ونىڭ جاۋابى وسىلاي، وندا باسقا سىر-قۇپيا جوق، ولاردىڭ جارالۋ حيكىمەتى سوندا جاتىر. دەمەك، اللا ولاردى پايعامبارىمىزدىڭ قۇرمەتى ءۇشىن جاراتتى. سوندىقتان، پايعامبارىمىزدىڭ قۇنى اسا زور، جانە ونى ءسۇيۋ بارلىعىنا پارىز. بۇكىل جان-جانۋارلارمەن وسىمدىكتەر، تاۋ-تاس، اعاش بارلىعى ونى سۇيەدى. تەك ناپسىسىمەن شايتانعا الدانعان ادام بالاسى عانا ونى سۇيمەيدى. ال ەشكىم پايعامبارىمىزدى سۇيمەي تۇرىپ، اللانى سۇيە الماس، يماندى بولماس. پايعامبارىمىز اللانىڭ ەڭ سۇيىكتىسى، سوندىقتان، كىم پايعامبارىمىزعا تيىسسە، ونى قۇرمەتتەمەسە، اللا ول ادامنىڭ يمانىن الىپ كەتەدى. سونىمەن، ول ادام ناماز وتەپ ءجۇرىپ تە، قۇران حافيز بولىپ ءجۇرىپ تە، عۇلاما بولىپ ءجۇرىپ تە شايتانمەن دوس بولادى، شايتاننىڭ اسكەرىنە اينالادى. ال قازىرگى كەزدە كەڭ تاراپ جۇرگەن، 'پايعامباردى سۇيمە، ءماۋليت وتكىزبە، ول ءبىز سياقتى ءجاي ادام، ونى قۇرمەتتەمە' دەپ جۇرگەندەر، وسى شايتانعا الدانعاندار. شايتان وسىلاي ولاردىڭ يمانىن ۇرلاپ، قۇلشىلىقتارىن كۇيدىردى. پايعامبارىمىزدى ءسۇيۋ اللا ماحابباتىنا اپارادى، اللاعا وڭاي جەتەتىن جول پايعامبارىمىزدى ءسۇيۋ. ۇدايى پايعامبارىمىزدىڭ شاپاعاتىن سۇراپ، دۇعا ەتىڭىز، سەبەبى، اقيرەتتە ءبىزدى پايعامبارىمىزدىڭ شاپاعاتىمەن ماحابباتى قۇتقارادى. ال ناماز، ورازا قۇلشىلىقتارىمىز قۇتقارا المايدى، ولاردى جيىپ كەلسە، ءبىزدىڭ ءبىر كوز، ءبىر قولىمىزدىڭ قۇنىن تولەۋگە دە جەتپەيدى. ەندەشە، پايعامبارىمىزعا دەگەن ماحابباتتى ارتتىرۋدىڭ جولىن ىزدە، جانە ۇدايى ونىڭ شاپاعاتىن سۇرا. ال پايعامبارىمىزدىڭ ماحابباتىنا وڭاي جەتۋدىڭ جولى سول ماحابباتقا جەتكەندەرمەن، ياعني اۋليە جانە ساليحتارمەن بىرگە بولۋ. پايعامبارىمىزعا تەز جەتۋدىڭ جولى وسىلاي. ماحاببات كىتاپتان ۇيرەنەتىن نارسە ەمەس، ول پايعامبارىمىزدىڭ ماحابباتىنا جەتكەندەرمەن جۇرەگى نۇرلى يمانعا تولى ادامداردىڭ جۇرەگىنەن ءبىزدىڭ جۇرەككە تارالاتىن ءتىلسىم يلاھي قاسيەت، يلاھي نۇر.
#қазақ #салауат #әулие #ислам #сопылық
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8918