Мазмұнды Көшіру

https://www.nvrislam.net/index.php?j=kz&post=8832
Сұхбат: олар хан-сұлтандық жүйені жойған соң, адамзат азып кетті (2026.06.04 / Хижри 1447-жыл 18-Зұл-Хижа)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Lefke, Cyprus, Turkiye, 2026) Ел-жұрттың басына келетін ең сорақы іс не? бұл жағдай олардың басшы-лидерлері жақсы болмаған кезде болар, демек, олардың басшылары Алла жолында болмаса, Алладан қорықпаса, ең сорақы іс деген міне осы. Бұл кіші қауым-жамағат, үлкен қауым-жамағат, бүкіл ел, бүкіл мемлекетке, және бүкіл дүниенің бәріне бірдей кесір болып тиер, бәріне жақсы болмас. Не үшін? адамдар ерте кезде де солай өмір сүрген. яғни, бір адам өз нәпсісіне орай тауып, нәпсісіне еріп кетсе, ол адам ісіп-кеуіп, ферғауын сияқты, нимурд сияқты болып кетеді. Бұндайда ол адам құтырып, еш ымыраға келмейтін болады, оны тоқтата алмайсың. Ол жәйлы құран әзиму-шәнда, «فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ», яғни, «ол оларды отқа бастап апарады, және олардың бастап апаратын жері, расында тым жаман жер» деп айтылған, құран 11інші аят 98інші сүре.

Демек, манағындай адамдар тозаққа әкетіледі, ал олар ел-жұрттың өздеріне ерулері үшін өз қалаулары бойынша бірдеңелерді жасап шығады, және, «мен сендерге осы жолды таңдадым, сендер осы жолға ілесулерің керек» деп, ферғауын сияқты сөйлейді. Ферғауынмен нимурд өзіне бағынбаған адамдарды өлтіретін, дарға асатын, кесіп боршалап тастайтын, ал қазір осыған ұқсас істер туылуда, бірақ бұл істі ешкімге пайдасы жоқ адам істейді. Бұндай адамның өзіне де, өзгеге де пайдасы жоқ, оның жұртына, еліне, мемлекетіне, адамзатқа да пайдасы жоқ. Османлыдан кейінгі өткен ғасырдан бастап, көптеген осындай адамдар пайда болды, олар дүниенің жер-жерінен шығып жатты, оларға ештеңе қарсы бола алмады, және бұл адамдар бір-бірімен қатты ұқсайтын еді.

Бұрын, олардың алдында оларға қарсы тұрарлық исламның сұлтаны бар болатын, ал ұлылық, әділдік, және рахым дегендер исламда, бірақ манағы адамдар осылардың барлығын алып тастады. Қазір адамдар бір-бірімен ұқсас болып қалған, ал сұлтанды қаламаған бүкіл ел-жұрт ең зор зиянмен ұтылыстың ортасында жүр. Олардың зиян тартқаны соншалық, олар қазірге дейін оңала алған жоқ, қалпына келе алмады, бірақ олар әлі алдануда, демек, көптеген адамдар бұған әлі өкіне қойған жоқ. Олар, «біз жеңдік, демократияға жеттік» деген сияқты нәрселерді айтар, еркіндік алған шығарсың, бірақ құндылықтарыңмен құндарыңды жоғалтып алдыңдар. Ал сендерде адамдық құн қалмаған кезде, еркіндік сендерге не пайда бермек? адамның Алла қасындағы құны мейірім, рахым, жақсылық көрсетумен келеді, ал бұны тек сұлтандар ғана істейді.

Олар сұлтанды әдейі алып тастады, содан мына бүкіл дүние зұлымдыққа, жамандыққа, әділетсіздікке толып кетті. Ал ел-жұртына бастық-лидер болып келгендер ел-жұртын кезек-кезегімен тым мүшкіл хәлдерге түсіре берді. Олар адамдардағы адамдықты жоғалытты, ел-жұртта ақыл, әдеп-иба, жақсы мінез қалдырмады, бәрін тонап кетті, ештеңе қалған жоқ, олар солай істеді. Ал кім адасса, Алла өзі панасына алғай, демек, кім оларға ерсе, олардың ақыры тым жаман, тым сүркейлі болар. Ең жаман нәрсе өтпен тозақ-дүр, ал бұны сынақ деп біліп, оған ермегендер, және Алла жолында жүргендер құтылатын болады. Олар, «біз оларға ермейміз, бірақ біз оларға ештеңе қыла алмаймыз, қарқарсызбыз, шамамыз келмейді, амалымыз жоқ, алайда, олардың істегендерін жүрегімізде қабыл етпейміз, біз хақ жақтамыз, біз бәрінің Алла қалағанындай болғанын қалаймыз» десін, олар осылай айтуы керек.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: ولار حان-سۇلتاندىق جۇيەنى جويعان سوڭ، ادامزات ازىپ كەتتى (2026.06.04 / حيجري 1447-جىل 18-زۇل-حيجا)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Lefke، Cyprus، Turkiye، 2026) ەل-جۇرتتىڭ باسىنا كەلەتىن ەڭ سوراقى ءىس نە؟ بۇل جاعداي ولاردىڭ باسشى-ليدەرلەرى جاقسى بولماعان كەزدە بولار، دەمەك، ولاردىڭ باسشىلارى اللا جولىندا بولماسا، اللادان قورىقپاسا، ەڭ سوراقى ءىس دەگەن مىنە وسى. بۇل كىشى قاۋىم-جاماعات، ۇلكەن قاۋىم-جاماعات، بۇكىل ەل، بۇكىل مەملەكەتكە، جانە بۇكىل دۇنيەنىڭ بارىنە بىردەي كەسىر بولىپ تيەر، بارىنە جاقسى بولماس. نە ءۇشىن؟ ادامدار ەرتە كەزدە دە سولاي ءومىر سۇرگەن. ياعني، ءبىر ادام ءوز ناپسىسىنە وراي تاۋىپ، ناپسىسىنە ەرىپ كەتسە، ول ادام ءىسىپ-كەۋىپ، فەرعاۋىن سياقتى، نيمۋرد سياقتى بولىپ كەتەدى. بۇندايدا ول ادام قۇتىرىپ، ەش ىمىراعا كەلمەيتىن بولادى، ونى توقتاتا المايسىڭ. ول ءجايلى قۇران ءازيمۋ-ءشاندا، «فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ»، ياعني، «ول ولاردى وتقا باستاپ اپارادى، جانە ولاردىڭ باستاپ اپاراتىن جەرى، راسىندا تىم جامان جەر» دەپ ايتىلعان، قۇران 11ءىنشى ايات 98ءىنشى سۇرە.

دەمەك، ماناعىنداي ادامدار توزاققا اكەتىلەدى، ال ولار ەل-جۇرتتىڭ وزدەرىنە ەرۋلەرى ءۇشىن ءوز قالاۋلارى بويىنشا بىردەڭەلەردى جاساپ شىعادى، جانە، «مەن سەندەرگە وسى جولدى تاڭدادىم، سەندەر وسى جولعا ىلەسۋلەرىڭ كەرەك» دەپ، فەرعاۋىن سياقتى سويلەيدى. فەرعاۋىنمەن نيمۋرد وزىنە باعىنباعان ادامداردى ولتىرەتىن، دارعا اساتىن، كەسىپ بورشالاپ تاستايتىن، ال ءقازىر وسىعان ۇقساس ىستەر تۋىلۋدا، ءبىراق بۇل ءىستى ەشكىمگە پايداسى جوق ادام ىستەيدى. بۇنداي ادامنىڭ وزىنە دە، وزگەگە دە پايداسى جوق، ونىڭ جۇرتىنا، ەلىنە، مەملەكەتىنە، ادامزاتقا دا پايداسى جوق. وسمانلىدان كەيىنگى وتكەن عاسىردان باستاپ، كوپتەگەن وسىنداي ادامدار پايدا بولدى، ولار دۇنيەنىڭ جەر-جەرىنەن شىعىپ جاتتى، ولارعا ەشتەڭە قارسى بولا المادى، جانە بۇل ادامدار ءبىر-بىرىمەن قاتتى ۇقسايتىن ەدى.

بۇرىن، ولاردىڭ الدىندا ولارعا قارسى تۇرارلىق يسلامنىڭ سۇلتانى بار بولاتىن، ال ۇلىلىق، ادىلدىك، جانە راحىم دەگەندەر يسلامدا، ءبىراق ماناعى ادامدار وسىلاردىڭ بارلىعىن الىپ تاستادى. ءقازىر ادامدار ءبىر-بىرىمەن ۇقساس بولىپ قالعان، ال سۇلتاندى قالاماعان بۇكىل ەل-جۇرت ەڭ زور زيانمەن ۇتىلىستىڭ ورتاسىندا ءجۇر. ولاردىڭ زيان تارتقانى سونشالىق، ولار قازىرگە دەيىن وڭالا العان جوق، قالپىنا كەلە المادى، ءبىراق ولار ءالى الدانۋدا، دەمەك، كوپتەگەن ادامدار بۇعان ءالى وكىنە قويعان جوق. ولار، «ءبىز جەڭدىك، دەموكراتياعا جەتتىك» دەگەن سياقتى نارسەلەردى ايتار، ەركىندىك العان شىعارسىڭ، ءبىراق قۇندىلىقتارىڭمەن قۇندارىڭدى جوعالتىپ الدىڭدار. ال سەندەردە ادامدىق قۇن قالماعان كەزدە، ەركىندىك سەندەرگە نە پايدا بەرمەك؟ ادامنىڭ اللا قاسىنداعى قۇنى مەيىرىم، راحىم، جاقسىلىق كورسەتۋمەن كەلەدى، ال بۇنى تەك سۇلتاندار عانا ىستەيدى.

ولار سۇلتاندى ادەيى الىپ تاستادى، سودان مىنا بۇكىل دۇنيە زۇلىمدىققا، جاماندىققا، ادىلەتسىزدىككە تولىپ كەتتى. ال ەل-جۇرتىنا باستىق-ليدەر بولىپ كەلگەندەر ەل-جۇرتىن كەزەك-كەزەگىمەن تىم مۇشكىل حالدەرگە تۇسىرە بەردى. ولار ادامدارداعى ادامدىقتى جوعالىتتى، ەل-جۇرتتا اقىل، ادەپ-يبا، جاقسى مىنەز قالدىرمادى، ءبارىن توناپ كەتتى، ەشتەڭە قالعان جوق، ولار سولاي ىستەدى. ال كىم اداسسا، اللا ءوزى پاناسىنا العاي، دەمەك، كىم ولارعا ەرسە، ولاردىڭ اقىرى تىم جامان، تىم سۇركەيلى بولار. ەڭ جامان نارسە وتپەن توزاق-ءدۇر، ال بۇنى سىناق دەپ ءبىلىپ، وعان ەرمەگەندەر، جانە اللا جولىندا جۇرگەندەر قۇتىلاتىن بولادى. ولار، «ءبىز ولارعا ەرمەيمىز، ءبىراق ءبىز ولارعا ەشتەڭە قىلا المايمىز، قارقارسىزبىز، شامامىز كەلمەيدى، امالىمىز جوق، الايدا، ولاردىڭ ىستەگەندەرىن جۇرەگىمىزدە قابىل ەتپەيمىز، ءبىز حاق جاقتامىز، ءبىز ءبارىنىڭ اللا قالاعانىنداي بولعانىن قالايمىز» دەسىن، ولار وسىلاي ايتۋى كەرەك.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8832