ЖҮРЕГІҢДІ ТАЗАРТҚЫҢ КЕЛСЕ, ӘУЛИЕГЕ ЕРІП, СОПЫЛЫҚ ҰСТАН
https://www.nvrislam.net/index.php?j=kz&post=8818
ЖҮРЕГІҢДІ ТАЗАРТҚЫҢ КЕЛСЕ, ӘУЛИЕГЕ ЕРІП, СОПЫЛЫҚ ҰСТАН
Алланы іздеп жүрсізбе? Оны іздеп, мешітке көп кірген боларсыз. Мешіт - Аллаға құлшылық ететін жер, таза жер, бірақ Алла ол жерге сыймайды, онда тұрмайды. Бұны Алла Өзі айтқан, Алла мешіт түгілі, мына бүкіл жершары, құс жолы, галактика, мына шексіз әлемге сыймайды. Алланы әлем де, аршы-күрсі де көтере алмайды, олар Алланы сыйдыруға қауқарсыз. Ал Құдіретті Алла Өзі мынадай қызықты хабар айтады, яғни Алла, 'Мен мына әлемге сыймаймын, ешқайда сыймаймын, бірақ Мен мүминнің жұдырықтай жүрегіне сыйямын' дейді. Демек, Алланы іздесеңіз, Оны мүминнің жүрегінен, әулиенің жүрегінен, ғашықтың жүрегінен іздеңіз. Себебі, Алла осындай адамдардың жүрегінде тұрады, сонда күнде қонақта болады, олардың жүректері сондай кіршіксіз, сондай таза, онда Алладан басқаға орын жоқ, олар - нағыз таза адамдар. Міне осындай асыл жандарды тауып, солармен бірге болыңыз, сонда ғана Алланы табудың жолына біртіндеп шындап түсетін боласыз. Ал біреудің намаз оқып, ораза ұстап жүргені, құранды керемет оқитыны оның расында таза адам екендігіне еш дәлел емес. Бұлар жәй сыртқы құлшылық, сыртқы діндарлық қана, ал жүрек тазалығы мүлдем бөлек шаруа. Демек, біреу намаз оқып, құран қирағаттап жүргенімен нәпсісіне ерік берген, жүрегі лас біреу, тіпті екіжүзді мұнафиық біреу болуы да мүмкін. Сондықтан, 'мұнафиық мұсылманнан шығар' делінер. Ал кәпірге бәрібір, себебі исламда, 'кәпірліктен соң үлкен күнә жоқ' делінер. Демек, намазды жүрегі таза адам да, таза емес адам да оқи береді. Бірақ бұл мәселе Алламен әр құлының арасындағы жеке шаруа, оған ешкім араласа алмайды. Ал біздің білетініміз сол, жүрегі таза адам Алланы құрметтегендіктен, Алладан ұялғандықтан, Алланы сүйгендіктен намаз оқиды, ораза ұстайды, құлшылық етеді, игі іс істейді. Сол үшін Алланы сүйетініңіз, құрметтейтіндігіңіз шын болса, сіз міндетті түрде намаз, ораза сияқты құлшылықтарды оңай орындап кетесіз, игі жан сүйікті Тәңірінің әмірін орындайды. Әрине, ол орындайды, бұндайда бұлар оған әдеттегі шаруа сияқты болып кетеді. Мәселен, ол тамақ ішіп-жеу сияқты жеңіл іс болып кетеді. Егер біреу жүрегім таза, бірақ намаз оқымаймын десе, ол өтірік айтады, ол өзін өзі алдап жүр. Яғни, оны нәпсісі, я шайтан, я дүние алдауда. Намаз, ораза барлығы оңай, бірақ шайтан оны адамдарға қиын сияқты көрсетіп, оларды алдап қойған. Бұл сыртқы құлшылықтар оңай, бірақ рухани тазалық, жүректі таза ұстау, нәпсіні тазарту сияқты жүрекпен, рухпен қатысты нәрселер оңай емес, олар жоғары дәрежеге жатады. Ал осы рухани тазарулар сопылық тәриқат арқылы ғана іске асады, сопылықсыз, кәміл пірсіз жүректі тазарту өте қиын, оны он милионнан бір адам ғана істей алады. Ал біздің сыртқы құлшылық амалдарымыз нәпсі, шайтан және дүниенің көлеңкесінде күйіп кетпеуі үшін, исламда сопылық тәриқат болған. Сопылық яғни тәриқат дегеніміз пайғамбарымыздың үзілмей жалғасып келе жатқан тірі жолы, ал кім осы жолға кірсе, пайғамбарымызға рухани жалғасады. Сопылық кітаби жол емес, ол рухани жол, жүректің жолы.
جۇرەگىڭدى تازارتقىڭ كەلسە، اۋليەگە ەرىپ، سوپىلىق ۇستان
اللانى ىزدەپ جۇرسىزبە؟ ونى ىزدەپ، مەشىتكە كوپ كىرگەن بولارسىز. مەشىت - اللاعا قۇلشىلىق ەتەتىن جەر، تازا جەر، ءبىراق اللا ول جەرگە سىيمايدى، وندا تۇرمايدى. بۇنى اللا ءوزى ايتقان، اللا مەشىت تۇگىلى، مىنا بۇكىل جەرشارى، قۇس جولى، گالاكتيكا، مىنا شەكسىز الەمگە سىيمايدى. اللانى الەم دە، ارشى-كۇرسى دە كوتەرە المايدى، ولار اللانى سىيدىرۋعا قاۋقارسىز. ال قۇدىرەتتى اللا ءوزى مىناداي قىزىقتى حابار ايتادى، ياعني اللا، 'مەن مىنا الەمگە سىيمايمىن، ەشقايدا سىيمايمىن، ءبىراق مەن ءمۇميننىڭ جۇدىرىقتاي جۇرەگىنە سىيامىن' دەيدى. دەمەك، اللانى ىزدەسەڭىز، ونى ءمۇميننىڭ جۇرەگىنەن، اۋليەنىڭ جۇرەگىنەن، عاشىقتىڭ جۇرەگىنەن ىزدەڭىز. سەبەبى، اللا وسىنداي ادامداردىڭ جۇرەگىندە تۇرادى، سوندا كۇندە قوناقتا بولادى، ولاردىڭ جۇرەكتەرى سونداي كىرشىكسىز، سونداي تازا، وندا اللادان باسقاعا ورىن جوق، ولار - ناعىز تازا ادامدار. مىنە وسىنداي اسىل جانداردى تاۋىپ، سولارمەن بىرگە بولىڭىز، سوندا عانا اللانى تابۋدىڭ جولىنا بىرتىندەپ شىنداپ تۇسەتىن بولاسىز. ال بىرەۋدىڭ ناماز وقىپ، ورازا ۇستاپ جۇرگەنى، قۇراندى كەرەمەت وقيتىنى ونىڭ راسىندا تازا ادام ەكەندىگىنە ەش دالەل ەمەس. بۇلار ءجاي سىرتقى قۇلشىلىق، سىرتقى ءدىندارلىق قانا، ال جۇرەك تازالىعى مۇلدەم بولەك شارۋا. دەمەك، بىرەۋ ناماز وقىپ، قۇران قيراعاتتاپ جۇرگەنىمەن ناپسىسىنە ەرىك بەرگەن، جۇرەگى لاس بىرەۋ، ءتىپتى ەكىجۇزدى مۇنافيىق بىرەۋ بولۋى دا مۇمكىن. سوندىقتان، 'مۇنافيىق مۇسىلماننان شىعار' دەلىنەر. ال كاپىرگە ءبارىبىر، سەبەبى يسلامدا، 'كاپىرلىكتەن سوڭ ۇلكەن كۇنا جوق' دەلىنەر. دەمەك، نامازدى جۇرەگى تازا ادام دا، تازا ەمەس ادام دا وقي بەرەدى. ءبىراق بۇل ماسەلە اللامەن ءار قۇلىنىڭ اراسىنداعى جەكە شارۋا، وعان ەشكىم ارالاسا المايدى. ال ءبىزدىڭ بىلەتىنىمىز سول، جۇرەگى تازا ادام اللانى قۇرمەتتەگەندىكتەن، اللادان ۇيالعاندىقتان، اللانى سۇيگەندىكتەن ناماز وقيدى، ورازا ۇستايدى، قۇلشىلىق ەتەدى، يگى ءىس ىستەيدى. سول ءۇشىن اللانى سۇيەتىنىڭىز، قۇرمەتتەيتىندىگىڭىز شىن بولسا، ءسىز مىندەتتى تۇردە ناماز، ورازا سياقتى قۇلشىلىقتاردى وڭاي ورىنداپ كەتەسىز، يگى جان سۇيىكتى ءتاڭىرىنىڭ ءامىرىن ورىندايدى. ارينە، ول ورىندايدى، بۇندايدا بۇلار وعان ادەتتەگى شارۋا سياقتى بولىپ كەتەدى. ماسەلەن، ول تاماق ءىشىپ-جەۋ سياقتى جەڭىل ءىس بولىپ كەتەدى. ەگەر بىرەۋ جۇرەگىم تازا، ءبىراق ناماز وقىمايمىن دەسە، ول وتىرىك ايتادى، ول ءوزىن ءوزى الداپ ءجۇر. ياعني، ونى ءناپسىسى، يا شايتان، يا دۇنيە الداۋدا. ناماز، ورازا بارلىعى وڭاي، ءبىراق شايتان ونى ادامدارعا قيىن سياقتى كورسەتىپ، ولاردى الداپ قويعان. بۇل سىرتقى قۇلشىلىقتار وڭاي، ءبىراق رۋحاني تازالىق، جۇرەكتى تازا ۇستاۋ، ءناپسىنى تازارتۋ سياقتى جۇرەكپەن، رۋحپەن قاتىستى نارسەلەر وڭاي ەمەس، ولار جوعارى دارەجەگە جاتادى. ال وسى رۋحاني تازارۋلار سوپىلىق ءتاريقات ارقىلى عانا ىسكە اسادى، سوپىلىقسىز، كامىل ءپىرسىز جۇرەكتى تازارتۋ وتە قيىن، ونى ون ميليوننان ءبىر ادام عانا ىستەي الادى. ال ءبىزدىڭ سىرتقى قۇلشىلىق امالدارىمىز ءناپسى، شايتان جانە دۇنيەنىڭ كولەڭكەسىندە كۇيىپ كەتپەۋى ءۇشىن، يسلامدا سوپىلىق ءتاريقات بولعان. سوپىلىق ياعني ءتاريقات دەگەنىمىز پايعامبارىمىزدىڭ ۇزىلمەي جالعاسىپ كەلە جاتقان ءتىرى جولى، ال كىم وسى جولعا كىرسە، پايعامبارىمىزعا رۋحاني جالعاسادى. سوپىلىق كىتابي جول ەمەس، ول رۋحاني جول، جۇرەكتىڭ جولى.
#қазақ #салауат #әулие #ислам #сопылық
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8818