Мазмұнды Көшіру

https://www.nvrislam.net/index.php?j=kz&post=8755
Сұхбат: ғафилет көрге кіргенше алдар, ғафилетте қалма, тез оян! (2026.03.26 / Хижри 1447-жыл 07-Шәуал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Lefke, Cyprus, Türkiye, 2026) Бисмилахир рахманир рахим, «اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ», яғни, «адамдар бұрылып ғафилетте жүрген кезде олардың есеп беруі жақындап келеді», құран 21інші сүре 1інші аят, садақаллахулғазим. Алла Әззә уә-Жәллә, «қиямет күні жақындады, бірақ адамдар ғафилет хәлде жүр» дейді, демек олар ғафилетте яғни немқұрайлы хәлде жүр және сол хәлінде, қызық қуып, жәйлы жүр, бей-жәй жүр, ал олар ұзақты көре білмегендіктен қиямет күні болмайтындай жүр. Яғни, олар Алланың сөзінен, Алланың әмірлерінен алыс өмір сүруде, Алла Әззә уә-Жәллә осылай дейді, және Ол оны құран әзиму-шәнда баяндап кетті.

Демек, адамдар ғафилет хәлде жүр, олар кеңес тыңдамайды, жақсы сөзге құлақ салмайды, одан қашар, Алла ﷻ осылай дер, олар ғафилеттікте қалғандықтан қашады. Бұл мәселелер қазір тіпті де асқынып кетті, ертеде адамдар ақыл-кеңес қалайтын, ал қазір адамдар ешбір ақыл-кеңесті қаламайды, бірақ өз ойларына жаққан нәрсені жақсы санап, соны қуалаумен өтеді. Бірақ олардың жақсы деп жүргендері олардың нәпсілеріне ғана жағатын нәрселер еді, демек, олардың ойынша бірдеңе жақсы болуы үшін, ол сенің нәпсіңе жағуы керек. Әйтпесе, ол жақсы нәрсе жақсы саналмас, ал ақырына барғанда бұлар сендерге жақсы болмайды, қайырлы болмайды, сондықтан, біз ғафилеттен құтылуымыз керек.

Алла Әззә уә-Жәллә, «қиямет күні жақындады» дер, әрине, қазір адамдар ақырзаманда тұр, біз ақырзамандамыз, ал бұнда болуы сөзсіз кейбір істер бар, бірақ олар барлық адам үшін ұқсас болар. Тіпті осыдан мың жыл бұрын қиямет күнінің адамзатқа жақындағаны ескертілген, ал әдетте, адам көзін жұмып өлген соң, олар қиямет күнінде оянатын болады. Содан олардың не істеп, не бітіргені сұралып, олардың қияметі келе қалады, сондықтан, «қиямет күні алыс» деп, ғафилетте қалып қойма. Ғафилет адамды босқа кетіреді, залал әкеледі, ғафилетте еш пайда жоқ, сондықтан оян, біз оянуымыз керек.

Кейде адамдар, «мұсылман сергек болуы керек» деп, қалжың ретінде айтады, бірақ бұл қалжың я мазақ емес, ол - ақиқат, демек сіз сергек те қырағы болуыңыз керек, сонда адамдар сізді алдай алмайтын болады. Әрине, мұсылман алданбас, пайғамбарымыз ﷺ айтып өткендей, мұсылман өзін бір шұңқырдан екі рет шақтырмайды, сондықтан мұсылман қырағы болуы керек. Қырағылық бұл дүние үшін емес, ақирет үшін болсын, демек, әркім ақиретін қорғай білуі керек, біреуге алданып, күнәға түспейтіндей болуы керек. Бұндай адам ешкімінің ақысына да кірмес болар, иә, ол қырағы болсын, сергек болсын.

Ғафилет жақсы нәрсе емес, алда есеп беру бар, сіз сұраласыз, ал біздің қайта айтатынымыз сол, Алла Әззә уә-Жәлләның өзіне қатысты істен кешірім сұрасаңыз, Алла сізді кешіре алады. Бірақ сіз өзге біреулердің ұқығына қол салсаңыз, ол адам сізді кешірсе ғана, кешірілетін боласыз, ал кешірмесе, шаруаңыздың біткені сол болмақ, Алла ﷻ бізді панасына алғай. Өмір қысқа, мейлі қанша ұзақ өмір сүрсеңіз де, бүкіл өміріңіз бір күн сияқты өтіп кетеді, сондықтан, ғафилетте қалма, ешкімді зияндама, ешкімінің ақысына кірме, біз Алла Әззә уә-Жәлләның айтқанымен әмір еткенін істелік, иншалла.

Алла ﷻ баршамызға жәрдем еткей, қазір дүниеде байылық мол, құрал-жабдық, технология көп, бірақ бұл нәрселер ғафилеттегі адамдарды тым көбейтіп жіберді. Ал бұрын көп нәрсе болмағандықтан адамдар өздерін біраз болса да қорғай алатын, бірақ қазір манағы нәрселер себепті, адамдар түнде де ұйықтамайтын болды. Демек, осыбір ғафилет оларды ұйықтатпай, ояу ұстауда, олар ұйықтамайды, ғафилетке келгенде олар ұйықтамайды. Өздерін бос нәрселермен әуре етуге тырысады, одан, «не болып кетті, не болды, оны көрейін, бұны көрейін» деп, сол сияқты нәрселермен әбігер болар. Алла ﷻ барлығымызды ғафилеттен оятқай, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: عافيلەت كورگە كىرگەنشە الدار، عافيلەتتە قالما، تەز ويان! (2026.03.26 / حيجري 1447-جىل 07-ءشاۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Lefke، Cyprus، Türkiye، 2026) بيسميلاحير راحمانير راحيم، «اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ»، ياعني، «ادامدار بۇرىلىپ عافيلەتتە جۇرگەن كەزدە ولاردىڭ ەسەپ بەرۋى جاقىنداپ كەلەدى»، قۇران 21ءىنشى سۇرە 1ءىنشى ايات، ساداقاللاحۋلعازيم. اللا ءاززا ءۋا-ءجاللا، «قيامەت كۇنى جاقىندادى، ءبىراق ادامدار عافيلەت حالدە ءجۇر» دەيدى، دەمەك ولار عافيلەتتە ياعني نەمقۇرايلى حالدە ءجۇر جانە سول حالىندە، قىزىق قۋىپ، ءجايلى ءجۇر، بەي-ءجاي ءجۇر، ال ولار ۇزاقتى كورە بىلمەگەندىكتەن قيامەت كۇنى بولمايتىنداي ءجۇر. ياعني، ولار اللانىڭ سوزىنەن، اللانىڭ امىرلەرىنەن الىس ءومىر سۇرۋدە، اللا ءاززا ءۋا-ءجاللا وسىلاي دەيدى، جانە ول ونى قۇران ءازيمۋ-ءشاندا بايانداپ كەتتى.

دەمەك، ادامدار عافيلەت حالدە ءجۇر، ولار كەڭەس تىڭدامايدى، جاقسى سوزگە قۇلاق سالمايدى، ودان قاشار، اللا ﷻ وسىلاي دەر، ولار عافيلەتتىكتە قالعاندىقتان قاشادى. بۇل ماسەلەلەر ءقازىر ءتىپتى دە اسقىنىپ كەتتى، ەرتەدە ادامدار اقىل-كەڭەس قالايتىن، ال ءقازىر ادامدار ەشبىر اقىل-كەڭەستى قالامايدى، ءبىراق ءوز ويلارىنا جاققان نارسەنى جاقسى ساناپ، سونى قۋالاۋمەن وتەدى. ءبىراق ولاردىڭ جاقسى دەپ جۇرگەندەرى ولاردىڭ ناپسىلەرىنە عانا جاعاتىن نارسەلەر ەدى، دەمەك، ولاردىڭ ويىنشا بىردەڭە جاقسى بولۋى ءۇشىن، ول سەنىڭ ناپسىڭە جاعۋى كەرەك. ايتپەسە، ول جاقسى نارسە جاقسى سانالماس، ال اقىرىنا بارعاندا بۇلار سەندەرگە جاقسى بولمايدى، قايىرلى بولمايدى، سوندىقتان، ءبىز عافيلەتتەن قۇتىلۋىمىز كەرەك.

اللا ءاززا ءۋا-ءجاللا، «قيامەت كۇنى جاقىندادى» دەر، ارينە، ءقازىر ادامدار اقىرزاماندا تۇر، ءبىز اقىرزاماندامىز، ال بۇندا بولۋى ءسوزسىز كەيبىر ىستەر بار، ءبىراق ولار بارلىق ادام ءۇشىن ۇقساس بولار. ءتىپتى وسىدان مىڭ جىل بۇرىن قيامەت كۇنىنىڭ ادامزاتقا جاقىنداعانى ەسكەرتىلگەن، ال ادەتتە، ادام كوزىن جۇمىپ ولگەن سوڭ، ولار قيامەت كۇنىندە وياناتىن بولادى. سودان ولاردىڭ نە ىستەپ، نە بىتىرگەنى سۇرالىپ، ولاردىڭ قيامەتى كەلە قالادى، سوندىقتان، «قيامەت كۇنى الىس» دەپ، عافيلەتتە قالىپ قويما. عافيلەت ادامدى بوسقا كەتىرەدى، زالال اكەلەدى، عافيلەتتە ەش پايدا جوق، سوندىقتان ويان، ءبىز ويانۋىمىز كەرەك.

كەيدە ادامدار، «مۇسىلمان سەرگەك بولۋى كەرەك» دەپ، قالجىڭ رەتىندە ايتادى، ءبىراق بۇل قالجىڭ يا مازاق ەمەس، ول - اقيقات، دەمەك ءسىز سەرگەك تە قىراعى بولۋىڭىز كەرەك، سوندا ادامدار ءسىزدى الداي المايتىن بولادى. ارينە، مۇسىلمان الدانباس، پايعامبارىمىز ﷺ ايتىپ وتكەندەي، مۇسىلمان ءوزىن ءبىر شۇڭقىردان ەكى رەت شاقتىرمايدى، سوندىقتان مۇسىلمان قىراعى بولۋى كەرەك. قىراعىلىق بۇل دۇنيە ءۇشىن ەمەس، اقيرەت ءۇشىن بولسىن، دەمەك، اركىم اقيرەتىن قورعاي ءبىلۋى كەرەك، بىرەۋگە الدانىپ، كۇناعا تۇسپەيتىندەي بولۋى كەرەك. بۇنداي ادام ەشكىمىنىڭ اقىسىنا دا كىرمەس بولار، ءيا، ول قىراعى بولسىن، سەرگەك بولسىن.

عافيلەت جاقسى نارسە ەمەس، الدا ەسەپ بەرۋ بار، ءسىز سۇرالاسىز، ال ءبىزدىڭ قايتا ايتاتىنىمىز سول، اللا ءاززا ءۋا-ءجاللانىڭ وزىنە قاتىستى ىستەن كەشىرىم سۇراساڭىز، اللا ءسىزدى كەشىرە الادى. ءبىراق ءسىز وزگە بىرەۋلەردىڭ ۇقىعىنا قول سالساڭىز، ول ادام ءسىزدى كەشىرسە عانا، كەشىرىلەتىن بولاسىز، ال كەشىرمەسە، شارۋاڭىزدىڭ بىتكەنى سول بولماق، اللا ﷻ ءبىزدى پاناسىنا العاي. ءومىر قىسقا، مەيلى قانشا ۇزاق ءومىر سۇرسەڭىز دە، بۇكىل ءومىرىڭىز ءبىر كۇن سياقتى ءوتىپ كەتەدى، سوندىقتان، عافيلەتتە قالما، ەشكىمدى زيانداما، ەشكىمىنىڭ اقىسىنا كىرمە، ءبىز اللا ءاززا ءۋا-ءجاللانىڭ ايتقانىمەن ءامىر ەتكەنىن ىستەلىك، ينشاللا.

اللا ﷻ بارشامىزعا جاردەم ەتكەي، ءقازىر دۇنيەدە بايىلىق مول، قۇرال-جابدىق، تەحنولوگيا كوپ، ءبىراق بۇل نارسەلەر عافيلەتتەگى ادامداردى تىم كوبەيتىپ جىبەردى. ال بۇرىن كوپ نارسە بولماعاندىقتان ادامدار وزدەرىن ءبىراز بولسا دا قورعاي الاتىن، ءبىراق ءقازىر ماناعى نارسەلەر سەبەپتى، ادامدار تۇندە دە ۇيىقتامايتىن بولدى. دەمەك، ءوسىبىر عافيلەت ولاردى ۇيىقتاتپاي، وياۋ ۇستاۋدا، ولار ۇيىقتامايدى، عافيلەتكە كەلگەندە ولار ۇيىقتامايدى. وزدەرىن بوس نارسەلەرمەن اۋرە ەتۋگە تىرىسادى، ودان، «نە بولىپ كەتتى، نە بولدى، ونى كورەيىن، بۇنى كورەيىن» دەپ، سول سياقتى نارسەلەرمەن ابىگەر بولار. اللا ﷻ بارلىعىمىزدى عافيلەتتەن وياتقاي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8755