ШЫН ӘУЛИЕ ӨЗІНЕ КІМНІҢ ЕРЕТІНІН ӘЛМИСАҚТА БІЛЕДІ
https://www.nvrislam.net/index.php?j=kz&post=8718
ШЫН ӘУЛИЕ ӨЗІНЕ КІМНІҢ ЕРЕТІНІН ӘЛМИСАҚТА БІЛЕДІ
әулие ешкімге, 'маған ер' демейді, себебі ол аршыдағы лафхұл-махфуздан өзіне кімдердің еретінін әлмисақта біледі. Бұл іс адам тәні әлі жаралмаған әлмисақта болған әруақтар әлеміндегі уақиғалардан. ол өзіне еретін адамды өз ұлындай жақсы таниды, ал оған еретін адам, әйтеу бір себеппен тибеттегі гималай тауында отырса да, оны іздеп келеді, оған бая береді. Сондықтан, әулиелер өзіне кімнің еретіні жәйлы ойламайды, ол оларды таниды, сондықтан оларды көп елеп кетпейді. Келсең, е, келдіңбе дер, басқа ештеңе демес, себебі ол сені сонау ертеден таниды. Ол пайғамбарымызбен сахаба әбубәкір хазірет жатқан сәуір үңгіріне келген сені, яғни сенің келген әруағыңды таниды. Себебі, Нақышбанд сопылық тәриқаты сол үңгірде дүниеге келген. Сол кезде әбубәкір хазіреттен басталған Нақышбанд жолына еретін қияметке дейінгі бүкіл адамдардың әруақтары барзақтан шақырылып, үңгірде пайғамбарымызға, 'аллаху, аллаху, аллаху-хақ' деп, бая берген еді. Егер сен Нақышбанд сопылық тәриқатының шын әулие піріне бая берген болсаң, онда сенің барзақтағы әруағың да сол кезде сол үңгірге келіп кетті. Ол бір сырлы уақиға, ол үңгірде пайғамбарымыз кеудесіндегі барды сахаба әбубәкір хазіретке құйды, содан пайғамбарымыздан басталып, әбубәкір хазіретпен жалғасқан Нақышбанд сопылық тәриқаты дүниеге келді. Сонымен, әулие піріңе сен тым таныссың, ол сені біледі, сенің барша рухани кеселіңді де біледі. Не істеп жүргеніңді де біледі, бірақ оған араласпайды, өз еркің өзіңде. Әулиеде керемет бар, бірақ ол Алла әмір етсе ғана кереметін істетеді, ешқашан өз еркімен кереметін істетпейді, себебі оларда, мен жоқ, нәпсісі өлген. Кейбір адам, әулиені өзім іздеп таптым деп, кеуде қағар, өзін ақылды санар. Жоқ, сен оны тапқан жоқсың, ол сені тулақтай тозып жүрген жеріңнен өзі тауып алды. Себебі сен оның лаухул-махфуздағы тізімінде барсың, сондықтан Алла рахымында оған ере алдың. Ал егер оның бұл тізімінде болмасаң, мыңбір түрлі себеппен ол әулиеге ере алмайтын боласың, одан қашасың, немесе оған жолың бір соқпайды. Сырттан я іштен болсын, бір кедергі, сан себеп сені оған бая беруден тосатын болады, оған еру, бая беру нәсіп болмайды. Мәселен, сенің бақа-шаян болмай, адам болып жаралуың бір бақ-тәлей, оның ішінде кәпір емес, мұсылман болып жаратылғаның тағы бір зор бақ-тәлей. Сол сияқты, сенің әулиеге бая беріп, оған ере алуың да аса үлкен бақ-тәлей, ол Алланың берген бағы, оған ешкімнің таласы жоқ. Сондықтан, шын әулиеге ерсең, Аллаға шүкір де, ешкімге тиіспе, алға жүре бер. Әулиеге бая беру зор бақ, себебі әулие өзіне бая берген адамға ең кемінде жан берерде, қабырда, және қияметте жәрдем бере алады. Кейбір үлкен әулиелер мүриттерін көрде де тазалайды, міне бұлар Алладан әулиелерге берілген нығыметтер. Алла әулиелерді пайғамбарымыздан қалған ислам дінін таза сақтап, қорғау үшін жаратты, соған себеп қылды. Егер әулиелер болмаса, шайтанмен оның әскерлері сонау ертеде ислам дінін жоқ қылар еді, жер бетінде мұсылман қалмас еді.
شىن اۋليە وزىنە كىمنىڭ ەرەتىنىن ءالميساقتا بىلەدى
اۋليە ەشكىمگە، 'ماعان ەر' دەمەيدى، سەبەبى ول ارشىداعى لافحۇل-ماحفۋزدان وزىنە كىمدەردىڭ ەرەتىنىن ءالميساقتا بىلەدى. بۇل ءىس ادام ءتانى ءالى جارالماعان ءالميساقتا بولعان ءارۋاقتار الەمىندەگى ۋاقيعالاردان. ول وزىنە ەرەتىن ادامدى ءوز ۇلىنداي جاقسى تانيدى، ال وعان ەرەتىن ادام، ايتەۋ ءبىر سەبەپپەن تيبەتتەگى گيمالاي تاۋىندا وتىرسا دا، ونى ىزدەپ كەلەدى، وعان بايا بەرەدى. سوندىقتان، اۋليەلەر وزىنە كىمنىڭ ەرەتىنى ءجايلى ويلامايدى، ول ولاردى تانيدى، سوندىقتان ولاردى كوپ ەلەپ كەتپەيدى. كەلسەڭ، ە، كەلدىڭبە دەر، باسقا ەشتەڭە دەمەس، سەبەبى ول سەنى سوناۋ ەرتەدەن تانيدى. ول پايعامبارىمىزبەن ساحابا ابۋباكىر حازىرەت جاتقان ءساۋىر ۇڭگىرىنە كەلگەن سەنى، ياعني سەنىڭ كەلگەن ءارۋاعىڭدى تانيدى. سەبەبى، ناقىشباند سوپىلىق ءتاريقاتى سول ۇڭگىردە دۇنيەگە كەلگەن. سول كەزدە ابۋباكىر حازىرەتتەن باستالعان ناقىشباند جولىنا ەرەتىن قيامەتكە دەيىنگى بۇكىل ادامداردىڭ ءارۋاقتارى بارزاقتان شاقىرىلىپ، ۇڭگىردە پايعامبارىمىزعا، 'اللاحۋ، اللاحۋ، اللاحۋ-حاق' دەپ، بايا بەرگەن ەدى. ەگەر سەن ناقىشباند سوپىلىق ءتاريقاتىنىڭ شىن اۋليە پىرىنە بايا بەرگەن بولساڭ، وندا سەنىڭ بارزاقتاعى ءارۋاعىڭ دا سول كەزدە سول ۇڭگىرگە كەلىپ كەتتى. ول ءبىر سىرلى ۋاقيعا، ول ۇڭگىردە پايعامبارىمىز كەۋدەسىندەگى باردى ساحابا ابۋباكىر حازىرەتكە قۇيدى، سودان پايعامبارىمىزدان باستالىپ، ابۋباكىر حازىرەتپەن جالعاسقان ناقىشباند سوپىلىق ءتاريقاتى دۇنيەگە كەلدى. سونىمەن، اۋليە پىرىڭە سەن تىم تانىسسىڭ، ول سەنى بىلەدى، سەنىڭ بارشا رۋحاني كەسەلىڭدى دە بىلەدى. نە ىستەپ جۇرگەنىڭدى دە بىلەدى، ءبىراق وعان ارالاسپايدى، ءوز ەركىڭ وزىڭدە. اۋليەدە كەرەمەت بار، ءبىراق ول اللا ءامىر ەتسە عانا كەرەمەتىن ىستەتەدى، ەشقاشان ءوز ەركىمەن كەرەمەتىن ىستەتپەيدى، سەبەبى ولاردا، مەن جوق، ءناپسىسى ولگەن. كەيبىر ادام، اۋليەنى ءوزىم ىزدەپ تاپتىم دەپ، كەۋدە قاعار، ءوزىن اقىلدى سانار. جوق، سەن ونى تاپقان جوقسىڭ، ول سەنى تۋلاقتاي توزىپ جۇرگەن جەرىڭنەن ءوزى تاۋىپ الدى. سەبەبى سەن ونىڭ لاۋحۋل-ماحفۋزداعى تىزىمىندە بارسىڭ، سوندىقتان اللا راحىمىندا وعان ەرە الدىڭ. ال ەگەر ونىڭ بۇل تىزىمىندە بولماساڭ، ءمىڭبىر ءتۇرلى سەبەپپەن ول اۋليەگە ەرە المايتىن بولاسىڭ، ودان قاشاسىڭ، نەمەسە وعان جولىڭ ءبىر سوقپايدى. سىرتتان يا ىشتەن بولسىن، ءبىر كەدەرگى، سان سەبەپ سەنى وعان بايا بەرۋدەن توساتىن بولادى، وعان ەرۋ، بايا بەرۋ ءناسىپ بولمايدى. ماسەلەن، سەنىڭ باقا-شايان بولماي، ادام بولىپ جارالۋىڭ ءبىر باق-تالەي، ونىڭ ىشىندە كاپىر ەمەس، مۇسىلمان بولىپ جاراتىلعانىڭ تاعى ءبىر زور باق-تالەي. سول سياقتى، سەنىڭ اۋليەگە بايا بەرىپ، وعان ەرە الۋىڭ دا اسا ۇلكەن باق-تالەي، ول اللانىڭ بەرگەن باعى، وعان ەشكىمنىڭ تالاسى جوق. سوندىقتان، شىن اۋليەگە ەرسەڭ، اللاعا شۇكىر دە، ەشكىمگە تيىسپە، العا جۇرە بەر. اۋليەگە بايا بەرۋ زور باق، سەبەبى اۋليە وزىنە بايا بەرگەن ادامعا ەڭ كەمىندە جان بەرەردە، قابىردا، جانە قيامەتتە جاردەم بەرە الادى. كەيبىر ۇلكەن اۋليەلەر مۇريتتەرىن كوردە دە تازالايدى، مىنە بۇلار اللادان اۋليەلەرگە بەرىلگەن نىعىمەتتەر. اللا اۋليەلەردى پايعامبارىمىزدان قالعان يسلام ءدىنىن تازا ساقتاپ، قورعاۋ ءۇشىن جاراتتى، سوعان سەبەپ قىلدى. ەگەر اۋليەلەر بولماسا، شايتانمەن ونىڭ اسكەرلەرى سوناۋ ەرتەدە يسلام ءدىنىن جوق قىلار ەدى، جەر بەتىندە مۇسىلمان قالماس ەدى.
#қазақ #салауат #әулие #ислам #сопылық
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8718