Мазмұнды Көшіру

https://www.nvrislam.net/index.php?j=kz&post=7841
Исламбол (Стамбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бисмиллахир рахманир рахим, «إِنَّ ٱلَّذِينَ ءَامَنُوا۟ وَعَمِلُوا۟ ٱلصَّـٰلِحَـٰتِ كَانَتْ لَهُمْ جَنَّـٰتُ ٱلْفِرْدَوْسِ نُزُلًا» (расында, иман келтіріп, дұрыс амал еткендердің тұрақтары жәннәт бақшаларынан болады) (құран 18:107), садақал лахул ғазим. Алла Әззә Уә-Жәллә «кім иман келтірсе және жақсы амал істесе, олар жәннәттың тұрғындарынан болады» дейді. Мәлім кісі осы дүниеде Алла ﷻ ға сенсе әрі Алла ﷻ ға құлшылық етсе, онда ол ақиретте шексіз бақыт-қуанышқа толы мәңгі өмірге ие болады, ол арада өте әдемі өмір өткізеді. Сіз осы дүниедегі кейбір жерлерді «жәннәт сияқты» дерсіз, жәннәттай дерсіз, ал жәннәт тек әдемі ғана болып қоймай, сонымен бірге онда тіл жетпес тыныштық бар, онда қиындық жоқ, айтысу-тартысу, соғысу жоқ, қиямет жоқ, демек сіз жәннәтқа кірген соң қиямет бітеді, ол бір рет болады, ал кім осы қияметтен есендікпен өтсе, мәңгілік жеңілдікке жетеді әрі онда қам-қайғысыз, еш алаңсыз өмір сүреді, олар жалақыдан алаңдамайды, салықтан алаңдамайды, онда іштарлық, көре алмастық болмайды, сізге ешкім зұлымдық қылмайды, демек онда тек әдемілік, сұлулық, жақсылық болады. Алла Әззә Уә-Жәллә әрбір адамды жәннәтқа шақыруда, Ол «وَٱللَّهُ يَدْعُوٓا۟ إِلَىٰ دَارِ ٱلسَّلَـٰمِ» (Алла тыныштық үйіне (жәннәтқа) шақырады) (құран 10:25) дейді, садақал лахул ғазим, Алла Әззә Уә-Жәллә барлық адамды жәннәтқа шақыруда, бірақ бұл шақыртуға аз адам ғана жауап қайтаруда, Алла Әззә Уә-Жәлләның жәннәты аса кең, тым үлкен, ол көп адам кіргенде тарылып кететін жер емес, «ох, бұл жерге адам толып кетті» деп, сізді шығарып жіберетін жер емес.

Қасиетті пайғамбарымыз ﷺ «тозақтан ең соңында шығатын кісі (ең кемінде) Алла ﷻ ға сенетін мұсылман, мұсылман тозақта мәңгі қалмайды» дейді, ол жазасын тозақта өтеп болған соң шығады, ең соңында шыққан адам да жәннәтқа кіреді, пайғамбарымыз ﷺ бұл хақында былай дер, ол адам айналасына қарап, «маған жәннәтта орын қалмаған шығар, мен ең соңында шықтым, іші толып кетсе керек» деп айтады, сол кезде оған бір бұйрық келіп, «бұнда кір, саған орын бар» делінеді, бірақ ол «бұл қалжың болар, мен тозақта милион жылдарша тұрдым, оған неше милиярт адам кіріп кетті, маған қалай орын болсын» деп ойлайды, бірақ артынша оған тағы «кір» делінеді, ол тағы өзін тосады, бірақ соңғы шақыртуда ол кіреді. Ал осы ең соңында жәннәтқа кірген адамға мына дүниемен оның астындағыдан да әлдеқайда үлкен орын беріледі. Алла Әззә Уә-Жәлләның жәннәты өте үлкен, әр адамға мейлінше жетіп асады, сондықтан біз Алла Әззә Уә-Жәлләның үндеуімен шақыртуына жауап бергендерден болайық, иншалла, Алла ﷻ оны бізге сөзсіз беретін болады, бұған ешбір күмән болмасын, шүкір-Алла. Иншалла біз жәннәтта бірге тұратын боламыз, пайғамбарымыз ﷺ ға жақын болып, әулие машайықтарымызбен барлығымыз бірге өмір сүреміз және барша туған-туысқандарымызбен кездесеміз.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41-Әулие Шайығы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami



سۇحبات: مۇسىلمان توزاقتا ماڭگى قالمايدى، ءتۇبى شىعادى (2024.10.08 / حيجرا 1446-جىل 05-رابيع ءال-ءتاني)
يسلامبول (ستامبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بيسميللاحير راحمانير راحيم، «إِنَّ ٱلَّذِينَ َءامَنُوا۟ وَعَمِلُوا۟ ٱلصَّـٰلِحَـٰتِ كَانَتْ لَهُمْ جَنَّـٰتُ ٱلْفِرْدَوْسِ نُزُلًا» (راسىندا، يمان كەلتىرىپ، دۇرىس امال ەتكەندەردىڭ تۇراقتارى ءجاننات باقشالارىنان بولادى) (قۇران 18:107)، ساداقال لاحۋل عازيم. اللا ءاززا ءۋا-ءجاللا «كىم يمان كەلتىرسە جانە جاقسى امال ىستەسە، ولار ءجانناتتىڭ تۇرعىندارىنان بولادى» دەيدى. ءمالىم كىسى وسى دۇنيەدە اللا ﷻ عا سەنسە ءارى اللا ﷻ عا قۇلشىلىق ەتسە، وندا ول اقيرەتتە شەكسىز باقىت-قۋانىشقا تولى ماڭگى ومىرگە يە بولادى، ول ارادا وتە ادەمى ءومىر وتكىزەدى. ءسىز وسى دۇنيەدەگى كەيبىر جەرلەردى «ءجاننات سياقتى» دەرسىز، ءجانناتتاي دەرسىز، ال ءجاننات تەك ادەمى عانا بولىپ قويماي، سونىمەن بىرگە وندا ءتىل جەتپەس تىنىشتىق بار، وندا قيىندىق جوق، ايتىسۋ-تارتىسۋ، سوعىسۋ جوق، قيامەت جوق، دەمەك ءسىز ءجانناتقا كىرگەن سوڭ قيامەت بىتەدى، ول ءبىر رەت بولادى، ال كىم وسى قيامەتتەن ەسەندىكپەن وتسە، ماڭگىلىك جەڭىلدىككە جەتەدى ءارى وندا قام-قايعىسىز، ەش الاڭسىز ءومىر سۇرەدى، ولار جالاقىدان الاڭدامايدى، سالىقتان الاڭدامايدى، وندا ءىشتارلىق، كورە الماستىق بولمايدى، سىزگە ەشكىم زۇلىمدىق قىلمايدى، دەمەك وندا تەك ادەمىلىك، سۇلۋلىق، جاقسىلىق بولادى. اللا ءاززا ءۋا-ءجاللا ءاربىر ادامدى ءجانناتقا شاقىرۋدا، ول «وَٱللَّهُ يَدْعُوٓا۟ إِلَىٰ دَارِ ٱلسَّلَـٰمِ» (اللا تىنىشتىق ۇيىنە (ءجانناتقا) شاقىرادى) (قۇران 10:25) دەيدى، ساداقال لاحۋل عازيم، اللا ءاززا ءۋا-ءجاللا بارلىق ادامدى ءجانناتقا شاقىرۋدا، ءبىراق بۇل شاقىرتۋعا از ادام عانا جاۋاپ قايتارۋدا، اللا ءاززا ءۋا-ءجاللانىڭ ءجانناتى اسا كەڭ، تىم ۇلكەن، ول كوپ ادام كىرگەندە تارىلىپ كەتەتىن جەر ەمەس، «وح، بۇل جەرگە ادام تولىپ كەتتى» دەپ، ءسىزدى شىعارىپ جىبەرەتىن جەر ەمەس.

قاسيەتتى پايعامبارىمىز ﷺ «توزاقتان ەڭ سوڭىندا شىعاتىن كىسى (ەڭ كەمىندە) اللا ﷻ عا سەنەتىن مۇسىلمان، مۇسىلمان توزاقتا ماڭگى قالمايدى» دەيدى، ول جازاسىن توزاقتا وتەپ بولعان سوڭ شىعادى، ەڭ سوڭىندا شىققان ادام دا ءجانناتقا كىرەدى، پايعامبارىمىز ﷺ بۇل حاقىندا بىلاي دەر، ول ادام اينالاسىنا قاراپ، «ماعان ءجانناتتا ورىن قالماعان شىعار، مەن ەڭ سوڭىندا شىقتىم، ءىشى تولىپ كەتسە كەرەك» دەپ ايتادى، سول كەزدە وعان ءبىر بۇيرىق كەلىپ، «بۇندا كىر، ساعان ورىن بار» دەلىنەدى، ءبىراق ول «بۇل قالجىڭ بولار، مەن توزاقتا ميليون جىلدارشا تۇردىم، وعان نەشە ميليارت ادام كىرىپ كەتتى، ماعان قالاي ورىن بولسىن» دەپ ويلايدى، ءبىراق ارتىنشا وعان تاعى «كىر» دەلىنەدى، ول تاعى ءوزىن توسادى، ءبىراق سوڭعى شاقىرتۋدا ول كىرەدى. ال وسى ەڭ سوڭىندا ءجانناتقا كىرگەن ادامعا مىنا دۇنيەمەن ونىڭ استىنداعىدان دا الدەقايدا ۇلكەن ورىن بەرىلەدى. اللا ءاززا ءۋا-ءجاللانىڭ ءجانناتى وتە ۇلكەن، ءار ادامعا مەيلىنشە جەتىپ اسادى، سوندىقتان ءبىز اللا ءاززا ءۋا-ءجاللانىڭ ۇندەۋىمەن شاقىرتۋىنا جاۋاپ بەرگەندەردەن بولايىق، ينشاللا، اللا ﷻ ونى بىزگە ءسوزسىز بەرەتىن بولادى، بۇعان ەشبىر كۇمان بولماسىن، شۇكىر-اللا. ينشاللا ءبىز ءجانناتتا بىرگە تۇراتىن بولامىز، پايعامبارىمىز ﷺ عا جاقىن بولىپ، اۋليە ماشايىقتارىمىزبەن بارلىعىمىز بىرگە ءومىر سۇرەمىز جانە بارشا تۋعان-تۋىسقاندارىمىزبەن كەزدەسەمىز.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41-اۋليە شايىعى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=7841