Мазмұнды Көшіру

https://www.nvrislam.net/index.php?j=kz&post=7838
Сұхбат: шайтан алдай алмайтын адам жоқ, сақ бол (2) (2024.10.06 / Хижра 1446-жыл 03-Рабиғ әл-Тәни)
Исламбол (Стамбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Отырысымыз берекелі болғай, иншалла. Бисмиллахир рахманир рахим, «إِنَّ ٱللَّهَ عَلَىٰ كُلِّ شَىْءٍۢ قَدِيرٌۭ» (әрине, Аллада барлық нәрседен үстем, құдіретті) (құран 02:20), Алла Әззә Уә-Жәллә осылай дер. Алла Әззә Уә-Жәллә құдіретке ие болушы, Ол әр нәрседен құдіретті, Алла Әззә Уә-Жәллә үшін ештеңе қиын емес, ал қиындық жаратылстар үшін-дүр, Алла Әззә Уә-Жәллә Жаратушы, Ол бүкіл әлемді Өзі жаратты, бүкіл барлық нәрселер Алла ﷻ дың құдіретімен жоқтан бар болды, кейде бұны жәй адамдар да, тіпті мұсылмандар да түсінбей жатады, ал бей-мұсылмандар мүлдем адасып кеткендер. Хаша (алыс болсын), олар Алла Әззә Уә-Жәлләны сандырақтарымен бейнелейді, демек олар құдіреттің не екендігін мүлдем түсінбейді. Ислам діні Алла Әззә Уә-Жәлләның діні болғандықтан, бұл дін барлық пайғамбарлардың да діні, бірақ адамның тәні шіріп-сасып жоғалады, Алла ﷻ оларды осындай жолмен жаратты, егер олар тура жолда аз болса да жүре алса, өздерін меңгеріп, тура жолын сақтай алса ... әйтпесе, олар дереу бұзылып көгереді, сонан соң өлікке айналады, ондағы сасық иістен олардың қасына жолауға келмес, жақындай алмайсыз, міне бұл Алла Әззә Уә-Жәлләның заңы. Алайда Алла ﷻ мен бір болған адамдарға ештеңе болмас, олардың жолы баянды, олар өздері де баянды, ал кім олармен бірге болса, олар ақиретте де баяндылыққа жетеді.

Біз дүниеде өмір сүріп жатырмыз, осы күндерді көрдік әрі мына дүниеде сан түрлі зұлымдықтармен жамандықтар бар, ал осы дүниедегі бағы зор тәлейлі жан кім? ол - мұсылман адам, демек мұсылман тәлейлі адам, себебі оның осы өмірде бастан өткізген бар ісі үшін Алла Әззә Уә-Жәллә оның ақиреттегі дәрежесімен өресін арттырып отырады, демек қарымжы ретінде ол сәйкесті сый-сауаптарын алады, қазір әр адам өз жағдайын ойлайды, бірақ өзгелерден ғибырат ала білмейді, ал Алла Әззә Уә-Жәлләның әмірінде «فَٱعْتَبِرُوا۟ يَـٰٓأُو۟لِى ٱلْأَبْصَـٰرِ» (сондықтан сабақ алыңдар, о көреген адамдар) (құран 59:02) және «يَـٰٓأُو۟لِى ٱلْأَلْبَـٰبِ» (о түсінетін адамдар) (құран 02:179) делінеді, ақшамдағы жаназа (ғайып) намазда да осы айтылады, оның мағынасы «сабақ алыңдар, бұл дүние ешкімге қалмайды, саған да қалмайды» дегенді білдіреді, біз одан ғибырат ала білейік.

Әсіресе, осы күндерде адамдар рахатқа, жәйлы тұрмысқа үйреніп қалған, сондықтан олар кішкентай бірдеңе бола қалса, қарсылық көрсетіп, мазасыздыққа түседі, ал шындығында сабақ аларлық көптеген істер бар еді, шүкір-Алла, кедей я бай болсын барлығының жататын үйі, жейтін тамағы бар, тіпті олардың үйінде ештеңе қалмай қалса да, шүкір-Алла, оларға жәрдем беретін қорлармен жақсы адамдар бар, оларда осы адамдарға барып, тамақ-риздықтарын алуына болады. Иә, бізге жақын жерде мыңдаған адамдар болды, себебі өткен жылы жер сілкінген еді, оларда үй, киім, тамақ ештеңе қалмады, бір түнде олардың жартысы қайтыс болды, жартысы аман қалды, ал аман қалғандар сол жағдайдан аман қалғандығына шүкір айтуда, бірақ бұндағы адамдар «күйеуім бәлен деді, көршім түгілен деді, анау мынаны істеді, мен мазаланып кеттім, тыныштық жоқ» деп жүрсе, тағы біреулері «мен күйеуіммен ажырасамын» дер, ал тағы біреуі «әйелімді тастаймын» дейді, бірақ бұлар еш жақсы нәрселер емес.

Бұл дүние жәннәт емес, бұны біз неше жүз рет айтып кеттік, жәннәт ақиретте, жәннәт сабырлы адамдарға арналған, Алла Әззә Уә-Жәллә былай дер, бисмиллахир рахманир рахим, «وَلَنَبْلُوَنَّكُم بِشَىْءٍۢ مِّنَ ٱلْخَوْفِ وَٱلْجُوعِ وَنَقْصٍۢ مِّنَ ٱلْأَمْوَٰلِ وَٱلْأَنفُسِ وَٱلثَّمَرَٰتِ ۗ وَبَشِّرِ ٱلصَّـٰبِرِينَ ١٥٥» (біз сендерді сынаймыз, сынақтар сан түрлі болып келе береді, кедейлік, ауру, өлім бар, ал осыларға сабыр еткендерге жақсы шүйінші болсын) (құран 02:155). Бұл аятта «Біз сендерге мал-мүлік, риздық бердік, тіпті сендердің өмірлеріңнің өзі бір сынақ, сендерге келетін әр түрлі қиындықтар бар, біз оларды сендерден алып кететін боламыз, бірақ оларға сынақ еткендер үшін жақсы хабарымыз бар» делінген, демек сабырлы кісі үшін аса ұлық шүйінші бар, ол сабыр мәселесіне саяды. Қазіргілер титтей іске сабыр ете алмайды, олар оңайлыққа үйреніп кеткен, жалқаулыққа үйренген, кішкентай кеңесті де қабыл ете алмас болған, сүйте тұра тағы келіп дұға сұрайды, бұндайда дұға қайдан орындалсын! Біз Алла ﷻ ға адамдардың өзара шығысымды болуы үшін дұға жасаймыз, сонда олар сабырлы болып, бір-бірінің кішкене кемшіліктерін көрмейтін болады. Мына өмір балкүлше емес, онда кейде қиындықтар болып тұрады, кейде жеңілдік те бар, міне бұл Алла Әззә Уә-Жәлләның осы өмірге қалаған қалауы, Ол оны осылай жаратты, себебі қиындықсыз жеңілдіктің құны қалмас.

Қазір барлық адамдар жәйлылыққа үйреніп кеткендіктен, оларда кішкене шегініспен қиналыс бола қалса, дереу қарсылыққа өтіп, өздерін зияндайды, демек сабырсыздықтың бір жаман әсер сол, адам өзіне залал әкеледі. біз хабар-ошарларда неше мыңдаған адамдардың машинамен қашып бара жатқанын көрдік, оларға «неге қашып бара жатсыңдар?» делінсе, олар «үйлеріміз бұзылды, басқалар бізді бомба және ракеталармен атқылауда, содан қашып барамыз» дейді, ал «онда барған соң жәй табасыңдар ма?» делінсе, олар «уаллахи, менше сол жақ жәйлырақ болар» дейді, бірақ олар сонда барған соң тағы да өздерінің бұрынғы жерлеріндегі сияқты ренжитін болады, ал жағдай қиындаған кезде олар «егер біз бұрынғы кезге қайтқан болсақшы» деп армандайды, сондықтан Алла ﷻ бізді панасына алғай. Нығымет осы дүниедегі шүкірмен жалғасады және арта түседі, демек біз өзіміздің әрбір хәліміз үшін шүкірліктер айталық, ренжімейік, Алла Әззә Уә-Жәллә ренжуді ұнатпайды, Ол сабырлы адамды сүйеді, сабырсызды ұнатпайды, ал Алла ﷻ ұнатпайтын нәрсені шешудің жолы өкініп тәубе ету және кешірім сұрау болмақ. Әрине кейде адамдар қысылып кетеді, сол кезде олар Алла Әззә Уә-Жәлләға жалбарынып, кешірім сұрауы керек, олар «біз қателік істеп қойдық, Сіз берген нығыметтерге қанша шүкірлік айтсақ та жеткізе алмаймыз, біз Сізге бір милион жыл құлшылық етсек те, ол жетпейді, бізге жәрдем беріңіз, бізді кешіріңіз» деп айтыңыздар, міне біз осылай тәубе етелік.

Әрине, адамдар күнәлар жасайды, бірақ Алла Әззә Уә-Жәллә кешіреді, сіз ұдайы тәубе етіп жүріңіз, сонда күнәларыңыз кешіріледі, сонымен бірге сауап табасыз және Алла ﷻ дың ризалығына жетесіз, Алла ﷻ дың ризалығы сіздің үстіңізде болады, мұсылманның сұрайтыны міне осы болу керек, егер осылай етсеңіз, Алла ﷻ рұхсатында, сіз осында да, ақиретте де қабыл етілген жан боласыз. Қабыл етілген жан дегеніміз ақшалы немесе ұқықты болу емес, мүмкін бұндай адамдар да кейде жұрт арасында қабыл етілген жандар болар, бірақ Алла ﷻ назарында қабыл етілген жан дегеніміз ұдайы тәубеде болатын адам, Алла ﷻ ризалығын сұрайтын адам болмақ, сондықтан кәрі-жас, ер-әйел болсын, барлығы Алла ﷻ дың құлы, олар ұдайы Алла ﷻ ризалығы жәйлы ойлансын, себебі біздің өміріміз соңында Алла ﷻ дың құзіретіне апарады, біз басқа еш жаққа бара алмаймыз, демек әр адамның барар жері Алла ﷻ дың илаһи құзіреті-дүр. Сондықтан біз Алла ﷻ алдында жақсы адамдардан болып көрінейік, сонда тыныштыққа жететін боламыз, егер сіз жақсы адам болмасаңыз, сізге қасірет болсын! сіз оған өкінетін боласыз, бірақ ол кездегі өкініш пайдасыз өкініш болмақ.

Алла ﷻ адамдарға ақылмен түсінік бергей, біз бұны ұдайы айтып келеміз, себебі адамдар алданып жүр, олар өздерін «ақылды жан, зерек біреу» санаса да, бірақ небір сұм шайтандар оларға не істеу керектігін үйретуде, шайтан алдай алмайтын адам болмас, әркім оған алданып жүр, сіз «мен ақылдымын, алдана қоймаймын» деген кезіңізде, сіз қатты сақ болыңыз, себебі дәл сол кез сіздің алданып жатқан шағыңыз болуы мүмкін. Мәуләнә Шайық Назым хазірет ұдайы осыны айтатын, бірде Баязит Бистами хазірет қажылықта болады, әрине ол өте үлкен әулие, сол кезде үлкен жауын жауып, су басып кетеді әрі ол қолына ноқта алып жүрген бір шайтанды көреді, ол шайтанға «не істеп жүрсің?» дейді, шайтан «мен бұны қажышыларға саламын, олар жаңа қажы болды емеспе, оны оларға салғанда, олар күнә істейді де, мен жаққа қарай өтеді» дейді, бірақ олар қажылар болса да, олар ол арадан кеткен соң, күнә істей бастайды, ол солай, әсілі олар тазаланған еді, ал қазір олар тағы былғанды, одан соң тағы тазаланады, себебі Алла ﷻ оларды кешіреді, одан Сәйдина Баязит хазірет «сенің маған да салатын ноқтаң барма? мен сені көрдім, сен мен сияқты адамды алдай алмайсың» дейді, ал шайтан «саған ноқта керек емес, мен сені нақтасыз-ақ мініп аламын» дейді. Кейін тағы жаңбыр жауып, сел ағады, сол кезде Бистами хазірет бір қарияның су жағасына арғы жаққа өте алмай жатқанын көреді әрі оған келіп, «сізге жәрдемдесіп, арғы жағаға шығарып жіберейін» дейді, ол оны арқасына мінгізіп, суда жүріп бара жатады, сол кезде қария «мен саған "мен сені ноқтасыз мінемін" деп айтып едім, ол менмін» дейді, ал шайтан болса қария болып құбылып келген екен.

Алданбайтын адам жоқ, «мені ешкім алдай алмайды» деген сөзден сақтаныңыз, әркім алдана беруі мүмкін, шайтанның амалдарына сенбеңіз, сондықтан біз Алла Әззә Уә-Жәлләның жолында ұдайы тәубеде болып, кешірім сұралық, сонда біз алданбайтын боламыз, шайтанмен шайитани адамдар бүкіл дүниені алдап тастады, олар Османлыны құртты, ал қазір мына дүние бомба сияқты жарылғалы шақ тұр. Шүкір-Алла, Османлы билеген 400 жыл әдемі замандар еді, мына дүние сондай қауіпсіз және тыныштықта қысқа ғана уақыт өмір сүрді, Османлы қалай кетті, дүниеден тыныштық та солай кетті әрі мына дүние соңына да жетті, не үшін? себебі зұлымдық дәуірі басталды, әділдік османлыда еді, тек әділдік болса, барлығы оңалар, ал әділдік болмаса, онда ештеңе болмас, тыныштық та, береке де, қайыр да болмас.

«االظلم لايدوم وإن دام دمر» (зұлымдық жалғаспайды, ал жалғасса, олар барлығын құртады) деген сөз бар, қазір біз сол заманда өмір сүрудеміз, жүз жылдан бері солай, жүз жылдан сәл асып қалды, жағдай әр жерде барған сайын ұшығып барады, ештеңе болмайды делінген жерлерде, бүкіл дүние бірдей мазасыздықта қалған, иншалла, Алла ﷻ Сахибул Заман Әл-Мәхди хазіретті жіберетін болады, онан соң жер жүзінде өте әдемі өмір тағы басталмақ, иншалла, бірақ мына дүниенің сұлулығымен жәйлылығы аз ғана болып, ол 40 жыл жалғасады, онан соң қиямет болады, қиямет жақын, демек әркім көзін жұмып өлгенде, бітті, оған қиямет орнайды, ал нағыз қиямет те жақын, мына дүниенің уақыты соңына жетіп қалды. Бұзық адамдар қолында барын істетіп бағуда, олар да оның аз қалғанын біледі, олар да күтуде, яғни басшыларын күтуде, демек олар тажалды күтіп жатыр, ол олардың кітабында жазылған, сондықтан олар барлығын бүлдіріп, быт-шыт етуде, ол да мүмкіндігінше тез келгей, иншалла. Иншалла, ол келгей және оның не істейтінін көргей. Алла ﷻ бізге жәрдем бергей, ел-жұртты қорғағай, иншалла. Жұрт зұлымдық жәйлы сөйлер, ол расында зұлымдық, бұл Алла ﷻ дың жазғаны, Алла ﷻ дың қалауы, сондықтан біз ештеңе қыла алмаймыз, әрине біз дұға жасаймыз, Алла ﷻ зұлымдыққа ұшрағандарға жәрдем бергей, қайтыс болғандардың дәрежесі өскей, Ғазадағылар тым қатты зұлымдыққа ұшырауда, Алла ﷻ оларға жәрдем бергей, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41-Әулие Шайығы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami



سۇحبات: شايتان الداي المايتىن ادام جوق، ساق بول (2) (2024.10.06 / حيجرا 1446-جىل 03-رابيع ءال-ءتاني)
يسلامبول (ستامبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

وتىرىسىمىز بەرەكەلى بولعاي، ينشاللا. بيسميللاحير راحمانير راحيم، «إِنَّ ٱللَّهَ عَلَىٰ كُلِّ ءشَىٍْۢ قَدِيرٌۭ» (ارينە، اللادا بارلىق نارسەدەن ۇستەم، قۇدىرەتتى) (قۇران 02:20)، اللا ءاززا ءۋا-ءجاللا وسىلاي دەر. اللا ءاززا ءۋا-ءجاللا قۇدىرەتكە يە بولۋشى، ول ءار نارسەدەن قۇدىرەتتى، اللا ءاززا ءۋا-ءجاللا ءۇشىن ەشتەڭە قيىن ەمەس، ال قيىندىق جاراتىلستار ءۇشىن-ءدۇر، اللا ءاززا ءۋا-ءجاللا جاراتۋشى، ول بۇكىل الەمدى ءوزى جاراتتى، بۇكىل بارلىق نارسەلەر اللا ﷻ دىڭ قۇدىرەتىمەن جوقتان بار بولدى، كەيدە بۇنى ءجاي ادامدار دا، ءتىپتى مۇسىلماندار دا تۇسىنبەي جاتادى، ال بەي-مۇسىلماندار مۇلدەم اداسىپ كەتكەندەر. حاشا (الىس بولسىن)، ولار اللا ءاززا ءۋا-ءجاللانى ساندىراقتارىمەن بەينەلەيدى، دەمەك ولار قۇدىرەتتىڭ نە ەكەندىگىن مۇلدەم تۇسىنبەيدى. يسلام ءدىنى اللا ءاززا ءۋا-ءجاللانىڭ ءدىنى بولعاندىقتان، بۇل ءدىن بارلىق پايعامبارلاردىڭ دا ءدىنى، ءبىراق ادامنىڭ ءتانى ءشىرىپ-ساسىپ جوعالادى، اللا ﷻ ولاردى وسىنداي جولمەن جاراتتى، ەگەر ولار تۋرا جولدا از بولسا دا جۇرە السا، وزدەرىن مەڭگەرىپ، تۋرا جولىن ساقتاي السا ... ايتپەسە، ولار دەرەۋ بۇزىلىپ كوگەرەدى، سونان سوڭ ولىككە اينالادى، ونداعى ساسىق يىستەن ولاردىڭ قاسىنا جولاۋعا كەلمەس، جاقىنداي المايسىز، مىنە بۇل اللا ءاززا ءۋا-ءجاللانىڭ زاڭى. الايدا اللا ﷻ مەن ءبىر بولعان ادامدارعا ەشتەڭە بولماس، ولاردىڭ جولى باياندى، ولار وزدەرى دە باياندى، ال كىم ولارمەن بىرگە بولسا، ولار اقيرەتتە دە باياندىلىققا جەتەدى.

ءبىز دۇنيەدە ءومىر ءسۇرىپ جاتىرمىز، وسى كۇندەردى كوردىك ءارى مىنا دۇنيەدە سان ءتۇرلى زۇلىمدىقتارمەن جاماندىقتار بار، ال وسى دۇنيەدەگى باعى زور تالەيلى جان كىم؟ ول - مۇسىلمان ادام، دەمەك مۇسىلمان تالەيلى ادام، سەبەبى ونىڭ وسى ومىردە باستان وتكىزگەن بار ءىسى ءۇشىن اللا ءاززا ءۋا-ءجاللا ونىڭ اقيرەتتەگى دارەجەسىمەن ورەسىن ارتتىرىپ وتىرادى، دەمەك قارىمجى رەتىندە ول سايكەستى سىي-ساۋاپتارىن الادى، ءقازىر ءار ادام ءوز جاعدايىن ويلايدى، ءبىراق وزگەلەردەن عيبىرات الا بىلمەيدى، ال اللا ءاززا ءۋا-ءجاللانىڭ امىرىندە «فَٱعْتَبِرُوا۟ يَـٰٓأُو۟لِى ٱلْأَبْصَـٰرِ» (سوندىقتان ساباق الىڭدار، و كورەگەن ادامدار) (قۇران 59:02) جانە «يَـٰٓأُو۟لِى ٱلْأَلْبَـٰبِ» (و تۇسىنەتىن ادامدار) (قۇران 02:179) دەلىنەدى، اقشامداعى جانازا (عايىپ) نامازدا دا وسى ايتىلادى، ونىڭ ماعىناسى «ساباق الىڭدار، بۇل دۇنيە ەشكىمگە قالمايدى، ساعان دا قالمايدى» دەگەندى بىلدىرەدى، ءبىز ودان عيبىرات الا بىلەيىك.

اسىرەسە، وسى كۇندەردە ادامدار راحاتقا، ءجايلى تۇرمىسقا ۇيرەنىپ قالعان، سوندىقتان ولار كىشكەنتاي بىردەڭە بولا قالسا، قارسىلىق كورسەتىپ، مازاسىزدىققا تۇسەدى، ال شىندىعىندا ساباق الارلىق كوپتەگەن ىستەر بار ەدى، شۇكىر-اللا، كەدەي يا باي بولسىن بارلىعىنىڭ جاتاتىن ءۇيى، جەيتىن تاماعى بار، ءتىپتى ولاردىڭ ۇيىندە ەشتەڭە قالماي قالسا دا، شۇكىر-اللا، ولارعا جاردەم بەرەتىن قورلارمەن جاقسى ادامدار بار، ولاردا وسى ادامدارعا بارىپ، تاماق-ريزدىقتارىن الۋىنا بولادى. ءيا، بىزگە جاقىن جەردە مىڭداعان ادامدار بولدى، سەبەبى وتكەن جىلى جەر سىلكىنگەن ەدى، ولاردا ءۇي، كيىم، تاماق ەشتەڭە قالمادى، ءبىر تۇندە ولاردىڭ جارتىسى قايتىس بولدى، جارتىسى امان قالدى، ال امان قالعاندار سول جاعدايدان امان قالعاندىعىنا شۇكىر ايتۋدا، ءبىراق بۇنداعى ادامدار «كۇيەۋىم بالەن دەدى، كورشىم تۇگىلەن دەدى، اناۋ مىنانى ىستەدى، مەن مازالانىپ كەتتىم، تىنىشتىق جوق» دەپ جۇرسە، تاعى بىرەۋلەرى «مەن كۇيەۋىممەن اجىراسامىن» دەر، ال تاعى بىرەۋى «ايەلىمدى تاستايمىن» دەيدى، ءبىراق بۇلار ەش جاقسى نارسەلەر ەمەس.

بۇل دۇنيە ءجاننات ەمەس، بۇنى ءبىز نەشە ءجۇز رەت ايتىپ كەتتىك، ءجاننات اقيرەتتە، ءجاننات سابىرلى ادامدارعا ارنالعان، اللا ءاززا ءۋا-ءجاللا بىلاي دەر، بيسميللاحير راحمانير راحيم، «وَلَنَبْلُوَنَّكُم ءبِشَىٍْۢ مِّنَ ٱلْخَوْفِ وَٱلْجُوعِ وَنَقْصٍۢ مِّنَ ٱلْأَمْوَٰلِ وَٱلْأَنفُسِ وَٱلثَّمَرَٰتِ ۗ وَبَشِّرِ ٱلصَّـٰبِرِينَ ١٥٥» (ءبىز سەندەردى سىنايمىز، سىناقتار سان ءتۇرلى بولىپ كەلە بەرەدى، كەدەيلىك، اۋرۋ، ءولىم بار، ال وسىلارعا سابىر ەتكەندەرگە جاقسى ءشۇيىنشى بولسىن) (قۇران 02:155). بۇل اياتتا «ءبىز سەندەرگە مال-مۇلىك، ريزدىق بەردىك، ءتىپتى سەندەردىڭ ومىرلەرىڭنىڭ ءوزى ءبىر سىناق، سەندەرگە كەلەتىن ءار ءتۇرلى قيىندىقتار بار، ءبىز ولاردى سەندەردەن الىپ كەتەتىن بولامىز، ءبىراق ولارعا سىناق ەتكەندەر ءۇشىن جاقسى حابارىمىز بار» دەلىنگەن، دەمەك سابىرلى كىسى ءۇشىن اسا ۇلىق ءشۇيىنشى بار، ول سابىر ماسەلەسىنە سايادى. قازىرگىلەر تيتتەي ىسكە سابىر ەتە المايدى، ولار وڭايلىققا ۇيرەنىپ كەتكەن، جالقاۋلىققا ۇيرەنگەن، كىشكەنتاي كەڭەستى دە قابىل ەتە الماس بولعان، سۇيتە تۇرا تاعى كەلىپ دۇعا سۇرايدى، بۇندايدا دۇعا قايدان ورىندالسىن! ءبىز اللا ﷻ عا ادامداردىڭ ءوزارا شىعىسىمدى بولۋى ءۇشىن دۇعا جاسايمىز، سوندا ولار سابىرلى بولىپ، ءبىر-ءبىرىنىڭ كىشكەنە كەمشىلىكتەرىن كورمەيتىن بولادى. مىنا ءومىر بالكۇلشە ەمەس، وندا كەيدە قيىندىقتار بولىپ تۇرادى، كەيدە جەڭىلدىك تە بار، مىنە بۇل اللا ءاززا ءۋا-ءجاللانىڭ وسى ومىرگە قالاعان قالاۋى، ول ونى وسىلاي جاراتتى، سەبەبى قيىندىقسىز جەڭىلدىكتىڭ قۇنى قالماس.

ءقازىر بارلىق ادامدار ءجايلىلىققا ۇيرەنىپ كەتكەندىكتەن، ولاردا كىشكەنە شەگىنىسپەن قينالىس بولا قالسا، دەرەۋ قارسىلىققا ءوتىپ، وزدەرىن زياندايدى، دەمەك سابىرسىزدىقتىڭ ءبىر جامان اسەر سول، ادام وزىنە زالال اكەلەدى. ءبىز حابار-وشارلاردا نەشە مىڭداعان ادامداردىڭ ماشينامەن قاشىپ بارا جاتقانىن كوردىك، ولارعا «نەگە قاشىپ بارا جاتسىڭدار؟» دەلىنسە، ولار «ۇيلەرىمىز بۇزىلدى، باسقالار ءبىزدى بومبا جانە راكەتالارمەن اتقىلاۋدا، سودان قاشىپ بارامىز» دەيدى، ال «وندا بارعان سوڭ ءجاي تاباسىڭدار ما؟» دەلىنسە، ولار «ۋاللاحي، مەنشە سول جاق ءجايلىراق بولار» دەيدى، ءبىراق ولار سوندا بارعان سوڭ تاعى دا وزدەرىنىڭ بۇرىنعى جەرلەرىندەگى سياقتى رەنجيتىن بولادى، ال جاعداي قيىنداعان كەزدە ولار «ەگەر ءبىز بۇرىنعى كەزگە قايتقان بولساقشى» دەپ ارماندايدى، سوندىقتان اللا ﷻ ءبىزدى پاناسىنا العاي. نىعىمەت وسى دۇنيەدەگى شۇكىرمەن جالعاسادى جانە ارتا تۇسەدى، دەمەك ءبىز ءوزىمىزدىڭ ءاربىر ءحالىمىز ءۇشىن شۇكىرلىكتەر ايتالىق، رەنجىمەيىك، اللا ءاززا ءۋا-ءجاللا رەنجۋدى ۇناتپايدى، ول سابىرلى ادامدى سۇيەدى، سابىرسىزدى ۇناتپايدى، ال اللا ﷻ ۇناتپايتىن نارسەنى شەشۋدىڭ جولى وكىنىپ تاۋبە ەتۋ جانە كەشىرىم سۇراۋ بولماق. ارينە كەيدە ادامدار قىسىلىپ كەتەدى، سول كەزدە ولار اللا ءاززا ءۋا-ءجاللاعا جالبارىنىپ، كەشىرىم سۇراۋى كەرەك، ولار «ءبىز قاتەلىك ىستەپ قويدىق، ءسىز بەرگەن نىعىمەتتەرگە قانشا شۇكىرلىك ايتساق تا جەتكىزە المايمىز، ءبىز سىزگە ءبىر ميليون جىل قۇلشىلىق ەتسەك تە، ول جەتپەيدى، بىزگە جاردەم بەرىڭىز، ءبىزدى كەشىرىڭىز» دەپ ايتىڭىزدار، مىنە ءبىز وسىلاي تاۋبە ەتەلىك.

ارينە، ادامدار كۇنالار جاسايدى، ءبىراق اللا ءاززا ءۋا-ءجاللا كەشىرەدى، ءسىز ۇدايى تاۋبە ەتىپ ءجۇرىڭىز، سوندا كۇنالارىڭىز كەشىرىلەدى، سونىمەن بىرگە ساۋاپ تاباسىز جانە اللا ﷻ دىڭ ريزالىعىنا جەتەسىز، اللا ﷻ دىڭ ريزالىعى ءسىزدىڭ ۇستىڭىزدە بولادى، مۇسىلماننىڭ سۇرايتىنى مىنە وسى بولۋ كەرەك، ەگەر وسىلاي ەتسەڭىز، اللا ﷻ رۇحساتىندا، ءسىز وسىندا دا، اقيرەتتە دە قابىل ەتىلگەن جان بولاسىز. قابىل ەتىلگەن جان دەگەنىمىز اقشالى نەمەسە ۇقىقتى بولۋ ەمەس، مۇمكىن بۇنداي ادامدار دا كەيدە جۇرت اراسىندا قابىل ەتىلگەن جاندار بولار، ءبىراق اللا ﷻ نازارىندا قابىل ەتىلگەن جان دەگەنىمىز ۇدايى تاۋبەدە بولاتىن ادام، اللا ﷻ ريزالىعىن سۇرايتىن ادام بولماق، سوندىقتان كارى-جاس، ەر-ايەل بولسىن، بارلىعى اللا ﷻ دىڭ قۇلى، ولار ۇدايى اللا ﷻ ريزالىعى ءجايلى ويلانسىن، سەبەبى ءبىزدىڭ ءومىرىمىز سوڭىندا اللا ﷻ دىڭ قۇزىرەتىنە اپارادى، ءبىز باسقا ەش جاققا بارا المايمىز، دەمەك ءار ادامنىڭ بارار جەرى اللا ﷻ دىڭ يلاھي قۇزىرەتى-ءدۇر. سوندىقتان ءبىز اللا ﷻ الدىندا جاقسى ادامداردان بولىپ كورىنەيىك، سوندا تىنىشتىققا جەتەتىن بولامىز، ەگەر ءسىز جاقسى ادام بولماساڭىز، سىزگە قاسىرەت بولسىن! ءسىز وعان وكىنەتىن بولاسىز، ءبىراق ول كەزدەگى وكىنىش پايداسىز وكىنىش بولماق.

اللا ﷻ ادامدارعا اقىلمەن تۇسىنىك بەرگەي، ءبىز بۇنى ۇدايى ايتىپ كەلەمىز، سەبەبى ادامدار الدانىپ ءجۇر، ولار وزدەرىن «اقىلدى جان، زەرەك بىرەۋ» ساناسا دا، ءبىراق نەبىر سۇم شايتاندار ولارعا نە ىستەۋ كەرەكتىگىن ۇيرەتۋدە، شايتان الداي المايتىن ادام بولماس، اركىم وعان الدانىپ ءجۇر، ءسىز «مەن اقىلدىمىن، الدانا قويمايمىن» دەگەن كەزىڭىزدە، ءسىز قاتتى ساق بولىڭىز، سەبەبى ءدال سول كەز ءسىزدىڭ الدانىپ جاتقان شاعىڭىز بولۋى مۇمكىن. ءماۋلانا شايىق نازىم حازىرەت ۇدايى وسىنى ايتاتىن، بىردە بايازيت بيستامي حازىرەت قاجىلىقتا بولادى، ارينە ول وتە ۇلكەن اۋليە، سول كەزدە ۇلكەن جاۋىن جاۋىپ، سۋ باسىپ كەتەدى ءارى ول قولىنا نوقتا الىپ جۇرگەن ءبىر شايتاندى كورەدى، ول شايتانعا «نە ىستەپ ءجۇرسىڭ؟» دەيدى، شايتان «مەن بۇنى قاجىشىلارعا سالامىن، ولار جاڭا قاجى بولدى ەمەسپە، ونى ولارعا سالعاندا، ولار كۇنا ىستەيدى دە، مەن جاققا قاراي وتەدى» دەيدى، ءبىراق ولار قاجىلار بولسا دا، ولار ول ارادان كەتكەن سوڭ، كۇنا ىستەي باستايدى، ول سولاي، ءاسىلى ولار تازالانعان ەدى، ال ءقازىر ولار تاعى بىلعاندى، ودان سوڭ تاعى تازالانادى، سەبەبى اللا ﷻ ولاردى كەشىرەدى، ودان ءسايدينا بايازيت حازىرەت «سەنىڭ ماعان دا سالاتىن نوقتاڭ بارما؟ مەن سەنى كوردىم، سەن مەن سياقتى ادامدى الداي المايسىڭ» دەيدى، ال شايتان «ساعان نوقتا كەرەك ەمەس، مەن سەنى ناقتاسىز-اق ءمىنىپ الامىن» دەيدى. كەيىن تاعى جاڭبىر جاۋىپ، سەل اعادى، سول كەزدە بيستامي حازىرەت ءبىر قاريانىڭ سۋ جاعاسىنا ارعى جاققا وتە الماي جاتقانىن كورەدى ءارى وعان كەلىپ، «سىزگە جاردەمدەسىپ، ارعى جاعاعا شىعارىپ جىبەرەيىن» دەيدى، ول ونى ارقاسىنا مىنگىزىپ، سۋدا ءجۇرىپ بارا جاتادى، سول كەزدە قاريا «مەن ساعان "مەن سەنى نوقتاسىز مىنەمىن" دەپ ايتىپ ەدىم، ول مەنمىن» دەيدى، ال شايتان بولسا قاريا بولىپ قۇبىلىپ كەلگەن ەكەن.

الدانبايتىن ادام جوق، «مەنى ەشكىم الداي المايدى» دەگەن سوزدەن ساقتانىڭىز، اركىم الدانا بەرۋى مۇمكىن، شايتاننىڭ امالدارىنا سەنبەڭىز، سوندىقتان ءبىز اللا ءاززا ءۋا-ءجاللانىڭ جولىندا ۇدايى تاۋبەدە بولىپ، كەشىرىم سۇرالىق، سوندا ءبىز الدانبايتىن بولامىز، شايتانمەن شايتاني ادامدار بۇكىل دۇنيەنى الداپ تاستادى، ولار وسمانلىنى قۇرتتى، ال ءقازىر مىنا دۇنيە بومبا سياقتى جارىلعالى شاق تۇر. شۇكىر-اللا، وسمانلى بيلەگەن 400 جىل ادەمى زاماندار ەدى، مىنا دۇنيە سونداي ءقاۋىپسىز جانە تىنىشتىقتا قىسقا عانا ۋاقىت ءومىر ءسۇردى، وسمانلى قالاي كەتتى، دۇنيەدەن تىنىشتىق تا سولاي كەتتى ءارى مىنا دۇنيە سوڭىنا دا جەتتى، نە ءۇشىن؟ سەبەبى زۇلىمدىق ءداۋىرى باستالدى، ادىلدىك وسمانلىدا ەدى، تەك ادىلدىك بولسا، بارلىعى وڭالار، ال ادىلدىك بولماسا، وندا ەشتەڭە بولماس، تىنىشتىق تا، بەرەكە دە، قايىر دا بولماس.

«االظلم لايدوم وإن دام دمر» (زۇلىمدىق جالعاسپايدى، ال جالعاسسا، ولار بارلىعىن قۇرتادى) دەگەن ءسوز بار، ءقازىر ءبىز سول زاماندا ءومىر سۇرۋدەمىز، ءجۇز جىلدان بەرى سولاي، ءجۇز جىلدان ءسال اسىپ قالدى، جاعداي ءار جەردە بارعان سايىن ۇشىعىپ بارادى، ەشتەڭە بولمايدى دەلىنگەن جەرلەردە، بۇكىل دۇنيە بىردەي مازاسىزدىقتا قالعان، ينشاللا، اللا ﷻ ساحيبۋل زامان ءال-ءماحدي حازىرەتتى جىبەرەتىن بولادى، ونان سوڭ جەر جۇزىندە وتە ادەمى ءومىر تاعى باستالماق، ينشاللا، ءبىراق مىنا دۇنيەنىڭ سۇلۋلىعىمەن ءجايلىلىعى از عانا بولىپ، ول 40 جىل جالعاسادى، ونان سوڭ قيامەت بولادى، قيامەت جاقىن، دەمەك اركىم كوزىن جۇمىپ ولگەندە، ءبىتتى، وعان قيامەت ورنايدى، ال ناعىز قيامەت تە جاقىن، مىنا دۇنيەنىڭ ۋاقىتى سوڭىنا جەتىپ قالدى. بۇزىق ادامدار قولىندا بارىن ىستەتىپ باعۋدا، ولار دا ونىڭ از قالعانىن بىلەدى، ولار دا كۇتۋدە، ياعني باسشىلارىن كۇتۋدە، دەمەك ولار تاجالدى كۇتىپ جاتىر، ول ولاردىڭ كىتابىندا جازىلعان، سوندىقتان ولار بارلىعىن ءبۇلدىرىپ، بىت-شىت ەتۋدە، ول دا مۇمكىندىگىنشە تەز كەلگەي، ينشاللا. ينشاللا، ول كەلگەي جانە ونىڭ نە ىستەيتىنىن كورگەي. اللا ﷻ بىزگە جاردەم بەرگەي، ەل-جۇرتتى قورعاعاي، ينشاللا. جۇرت زۇلىمدىق ءجايلى سويلەر، ول راسىندا زۇلىمدىق، بۇل اللا ﷻ دىڭ جازعانى، اللا ﷻ دىڭ قالاۋى، سوندىقتان ءبىز ەشتەڭە قىلا المايمىز، ارينە ءبىز دۇعا جاسايمىز، اللا ﷻ زۇلىمدىققا ۇشراعاندارعا جاردەم بەرگەي، قايتىس بولعانداردىڭ دارەجەسى وسكەي، عازاداعىلار تىم قاتتى زۇلىمدىققا ۇشىراۋدا، اللا ﷻ ولارعا جاردەم بەرگەي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41-اۋليە شايىعى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=7838