НЕ ҮШІН АДАМДАРҒА ОРАЗА ҰСТАУ ӘМІР ЕТІЛДІ?
https://www.nvrislam.net/index.php?j=kz&post=7829
НЕ ҮШІН АДАМДАРҒА ОРАЗА ҰСТАУ ӘМІР ЕТІЛДІ?
кім нәпсі ризалығын тастап, Алла ризалығын іздесе, оның Алла илаһи құзіретіндегі мақамы өседі, ал кім нәпсі ризалығын іздесе, ол өзін құртып алатын болады. Адамның хайуаннан парқы ақылын істетіп, нәпсісін басқара білуінде, кім нәпсісін меңгере алмаса, хайуаннан да төмен дәрежеге түсіп кетеді. Нәпсі сондай бір қыңыр нәрсе, ол тек жаман іске, ластыққа, кесірге, Аллаға қарсылыққа әмір етеді, ең кемінде соған бейім тұрады. Нәпсі де бір жаратылыс, ол әр адамға сынақ үшін туада бірге таңылып қойған. Алла нәпсіні жаратып 'сен кім, мен кім' дейді, нәпсі Аллаға 'сен сен, мен мен' деп жауап береді, сондықтан нәпсі жүз жыл ыстыққа салынып жазаланады, одан ұқсас сұрақты сұрайды, нәпсі тағы да 'мен мен, сен сен' дейді. Сосын оны жүз жыл суыққа, жүз жыл қараңғылыққа, жүз жыл қиындыққа салып, әбден қинайды, тағы ұқсас сұрақты сұрайды, бірақ ол ұқсас жауап береді, тоң мойындыққа басады, тіпті қайсарлана түседі. Соңында нәпсіні көп жыл аштыққа салып, оны аштықпен әбден қинайды, сонан Алла нәпсіден 'Мен кім, сен кім' деп сұрайды, нәпсі сонда ғана 'о Алла, Сен менің Раббымсың, ал мен құлыңмын' деп жауап береді, нәпсінің аштыққа шыдамайтыны белгілі болады, сондықтан Алла адамдарға ораза ұстауды әмір еткен екен, нәпсіні жазалаудың, тиудың ең жақсы жолы ораза ұстау. Алла ораза ұстауға зор сауап және басқа да көптеген игіліктер жасырған, онда ем де бар, мәселен аң-құстар ауырса, олар біраз уақыт тамақ жемей өздерін емдейді, сонымен бірге ораза ұстау Алланың 'Алла ішпейді, жемейді' қасиетіне еліктеу болып, Алла ораза ұстаушыны сүйеді.
نە ءۇشىن ادامدارعا ورازا ۇستاۋ ءامىر ەتىلدى؟
كىم ءناپسى ريزالىعىن تاستاپ، اللا ريزالىعىن ىزدەسە، ونىڭ اللا يلاھي قۇزىرەتىندەگى ماقامى وسەدى، ال كىم ءناپسى ريزالىعىن ىزدەسە، ول ءوزىن قۇرتىپ الاتىن بولادى. ادامنىڭ حايۋاننان پارقى اقىلىن ىستەتىپ، ءناپسىسىن باسقارا بىلۋىندە، كىم ءناپسىسىن مەڭگەرە الماسا، حايۋاننان دا تومەن دارەجەگە ءتۇسىپ كەتەدى. ءناپسى سونداي ءبىر قىڭىر نارسە، ول تەك جامان ىسكە، لاستىققا، كەسىرگە، اللاعا قارسىلىققا ءامىر ەتەدى، ەڭ كەمىندە سوعان بەيىم تۇرادى. ءناپسى دە ءبىر جاراتىلىس، ول ءار ادامعا سىناق ءۇشىن تۋادا بىرگە تاڭىلىپ قويعان. اللا ءناپسىنى جاراتىپ 'سەن كىم، مەن كىم' دەيدى، ءناپسى اللاعا 'سەن سەن، مەن مەن' دەپ جاۋاپ بەرەدى، سوندىقتان ءناپسى ءجۇز جىل ىستىققا سالىنىپ جازالانادى، ودان ۇقساس سۇراقتى سۇرايدى، ءناپسى تاعى دا 'مەن مەن، سەن سەن' دەيدى. سوسىن ونى ءجۇز جىل سۋىققا، ءجۇز جىل قاراڭعىلىققا، ءجۇز جىل قيىندىققا سالىپ، ابدەن قينايدى، تاعى ۇقساس سۇراقتى سۇرايدى، ءبىراق ول ۇقساس جاۋاپ بەرەدى، توڭ مويىندىققا باسادى، ءتىپتى قايسارلانا تۇسەدى. سوڭىندا ءناپسىنى كوپ جىل اشتىققا سالىپ، ونى اشتىقپەن ابدەن قينايدى، سونان اللا ناپسىدەن 'مەن كىم، سەن كىم' دەپ سۇرايدى، ءناپسى سوندا عانا 'و اللا، سەن مەنىڭ راببىمسىڭ، ال مەن قۇلىڭمىن' دەپ جاۋاپ بەرەدى، ءناپسىنىڭ اشتىققا شىدامايتىنى بەلگىلى بولادى، سوندىقتان اللا ادامدارعا ورازا ۇستاۋدى ءامىر ەتكەن ەكەن، ءناپسىنى جازالاۋدىڭ، تيۋدىڭ ەڭ جاقسى جولى ورازا ۇستاۋ. اللا ورازا ۇستاۋعا زور ساۋاپ جانە باسقا دا كوپتەگەن يگىلىكتەر جاسىرعان، وندا ەم دە بار، ماسەلەن اڭ-قۇستار اۋىرسا، ولار ءبىراز ۋاقىت تاماق جەمەي وزدەرىن ەمدەيدى، سونىمەن بىرگە ورازا ۇستاۋ اللانىڭ 'اللا ىشپەيدى، جەمەيدى' قاسيەتىنە ەلىكتەۋ بولىپ، اللا ورازا ۇستاۋشىنى سۇيەدى.
#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=7829