Мазмұнды Көшіру

https://www.nvrislam.net/index.php?j=kz&post=7793
Сұхбат: ислам діні жеңіл дін, оны ауырлатпа, жеңіл ет (2024.09.12 / Хижра 1446-жыл 09-Рабиул Ауал)
Исламбол (Стамбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Пайғамбарымыз ﷺ бізге орта жолда болуды айтады, ол өз үмбетінің орта жолда жүруін қалайды, ол «бірдеңе істемекші болсаң, оны шектен тыс істеме» деп кеңес берген, барлығы оңайласуы керек, ислам діні қиын емес, ол бір жеңіл дін, бұл дінде жеңілдік бар, ал біз не істеуіміз керек? істеуге тиісті болған құлшылықтар біздің нәпсімізге ауыр келеді, демек олар нәпсіге қиын, бірақ адамдар үшін өте оңай нәрселер, алайда кейбір адамдар өздеріне көп жүк артып алады, ал кейбірі ештеңе тындырмай бос жүреді, сондықтан орта жолда жүру және оған табанды болу пайғамбарымыз ﷺ ның кеңесі еді.

Бірде екі кісі нәбауи мешітінде кездесіп отыр еді, сонда олардың бірі «мен мүлде ұйықтамаймын, тоқтамай құлшылық етемін» дейді, ал тағы біреуі «мен ораза ұстаймын, ештеңе істемеймін, тек намаз оқимын, ораза ұстаймын» дейді, үшіншісі «құлшылығымды қалдырып қоймау үшін үйленбеймін, тек құлшылық етемін» дейді, пайғамбарымыз ﷺ олардың сөзін естиді әрі «мен ұйықтаймын, ораза ұстаймын, ал кейде ораза ұстамаймын, күнде ораза ұстап жүріп алмаймын және мен үйленемін» дейді, пайғамбарымыз ﷺ үйленбеудің жақсы іс емес екендігін айтады, бұл бізге айтылған бір сабақ, манағы сахабалар (үш кісі) «не қаласақ, соны істей береміз» деп ойлап қалған, алайда пайғамбарымыз ﷺ олардан жоғары, сондықтан олардың манағы айтқан сөзіне амал қылу қажетсіз, ол қажетсіз, себебі сіздің құлшылығыңыз Алла ﷻ алдына қабыл болған кезде, сіз Алла ﷻ мен біргесіз, Алла ﷻ ризалығына жетесіз, бір күн ішінде отбасыңызбен өткізген уақытыңыз, жұмысыңыз, тапқан риздығыңыз барлығы Алла Әззә Уә-Жәллә жағынан құлшылық есебінде саналады.

Сондықтан пайғамбарымыз ﷺ «монахтар сияқты өздерін мына дүниеден мүлдем тиып, тек құлшылықтан басқа ештеңе істемейтін адам болып қалмаңдар» дейді, сіздер пайғамбарымыз ﷺ айтқан істерді істеу арқылы сауаппен пайдаға жетесіздер, міне бұл берілген жеңілдік, егер Алла ﷻ осылай істеуді айтса, өздерін құлшылыққа арнағандар, Алла ﷻ жолындағылар барлығын тастап, соны ғана істер еді, бұндайда олар ұйықтамас, ораза ұстар, бойдақ жүрер. Ал адамдарда бұл құлшылықтарды мәлім дәрежеде істеуге ғана қабілет-қарымы бар, пайғамбарымыз ﷺ бізге ең жақсысын үйретіп кеткен, ол ең жақсы нәрсені кеңес етті, мүминдер үшін оған ере білу зор нығымет болмақ.

Егер Алла ﷻ сізді осы тура жолда табысты етсе, Алла ﷻ дан сұрайтын ең үлкен әрі ең жақсы іс сол болмақ, біз дұға жасауымыз керек, Алла ﷻ бізді тура жолдан айырмағай, пайғамбарымыз ﷺ махаббаты ұдайы біздің жүрегімізде болғай, бұл аса маңызды іс, жүрегіміздегі пайғамбарымыз ﷺ махаббаты барлғынан да жоғары болғай, одан жоғары дүние ісі болмас. Адамдар неше мыңдаған жылдар бойы өмір сүріп келеді, олар өмір сүрді, сонан соң кетті, көптеген ахуалдар болды, небір сұлтандар, небір патшалар өтті, олардың ешбірі бұнда қалған жоқ, ештеңе қалмады, ал осылардан кімде Алла ﷻ ризалығына деген махаббат болса және сол үшін өмір сүрсе, ол пайда үстінде болар, жұрт ұдайы «мен бәлен таптым, түгілен таптым» деп жатады, бірақ Алла Әззә Уә-Жәллә үшін болмаған істерден ештеңе келмес, олар тек жеке пайда үшін ғана, біздің жүрегімізде пайғамбарымыз ﷺ ға деген махаббат ұдайы барлығынан жоғары болуы керек.

Кейде адамдар ештеңе білместен «мынаны сүйемін» дер, сондықтан біз әр күні кешірім сұрауымыз керек, пайғамбарымыз ﷺ ға деген махаббаттан жоғары нәрсе жоқ, ештеңе жоқ, балаға, ата-анаға я туған жерге деген махаббат болсын, барлығы пайғамбарымыз ﷺ ға деген махаббаттан жоғары болмайды, сондықтан адамдар сөйлегенде сөзіне сақ болуы керек, олар осыны есінде сақтаса, олар Алла ﷻ құзіретінде ниеттері үшін зор сауапқа кенеледі, ең үлкен сауап дегеніміз пайғамбарымыз ﷺ ның араға түсуі яғни шапағаты болмақ, барлығымызға ең керегі міне осы, онсыз ештеңе пайда бермес, бұндайда мейлі бүкіл дүние ілімін білетін шығарсыз, бүкіл құлдың істеген құлшылығын қыларсыз, олардан түк пайда келмес, демек пайғамбарымыз ﷺ ның махаббатынсыз бұлар ештеңеге жарамайды, еш пайда бермейді, Алла ﷻ біздерді табанды еткей, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41-Әулие Шааығы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami



سۇحبات: يسلام ءدىنى جەڭىل ءدىن، ونى اۋىرلاتپا، جەڭىل ەت (2024.09.12 / حيجرا 1446-جىل 09-رابيۋل اۋال)
يسلامبول (ستامبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

پايعامبارىمىز ﷺ بىزگە ورتا جولدا بولۋدى ايتادى، ول ءوز ۇمبەتىنىڭ ورتا جولدا ءجۇرۋىن قالايدى، ول «بىردەڭە ىستەمەكشى بولساڭ، ونى شەكتەن تىس ىستەمە» دەپ كەڭەس بەرگەن، بارلىعى وڭايلاسۋى كەرەك، يسلام ءدىنى قيىن ەمەس، ول ءبىر جەڭىل ءدىن، بۇل دىندە جەڭىلدىك بار، ال ءبىز نە ىستەۋىمىز كەرەك؟ ىستەۋگە ءتيىستى بولعان قۇلشىلىقتار ءبىزدىڭ ناپسىمىزگە اۋىر كەلەدى، دەمەك ولار ناپسىگە قيىن، ءبىراق ادامدار ءۇشىن وتە وڭاي نارسەلەر، الايدا كەيبىر ادامدار وزدەرىنە كوپ جۇك ارتىپ الادى، ال كەيبىرى ەشتەڭە تىندىرماي بوس جۇرەدى، سوندىقتان ورتا جولدا ءجۇرۋ جانە وعان تاباندى بولۋ پايعامبارىمىز ﷺ نىڭ كەڭەسى ەدى.

بىردە ەكى كىسى ءناباۋي مەشىتىندە كەزدەسىپ وتىر ەدى، سوندا ولاردىڭ ءبىرى «مەن مۇلدە ۇيىقتامايمىن، توقتاماي قۇلشىلىق ەتەمىن» دەيدى، ال تاعى بىرەۋى «مەن ورازا ۇستايمىن، ەشتەڭە ىستەمەيمىن، تەك ناماز وقيمىن، ورازا ۇستايمىن» دەيدى، ءۇشىنشىسى «قۇلشىلىعىمدى قالدىرىپ قويماۋ ءۇشىن ۇيلەنبەيمىن، تەك قۇلشىلىق ەتەمىن» دەيدى، پايعامبارىمىز ﷺ ولاردىڭ ءسوزىن ەستيدى ءارى «مەن ۇيىقتايمىن، ورازا ۇستايمىن، ال كەيدە ورازا ۇستامايمىن، كۇندە ورازا ۇستاپ ءجۇرىپ المايمىن جانە مەن ۇيلەنەمىن» دەيدى، پايعامبارىمىز ﷺ ۇيلەنبەۋدىڭ جاقسى ءىس ەمەس ەكەندىگىن ايتادى، بۇل بىزگە ايتىلعان ءبىر ساباق، ماناعى ساحابالار (ءۇش كىسى) «نە قالاساق، سونى ىستەي بەرەمىز» دەپ ويلاپ قالعان، الايدا پايعامبارىمىز ﷺ ولاردان جوعارى، سوندىقتان ولاردىڭ ماناعى ايتقان سوزىنە امال قىلۋ قاجەتسىز، ول قاجەتسىز، سەبەبى ءسىزدىڭ قۇلشىلىعىڭىز اللا ﷻ الدىنا قابىل بولعان كەزدە، ءسىز اللا ﷻ مەن بىرگەسىز، اللا ﷻ ريزالىعىنا جەتەسىز، ءبىر كۇن ىشىندە وتباسىڭىزبەن وتكىزگەن ۋاقىتىڭىز، جۇمىسىڭىز، تاپقان ريزدىعىڭىز بارلىعى اللا ءاززا ءۋا-ءجاللا جاعىنان قۇلشىلىق ەسەبىندە سانالادى.

سوندىقتان پايعامبارىمىز ﷺ «موناحتار سياقتى وزدەرىن مىنا دۇنيەدەن مۇلدەم تيىپ، تەك قۇلشىلىقتان باسقا ەشتەڭە ىستەمەيتىن ادام بولىپ قالماڭدار» دەيدى، سىزدەر پايعامبارىمىز ﷺ ايتقان ىستەردى ىستەۋ ارقىلى ساۋاپپەن پايداعا جەتەسىزدەر، مىنە بۇل بەرىلگەن جەڭىلدىك، ەگەر اللا ﷻ وسىلاي ىستەۋدى ايتسا، وزدەرىن قۇلشىلىققا ارناعاندار، اللا ﷻ جولىنداعىلار بارلىعىن تاستاپ، سونى عانا ىستەر ەدى، بۇندايدا ولار ۇيىقتاماس، ورازا ۇستار، بويداق جۇرەر. ال ادامداردا بۇل قۇلشىلىقتاردى ءمالىم دارەجەدە ىستەۋگە عانا قابىلەت-قارىمى بار، پايعامبارىمىز ﷺ بىزگە ەڭ جاقسىسىن ۇيرەتىپ كەتكەن، ول ەڭ جاقسى نارسەنى كەڭەس ەتتى، مۇميندەر ءۇشىن وعان ەرە ءبىلۋ زور نىعىمەت بولماق.

ەگەر اللا ﷻ ءسىزدى وسى تۋرا جولدا تابىستى ەتسە، اللا ﷻ دان سۇرايتىن ەڭ ۇلكەن ءارى ەڭ جاقسى ءىس سول بولماق، ءبىز دۇعا جاساۋىمىز كەرەك، اللا ﷻ ءبىزدى تۋرا جولدان ايىرماعاي، پايعامبارىمىز ﷺ ماحابباتى ۇدايى ءبىزدىڭ جۇرەگىمىزدە بولعاي، بۇل اسا ماڭىزدى ءىس، جۇرەگىمىزدەگى پايعامبارىمىز ﷺ ماحابباتى بارلعىنان دا جوعارى بولعاي، ودان جوعارى دۇنيە ءىسى بولماس. ادامدار نەشە مىڭداعان جىلدار بويى ءومىر ءسۇرىپ كەلەدى، ولار ءومىر ءسۇردى، سونان سوڭ كەتتى، كوپتەگەن احۋالدار بولدى، نەبىر سۇلتاندار، نەبىر پاتشالار ءوتتى، ولاردىڭ ەشبىرى بۇندا قالعان جوق، ەشتەڭە قالمادى، ال وسىلاردان كىمدە اللا ﷻ ريزالىعىنا دەگەن ماحاببات بولسا جانە سول ءۇشىن ءومىر سۇرسە، ول پايدا ۇستىندە بولار، جۇرت ۇدايى «مەن بالەن تاپتىم، تۇگىلەن تاپتىم» دەپ جاتادى، ءبىراق اللا ءاززا ءۋا-ءجاللا ءۇشىن بولماعان ىستەردەن ەشتەڭە كەلمەس، ولار تەك جەكە پايدا ءۇشىن عانا، ءبىزدىڭ جۇرەگىمىزدە پايعامبارىمىز ﷺ عا دەگەن ماحاببات ۇدايى بارلىعىنان جوعارى بولۋى كەرەك.

كەيدە ادامدار ەشتەڭە بىلمەستەن «مىنانى سۇيەمىن» دەر، سوندىقتان ءبىز ءار كۇنى كەشىرىم سۇراۋىمىز كەرەك، پايعامبارىمىز ﷺ عا دەگەن ماحابباتتان جوعارى نارسە جوق، ەشتەڭە جوق، بالاعا، اتا-اناعا يا تۋعان جەرگە دەگەن ماحاببات بولسىن، بارلىعى پايعامبارىمىز ﷺ عا دەگەن ماحابباتتان جوعارى بولمايدى، سوندىقتان ادامدار سويلەگەندە سوزىنە ساق بولۋى كەرەك، ولار وسىنى ەسىندە ساقتاسا، ولار اللا ﷻ قۇزىرەتىندە نيەتتەرى ءۇشىن زور ساۋاپقا كەنەلەدى، ەڭ ۇلكەن ساۋاپ دەگەنىمىز پايعامبارىمىز ﷺ نىڭ اراعا ءتۇسۋى ياعني شاپاعاتى بولماق، بارلىعىمىزعا ەڭ كەرەگى مىنە وسى، ونسىز ەشتەڭە پايدا بەرمەس، بۇندايدا مەيلى بۇكىل دۇنيە ءىلىمىن بىلەتىن شىعارسىز، بۇكىل قۇلدىڭ ىستەگەن قۇلشىلىعىن قىلارسىز، ولاردان تۇك پايدا كەلمەس، دەمەك پايعامبارىمىز ﷺ نىڭ ماحابباتىنسىز بۇلار ەشتەڭەگە جارامايدى، ەش پايدا بەرمەيدى، اللا ﷻ بىزدەردى تاباندى ەتكەي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41-اۋليە شااىعى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=7793