Сұхбат: құлшылығың үшін масаттанба, ісініп семірме (2024.03.28 / Хижра 1445-жыл 18-рамазан)
https://www.nvrislam.net/index.php?j=kz&post=7487
Сұхбат: құлшылығың үшін масаттанба, ісініп семірме (2024.03.28 / Хижра 1445-жыл 18-рамазан)
Исламбол (Стамбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Адам нәпсісінің бір кеселі ужұб еді, ужұб дегеніміз өз-өзіне риза болып масаттану, өзіне қанағаттанып гүжіну, ісіне ісініп семіру, нәпсінің бұл кеселі әркімнің де бойынан табылар, жәй адамдардың бойында осы тектес нәпсінің толып жатқан кеселдері болары тәбиғи, бірақ бұндай қасиеттердің сопылық тәриқатта немесе шәриғатқа сәикес өмір сүріп жүргендердің бойында болуы жақсылық емес, не үшін? себебі бұл жаман қасиет олардың өтеп жүрген құлшылықтарының сауабын нөлге айналдырып, жоқ қылады.
Олар өздерін өзгеден артық көріп, «мен түнде тәхажұтқа тұрдым, ал басқалар ұйықтап жатыр» дер, қараңыз, шайтан осы құлшылықтардың сауабын жоқ қылып жіберу үшін адамдарға осындай ой берер, сізді Алла ﷻ ризалығына мүлдем жеткізбеу үшін, жәй бір жақсы іс істей қалсаңыз да, шайтан сан түрлі айлаларды істетер, сопылық тәриқатта жүргендерде осы ауру өзгелерге қарағанда көп кездесер, себебі өзгелердің масаттанып гүжіп-гүжірейетін, мақтанып бөсіп-есетін өзге нәрселері бар, олар дүниелерімен қанша мақтанып, сүйсінгісі келсе, сонша сүйсіне берер, оларда «мен әдемі жасанып жүрмін, мен сұлумын, мен келісіті жанмын» деген сияқты т.б. осы тектес нәрселері көп-ақ!
«Менің дәрежем жоғары» деу дүниелік іс болмақ, онсыз да олар сонау бастан-ақ пайдасыз істермен айналсып кеткен болатұғын, алайда олардың өздерінің масаттанып жүрген нәрселері дүниелік адамдардың талабына жете бермес, тіпті олар өздерін керемет біреу ойлап, дүние үшін сонша құлшынса да, дүниелік адамдар бәрібір оларға көре алмастық қылады, мүмкін олар оларға құрмет көрсетер, бірақ олар махаббатқа немесе сауапқа жете алмайды, оларға еш сауап берілмейді, олардың хәлі міне осылай.
Ал Алла ﷻ жолында жүрген адамдарда бұндай кеселдің болуы ешқандай жақсылықты білдірмес, біз бұл хақында аса сақ болуымыз керек, егер сіз құлшылық ете алсаңыз, оған шүкірлік қылыңыз, өзгелер оны өтей алмай жүрсе, өзіңізді олардан артық көріп қалмаңыз, себебі бұл нығыметті сіз тапқан жоқсыз, оны Алла ﷻ сізге берді, бірақ манағы өзгелерге бермеді, бар болғаны осы ғана, сондықтан оның сізден емес, бәлки Алла ﷻ-дан екендігіне көз жүгіртіңіз, сіз осыны білуіңіз керек, барлық істеп жүрген жақсы амалдарымыз Алла Әззә уә-Жәлләдан бізге берілген, бұлар бізге берілген аса зор нығымет, біз осы үшін шүкірлік етуіміз керек, Алла ﷻ бізді нәпсіміздің кесірінен сақтағай.
Айтып өткеніміздей, егер біз істеп жүрген құлшылықтарымызбен жақсы амалдарымыз себепті өзімізді өзгелерден артық көрсек, сол үшін өзгені өзімізден қораш көрсек, бұл біздің осы құлшылық-амалдарымыздың сауабын жоғалтып жіберетін болады, міне осылай біз барлық сауабымызды жоғалтып алатын боламыз, Алла ﷻ бізді панасына алғай, Алла Әззә уә-Жәллә барлық істе аса қуатты, Ол осыбір нығыметті сізден тартып алып, сіз қораш көрген, сіз ұнатпаған жанға бере салуы мүмкін, бұндайда сіз тұрған орныңызда сол бойы қалатын боласыз, Алла ﷻ бізді панасына алғай, Алла ﷻ осыбір қасиетті күндердің құрметі үшін бізді нәпсіміздің айла-шарғыларынан сақтағай, иншалла.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
سۇحبات: قۇلشىلىعىڭ ءۇشىن ماساتتانبا، ءىسىنىپ سەمىرمە (2024.03.28 / حيجرا 1445-جىل 18-رامازان)
يسلامبول (ستامبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
ادام ءناپسىسىنىڭ ءبىر كەسەلى ۋجۇب ەدى، ۋجۇب دەگەنىمىز ءوز-وزىنە ريزا بولىپ ماساتتانۋ، وزىنە قاناعاتتانىپ گۇجىنۋ، ىسىنە ءىسىنىپ سەمىرۋ، ءناپسىنىڭ بۇل كەسەلى اركىمنىڭ دە بويىنان تابىلار، ءجاي ادامداردىڭ بويىندا وسى تەكتەس ءناپسىنىڭ تولىپ جاتقان كەسەلدەرى بولارى ءتابيعي، ءبىراق بۇنداي قاسيەتتەردىڭ سوپىلىق ءتاريقاتتا نەمەسە ءشاريعاتقا سايكەس ءومىر ءسۇرىپ جۇرگەندەردىڭ بويىندا بولۋى جاقسىلىق ەمەس، نە ءۇشىن؟ سەبەبى بۇل جامان قاسيەت ولاردىڭ وتەپ جۇرگەن قۇلشىلىقتارىنىڭ ساۋابىن نولگە اينالدىرىپ، جوق قىلادى.
ولار وزدەرىن وزگەدەن ارتىق كورىپ، «مەن تۇندە ءتاحاجۇتقا تۇردىم، ال باسقالار ۇيىقتاپ جاتىر» دەر، قاراڭىز، شايتان وسى قۇلشىلىقتاردىڭ ساۋابىن جوق قىلىپ جىبەرۋ ءۇشىن ادامدارعا وسىنداي وي بەرەر، ءسىزدى اللا ﷻ ريزالىعىنا مۇلدەم جەتكىزبەۋ ءۇشىن، ءجاي ءبىر جاقسى ءىس ىستەي قالساڭىز دا، شايتان سان ءتۇرلى ايلالاردى ىستەتەر، سوپىلىق ءتاريقاتتا جۇرگەندەردە وسى اۋرۋ وزگەلەرگە قاراعاندا كوپ كەزدەسەر، سەبەبى وزگەلەردىڭ ماساتتانىپ گۇجىپ-گۇجىرەيەتىن، ماقتانىپ ءبوسىپ-ەسەتىن وزگە نارسەلەرى بار، ولار دۇنيەلەرىمەن قانشا ماقتانىپ، سۇيسىنگىسى كەلسە، سونشا سۇيسىنە بەرەر، ولاردا «مەن ادەمى جاسانىپ ءجۇرمىن، مەن سۇلۋمىن، مەن كەلىسىتى جانمىن» دەگەن سياقتى ت.ب. وسى تەكتەس نارسەلەرى كوپ-اق!
«مەنىڭ دارەجەم جوعارى» دەۋ دۇنيەلىك ءىس بولماق، ونسىز دا ولار سوناۋ باستان-اق پايداسىز ىستەرمەن اينالسىپ كەتكەن بولاتۇعىن، الايدا ولاردىڭ وزدەرىنىڭ ماساتتانىپ جۇرگەن نارسەلەرى دۇنيەلىك ادامداردىڭ تالابىنا جەتە بەرمەس، ءتىپتى ولار وزدەرىن كەرەمەت بىرەۋ ويلاپ، دۇنيە ءۇشىن سونشا قۇلشىنسا دا، دۇنيەلىك ادامدار ءبارىبىر ولارعا كورە الماستىق قىلادى، مۇمكىن ولار ولارعا قۇرمەت كورسەتەر، ءبىراق ولار ماحابباتقا نەمەسە ساۋاپقا جەتە المايدى، ولارعا ەش ساۋاپ بەرىلمەيدى، ولاردىڭ ءحالى مىنە وسىلاي.
ال اللا ﷻ جولىندا جۇرگەن ادامداردا بۇنداي كەسەلدىڭ بولۋى ەشقانداي جاقسىلىقتى بىلدىرمەس، ءبىز بۇل حاقىندا اسا ساق بولۋىمىز كەرەك، ەگەر ءسىز قۇلشىلىق ەتە الساڭىز، وعان شۇكىرلىك قىلىڭىز، وزگەلەر ونى وتەي الماي جۇرسە، ءوزىڭىزدى ولاردان ارتىق كورىپ قالماڭىز، سەبەبى بۇل نىعىمەتتى ءسىز تاپقان جوقسىز، ونى اللا ﷻ سىزگە بەردى، ءبىراق ماناعى وزگەلەرگە بەرمەدى، بار بولعانى وسى عانا، سوندىقتان ونىڭ سىزدەن ەمەس، بالكي اللا ﷻ-دان ەكەندىگىنە كوز جۇگىرتىڭىز، ءسىز وسىنى ءبىلۋىڭىز كەرەك، بارلىق ىستەپ جۇرگەن جاقسى امالدارىمىز اللا ءاززا ءۋا-ءجاللادان بىزگە بەرىلگەن، بۇلار بىزگە بەرىلگەن اسا زور نىعىمەت، ءبىز وسى ءۇشىن شۇكىرلىك ەتۋىمىز كەرەك، اللا ﷻ ءبىزدى ءناپسىمىزدىڭ كەسىرىنەن ساقتاعاي.
ايتىپ وتكەنىمىزدەي، ەگەر ءبىز ىستەپ جۇرگەن قۇلشىلىقتارىمىزبەن جاقسى امالدارىمىز سەبەپتى ءوزىمىزدى وزگەلەردەن ارتىق كورسەك، سول ءۇشىن وزگەنى وزىمىزدەن قوراش كورسەك، بۇل ءبىزدىڭ وسى قۇلشىلىق-امالدارىمىزدىڭ ساۋابىن جوعالتىپ جىبەرەتىن بولادى، مىنە وسىلاي ءبىز بارلىق ساۋابىمىزدى جوعالتىپ الاتىن بولامىز، اللا ﷻ ءبىزدى پاناسىنا العاي، اللا ءاززا ءۋا-ءجاللا بارلىق ىستە اسا قۋاتتى، ول ءوسىبىر نىعىمەتتى سىزدەن تارتىپ الىپ، ءسىز قوراش كورگەن، ءسىز ۇناتپاعان جانعا بەرە سالۋى مۇمكىن، بۇندايدا ءسىز تۇرعان ورنىڭىزدا سول بويى قالاتىن بولاسىز، اللا ﷻ ءبىزدى پاناسىنا العاي، اللا ﷻ ءوسىبىر قاسيەتتى كۇندەردىڭ قۇرمەتى ءۇشىن ءبىزدى ءناپسىمىزدىڭ ايلا-شارعىلارىنان ساقتاعاي، ينشاللا.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=7487