Сұхбат: адам нәпсісі мақтанды, бөсіп ескенді ұнатады (2024.01.28 / Хижра 1445-жыл 17-режеп)
https://www.nvrislam.net/index.php?j=kz&post=7406
Сұхбат: адам нәпсісі мақтанды, бөсіп ескенді ұнатады (2024.01.28 / Хижра 1445-жыл 17-режеп)
Исламбол (Стамбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Бисмиллахир рахманир рахим, «وَّيُحِبُّونَ أَن يُحْمَدُوا۟ بِمَا لَمْ يَفْعَلُو» (олар әлі істемеген ісіне мақтау естігісі келеді) (құран 03:188), садақал-лахул ғазим. Алла Әззә уә-Жәллә құран әзиму-шәнда адам тәбиғатына қатысты барлығын жазып кеткен, «وَلَا رَطْبٍ وَلَا يَابِسٍ إِلَّا فِى كِتَـٰبٍ مُّبِينٍ» (дымқыл да емес я құрғақ та емес, ол бір анық жазбада тұр) (құран 06:69), демек Алла Жәллә Жәләлуху адамдардың тәбиғаты жәйлы жазып кеткен, көптеген адамдар өздері тындырмаған іске алғыс дәметеді, олар қатыссыз істерді істейді де, бейне маңызды шаруа бітіргендей, алғыс тіленіп тұрады, алайда бұл бір тым нашар қасиет, нәпсінің бұзық мінезі-дүр.
Тіпті олар я Алла Жәллә Жәләлухудан қорқатын адамдар істі бітіріп болған соң да, «бұл Алла Жәллә Жәләлухудан келген бір нығымет, біздің онымен еш қатсымыз жоқ, Алла Жәллә Жәләлуху Өз іззет-жомарттығымен бізге оны істеуді нәсіп етті» деп айтсын, алайда бүйіткісі келмейтіндер әр жерде қалаймақан шығарар, олар бірдеңе істей қалса, «мен бәлен істедім, түгілен істедім» деп жар салар, ісініп кебер, айғайлап бөсер, бұл жақсы қасиет емес, егер біреулер өздері істемеген істі өздері істегендей етіп көрсетсе, бұл еш жақсылық емес, Алла Әззә уә-Жәллә мүлдем жақсы көрмейтін хәл болмақ, бұндайда адамдар өздеріне жақсылық істеудің орнына жамандық істеп отыр.
Егер олар «мен бұны істей алмаймын» деп айтса, бірақ оны істеуге ниет қылса, олар осы ниеттері үшін үлкен сауапқа жететін болады, ал өзгелер істегенді өздері істегендей қылып жар салатын және оны жеке бас пайдасы үшін істегенін айтатындар Алла Әззә уә-Жәллә ұнатпайтын жаман қасиетке еріп кеткендерден болмақ, Алла Әззә уә-Жәллә игілік әкелмеуді ұнатпайды, пайдасыз іс істейтіндерді ұнатпайды, бұндай адамдардан жақсылық келмес, бірақ оларға Алла Жәллә Жәләлухудың қарғысы түсер, себебі олар істемеген ісін істегендей көрсетіп, өтірік айтуда, адамдарды алдауда, міне бұл Алла Әззә уә-Жәллә жақсы көрмейтін іс болмақ.
Алайда Алла Әззә уә-Жәлләның мейірімі шексіз-дүр, Алла Әззә уә-Жәллә істелінген барлық істі кешіре алады, тәубе етіп, кешірім сұрағандар құтылады, егер олар Алла Әззә уә-Жәлләдан істеген қателіктерімен күнәлары үшін кешірім сұраса, дем-тынысы таусылмай тұрып, өкіне білсе, қателіктерімен күнәлары олардан кететін болады, бірақ олар осы жаман қасиетпен кесір мінезін өнер көріп, оны істеуін қоймаса, олар жазаға ұшырар.
Алла Жәллә Жәләлуху бізді нәпсіміздің кесірінен сақтағай, себебі нәпсі мақтауды қатты ұнатады, бөсіп ескенді сүйеді, тіпті ол ештеңе тындыра алмаса да, орайын тауып, көпірте бөсіп, бір мақтанып қалуды қалайды, егер адамдар біреуге қарап «бұл кісі соншама жақсылық істеді» десе, манағы кісінің нәпсісі онан арман бөскісі келіп тұрар, егер істелген игі іс жасырын әрі шынайы болса, ол тіпті де мол сауаптарға жеткізеді. Алла Жәллә Жәләлуху бізді нәпсімізден және нәпсіміздің кесір-кесапатынан сақтағай, бізді осыбір сұмдық қасиеттерден аман еткей, иншалла.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
سۇحبات: ادام ءناپسىسى ماقتاندى، ءبوسىپ ەسكەندى ۇناتادى (2024.01.28 / حيجرا 1445-جىل 17-رەجەپ)
يسلامبول (ستامبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
بيسميللاحير راحمانير راحيم، «وَّيُحِبُّونَ أَن يُحْمَدُوا۟ بِمَا لَمْ يَفْعَلُو» (ولار ءالى ىستەمەگەن ىسىنە ماقتاۋ ەستىگىسى كەلەدى) (قۇران 03:188)، ساداقال-لاحۋل عازيم. اللا ءاززا ءۋا-ءجاللا قۇران ءازيمۋ-ءشاندا ادام ءتابيعاتىنا قاتىستى بارلىعىن جازىپ كەتكەن، «وَلَا رَطْبٍ وَلَا يَابِسٍ إِلَّا فِى كِتَـٰبٍ مُّبِينٍ» (دىمقىل دا ەمەس يا قۇرعاق تا ەمەس، ول ءبىر انىق جازبادا تۇر) (قۇران 06:69)، دەمەك اللا ءجاللا ءجالالۋحۋ ادامداردىڭ ءتابيعاتى ءجايلى جازىپ كەتكەن، كوپتەگەن ادامدار وزدەرى تىندىرماعان ىسكە العىس دامەتەدى، ولار قاتىسسىز ىستەردى ىستەيدى دە، بەينە ماڭىزدى شارۋا بىتىرگەندەي، العىس تىلەنىپ تۇرادى، الايدا بۇل ءبىر تىم ناشار قاسيەت، ءناپسىنىڭ بۇزىق مىنەزى-ءدۇر.
ءتىپتى ولار يا اللا ءجاللا ءجالالۋحۋدان قورقاتىن ادامدار ءىستى ءبىتىرىپ بولعان سوڭ دا، «بۇل اللا ءجاللا ءجالالۋحۋدان كەلگەن ءبىر نىعىمەت، ءبىزدىڭ ونىمەن ەش قاتسىمىز جوق، اللا ءجاللا ءجالالۋحۋ ءوز ىززەت-جومارتتىعىمەن بىزگە ونى ىستەۋدى ءناسىپ ەتتى» دەپ ايتسىن، الايدا بۇيىتكىسى كەلمەيتىندەر ءار جەردە قالايماقان شىعارار، ولار بىردەڭە ىستەي قالسا، «مەن بالەن ىستەدىم، تۇگىلەن ىستەدىم» دەپ جار سالار، ءىسىنىپ كەبەر، ايعايلاپ بوسەر، بۇل جاقسى قاسيەت ەمەس، ەگەر بىرەۋلەر وزدەرى ىستەمەگەن ءىستى وزدەرى ىستەگەندەي ەتىپ كورسەتسە، بۇل ەش جاقسىلىق ەمەس، اللا ءاززا ءۋا-ءجاللا مۇلدەم جاقسى كورمەيتىن ءحال بولماق، بۇندايدا ادامدار وزدەرىنە جاقسىلىق ىستەۋدىڭ ورنىنا جاماندىق ىستەپ وتىر.
ەگەر ولار «مەن بۇنى ىستەي المايمىن» دەپ ايتسا، ءبىراق ونى ىستەۋگە نيەت قىلسا، ولار وسى نيەتتەرى ءۇشىن ۇلكەن ساۋاپقا جەتەتىن بولادى، ال وزگەلەر ىستەگەندى وزدەرى ىستەگەندەي قىلىپ جار سالاتىن جانە ونى جەكە باس پايداسى ءۇشىن ىستەگەنىن ايتاتىندار اللا ءاززا ءۋا-ءجاللا ۇناتپايتىن جامان قاسيەتكە ەرىپ كەتكەندەردەن بولماق، اللا ءاززا ءۋا-ءجاللا يگىلىك اكەلمەۋدى ۇناتپايدى، پايداسىز ءىس ىستەيتىندەردى ۇناتپايدى، بۇنداي ادامداردان جاقسىلىق كەلمەس، ءبىراق ولارعا اللا ءجاللا ءجالالۋحۋدىڭ قارعىسى تۇسەر، سەبەبى ولار ىستەمەگەن ءىسىن ىستەگەندەي كورسەتىپ، وتىرىك ايتۋدا، ادامداردى الداۋدا، مىنە بۇل اللا ءاززا ءۋا-ءجاللا جاقسى كورمەيتىن ءىس بولماق.
الايدا اللا ءاززا ءۋا-ءجاللانىڭ مەيىرىمى شەكسىز-ءدۇر، اللا ءاززا ءۋا-ءجاللا ىستەلىنگەن بارلىق ءىستى كەشىرە الادى، تاۋبە ەتىپ، كەشىرىم سۇراعاندار قۇتىلادى، ەگەر ولار اللا ءاززا ءۋا-ءجاللادان ىستەگەن قاتەلىكتەرىمەن كۇنالارى ءۇشىن كەشىرىم سۇراسا، دەم-تىنىسى تاۋسىلماي تۇرىپ، وكىنە بىلسە، قاتەلىكتەرىمەن كۇنالارى ولاردان كەتەتىن بولادى، ءبىراق ولار وسى جامان قاسيەتپەن كەسىر مىنەزىن ونەر كورىپ، ونى ىستەۋىن قويماسا، ولار جازاعا ۇشىرار.
اللا ءجاللا ءجالالۋحۋ ءبىزدى ءناپسىمىزدىڭ كەسىرىنەن ساقتاعاي، سەبەبى ءناپسى ماقتاۋدى قاتتى ۇناتادى، ءبوسىپ ەسكەندى سۇيەدى، ءتىپتى ول ەشتەڭە تىندىرا الماسا دا، ورايىن تاۋىپ، كوپىرتە ءبوسىپ، ءبىر ماقتانىپ قالۋدى قالايدى، ەگەر ادامدار بىرەۋگە قاراپ «بۇل كىسى سونشاما جاقسىلىق ىستەدى» دەسە، ماناعى كىسىنىڭ ءناپسىسى ونان ارمان بوسكىسى كەلىپ تۇرار، ەگەر ىستەلگەن يگى ءىس جاسىرىن ءارى شىنايى بولسا، ول ءتىپتى دە مول ساۋاپتارعا جەتكىزەدى. اللا ءجاللا ءجالالۋحۋ ءبىزدى ناپسىمىزدەن جانە ءناپسىمىزدىڭ كەسىر-كەساپاتىنان ساقتاعاي، ءبىزدى ءوسىبىر سۇمدىق قاسيەتتەردەن امان ەتكەي، ينشاللا.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=7406