Мазмұнды Көшіру

https://www.nvrislam.net/index.php?j=kz&post=7316
Сұхбат: адамшылық Аллаға құл бола білуде жатыр (2023.12.19 / 1445-хижри 06-Жұмада әл-Тани)
Исламбол (Стамбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Алла Жәллә Жәләлухудың берген нығыметтеріне шүкірліктер болсын, мейлі біз қанша шүкірлік айтсақ та жетпейді, Алла Жәллә Жәләлуху бізді иманмен өмір сүргізгей, бізді панасына алғай, адамдар адамшылыққа тек қана Алла Жәллә Жәләлухуға құлдық ету арқылы яғни Оның абдулласы болу арқылы ғана жете алады, әйтпесе олар Алла Әззә уә-Жәлләдан алыстаған сайын, адамшылықтан да алыстай беретін болады, онан соң олар мейлі не істесе де, оларға еш пайда бермес, барлық ісі ұтылысқа айналмақ, олар «масқара!» деп жатады емеспе, демек олардың бар істегендері осы масқара сияқты бірдеңелер болып шықпақ, Алла Әззә уә-Жәлләдан жырақтап кеткен адамдар осындай келеңсіз жағдайларға ұшырайтын болады.

Алла Әззә уә-Жәлләға көбірек құлшылық еткен сайын, ол бізге тіпті де пайдалы бола бермек яғни біз ол кезде Алла Жәллә Жәләлухуға жақындай түсетін боламыз, Алла Әззә уә-Жәллә «التَقَرُّبْ إلَيَّ بالنَّوافِلِ» ((Аллаға) нәфил құлшылықтар арқылы жақындайды) (хадис құдыси) дейді, сіз күнделікті құлшылық, парыз және басқа намаздарыңызды өтей беріңіз, бірақ Алла Жәллә Жәләлухуға тіпті де жақындай түсуіңіз үшін нәфил намаздарды өтеңіз, әсіресе сүннет намаздарды қалдырмаңыз, сүннет құлшылықтарды, дұха, ишрақ намаздарын оқыңыз, бесіннен кейін тағы екі ракат қосып оқыңыз, әдетте бесін намазы екі ракат сүннетпен бітеді, ал сіз оған тағы екі ракат қосып, жалпы төрт ракат етіп оқысаңыз, сауабы тіптен мол болмақ, құптан намаздан кейін де солай етіңіз, демек оны төрт ракат етіп яғни соңғы сүннетті төрт ракат етіп оқыса, сауабы онан арман көп болмақ, әрине сіз екі ракат етіп оқи беруіңізге болады, бірақ оны төрт ракат етсеңіз, Алла Әззә уә-Жәллә тіпті де жақын бола түсесіз, біз осындай әрбір орай-мұрсаттарды аялап, оның қадіріне жете білуіміз керек, оны өткізіп қойсақ болмайды, себебі оны бір рет кетіріп алсаңыз, қайта орнына әкеле алмайсыз, сондықтан орайыңыз бола қалса, оны пайдалана біліңіз.

Қазір көптеген бауырлар зиярат жасағысы келеді, әулиені зияраттау, ұмыраға бару, пайғамбарымыз саллал-лаху әлейхис-саламды зиярат ету қатарлы игі істер біздің күнәларымызды жуады, Алла Жәллә Жәләлухудың кешіріміне жеткізеді. Меккеде Қағбаның алдында оқылған намаз 100 мың еселенеді, намаз ғана емес, онда істелінген әрбір жақсы амал, құлшылық, садақа, т.б. барлығы 100 мың еселенбек, онда осындай жоғары сауаптар бар, сондықтан онда барғандар қонақ үйлерінде жәй тұрмасын, онда намаз оқымасын, әсіресе парыз намаздар және басқа намаздар болсын, оларды қонақ үйде оқымай, Қағбаға немесе пайғамбарымыз саллал-лаху әлейхис-саламның мешітіне барып оқысын, пайғамбарымыздың мешітінде оқылған намазда сауаптар 1000 еселенеді, онда барлығы 1000 еселенер, осы себепті онда барғандар бұл орайды кетіріп алмауы керек, айтып өткеніміздей, бұл орайға қайтадан кездесу оңай емес, сондықтан орай бола қалса, барша жақсы амалдармен игіліктерді молынан істеп қалыңыз, барлығын істеңіз, жалқаулыққа баспаңыз.

Кейде адамдар тым шектен шығып, басқа бірдеңелер істеп жатады, ал олай істеу қажетсіз, ол - шайтанның уәсуәсынан, әлсіз адамдар үшін нәфил құлшылықтан да жақсырақ амалдар бар, олар не? мәселен олар, ерлер үшін отбасыларына қарап, адал риздықтарын табу болса, ал әйелдер үшін үйіне, күйеуіне, балаларына жақсы қарау болмақ, демек оларға қажетті болған қандай орынды істер болса, олар соны істесін, мәселен әйелдер осындай шаруаларын тастап қойып, нәфил құлшылық етсе, олардың құлшылығы қабыл болмайды, кейін олар үйлеріне қарамағаны үшін, өздеріне берілген міндеттерді орындамағаны үшін сұраққа тартылуы мүмкін, Алла Жәллә Жәләлуху бізді панасына алғай.

Біз барлығын жақсы теңгеріп ұстауымыз керек, пайғамбарымыз саллал-лаху әлейхис-салам «خَيْرُ الْأُمُورِ الْوَسَط» (барлық істе орта жол жақсы) (хадис) дейді, демек сіз әр істе орта жолды ұстаныңыз, себебі тым бір жақтылыққа, ұшқарылыққа (фанатшылдық) берілу жақсы емес, Сәидина Әли хазірет ол хақында «عَلَامَاتُ الْجُنُونِ إِمَّا إفْرَاط وَإِمَّا تَفْرِيط» (шектен шығумен немқұрайдылық ессіздіктің белгісі) деген еді.

Ақылысыздықтың белгілері тым көп, айтса тауслмас, кете берер, бұндай адамдар іске келгенде, оны тым артық істеп қояды немесе дым істемей қояды, демек олар ортада тұралмай, я тым оңға я тым солға кетеді, Алла Жәллә Жәләлуху бізді панасына алғай, әсілінде Алла Жәллә Жәләлуху әр істі адамдарға олар істей алатындай етіп, өлшеп берген, бірақ адамдар оны тым артықша істеп қойса немесе мүлдем істемей қойса, іс насырға шабатын болады, сондықтан орта жолды ұстаныңыз, Алла Жәллә Жәләлуху жасаған құлшылықтарымызбен амалдарымызды қабыл еткей, иншалла, олар жақсылыққа жол болғай, мәңгілікке ұласқай, амал істегенде, оның үзілмей жалғасуы маңызды, Алла Жәллә Жәләлуху игі ісімізді мәңгі баянды еткей, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw


سۇحبات: ادامشىلىق اللاعا قۇل بولا بىلۋدە جاتىر (2023.12.19 / 1445-حيجري 06-جۇمادا ءال-تاني)
يسلامبول (ستامبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

اللا ءجاللا ءجالالۋحۋدىڭ بەرگەن نىعىمەتتەرىنە شۇكىرلىكتەر بولسىن، مەيلى ءبىز قانشا شۇكىرلىك ايتساق تا جەتپەيدى، اللا ءجاللا ءجالالۋحۋ ءبىزدى يمانمەن ءومىر سۇرگىزگەي، ءبىزدى پاناسىنا العاي، ادامدار ادامشىلىققا تەك قانا اللا ءجاللا ءجالالۋحۋعا قۇلدىق ەتۋ ارقىلى ياعني ونىڭ ابدۋللاسى بولۋ ارقىلى عانا جەتە الادى، ايتپەسە ولار اللا ءاززا ءۋا-ءجاللادان الىستاعان سايىن، ادامشىلىقتان دا الىستاي بەرەتىن بولادى، ونان سوڭ ولار مەيلى نە ىستەسە دە، ولارعا ەش پايدا بەرمەس، بارلىق ءىسى ۇتىلىسقا اينالماق، ولار «ماسقارا!» دەپ جاتادى ەمەسپە، دەمەك ولاردىڭ بار ىستەگەندەرى وسى ماسقارا سياقتى بىردەڭەلەر بولىپ شىقپاق، اللا ءاززا ءۋا-ءجاللادان جىراقتاپ كەتكەن ادامدار وسىنداي كەلەڭسىز جاعدايلارعا ۇشىرايتىن بولادى.

اللا ءاززا ءۋا-ءجاللاعا كوبىرەك قۇلشىلىق ەتكەن سايىن، ول بىزگە ءتىپتى دە پايدالى بولا بەرمەك ياعني ءبىز ول كەزدە اللا ءجاللا ءجالالۋحۋعا جاقىنداي تۇسەتىن بولامىز، اللا ءاززا ءۋا-ءجاللا «التَقَرُّبْ إلَيَّ بالنَّوافِلِ» ((اللاعا) ءنافيل قۇلشىلىقتار ارقىلى جاقىندايدى) (حاديس قۇدىسي) دەيدى، ءسىز كۇندەلىكتى قۇلشىلىق، پارىز جانە باسقا نامازدارىڭىزدى وتەي بەرىڭىز، ءبىراق اللا ءجاللا ءجالالۋحۋعا ءتىپتى دە جاقىنداي ءتۇسۋىڭىز ءۇشىن ءنافيل نامازداردى وتەڭىز، اسىرەسە سۇننەت نامازداردى قالدىرماڭىز، سۇننەت قۇلشىلىقتاردى، دۇحا، يشراق نامازدارىن وقىڭىز، بەسىننەن كەيىن تاعى ەكى راكات قوسىپ وقىڭىز، ادەتتە بەسىن نامازى ەكى راكات سۇننەتپەن بىتەدى، ال ءسىز وعان تاعى ەكى راكات قوسىپ، جالپى ءتورت راكات ەتىپ وقىساڭىز، ساۋابى تىپتەن مول بولماق، قۇپتان نامازدان كەيىن دە سولاي ەتىڭىز، دەمەك ونى ءتورت راكات ەتىپ ياعني سوڭعى سۇننەتتى ءتورت راكات ەتىپ وقىسا، ساۋابى ونان ارمان كوپ بولماق، ارينە ءسىز ەكى راكات ەتىپ وقي بەرۋىڭىزگە بولادى، ءبىراق ونى ءتورت راكات ەتسەڭىز، اللا ءاززا ءۋا-ءجاللا ءتىپتى دە جاقىن بولا تۇسەسىز، ءبىز وسىنداي ءاربىر وراي-مۇرساتتاردى ايالاپ، ونىڭ قادىرىنە جەتە ءبىلۋىمىز كەرەك، ونى وتكىزىپ قويساق بولمايدى، سەبەبى ونى ءبىر رەت كەتىرىپ الساڭىز، قايتا ورنىنا اكەلە المايسىز، سوندىقتان ورايىڭىز بولا قالسا، ونى پايدالانا ءبىلىڭىز.

ءقازىر كوپتەگەن باۋىرلار زيارات جاساعىسى كەلەدى، اۋليەنى زياراتتاۋ، ۇمىراعا بارۋ، پايعامبارىمىز ساللال-لاحۋ الەيحيس-سالامدى زيارات ەتۋ قاتارلى يگى ىستەر ءبىزدىڭ كۇنالارىمىزدى جۋادى، اللا ءجاللا ءجالالۋحۋدىڭ كەشىرىمىنە جەتكىزەدى. مەككەدە قاعبانىڭ الدىندا وقىلعان ناماز 100 مىڭ ەسەلەنەدى، ناماز عانا ەمەس، وندا ىستەلىنگەن ءاربىر جاقسى امال، قۇلشىلىق، ساداقا، ت.ب. بارلىعى 100 مىڭ ەسەلەنبەك، وندا وسىنداي جوعارى ساۋاپتار بار، سوندىقتان وندا بارعاندار قوناق ۇيلەرىندە ءجاي تۇرماسىن، وندا ناماز وقىماسىن، اسىرەسە پارىز نامازدار جانە باسقا نامازدار بولسىن، ولاردى قوناق ۇيدە وقىماي، قاعباعا نەمەسە پايعامبارىمىز ساللال-لاحۋ الەيحيس-سالامنىڭ مەشىتىنە بارىپ وقىسىن، پايعامبارىمىزدىڭ مەشىتىندە وقىلعان نامازدا ساۋاپتار 1000 ەسەلەنەدى، وندا بارلىعى 1000 ەسەلەنەر، وسى سەبەپتى وندا بارعاندار بۇل ورايدى كەتىرىپ الماۋى كەرەك، ايتىپ وتكەنىمىزدەي، بۇل ورايعا قايتادان كەزدەسۋ وڭاي ەمەس، سوندىقتان وراي بولا قالسا، بارشا جاقسى امالدارمەن يگىلىكتەردى مولىنان ىستەپ قالىڭىز، بارلىعىن ىستەڭىز، جالقاۋلىققا باسپاڭىز.

كەيدە ادامدار تىم شەكتەن شىعىپ، باسقا بىردەڭەلەر ىستەپ جاتادى، ال ولاي ىستەۋ قاجەتسىز، ول - شايتاننىڭ ءۋاسۋاسىنان، ءالسىز ادامدار ءۇشىن ءنافيل قۇلشىلىقتان دا جاقسىراق امالدار بار، ولار نە؟ ماسەلەن ولار، ەرلەر ءۇشىن وتباسىلارىنا قاراپ، ادال ريزدىقتارىن تابۋ بولسا، ال ايەلدەر ءۇشىن ۇيىنە، كۇيەۋىنە، بالالارىنا جاقسى قاراۋ بولماق، دەمەك ولارعا قاجەتتى بولعان قانداي ورىندى ىستەر بولسا، ولار سونى ىستەسىن، ماسەلەن ايەلدەر وسىنداي شارۋالارىن تاستاپ قويىپ، ءنافيل قۇلشىلىق ەتسە، ولاردىڭ قۇلشىلىعى قابىل بولمايدى، كەيىن ولار ۇيلەرىنە قاراماعانى ءۇشىن، وزدەرىنە بەرىلگەن مىندەتتەردى ورىنداماعانى ءۇشىن سۇراققا تارتىلۋى مۇمكىن، اللا ءجاللا ءجالالۋحۋ ءبىزدى پاناسىنا العاي.

ءبىز بارلىعىن جاقسى تەڭگەرىپ ۇستاۋىمىز كەرەك، پايعامبارىمىز ساللال-لاحۋ الەيحيس-سالام «خَيْرُ الْأُمُورِ الْوَسَط» (بارلىق ىستە ورتا جول جاقسى) (حاديس) دەيدى، دەمەك ءسىز ءار ىستە ورتا جولدى ۇستانىڭىز، سەبەبى تىم ءبىر جاقتىلىققا، ۇشقارىلىققا (فاناتشىلدىق) بەرىلۋ جاقسى ەمەس، ءسايدينا ءالي حازىرەت ول حاقىندا «عَلَامَاتُ الْجُنُونِ إِمَّا إفْرَاط وَإِمَّا تَفْرِيط» (شەكتەن شىعۋمەن نەمقۇرايدىلىق ەسسىزدىكتىڭ بەلگىسى) دەگەن ەدى.

اقىلىسىزدىقتىڭ بەلگىلەرى تىم كوپ، ايتسا تاۋسلماس، كەتە بەرەر، بۇنداي ادامدار ىسكە كەلگەندە، ونى تىم ارتىق ىستەپ قويادى نەمەسە دىم ىستەمەي قويادى، دەمەك ولار ورتادا تۇرالماي، يا تىم وڭعا يا تىم سولعا كەتەدى، اللا ءجاللا ءجالالۋحۋ ءبىزدى پاناسىنا العاي، اسىلىندە اللا ءجاللا ءجالالۋحۋ ءار ءىستى ادامدارعا ولار ىستەي الاتىنداي ەتىپ، ولشەپ بەرگەن، ءبىراق ادامدار ونى تىم ارتىقشا ىستەپ قويسا نەمەسە مۇلدەم ىستەمەي قويسا، ءىس ناسىرعا شاباتىن بولادى، سوندىقتان ورتا جولدى ۇستانىڭىز، اللا ءجاللا ءجالالۋحۋ جاساعان قۇلشىلىقتارىمىزبەن امالدارىمىزدى قابىل ەتكەي، ينشاللا، ولار جاقسىلىققا جول بولعاي، ماڭگىلىككە ۇلاسقاي، امال ىستەگەندە، ونىڭ ۇزىلمەي جالعاسۋى ماڭىزدى، اللا ءجاللا ءجالالۋحۋ يگى ءىسىمىزدى ماڭگى باياندى ەتكەي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7316