Мазмұнды Көшіру

https://www.nvrislam.net/index.php?j=kz&post=7288
Сұхбат: біз Мәхдидің келетінін білеміз (2023.12.07 / 1445-хижри 23-Жұмада әл-Ауал)
Исламбол (Стамбул), Түркия (Кипір).

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Қасиетті пайғамбарымыз саллал-лаху әлейхис-салам «ақырзаманның бір белгісі "харж уә марж" болады» дейді, оның өз тілінде айтқан әрбір сөзі ең биік өрелі сөздер болатұғын, араптар кейде ана тілі арап тілі болса да оның сөздерінің мағынасын түсіне алмайтын, сондықтан пайғамбарымыз саллал-лаху әлейхис-саламның айналасындағылар ұдайы онан сұрақтар сұрайтын, олар одан «"харж уә марж" деген не?» деп сұрар, оның мағынасы - өлтіру және қастандық, демек бұнда ол адам өлтірудің тым көбейіп кететіндігін айтқан еді, міне бұл ақырзаманның бір белгісінен болмақ.

Дүниеде көрнеу уақиғалар бар және оның көптеген көмес түрлері де бар, ал көмес істелініп жатқандарды көрнеу істелініп жатқандарынан әлдеқайда көп, адамдарға қастандық қылу, оларды өлтіру, қуғынға ұшырату, үйлерімен ата-мекендерінен қудалау сияқты істер молынан кездеседі, біздің көріп жүргендеріміз аз бөлімі ғана, көместері қаншама! міне осылар ақырзаманның белгілерінен-дүр, қазір ақырзаман уақыты, дүние біткелі шақ тұр, ол ақырына таяп, айтарлық ештеңесі қалмады, адамгершілік қалмады, әдеп қалмады, ізгілік қалмады, бұл заманда тек жамандықтар ғана туылып жатыр, ал қазір біз өмір сүріп отырған осы заман пайғамбарымыз саллал-лаху әлейхис-саламның айтып кеткен манағы заманы еді.

Әрине, бұндай істер ерте замандарда да болған, бірақ ол кездерде исламдық билік бар еді, демек бізді (мұсылмандарды) билеп, басқарып отыратын адамдар болған яғни пайғамбарымыз саллал-лаху әлейхис-саламның халифасы ретінде мұсылмандарды билейтін Халифат бар болатұғын, бұл Халифаттар арқылы пайғамбарымыз саллал-лаху әлейхис-саламның әмірлері атқарылып, қалаулары істелінетін, ал қазіргі заман Алла Жәллә Жәләлухудың хикіметінде харж-марждың белең беріп, жер жүзін жаулайтын кезіне келгендіктен, Халифат жоғалды.

Адамдардың қиындықтарда қалу себебі міне осыдан, алайда Алла Әззә уә-Жәллә соңында бір құтқарушыны жіберетін болады, пайғамбарымыз саллал-лаху әлейхис-салам бұл жәйлі жақсы шүйінші хабар айтып кеткен еді, біз оның осы шүйіншісін яғни сол бір құтқарушы жанның келуін күтудеміз, ол Мәхди әлейхи-салам болатұғын, себебі қазір дүниеде болып жатқан жағдайға байланысты ешкім ештеңе істей алмайды, қауқары жоқ, тек пайғамбарымыз саллал-лаху әлейхис-салам айтқан Мәхди әлейхи-салам келгенде ғана мына дүние есендікке жететін болады, иншалла, мейлі мұсылман және бей-мұсылман болсын, олар барлығы тыныштық таппақ, сонымен бірге Мәхди әлейхи-салам олардың хидаятқа келуіне себепші болмақ, Мәхди әлейхи-салам келгенде жамандық атаулыны жойылады, қазір зұлымдық істеп жүргендермен шайтанға әскер болып жүргендерден ешкім қалмайды, жер жүзі зұлымдықтан, әділетсіздіктен, имансыздықтан тып-тиыл тазалады.

Расында, біз өмір сүріп отырған күндер қйын күндерге жатады, алайда адам болып жатқан істерді және оның астарындағы хикіметтерді түсіне білсе, бұл қиындықтар оған оңайға түсер әрі ол үшін сауап тауып, игілікке жетеді, себебі оны білмейтін адам алда не боларымен не қыларын ойлаумен болады да, «біз бәлендей бір бәлеге ұшырап қалармыз» деп алаңмен ғана өтер, мейлі залал, мейлі игілік болсын, демек әрқандай іс туылсын, онда мұсылман-мүмин үшін сауаппен қайыр бар, Алла Жәллә Жәләлухуға сеніп, Оның және пайғамбарымыз саллал-лаху әлейхис-саламның жолында еретін кісі үшін бүкіл іс атаулы пайдалы болып шықпақ, ол үшін ештеңе босқа кетпейді, бірақ кәпір үшін бүкіл барлығы босқа кетер, тіпті ол «мен жеңдім» деп ойласа да, онысы ұтылыс болып қала бермек, ал жеңілсе де солай, бәрібір барлығы оған ұтылыс болып тиеді. Алла Жәллә Жәләлуху иманымызды қуаттандырғай, мұсылмандармен мүминдерге сахибул-заман Мұхаммад әл-Мәхди әлейхис-саламды жібергей, зұлымдыққа ұшырағандарды тезден құтқарғай, иншалла, Алла Жәллә Жәләлуху бізді сол әдемі күндерге жеткізгей, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw



سۇحبات: ءبىز ءماحديدىڭ كەلەتىنىن بىلەمىز (2023.12.07 / 1445-حيجري 23-جۇمادا ءال-اۋال)
يسلامبول (ستامبۋل)، تۇركيا (كيپىر).

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

قاسيەتتى پايعامبارىمىز ساللال-لاحۋ الەيحيس-سالام «اقىرزاماننىڭ ءبىر بەلگىسى "حارج ءۋا مارج" بولادى» دەيدى، ونىڭ ءوز تىلىندە ايتقان ءاربىر ءسوزى ەڭ بيىك ورەلى سوزدەر بولاتۇعىن، اراپتار كەيدە انا ءتىلى اراپ ءتىلى بولسا دا ونىڭ سوزدەرىنىڭ ماعىناسىن تۇسىنە المايتىن، سوندىقتان پايعامبارىمىز ساللال-لاحۋ الەيحيس-سالامنىڭ اينالاسىنداعىلار ۇدايى ونان سۇراقتار سۇرايتىن، ولار ودان «"حارج ءۋا مارج" دەگەن نە؟» دەپ سۇرار، ونىڭ ماعىناسى - ءولتىرۋ جانە قاستاندىق، دەمەك بۇندا ول ادام ءولتىرۋدىڭ تىم كوبەيىپ كەتەتىندىگىن ايتقان ەدى، مىنە بۇل اقىرزاماننىڭ ءبىر بەلگىسىنەن بولماق.

دۇنيەدە كورنەۋ ۋاقيعالار بار جانە ونىڭ كوپتەگەن كومەس تۇرلەرى دە بار، ال كومەس ىستەلىنىپ جاتقانداردى كورنەۋ ىستەلىنىپ جاتقاندارىنان الدەقايدا كوپ، ادامدارعا قاستاندىق قىلۋ، ولاردى ءولتىرۋ، قۋعىنعا ۇشىراتۋ، ۇيلەرىمەن اتا-مەكەندەرىنەن قۋدالاۋ سياقتى ىستەر مولىنان كەزدەسەدى، ءبىزدىڭ كورىپ جۇرگەندەرىمىز از ءبولىمى عانا، كومەستەرى قانشاما! مىنە وسىلار اقىرزاماننىڭ بەلگىلەرىنەن-ءدۇر، ءقازىر اقىرزامان ۋاقىتى، دۇنيە بىتكەلى شاق تۇر، ول اقىرىنا تاياپ، ايتارلىق ەشتەڭەسى قالمادى، ادامگەرشىلىك قالمادى، ادەپ قالمادى، ىزگىلىك قالمادى، بۇل زاماندا تەك جاماندىقتار عانا تۋىلىپ جاتىر، ال ءقازىر ءبىز ءومىر ءسۇرىپ وتىرعان وسى زامان پايعامبارىمىز ساللال-لاحۋ الەيحيس-سالامنىڭ ايتىپ كەتكەن ماناعى زامانى ەدى.

ارينە، بۇنداي ىستەر ەرتە زامانداردا دا بولعان، ءبىراق ول كەزدەردە يسلامدىق بيلىك بار ەدى، دەمەك ءبىزدى (مۇسىلمانداردى) بيلەپ، باسقارىپ وتىراتىن ادامدار بولعان ياعني پايعامبارىمىز ساللال-لاحۋ الەيحيس-سالامنىڭ حاليفاسى رەتىندە مۇسىلمانداردى بيلەيتىن حاليفات بار بولاتۇعىن، بۇل حاليفاتتار ارقىلى پايعامبارىمىز ساللال-لاحۋ الەيحيس-سالامنىڭ امىرلەرى اتقارىلىپ، قالاۋلارى ىستەلىنەتىن، ال قازىرگى زامان اللا ءجاللا ءجالالۋحۋدىڭ حيكىمەتىندە حارج-مارجدىڭ بەلەڭ بەرىپ، جەر ءجۇزىن جاۋلايتىن كەزىنە كەلگەندىكتەن، حاليفات جوعالدى.

ادامداردىڭ قيىندىقتاردا قالۋ سەبەبى مىنە وسىدان، الايدا اللا ءاززا ءۋا-ءجاللا سوڭىندا ءبىر قۇتقارۋشىنى جىبەرەتىن بولادى، پايعامبارىمىز ساللال-لاحۋ الەيحيس-سالام بۇل ءجايلى جاقسى ءشۇيىنشى حابار ايتىپ كەتكەن ەدى، ءبىز ونىڭ وسى ءشۇيىنشىسىن ياعني سول ءبىر قۇتقارۋشى جاننىڭ كەلۋىن كۇتۋدەمىز، ول ءماحدي الەيحي-سالام بولاتۇعىن، سەبەبى ءقازىر دۇنيەدە بولىپ جاتقان جاعدايعا بايلانىستى ەشكىم ەشتەڭە ىستەي المايدى، قاۋقارى جوق، تەك پايعامبارىمىز ساللال-لاحۋ الەيحيس-سالام ايتقان ءماحدي الەيحي-سالام كەلگەندە عانا مىنا دۇنيە ەسەندىككە جەتەتىن بولادى، ينشاللا، مەيلى مۇسىلمان جانە بەي-مۇسىلمان بولسىن، ولار بارلىعى تىنىشتىق تاپپاق، سونىمەن بىرگە ءماحدي الەيحي-سالام ولاردىڭ حيداياتقا كەلۋىنە سەبەپشى بولماق، ءماحدي الەيحي-سالام كەلگەندە جاماندىق اتاۋلىنى جويىلادى، ءقازىر زۇلىمدىق ىستەپ جۇرگەندەرمەن شايتانعا اسكەر بولىپ جۇرگەندەردەن ەشكىم قالمايدى، جەر ءجۇزى زۇلىمدىقتان، ادىلەتسىزدىكتەن، يمانسىزدىقتان تىپ-تيىل تازالادى.

راسىندا، ءبىز ءومىر ءسۇرىپ وتىرعان كۇندەر قيىن كۇندەرگە جاتادى، الايدا ادام بولىپ جاتقان ىستەردى جانە ونىڭ استارىنداعى حيكىمەتتەردى تۇسىنە بىلسە، بۇل قيىندىقتار وعان وڭايعا تۇسەر ءارى ول ءۇشىن ساۋاپ تاۋىپ، يگىلىككە جەتەدى، سەبەبى ونى بىلمەيتىن ادام الدا نە بولارىمەن نە قىلارىن ويلاۋمەن بولادى دا، «ءبىز بالەندەي ءبىر بالەگە ۇشىراپ قالارمىز» دەپ الاڭمەن عانا وتەر، مەيلى زالال، مەيلى يگىلىك بولسىن، دەمەك ءارقانداي ءىس تۋىلسىن، وندا مۇسىلمان-ءمۇمين ءۇشىن ساۋاپپەن قايىر بار، اللا ءجاللا ءجالالۋحۋعا سەنىپ، ونىڭ جانە پايعامبارىمىز ساللال-لاحۋ الەيحيس-سالامنىڭ جولىندا ەرەتىن كىسى ءۇشىن بۇكىل ءىس اتاۋلى پايدالى بولىپ شىقپاق، ول ءۇشىن ەشتەڭە بوسقا كەتپەيدى، ءبىراق كاپىر ءۇشىن بۇكىل بارلىعى بوسقا كەتەر، ءتىپتى ول «مەن جەڭدىم» دەپ ويلاسا دا، ونىسى ۇتىلىس بولىپ قالا بەرمەك، ال جەڭىلسە دە سولاي، ءبارىبىر بارلىعى وعان ۇتىلىس بولىپ تيەدى. اللا ءجاللا ءجالالۋحۋ يمانىمىزدى قۋاتتاندىرعاي، مۇسىلماندارمەن مۇميندەرگە ساحيبۋل-زامان مۇحامماد ءال-ءماحدي الەيحيس-سالامدى جىبەرگەي، زۇلىمدىققا ۇشىراعانداردى تەزدەن قۇتقارعاي، ينشاللا، اللا ءجاللا ءجالالۋحۋ ءبىزدى سول ادەمى كۇندەرگە جەتكىزگەي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7288