Мазмұнды Көшіру

https://www.nvrislam.net/index.php?j=kz&post=7138
Сұхбат: барлығы Алланың қалауымен туылады (2023.09.09 / 1445-хижри 24-Сафар)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бисмиллахир рахманир рахим, «يَا مُفَتِّحَ الْاَبْوابِ اِفْتَحْ لَنَا خَيْرَ الْبَابِ» (О, қақпаларды Ашушы, бізге ең жақсы қақпаны ашып қойғын), Алла Жәллә Жәләлуху біздің әрбір іс-амалымызды қайыр-жақсылыққа себеп еткей, олар Алла Жәллә Жәләлухудың ризалығы үшін болғай.

«أَنْتَ تُرِيدُ وَأَنَا أُرِيدُ وَالله يَفْعَلُ مَا يُرِيد», бұл бір әдемі сөз болып, онда «сен де қалайсың, мен де қалаймын, бірақ соңында Алла қалағанын істейді» делінген, барлық іс адамдардың, пенделердің ойлап, қалағанындай бола бермейді, бірақ Алла Жәллә Жәләлуху нені қаласа, сол болады, сондықтан біздің қалағанымыз Алла Жәллә Жәләлухудың қалағаны болуы керек, біздің қалағанымыз Алла Жәллә Жәләлухудың қалап, сүйгеніндей болғай, сіздегі барлығы Алла Жәллә Жәләлухудың ризалығына арналғай, иншалла, сонда жеңіске жетесіз.

Егер керісінше болса, сіздің қалағаныңыздың ешбірі туылмайтын болады, ал қалағаныңыз туылмай қойса, сіз қапа болып, ренішпен күйзеліс ішінде жүретін боласыз, иманы жоқ адамдар осындай болады, олар ойындағысы болмаса, ренжиді, иманы бар адамдар «бұл Алла Әззә уә-Жәлләның қалауы, біз оны қабыл етеміз, ол Алла Әззә уә-Жәлләның қалауы болғандықтан солай болды, біз Алла Әззә уә-Жәлләның қалауына ереміз, ештеңе істей алмаймыз, тым қауқарсызбыз, біз істей алғанымызша істедік, ал қалғанының барлығы Алла Әззә уә-Жәлләның қалауымен болмақ, істің жөні ұдайы осылай бола берер» деп айтады.

Адамдар торығумен (деперетсия) қиындықтар ішінде жүрер, міне бұл олардың басты мәселесі, олар өздерінің бірдеңе істеп жүргенін айтар, бірақ соңында ол істегені іске аспай жатады, ал бұл болса Алла Әззә уә-Жәлләның ол істің болуын қаламағандығын білдіреді, демек Алла Әззә уә-Жәллә оны қаламай тұр, егер барлық іс адамдардың қалағанындай бола берсе, бүкіл адам табысқа жетіп, ойына не келсе, соны істеп, өз қалағандары бойынша өмір сүре берер еді, алайда бұл дүние жәннәт емес, бірақ ол сынақ-дүр, ал сіз сынақтан өтуіңіз үшін, әуелі мына дүниенің сынақ екендігін білуіңіз керек әрі ол арада барлығы Алла Жәллә Жәләлухудың қалауымен болатындығын біліңіз.

Егер мәлім істер өз қалағаныңыздай болмай қалса, «бірдеңелерімді жоғалтып алған шығармын» деп ойламаңыз, мүминдерге осы үшін аса зор сауаптар берілетін болады, Алла Жәллә Жәләлуху біздің осындай істерге иланып, оған сене білуімізге жәрдем бергей, Өзін ұдайы еске алып жүруімізге көмек қылғай, иншалла, міне осылай болған кезде, біз дүние істерінде жәйлылық тауып, рахатқа бөлене аламыз әрі ол үшін мол сауаптарға кенелеміз. Алла Жәллә Жәләлуху баршамызға риза болғай, иншалла, біздің еткен әрбір іс-амалымыз әдемі, көркем және жақсы болғай, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw



سۇحبات: بارلىعى اللانىڭ قالاۋىمەن تۋىلادى (2023.09.09 / 1445-حيجري 24-سافار)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بيسميللاحير راحمانير راحيم، «يَا مُفَتِّحَ الْاَبْوابِ اِفْتَحْ لَنَا خَيْرَ الْبَابِ» (و، قاقپالاردى اشۋشى، بىزگە ەڭ جاقسى قاقپانى اشىپ قويعىن)، اللا ءجاللا ءجالالۋحۋ ءبىزدىڭ ءاربىر ءىس-امالىمىزدى قايىر-جاقسىلىققا سەبەپ ەتكەي، ولار اللا ءجاللا ءجالالۋحۋدىڭ ريزالىعى ءۇشىن بولعاي.

«أَنْتَ تُرِيدُ وَأَنَا أُرِيدُ وَالله يَفْعَلُ مَا يُرِيد»، بۇل ءبىر ادەمى ءسوز بولىپ، وندا «سەن دە قالايسىڭ، مەن دە قالايمىن، ءبىراق سوڭىندا اللا قالاعانىن ىستەيدى» دەلىنگەن، بارلىق ءىس ادامداردىڭ، پەندەلەردىڭ ويلاپ، قالاعانىنداي بولا بەرمەيدى، ءبىراق اللا ءجاللا ءجالالۋحۋ نەنى قالاسا، سول بولادى، سوندىقتان ءبىزدىڭ قالاعانىمىز اللا ءجاللا ءجالالۋحۋدىڭ قالاعانى بولۋى كەرەك، ءبىزدىڭ قالاعانىمىز اللا ءجاللا ءجالالۋحۋدىڭ قالاپ، سۇيگەنىندەي بولعاي، سىزدەگى بارلىعى اللا ءجاللا ءجالالۋحۋدىڭ ريزالىعىنا ارنالعاي، ينشاللا، سوندا جەڭىسكە جەتەسىز.

ەگەر كەرىسىنشە بولسا، ءسىزدىڭ قالاعانىڭىزدىڭ ەشبىرى تۋىلمايتىن بولادى، ال قالاعانىڭىز تۋىلماي قويسا، ءسىز قاپا بولىپ، رەنىشپەن كۇيزەلىس ىشىندە جۇرەتىن بولاسىز، يمانى جوق ادامدار وسىنداي بولادى، ولار ويىنداعىسى بولماسا، رەنجيدى، يمانى بار ادامدار «بۇل اللا ءاززا ءۋا-ءجاللانىڭ قالاۋى، ءبىز ونى قابىل ەتەمىز، ول اللا ءاززا ءۋا-ءجاللانىڭ قالاۋى بولعاندىقتان سولاي بولدى، ءبىز اللا ءاززا ءۋا-ءجاللانىڭ قالاۋىنا ەرەمىز، ەشتەڭە ىستەي المايمىز، تىم قاۋقارسىزبىز، ءبىز ىستەي العانىمىزشا ىستەدىك، ال قالعانىنىڭ بارلىعى اللا ءاززا ءۋا-ءجاللانىڭ قالاۋىمەن بولماق، ءىستىڭ ءجونى ۇدايى وسىلاي بولا بەرەر» دەپ ايتادى.

ادامدار تورىعۋمەن (دەپەرەتسيا) قيىندىقتار ىشىندە جۇرەر، مىنە بۇل ولاردىڭ باستى ماسەلەسى، ولار وزدەرىنىڭ بىردەڭە ىستەپ جۇرگەنىن ايتار، ءبىراق سوڭىندا ول ىستەگەنى ىسكە اسپاي جاتادى، ال بۇل بولسا اللا ءاززا ءۋا-ءجاللانىڭ ول ءىستىڭ بولۋىن قالاماعاندىعىن بىلدىرەدى، دەمەك اللا ءاززا ءۋا-ءجاللا ونى قالاماي تۇر، ەگەر بارلىق ءىس ادامداردىڭ قالاعانىنداي بولا بەرسە، بۇكىل ادام تابىسقا جەتىپ، ويىنا نە كەلسە، سونى ىستەپ، ءوز قالاعاندارى بويىنشا ءومىر سۇرە بەرەر ەدى، الايدا بۇل دۇنيە ءجاننات ەمەس، ءبىراق ول سىناق-ءدۇر، ال ءسىز سىناقتان ءوتۋىڭىز ءۇشىن، اۋەلى مىنا دۇنيەنىڭ سىناق ەكەندىگىن ءبىلۋىڭىز كەرەك ءارى ول ارادا بارلىعى اللا ءجاللا ءجالالۋحۋدىڭ قالاۋىمەن بولاتىندىعىن ءبىلىڭىز.

ەگەر ءمالىم ىستەر ءوز قالاعانىڭىزداي بولماي قالسا، «بىردەڭەلەرىمدى جوعالتىپ العان شىعارمىن» دەپ ويلاماڭىز، مۇميندەرگە وسى ءۇشىن اسا زور ساۋاپتار بەرىلەتىن بولادى، اللا ءجاللا ءجالالۋحۋ ءبىزدىڭ وسىنداي ىستەرگە يلانىپ، وعان سەنە بىلۋىمىزگە جاردەم بەرگەي، ءوزىن ۇدايى ەسكە الىپ جۇرۋىمىزگە كومەك قىلعاي، ينشاللا، مىنە وسىلاي بولعان كەزدە، ءبىز دۇنيە ىستەرىندە ءجايلىلىق تاۋىپ، راحاتقا بولەنە الامىز ءارى ول ءۇشىن مول ساۋاپتارعا كەنەلەمىز. اللا ءجاللا ءجالالۋحۋ بارشامىزعا ريزا بولعاي، ينشاللا، ءبىزدىڭ ەتكەن ءاربىر ءىس-امالىمىز ادەمى، كوركەم جانە جاقسى بولعاي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7138