Мазмұнды Көшіру

https://www.nvrislam.net/index.php?j=kz&post=7128
Сұхбат: нәпсі «басшы болуға» қатты ынтық келеді (2023.09.02 / 1445-хижри 17-Сафар)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Пайғамбарымыз саллал-лаху әлейхис-салам «нәпсінің жаман қасиеттері адамдармен өмір бойы бірге болады, ал осы жаман қасиеттерінің ішінде ең соңғысы болып хуббу-риясах (басшы болуға ынтығушылық), адамдар өлуден бұрын ғана олардан айырылады» дейді, хуббу-риясах дегеніміз басшы болуға ынтығу, өзін жарналамауға ұмтылу, өзге адамдардан жоғары тұрмаққа тырбану сияқты қасиеттер, осы қасиет адамнан ең соңында әзер кетеді.

Бұнда біздің айтып отырғанымыз қазіргі кездегі адамдарға қаратылып отыр, бұл ауру қазір адамдардың барлығында бар, әрине ерте замандарда да ол ауру болған, бірақ қазір ол ауру қатты өршіп тұр, ертеде сұлтандар және ферғауындар бар болғандықтан адамдардың көтерілуіне мәлім шектемелер болушы еді, алайда қазір әркім өздерінің ең биік жерде тұрғанын көргісі келеді, ал биікте тұрғандар онан арман тағы бір биікке жеткісі келеді.

Егер адамдар Алла Жәллә Жәләлухудың жолында болса, мүмкін бұдан пайда келер, демек олар (бас болып) ел-жұртқа және мұсылмандарға қызымет өтеуіне болады, алайда олар өз жолымен нәпсілерінің жолында болса, бұл оларды жамандыққа апарып соғады, қазір бүкіл барлығы мидай араласып, бытқып кетті. Біз ақырзаманда өмір сүріп жатқандықтан, ондай нәрселер әр жерде туылуда, демек қайда адам болса, бұл ауру да міндетті түрде сонда бар, адамдар биіктегі біреу болуға барынша құлшынатын болған. Мүмкін сіз бұл дүниеде көтерілерсіз, бірақ одан пайда келмес, көптеген адамдар іс-сапарларын Алла Жәллә Жәләлухудың ризалығы үшін бастар, бірақ уақыт өте келе, кейінірек олардың нәпсілерді оларды адастырып жібереді, бұл - аса хауіпті іс.

Сондықтан, бұл нәрсені бастамау, оған ілікпеу абзал болмақ, нәпсілерін меңгере алмайтын адамдар үшін бұл жолға (сопылық тәриқатқа) кірмеу, олар үшін көбірек пайдалы әрі жақсырақ, себебі көптеген нәрселер бар, ал бұлар оларды Алла Жәллә Жәләлухудың ризалығынан алыстатып жіберуі мүмкін, «жел бергіш», «астыға көпшік қойғыш» кейбір жағымпаз адамдар болады, олар өздерін керемет ойлайтын адамдарды келістіріп мақтай жел беріп, көпшігін биіктетіп қойғанда, манағы ерке-мақтаншақ адамдар өздерін «маңызды біреу, керемет жан екенмін-ау» деп ойлап қалады, бірақ ондай адамдар сол биіктен құлағанда, оларға ешкімде қарамайды, қасына жан жуымас болар, олар өздерін осылай алдады, олар әуел баста-ақ өздерін алдаған еді, ендігі жерде олар өзгелерді алдайтын болады.

Біз өмір сүріп отырған дүние осындай, жұрт оны «дүние» деп атайды, сондықтан бұл дүниеге алданып қалмаңыз, сұлтан сияқты болыңыздар, Османлы сұлтандары не деуші еді? олар жақсы бір сөз айтып кеткен, олар «сұлтандыққа талас - мәнсіз талас» дер, бұл жақсы айтылған ғибырат сөз, біз оның толық нұсқасын еске сақтай алмаптық, бірақ сұлтандардың айтқаны «мына дүние мәнсіз нәрсе» демекілік еді, әрине олар өздерінің міндетін (сұлтандығын) Алла Жәллә Жәләлухудың ризалығы үшін атқарып кетті, олар бар өмірлерін үмбеттің пайдасы үшін, пайғамбарымыз саллал-лаху әлейхис-саламның ризалығы үшін, Алла Әззә уә-Жәлләның әмірлерін дүниенің төрт бұрышына тарату үшін және әділеттілік үшін арнады.

Біз олардан үлгі алуымыз керек, оның әр жағына қаралық, ең ақырында соншама ұлы болып өткен аса даңықты сұлтандар да бұл дүниеден ештеңе ала алмастан, құралақан аттанып кете барады емеспе, бірақ шүкір-Алла, олардың тапқандары (өмірде істеп кеткен ұлағатты істері) оларға жетіп асады, демек олар Алла Жәллә Жәләлухудың ризалығына жетті, пайғамбарымыз саллал-лаху әлейхис-саламның ризалығына қауышты, ал біз болсақ оларды үлгі етіп, оларға ұқсауымыз керек.

Қазіргі замандағы адамдар жергілікті үкіметтегі мәлім билікті орынға немесе қызметке ие болу үшін я билікке жету үшін қылмағаны қалмайды, олар сол орынға өзара таласып, бір-біріне істемегі жоқ, демек олар сан түрлі айла-тәсіл, қулық-сұмдық, шырғаларды істейді, толып жатқан нәрселерді шамасы келгенінше қылып бағады, ал сұлтандар бүкіл дүниені қолдарында ұстап тұрса да, олардың жүректерінде дүние болмаған, демек олар дүниені тек қолдарында ғана ұстап, өздері Алла Жәллә Жәләлухудың жолында жүрді, ал біз болсақ солардың берекесімен құтайып, өмір сүріп отырмыз, шүкір-Алла, олардан аса зор құтпен береке қалды. Алла Жәллә Жәләлуху оларға риза болғай, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw




سۇحبات: ءناپسى «باسشى بولۋعا» قاتتى ىنتىق كەلەدى (2023.09.02 / 1445-حيجري 17-سافار)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

پايعامبارىمىز ساللال-لاحۋ الەيحيس-سالام «ءناپسىنىڭ جامان قاسيەتتەرى ادامدارمەن ءومىر بويى بىرگە بولادى، ال وسى جامان قاسيەتتەرىنىڭ ىشىندە ەڭ سوڭعىسى بولىپ حۋببۋ-رياساح (باسشى بولۋعا ىنتىعۋشىلىق)، ادامدار ولۋدەن بۇرىن عانا ولاردان ايىرىلادى» دەيدى، حۋببۋ-رياساح دەگەنىمىز باسشى بولۋعا ىنتىعۋ، ءوزىن جارنالاماۋعا ۇمتىلۋ، وزگە ادامداردان جوعارى تۇرماققا تىربانۋ سياقتى قاسيەتتەر، وسى قاسيەت ادامنان ەڭ سوڭىندا ازەر كەتەدى.

بۇندا ءبىزدىڭ ايتىپ وتىرعانىمىز قازىرگى كەزدەگى ادامدارعا قاراتىلىپ وتىر، بۇل اۋرۋ ءقازىر ادامداردىڭ بارلىعىندا بار، ارينە ەرتە زامانداردا دا ول اۋرۋ بولعان، ءبىراق ءقازىر ول اۋرۋ قاتتى ءورشىپ تۇر، ەرتەدە سۇلتاندار جانە فەرعاۋىندار بار بولعاندىقتان ادامداردىڭ كوتەرىلۋىنە ءمالىم شەكتەمەلەر بولۋشى ەدى، الايدا ءقازىر اركىم وزدەرىنىڭ ەڭ بيىك جەردە تۇرعانىن كورگىسى كەلەدى، ال بيىكتە تۇرعاندار ونان ارمان تاعى ءبىر بيىككە جەتكىسى كەلەدى.

ەگەر ادامدار اللا ءجاللا ءجالالۋحۋدىڭ جولىندا بولسا، مۇمكىن بۇدان پايدا كەلەر، دەمەك ولار (باس بولىپ) ەل-جۇرتقا جانە مۇسىلماندارعا قىزىمەت وتەۋىنە بولادى، الايدا ولار ءوز جولىمەن ناپسىلەرىنىڭ جولىندا بولسا، بۇل ولاردى جاماندىققا اپارىپ سوعادى، ءقازىر بۇكىل بارلىعى ميداي ارالاسىپ، بىتقىپ كەتتى. ءبىز اقىرزاماندا ءومىر ءسۇرىپ جاتقاندىقتان، ونداي نارسەلەر ءار جەردە تۋىلۋدا، دەمەك قايدا ادام بولسا، بۇل اۋرۋ دا مىندەتتى تۇردە سوندا بار، ادامدار بيىكتەگى بىرەۋ بولۋعا بارىنشا قۇلشىناتىن بولعان. مۇمكىن ءسىز بۇل دۇنيەدە كوتەرىلەرسىز، ءبىراق ودان پايدا كەلمەس، كوپتەگەن ادامدار ءىس-ساپارلارىن اللا ءجاللا ءجالالۋحۋدىڭ ريزالىعى ءۇشىن باستار، ءبىراق ۋاقىت وتە كەلە، كەيىنىرەك ولاردىڭ ناپسىلەردى ولاردى اداستىرىپ جىبەرەدى، بۇل - اسا ءحاۋىپتى ءىس.

سوندىقتان، بۇل نارسەنى باستاماۋ، وعان ىلىكپەۋ ابزال بولماق، ناپسىلەرىن مەڭگەرە المايتىن ادامدار ءۇشىن بۇل جولعا (سوپىلىق ءتاريقاتقا) كىرمەۋ، ولار ءۇشىن كوبىرەك پايدالى ءارى جاقسىراق، سەبەبى كوپتەگەن نارسەلەر بار، ال بۇلار ولاردى اللا ءجاللا ءجالالۋحۋدىڭ ريزالىعىنان الىستاتىپ جىبەرۋى مۇمكىن، «جەل بەرگىش»، «استىعا كوپشىك قويعىش» كەيبىر جاعىمپاز ادامدار بولادى، ولار وزدەرىن كەرەمەت ويلايتىن ادامداردى كەلىستىرىپ ماقتاي جەل بەرىپ، كوپشىگىن بيىكتەتىپ قويعاندا، ماناعى ەركە-ماقتانشاق ادامدار وزدەرىن «ماڭىزدى بىرەۋ، كەرەمەت جان ەكەنمىن-اۋ» دەپ ويلاپ قالادى، ءبىراق ونداي ادامدار سول بيىكتەن قۇلاعاندا، ولارعا ەشكىمدە قارامايدى، قاسىنا جان جۋىماس بولار، ولار وزدەرىن وسىلاي الدادى، ولار اۋەل باستا-اق وزدەرىن الداعان ەدى، ەندىگى جەردە ولار وزگەلەردى الدايتىن بولادى.

ءبىز ءومىر ءسۇرىپ وتىرعان دۇنيە وسىنداي، جۇرت ونى «دۇنيە» دەپ اتايدى، سوندىقتان بۇل دۇنيەگە الدانىپ قالماڭىز، سۇلتان سياقتى بولىڭىزدار، وسمانلى سۇلتاندارى نە دەۋشى ەدى؟ ولار جاقسى ءبىر ءسوز ايتىپ كەتكەن، ولار «سۇلتاندىققا تالاس - ءمانسىز تالاس» دەر، بۇل جاقسى ايتىلعان عيبىرات ءسوز، ءبىز ونىڭ تولىق نۇسقاسىن ەسكە ساقتاي الماپتىق، ءبىراق سۇلتانداردىڭ ايتقانى «مىنا دۇنيە ءمانسىز نارسە» دەمەكىلىك ەدى، ارينە ولار وزدەرىنىڭ مىندەتىن (سۇلتاندىعىن) اللا ءجاللا ءجالالۋحۋدىڭ ريزالىعى ءۇشىن اتقارىپ كەتتى، ولار بار ومىرلەرىن ۇمبەتتىڭ پايداسى ءۇشىن، پايعامبارىمىز ساللال-لاحۋ الەيحيس-سالامنىڭ ريزالىعى ءۇشىن، اللا ءاززا ءۋا-ءجاللانىڭ امىرلەرىن دۇنيەنىڭ ءتورت بۇرىشىنا تاراتۋ ءۇشىن جانە ادىلەتتىلىك ءۇشىن ارنادى.

ءبىز ولاردان ۇلگى الۋىمىز كەرەك، ونىڭ ءار جاعىنا قارالىق، ەڭ اقىرىندا سونشاما ۇلى بولىپ وتكەن اسا داڭىقتى سۇلتاندار دا بۇل دۇنيەدەن ەشتەڭە الا الماستان، قۇرالاقان اتتانىپ كەتە بارادى ەمەسپە، ءبىراق شۇكىر-اللا، ولاردىڭ تاپقاندارى (ومىردە ىستەپ كەتكەن ۇلاعاتتى ىستەرى) ولارعا جەتىپ اسادى، دەمەك ولار اللا ءجاللا ءجالالۋحۋدىڭ ريزالىعىنا جەتتى، پايعامبارىمىز ساللال-لاحۋ الەيحيس-سالامنىڭ ريزالىعىنا قاۋىشتى، ال ءبىز بولساق ولاردى ۇلگى ەتىپ، ولارعا ۇقساۋىمىز كەرەك.

قازىرگى زامانداعى ادامدار جەرگىلىكتى ۇكىمەتتەگى ءمالىم بيلىكتى ورىنعا نەمەسە قىزمەتكە يە بولۋ ءۇشىن يا بيلىككە جەتۋ ءۇشىن قىلماعانى قالمايدى، ولار سول ورىنعا ءوزارا تالاسىپ، ءبىر-بىرىنە ىستەمەگى جوق، دەمەك ولار سان ءتۇرلى ايلا-ءتاسىل، قۋلىق-سۇمدىق، شىرعالاردى ىستەيدى، تولىپ جاتقان نارسەلەردى شاماسى كەلگەنىنشە قىلىپ باعادى، ال سۇلتاندار بۇكىل دۇنيەنى قولدارىندا ۇستاپ تۇرسا دا، ولاردىڭ جۇرەكتەرىندە دۇنيە بولماعان، دەمەك ولار دۇنيەنى تەك قولدارىندا عانا ۇستاپ، وزدەرى اللا ءجاللا ءجالالۋحۋدىڭ جولىندا ءجۇردى، ال ءبىز بولساق سولاردىڭ بەرەكەسىمەن قۇتايىپ، ءومىر ءسۇرىپ وتىرمىز، شۇكىر-اللا، ولاردان اسا زور قۇتپەن بەرەكە قالدى. اللا ءجاللا ءجالالۋحۋ ولارعا ريزا بولعاي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7128