Сұхбат: уахаби-салафилар исламды құрта алмайды (2023.09.01 / 1445-хижри 16-Сафар)
https://www.nvrislam.net/index.php?j=kz&post=7125
Сұхбат: уахаби-салафилар исламды құрта алмайды (2023.09.01 / 1445-хижри 16-Сафар)
Исламбол (Стамбул), Түркия
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Бисмиллахир рахманир рахим, «وَٱللَّهُ مُتِمُّ نُورِهِۦ وَلَوْ كَرِهَ ٱلْكَـٰفِرُونَ» (мейлі кәпірлер ұнатпаса да, Алла нұрын толықтыратын болады) (құран 61:08), Алла Әззә уә-Жәллә «осы дүниенің өзінде дінді (исламды) толықтырамын» дейді, ал Оның уәдесі хақ-дүр, тіпті кәпірлер оны жақсы көрмесе де, нұр шартты түрде толықтай таралып, кемеліне жетпек, демек Алла Жәллә Жәләлухудың рұхсатында бүкіл дүние жүзіндегі адамдар мұсылман болады.
Мекені жәннәт болғыр Сұлтан Әбдул Хамит хазіреттен кейін мұсылмандар әлсіреп кетті, бірақ ислам әлсіреген жоқ, сонау ерте заманнан бері исламға әр жерден шабуылдар жасалып келеді, алайда бұл шабуылдар жақыннан бері онан арман үдеп кетті, бұл шабуылдар исламды мүлдем жоқ қылып жібермек үшін жасалған шабуылдар еді.
Бұндағы ең хауіпті, ең сорақы шабуылдар көрер көзге сырттай мұсылман көрінетін адамдар жағынан болып отыр, олар исламды құртпақ үшін құлшынар, олар өздерінің нәпсілеріне бағынады, нәпсілеріне құл болады, олар нәпсілеріне ергендіктен өздерінің жекелік бас-пайда мүдделері үшін дінге дұшпандық қылады, ал «осындай жолдар арқылы бірдеңеге жетеміз» деп ойлап жүрген адамдар Алла Әззә уә-Жәллә жағынан жек көрілген адамдар болмақ.
Ерте кезде бұндай адамдарды «тәлейсіздер» деп атаушы еді, олар бағы жоқ, тәлейсіз жандар-дүр, себебі олар адасып кетті, олар тіпті діннен шығып кеткелі шақ тұр, себебі олар өздерінің ойы бойынша дін сөйлейді, бұл Алла Әззә уә-Жәлләмен пайғамбарымыз саллал-лаху әлейхис-саламның айтқандарына мүлдем қарама-қайшы болғандық-дүр, олар өз айытқандарын «ислам» деп, өзгелерді адастырып жіберді, демек бұл олардың мүлдем тәлейсіз, шарапатсыз сор маңдай адамдар екендігін білдіреді, олар мейлі өздері қалағанындай соншама көп ақшаларды таба берсін, мейлі өз қиялдарындағыдай соншама атақты адамдар бола берсін, олар бәрібір шайтанға ұқсайды, көптеген адамдар шайтанға еріп, шайтанның қалағанын істеп жүр емеспе, ал бұлардың істеп жүргендері де осыдан аумайды, олар кесір жолдағы кесірлі адамдар.
Олар әр жерде исламды құрту үшін барынша құлшынуда, олар «ол құриды» деп ойлар, бірақ ислам ешқашан құрымайды, бұнда Алла Әззә уә-Жәлләның уәдесі бар, бұл уәдеде «Алла Жәллә Жәләлуху рұхсатында ислам нұры бүкіл жержүзіне түгел тарқалмай тұрып, қиямет болмайды» делінген, бұл күндері манағы адамдар (уахаби-салафилар) исламды қай жағынан болса да құмарлары қанғанша әбден қаралап болды, исламның абыройын түсірді, демек олар исламға қарсы келуде, алайда солай бола тұра олар өздерін бірдеңеге жеткендей көретіні тағы бар, бірақ оларың істеп жүрген барша ісі Алла Әззә уә-Жәллә айтқан мына сөзбен тамам болар, «إِنَّ كَيْدَ ٱلشَّيْطَـٰنِ كَانَ ضَعِيفًا» (расында, шайтанның айласы әлсіз-дүр) (құран 04:76), демек шайтанның айласымен қулықтары әлсіз келеді, шайтан «бүкіл дүние маған тән» деп ойлар, бірақ оның істеген барлық істері әпсәтте талқан болып, ислам өзін көрсететін болады.
Істеген істеріне мәз болып, мақтанғандар қирандының астында қалар, оларға ергендер де олармен бірге сол қирандының астында қалып жоқ болар әрі оларда екінші реткі орай жоқ, Алла Жәллә Жәләлуху бізді панасына алғай, Алла Жәллә Жәләлуху исламның нұрын бүкіл дүниеге тезірек таратқай, иншалла, себебі біз адамзат тым бұзылған ең қараңғы заманда өмір сүріп жатырмыз, қай жағынан алып қарасаңыз да солай, тіпті өзін «адамбыз» деп санайтын жұрт та, бұны түсініп жетті, бірақ олар не істерін білмей дал болуда.
Шүкір-Алла, бізге пайғамбарымыз саллал-лаху әлейхис-саламнан берілген уәде бар, біз оны күтудеміз, біз үмітсіздерден емеспіз, ендеше кімдер үмітсіздер? үмітсіздер дегеніміз алда не боларын көре алмайтындармен алда ненің келе жатқанын білмейтіндер. Алла Жәллә Жәләлуху адамдарға иман бергей, иншалла.
Бұнда құран қатым, ясин және сүрелермен аяттар оқылды, бұлар дүниенің әр бұрышынан жіберілуде және бұнда жүздеген, мыңдаған тахлият, тәкбірат және салауаттар оқылды, біз бұлардың барлығын ең алдымен қасиетті пайғамбарымыздың ұлық әруағына, оның ахлу л-бәйіт әулетіне, сахабаларына ұсынамыз, оны барлық пайғамбарлардың әруақтарына, өзіміздің машайықтардың әруақтарына, әулиелердің әруақтарына, әсфиялардың әруақтарына және қайтыс болып кеткен туыстарымыздың әруақтарына бағыштаймыз, сонымен бірге «жақсылық келіп, жамандық кетсін» деген ниетпен оны өзіміздің руханиятымызға да арнаймыз. Лиллахи тәғала, әл-Фатиха.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: ۋاحابي-سالافيلار يسلامدى قۇرتا المايدى (2023.09.01 / 1445-حيجري 16-سافار)
يسلامبول (ستامبۋل)، تۇركيا
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
بيسميللاحير راحمانير راحيم، «وَٱللَّهُ مُتِمُّ نُورِهِۦ وَلَوْ كَرِهَ ٱلْكَـٰفِرُونَ» (مەيلى كاپىرلەر ۇناتپاسا دا، اللا نۇرىن تولىقتىراتىن بولادى) (قۇران 61:08)، اللا ءاززا ءۋا-ءجاللا «وسى دۇنيەنىڭ وزىندە ءدىندى (يسلامدى) تولىقتىرامىن» دەيدى، ال ونىڭ ۋادەسى حاق-ءدۇر، ءتىپتى كاپىرلەر ونى جاقسى كورمەسە دە، نۇر شارتتى تۇردە تولىقتاي تارالىپ، كەمەلىنە جەتپەك، دەمەك اللا ءجاللا ءجالالۋحۋدىڭ رۇحساتىندا بۇكىل دۇنيە جۇزىندەگى ادامدار مۇسىلمان بولادى.
مەكەنى ءجاننات بولعىر سۇلتان ءابدۋل حاميت حازىرەتتەن كەيىن مۇسىلماندار السىرەپ كەتتى، ءبىراق يسلام السىرەگەن جوق، سوناۋ ەرتە زاماننان بەرى يسلامعا ءار جەردەن شابۋىلدار جاسالىپ كەلەدى، الايدا بۇل شابۋىلدار جاقىننان بەرى ونان ارمان ۇدەپ كەتتى، بۇل شابۋىلدار يسلامدى مۇلدەم جوق قىلىپ جىبەرمەك ءۇشىن جاسالعان شابۋىلدار ەدى.
بۇنداعى ەڭ ءحاۋىپتى، ەڭ سوراقى شابۋىلدار كورەر كوزگە سىرتتاي مۇسىلمان كورىنەتىن ادامدار جاعىنان بولىپ وتىر، ولار يسلامدى قۇرتپاق ءۇشىن قۇلشىنار، ولار وزدەرىنىڭ ناپسىلەرىنە باعىنادى، ناپسىلەرىنە قۇل بولادى، ولار ناپسىلەرىنە ەرگەندىكتەن وزدەرىنىڭ جەكەلىك باس-پايدا مۇددەلەرى ءۇشىن دىنگە دۇشپاندىق قىلادى، ال «وسىنداي جولدار ارقىلى بىردەڭەگە جەتەمىز» دەپ ويلاپ جۇرگەن ادامدار اللا ءاززا ءۋا-ءجاللا جاعىنان جەك كورىلگەن ادامدار بولماق.
ەرتە كەزدە بۇنداي ادامداردى «تالەيسىزدەر» دەپ اتاۋشى ەدى، ولار باعى جوق، تالەيسىز جاندار-ءدۇر، سەبەبى ولار اداسىپ كەتتى، ولار ءتىپتى دىننەن شىعىپ كەتكەلى شاق تۇر، سەبەبى ولار وزدەرىنىڭ ويى بويىنشا ءدىن سويلەيدى، بۇل اللا ءاززا ءۋا-جاللامەن پايعامبارىمىز ساللال-لاحۋ الەيحيس-سالامنىڭ ايتقاندارىنا مۇلدەم قاراما-قايشى بولعاندىق-ءدۇر، ولار ءوز ايىتقاندارىن «يسلام» دەپ، وزگەلەردى اداستىرىپ جىبەردى، دەمەك بۇل ولاردىڭ مۇلدەم تالەيسىز، شاراپاتسىز سور ماڭداي ادامدار ەكەندىگىن بىلدىرەدى، ولار مەيلى وزدەرى قالاعانىنداي سونشاما كوپ اقشالاردى تابا بەرسىن، مەيلى ءوز قيالدارىنداعىداي سونشاما اتاقتى ادامدار بولا بەرسىن، ولار ءبارىبىر شايتانعا ۇقسايدى، كوپتەگەن ادامدار شايتانعا ەرىپ، شايتاننىڭ قالاعانىن ىستەپ ءجۇر ەمەسپە، ال بۇلاردىڭ ىستەپ جۇرگەندەرى دە وسىدان اۋمايدى، ولار كەسىر جولداعى كەسىرلى ادامدار.
ولار ءار جەردە يسلامدى قۇرتۋ ءۇشىن بارىنشا قۇلشىنۋدا، ولار «ول قۇريدى» دەپ ويلار، ءبىراق يسلام ەشقاشان قۇرىمايدى، بۇندا اللا ءاززا ءۋا-ءجاللانىڭ ۋادەسى بار، بۇل ۋادەدە «اللا ءجاللا ءجالالۋحۋ رۇحساتىندا يسلام نۇرى بۇكىل جەرجۇزىنە تۇگەل تارقالماي تۇرىپ، قيامەت بولمايدى» دەلىنگەن، بۇل كۇندەرى ماناعى ادامدار (ۋاحابي-سالافيلار) يسلامدى قاي جاعىنان بولسا دا قۇمارلارى قانعانشا ابدەن قارالاپ بولدى، يسلامنىڭ ابىرويىن ءتۇسىردى، دەمەك ولار يسلامعا قارسى كەلۋدە، الايدا سولاي بولا تۇرا ولار وزدەرىن بىردەڭەگە جەتكەندەي كورەتىنى تاعى بار، ءبىراق ولارىڭ ىستەپ جۇرگەن بارشا ءىسى اللا ءاززا ءۋا-ءجاللا ايتقان مىنا سوزبەن تامام بولار، «إِنَّ كَيْدَ ٱلشَّيْطَـٰنِ كَانَ ضَعِيفًا» (راسىندا، شايتاننىڭ ايلاسى ءالسىز-ءدۇر) (قۇران 04:76)، دەمەك شايتاننىڭ ايلاسىمەن قۋلىقتارى ءالسىز كەلەدى، شايتان «بۇكىل دۇنيە ماعان ءتان» دەپ ويلار، ءبىراق ونىڭ ىستەگەن بارلىق ىستەرى اپساتتە تالقان بولىپ، يسلام ءوزىن كورسەتەتىن بولادى.
ىستەگەن ىستەرىنە ءماز بولىپ، ماقتانعاندار قيراندىنىڭ استىندا قالار، ولارعا ەرگەندەر دە ولارمەن بىرگە سول قيراندىنىڭ استىندا قالىپ جوق بولار ءارى ولاردا ەكىنشى رەتكى وراي جوق، اللا ءجاللا ءجالالۋحۋ ءبىزدى پاناسىنا العاي، اللا ءجاللا ءجالالۋحۋ يسلامنىڭ نۇرىن بۇكىل دۇنيەگە تەزىرەك تاراتقاي، ينشاللا، سەبەبى ءبىز ادامزات تىم بۇزىلعان ەڭ قاراڭعى زاماندا ءومىر ءسۇرىپ جاتىرمىز، قاي جاعىنان الىپ قاراساڭىز دا سولاي، ءتىپتى ءوزىن «ادامبىز» دەپ سانايتىن جۇرت تا، بۇنى ءتۇسىنىپ جەتتى، ءبىراق ولار نە ىستەرىن بىلمەي دال بولۋدا.
شۇكىر-اللا، بىزگە پايعامبارىمىز ساللال-لاحۋ الەيحيس-سالامنان بەرىلگەن ۋادە بار، ءبىز ونى كۇتۋدەمىز، ءبىز ۇمىتسىزدەردەن ەمەسپىز، ەندەشە كىمدەر ۇمىتسىزدەر؟ ۇمىتسىزدەر دەگەنىمىز الدا نە بولارىن كورە المايتىندارمەن الدا نەنىڭ كەلە جاتقانىن بىلمەيتىندەر. اللا ءجاللا ءجالالۋحۋ ادامدارعا يمان بەرگەي، ينشاللا.
بۇندا قۇران قاتىم، ياسين جانە سۇرەلەرمەن اياتتار وقىلدى، بۇلار دۇنيەنىڭ ءار بۇرىشىنان جىبەرىلۋدە جانە بۇندا جۇزدەگەن، مىڭداعان تاحليات، تاكبىرات جانە سالاۋاتتار وقىلدى، ءبىز بۇلاردىڭ بارلىعىن ەڭ الدىمەن قاسيەتتى پايعامبارىمىزدىڭ ۇلىق ءارۋاعىنا، ونىڭ احلۋ ل-ءبايىت اۋلەتىنە، ساحابالارىنا ۇسىنامىز، ونى بارلىق پايعامبارلاردىڭ ءارۋاقتارىنا، ءوزىمىزدىڭ ماشايىقتاردىڭ ءارۋاقتارىنا، اۋليەلەردىڭ ءارۋاقتارىنا، ءاسفيالاردىڭ ءارۋاقتارىنا جانە قايتىس بولىپ كەتكەن تۋىستارىمىزدىڭ ءارۋاقتارىنا باعىشتايمىز، سونىمەن بىرگە «جاقسىلىق كەلىپ، جاماندىق كەتسىن» دەگەن نيەتپەن ونى ءوزىمىزدىڭ رۋحانياتىمىزعا دا ارنايمىز. ليللاحي ءتاعالا، ءال-فاتيحا.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7125