Сұхбат: сафар айы біз үшін қайырлы ай (2023.08.17, 01 Сафар 1445)
https://www.nvrislam.net/index.php?j=kz&post=7088
Сұхбат: сафар айы біз үшін қайырлы ай (2023.08.17, 01 Сафар 1445)
Исламбол (Стамбул), Түркия
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Бүгін берекелі сафар айының бірінші күні, бұл ай біраз ауыр ай, алайда барлық нәрсенің өзіндік хкіметі болады, демек Алла Әззә уә-Жәлләның хикіметінде сафар айы ауыр болып белгіленді, ал ондағы хикіметті Алла Жәллә Жәләлуху Өзі білер, онда көптеген хикіметтер бар, солардың бірі адамдарға Алла Әззә уә-Жәлләны еске алдыру болмақ, жұрт «күндер ұқсас өтіп жатыр, айлар да ұқсас өтуде» дер, ал бұл айдың ауыр болуындағы бір хикімет Алла Жәллә Жәләлухуды ұмыттырмас үшін еді.
«Сафарул қайыр» дейді қасиетті пайғамбарымыз саллал-лаху әлейхис-салам, ол ауыр болғандықтан, иншалла, қайырлы болмақ, демек ол бізге қайырлы болар, ол мұсылмандар үшін қайырлы болғай, басқалар үшін яғни дін исламның жаулары үшін ауыр болғай, себебі исламмен күпір ұдайы айқасып күресуде, олар ешқашан өзара бейбітшілік келісіміне келе алмайды, себебі сіз Алла Жәллә Жәләлухуға қарсылармен дос бола алмайсыз.
Әрине, бұның мағынасы «біз олар кәпір болғандықтан оларға тиісуіміз керек, оларға "кәпірсің" деп айт» деген сөз емес, бірақ олар бірге бола алмайды демекілік-дүр, күпірмен иман бірге бола алмайды, кәпір дегеніміз күпірлік ішінде қалған жан, ал біз болсақ оларды (олардың ой-көзғарасын) өзімізге ешқашан қабыл ете алмаймыз, иман-ислам бүкіл адам баласының діні, ол Алла Әззә уә-Жәлләның оларға берген діні, бірақ кім исламды тастап күпірлікке кіріп кетсе, ол өзіне өзі зор жаза арқалап алады.
Сондықтан, қазіргіндей сафар айларында біздің игілігімізге арналған мәлім істер бар, «жақсылық тілесең, жақсылыққа жетерсің» дейді пайғамбарымыз саллал-лаху әлейхис-салам, күпірлікте қалғандар бүкіл шаруаны өздеріне сүйеніп тындырғысы келер, алайда Алла Әззә уә-Жәллә олардың ісін қаламаса болғаны, олардың ешбір ісі жүзеге аспас, сондықтан осыбір сафар айындай берекелі ай баршамызға қайырлы болмақ, иншалла.
Бұл айдың өз міндеттері бар, әрине оның барлығы адамдардың Алла Әззә уә-Жәлләны еске алулары үшін еді, олардың игілігі үшін еді.
Бұнда мұстахап болған (ұсынылған) оқулар мыналар (осы айда әр күні осы зікірлерді айтыңыз):
- 3 рет калима шахада
- 300 рет астағфируллаһ
- 7 рет курси аяты
- 7 рет фил сүрсі
Осыларды жаттап, айтып жүрсек, Алла Жәллә Жәләлухудың рұхсатында, ол біз үшін қайырлы болмақ, сонымен бірге бұндағы аса маңызды бір іс садақа еді, демек бұл айда садақаны көбірек шығарыңыз.
Мейлі қалай болмасын, садақа әр күні берілуі керек, шүкір-Алла, садақа ісі біз ұдайы айтатын шаруа еді, Мәуләнә Шайық Назым хазіреттың кеңесі бойынша әрбір отбасында бірден садақа қобдишасы (сандығы я дорбасы) болу керек, ал сіз әр күнгі садақаны соған салып отырасыз, оны үйден тысқа шығарда салып қойыңыз, ол әр күні салынады. Көптеген адамдар «біз көп садақа бергенбіз» дер, бірақ сіз оны әр күні беріп жатқан жоқсыз ғой, тіпті сіз көп берген болсаңыз да, әр күнгі садақа одан бөлек болмақ, әр күнгі садақа ұқсамайды, сіз әр күні тәңертең садақа берген кезіңізде, шүкір-Алла, ол садақа кешке дейін күшін жоймайды, ал сіз оны аптасына бір берсеңіз, ол әр күнгі садақа есебінде қаралмайды.
Сондықтан, кішкене қобдиша немесе дорба жасаңыз да, оны есіктің қасына қойып, оған «садақа» деп жазып қойыңыз, сонда сіз үйден шығарда садақа салып жүруді әдетке айналдырасыз әрі қорған астында боласыз, бұл аса маңызды іс. Бұл ай Алла Жәллә Жәләлухудың рұхсатында мұсылмандар үшін қайырлы болады, жаман болмайды.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: سافار ايى ءبىز ءۇشىن قايىرلى اي (2023.08.17، 01 سافار 1445)
يسلامبول (ستامبۋل)، تۇركيا
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
بۇگىن بەرەكەلى سافار ايىنىڭ ءبىرىنشى كۇنى، بۇل اي ءبىراز اۋىر اي، الايدا بارلىق نارسەنىڭ وزىندىك حكىمەتى بولادى، دەمەك اللا ءاززا ءۋا-ءجاللانىڭ حيكىمەتىندە سافار ايى اۋىر بولىپ بەلگىلەندى، ال ونداعى حيكىمەتتى اللا ءجاللا ءجالالۋحۋ ءوزى بىلەر، وندا كوپتەگەن حيكىمەتتەر بار، سولاردىڭ ءبىرى ادامدارعا اللا ءاززا ءۋا-ءجاللانى ەسكە الدىرۋ بولماق، جۇرت «كۇندەر ۇقساس ءوتىپ جاتىر، ايلار دا ۇقساس وتۋدە» دەر، ال بۇل ايدىڭ اۋىر بولۋىنداعى ءبىر حيكىمەت اللا ءجاللا ءجالالۋحۋدى ۇمىتتىرماس ءۇشىن ەدى.
«سافارۋل قايىر» دەيدى قاسيەتتى پايعامبارىمىز ساللال-لاحۋ الەيحيس-سالام، ول اۋىر بولعاندىقتان، ينشاللا، قايىرلى بولماق، دەمەك ول بىزگە قايىرلى بولار، ول مۇسىلماندار ءۇشىن قايىرلى بولعاي، باسقالار ءۇشىن ياعني ءدىن يسلامنىڭ جاۋلارى ءۇشىن اۋىر بولعاي، سەبەبى يسلاممەن كۇپىر ۇدايى ايقاسىپ كۇرەسۋدە، ولار ەشقاشان ءوزارا بەيبىتشىلىك كەلىسىمىنە كەلە المايدى، سەبەبى ءسىز اللا ءجاللا ءجالالۋحۋعا قارسىلارمەن دوس بولا المايسىز.
ارينە، بۇنىڭ ماعىناسى «ءبىز ولار كاپىر بولعاندىقتان ولارعا ءتيىسۋىمىز كەرەك، ولارعا "كاپىرسىڭ" دەپ ايت» دەگەن ءسوز ەمەس، ءبىراق ولار بىرگە بولا المايدى دەمەكىلىك-ءدۇر، كۇپىرمەن يمان بىرگە بولا المايدى، كاپىر دەگەنىمىز كۇپىرلىك ىشىندە قالعان جان، ال ءبىز بولساق ولاردى (ولاردىڭ وي-كوزعاراسىن) وزىمىزگە ەشقاشان قابىل ەتە المايمىز، يمان-يسلام بۇكىل ادام بالاسىنىڭ ءدىنى، ول اللا ءاززا ءۋا-ءجاللانىڭ ولارعا بەرگەن ءدىنى، ءبىراق كىم يسلامدى تاستاپ كۇپىرلىككە كىرىپ كەتسە، ول وزىنە ءوزى زور جازا ارقالاپ الادى.
سوندىقتان، قازىرگىندەي سافار ايلارىندا ءبىزدىڭ يگىلىگىمىزگە ارنالعان ءمالىم ىستەر بار، «جاقسىلىق تىلەسەڭ، جاقسىلىققا جەتەرسىڭ» دەيدى پايعامبارىمىز ساللال-لاحۋ الەيحيس-سالام، كۇپىرلىكتە قالعاندار بۇكىل شارۋانى وزدەرىنە سۇيەنىپ تىندىرعىسى كەلەر، الايدا اللا ءاززا ءۋا-ءجاللا ولاردىڭ ءىسىن قالاماسا بولعانى، ولاردىڭ ەشبىر ءىسى جۇزەگە اسپاس، سوندىقتان ءوسىبىر سافار ايىنداي بەرەكەلى اي بارشامىزعا قايىرلى بولماق، ينشاللا.
بۇل ايدىڭ ءوز مىندەتتەرى بار، ارينە ونىڭ بارلىعى ادامداردىڭ اللا ءاززا ءۋا-ءجاللانى ەسكە الۋلارى ءۇشىن ەدى، ولاردىڭ يگىلىگى ءۇشىن ەدى.
بۇندا مۇستاحاپ بولعان (ۇسىنىلعان) وقۋلار مىنالار (وسى ايدا ءار كۇنى وسى زىكىرلەردى ايتىڭىز):
- 3 رەت كاليما شاحادا
- 300 رەت استاعفيرۋللاھ
- 7 رەت كۋرسي اياتى
- 7 رەت فيل ءسۇرسى
وسىلاردى جاتتاپ، ايتىپ جۇرسەك، اللا ءجاللا ءجالالۋحۋدىڭ رۇحساتىندا، ول ءبىز ءۇشىن قايىرلى بولماق، سونىمەن بىرگە بۇنداعى اسا ماڭىزدى ءبىر ءىس ساداقا ەدى، دەمەك بۇل ايدا ساداقانى كوبىرەك شىعارىڭىز.
مەيلى قالاي بولماسىن، ساداقا ءار كۇنى بەرىلۋى كەرەك، شۇكىر-اللا، ساداقا ءىسى ءبىز ۇدايى ايتاتىن شارۋا ەدى، ءماۋلانا شايىق نازىم حازىرەتتىڭ كەڭەسى بويىنشا ءاربىر وتباسىندا بىردەن ساداقا قوبديشاسى (ساندىعى يا دورباسى) بولۋ كەرەك، ال ءسىز ءار كۇنگى ساداقانى سوعان سالىپ وتىراسىز، ونى ۇيدەن تىسقا شىعاردا سالىپ قويىڭىز، ول ءار كۇنى سالىنادى. كوپتەگەن ادامدار «ءبىز كوپ ساداقا بەرگەنبىز» دەر، ءبىراق ءسىز ونى ءار كۇنى بەرىپ جاتقان جوقسىز عوي، ءتىپتى ءسىز كوپ بەرگەن بولساڭىز دا، ءار كۇنگى ساداقا ودان بولەك بولماق، ءار كۇنگى ساداقا ۇقسامايدى، ءسىز ءار كۇنى تاڭەرتەڭ ساداقا بەرگەن كەزىڭىزدە، شۇكىر-اللا، ول ساداقا كەشكە دەيىن كۇشىن جويمايدى، ال ءسىز ونى اپتاسىنا ءبىر بەرسەڭىز، ول ءار كۇنگى ساداقا ەسەبىندە قارالمايدى.
سوندىقتان، كىشكەنە قوبديشا نەمەسە دوربا جاساڭىز دا، ونى ەسىكتىڭ قاسىنا قويىپ، وعان «ساداقا» دەپ جازىپ قويىڭىز، سوندا ءسىز ۇيدەن شىعاردا ساداقا سالىپ ءجۇرۋدى ادەتكە اينالدىراسىز ءارى قورعان استىندا بولاسىز، بۇل اسا ماڭىزدى ءىس. بۇل اي اللا ءجاللا ءجالالۋحۋدىڭ رۇحساتىندا مۇسىلماندار ءۇشىن قايىرلى بولادى، جامان بولمايدى.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7088