Сұхбат: жасыруға келмейтін нұр (2023.08.14, 27 Мұхарам 1445)
https://www.nvrislam.net/index.php?j=kz&post=7079
Сұхбат: жасыруға келмейтін нұр (2023.08.14, 27 Мұхарам 1445)
Исламбол (Стамбул), Түркия
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
«Күнді балшықпен сылап, жасыра алмайсың» деген сөз бар, бұның мағынасы не? бұл «мейлі соншама күш шығарып, ақиқатты жасырмақшы болсаң да, ол кілкіп, бетке қайта шығады» демекілік еді, ақиқат дегеніміз исламның нұры, исламның күні, кейбір топтағы адамдар ел-жұртты исламнан алыстату үшін сан түрлі айтып-таусықысыз қулықтармен жамандықтарды істеп жатыр, демек олар оны осылай көлегейлемекші, сонда жұрт оған қарамайтын болады, олар адамдардың оны естімеулері үшін қолдарынан келетін бүкіл істі істеуде.
Алла Жәллә Жәләлухудың қалауында бұл нұр, бұл жарық көріне бермек, кімде-кім бұл нұрға жақындап, оның дәмін татып көрсе, ол бұл нұрды сұрайтын болады, оны іздейді, әрбір жан өз ішіндегі бұл нұрдың шығуын қалайды, себебі бұл нұр Алла Әззә уә-Жәлләның нұры, ол - Алла Әззә уә-Жәлләның әдемілігі, сондықтан, олар оны қалай көлегейлемек болса да, ол Алла Жәллә Жәләлухудың хикіметінде көрінетін болады, ол кезде «исламға ең үлкен дұшпанбыз» деп жүргендердің өзі оны қабыл етеді.
Бұл сонау ықылым замандардан бері, пайғамбарымыз саллал-лаху әлейхис-саламның заманынан бері солай болып келген, Сәидина Омар хазірет пайғамбарымыз саллал-лаху әлейхис-саламды өлтірмекші болып келген еді, бірақ ол ондағы әдемі сөздерді естігенде, сол арада өзгеріп, төтесінен ислам қабылдады, ол кезде көптеген мүшіріктер болған, алайда олар Алла Әззә уә-Жәлләның исламға қатысты осыбір киелі сөздерін естігенде, Алла Әззә уә-Жәлләның құран әзиму-шәнының берекесімен олар мұсылман болды әрі ақиқатты тапты.
Бұл жағдай қазіргі кездің адамдарына да сай келеді, бірақ, әрине біз өмір сүріп жатқан заман екінші реткі зор надандық (жәхилият) заманы болып, ол бұрынғы надандық замандарынан әлде қайда сорақы, әлде қайда ауыр болуда, бірінші реткі надандық қазіргі мына заманның надандығынан жақсырақ болған, демек ол кездегілер қазіргідей надан болмаған, қазіргі надандық ең сорақы надандық. Адамдар исламды жасырғысы келеді, олар осылай ешкімге оны сүйдірмей қоймақшы, олар «оған ешкім қарамайды, онан қашып кетеді» деп ойлайды, алайда, Алла Әззә уә-Жәллә орай береді де, олардың жүрегіндегі нұр оны (исламды) дереу қабыл етпек, мейлі оларда исламға қарсы соншама күшті дұшпандық болса да, олар бұл дұшпандығын сол арада дереу тастап, исламды қабыл ететін болады әрі Алла Жәллә Жәләлухудың досына айналмақ.
Адамдар үшін ең жақсы жол Алла Жәллә Жәләлухудың жолы-дүр, біз «біз не үшін жаралдық?» деп сұрауымыз керек, бір бей-мұсылман әйел кісі кеше осы сұрақты сұрады, ол «біз не үшін жаралдық?» дейді, бұл бір жақсы ой, жақсы сұрақ, біз неге жаралдық? Алла Жәллә Жәләлуху адамдарға ақыл және түсінік берген, әдетте хайуандар өздерінің не үшін жаралғаны хақында ойланбайды, олар жейді, ішеді және солай өмір сүріп жүре береді, бірақ адамдар бұл хақында ойлануы керек, олар «біз не үшін жаралдық?» деп ойлансын.
Біз Алла Жәллә Жәләлухудың жолында жүруіміз үшін жаралдық, сондықтан біздің мақсатымыз Алла Жәллә Жәләлухудың жолында болып, Алла Жәллә Жәләлухудың ризалығына жету. Алла Жәллә Жәләлуху барлық адамдарды осыбір әдемі жолда еткей әрі оларды осы жолда бекем еткей, табанды еткей, олар алданып қалмағай, себебі Алла Жәллә Жәләлуху оларға сондай бір әдемі нығыметті берді, исламның нығыметімен иманның әдемі нығыметін берді, демек олар мұсылман болып туды, ал басқа болып кету, кейінгі іс-дүр (бірақ әркім туғанда мұсылман болып туылады). Біз Алла Жәллә Жәләлухудан оларға хидаят берілуін сұраймыз. Алла Жәллә Жәләлуху бүкіл ел-жұртқа, әрбір адамға хидаят бергей, иншалла, сонда олар осы тура жолда жүрер еді.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: جاسىرۋعا كەلمەيتىن نۇر (2023.08.14، 27 مۇحارام 1445)
يسلامبول (ستامبۋل)، تۇركيا
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
«كۇندى بالشىقپەن سىلاپ، جاسىرا المايسىڭ» دەگەن ءسوز بار، بۇنىڭ ماعىناسى نە؟ بۇل «مەيلى سونشاما كۇش شىعارىپ، اقيقاتتى جاسىرماقشى بولساڭ دا، ول كىلكىپ، بەتكە قايتا شىعادى» دەمەكىلىك ەدى، اقيقات دەگەنىمىز يسلامنىڭ نۇرى، يسلامنىڭ كۇنى، كەيبىر توپتاعى ادامدار ەل-جۇرتتى يسلامنان الىستاتۋ ءۇشىن سان ءتۇرلى ايتىپ-تاۋسىقىسىز قۋلىقتارمەن جاماندىقتاردى ىستەپ جاتىر، دەمەك ولار ونى وسىلاي كولەگەيلەمەكشى، سوندا جۇرت وعان قارامايتىن بولادى، ولار ادامداردىڭ ونى ەستىمەۋلەرى ءۇشىن قولدارىنان كەلەتىن بۇكىل ءىستى ىستەۋدە.
اللا ءجاللا ءجالالۋحۋدىڭ قالاۋىندا بۇل نۇر، بۇل جارىق كورىنە بەرمەك، كىمدە-كىم بۇل نۇرعا جاقىنداپ، ونىڭ ءدامىن تاتىپ كورسە، ول بۇل نۇردى سۇرايتىن بولادى، ونى ىزدەيدى، ءاربىر جان ءوز ىشىندەگى بۇل نۇردىڭ شىعۋىن قالايدى، سەبەبى بۇل نۇر اللا ءاززا ءۋا-ءجاللانىڭ نۇرى، ول - اللا ءاززا ءۋا-ءجاللانىڭ ادەمىلىگى، سوندىقتان، ولار ونى قالاي كولەگەيلەمەك بولسا دا، ول اللا ءجاللا ءجالالۋحۋدىڭ حيكىمەتىندە كورىنەتىن بولادى، ول كەزدە «يسلامعا ەڭ ۇلكەن دۇشپانبىز» دەپ جۇرگەندەردىڭ ءوزى ونى قابىل ەتەدى.
بۇل سوناۋ ىقىلىم زامانداردان بەرى، پايعامبارىمىز ساللال-لاحۋ الەيحيس-سالامنىڭ زامانىنان بەرى سولاي بولىپ كەلگەن، ءسايدينا ومار حازىرەت پايعامبارىمىز ساللال-لاحۋ الەيحيس-سالامدى ولتىرمەكشى بولىپ كەلگەن ەدى، ءبىراق ول ونداعى ادەمى سوزدەردى ەستىگەندە، سول ارادا وزگەرىپ، توتەسىنەن يسلام قابىلدادى، ول كەزدە كوپتەگەن مۇشىرىكتەر بولعان، الايدا ولار اللا ءاززا ءۋا-ءجاللانىڭ يسلامعا قاتىستى ءوسىبىر كيەلى سوزدەرىن ەستىگەندە، اللا ءاززا ءۋا-ءجاللانىڭ قۇران ءازيمۋ-ءشانىنىڭ بەرەكەسىمەن ولار مۇسىلمان بولدى ءارى اقيقاتتى تاپتى.
بۇل جاعداي قازىرگى كەزدىڭ ادامدارىنا دا ساي كەلەدى، ءبىراق، ارينە ءبىز ءومىر ءسۇرىپ جاتقان زامان ەكىنشى رەتكى زور ناداندىق (ءجاحيليات) زامانى بولىپ، ول بۇرىنعى ناداندىق زاماندارىنان الدە قايدا سوراقى، الدە قايدا اۋىر بولۋدا، ءبىرىنشى رەتكى ناداندىق قازىرگى مىنا زاماننىڭ ناداندىعىنان جاقسىراق بولعان، دەمەك ول كەزدەگىلەر قازىرگىدەي نادان بولماعان، قازىرگى ناداندىق ەڭ سوراقى ناداندىق. ادامدار يسلامدى جاسىرعىسى كەلەدى، ولار وسىلاي ەشكىمگە ونى سۇيدىرمەي قويماقشى، ولار «وعان ەشكىم قارامايدى، ونان قاشىپ كەتەدى» دەپ ويلايدى، الايدا، اللا ءاززا ءۋا-ءجاللا وراي بەرەدى دە، ولاردىڭ جۇرەگىندەگى نۇر ونى (يسلامدى) دەرەۋ قابىل ەتپەك، مەيلى ولاردا يسلامعا قارسى سونشاما كۇشتى دۇشپاندىق بولسا دا، ولار بۇل دۇشپاندىعىن سول ارادا دەرەۋ تاستاپ، يسلامدى قابىل ەتەتىن بولادى ءارى اللا ءجاللا ءجالالۋحۋدىڭ دوسىنا اينالماق.
ادامدار ءۇشىن ەڭ جاقسى جول اللا ءجاللا ءجالالۋحۋدىڭ جولى-ءدۇر، ءبىز «ءبىز نە ءۇشىن جارالدىق؟» دەپ سۇراۋىمىز كەرەك، ءبىر بەي-مۇسىلمان ايەل كىسى كەشە وسى سۇراقتى سۇرادى، ول «ءبىز نە ءۇشىن جارالدىق؟» دەيدى، بۇل ءبىر جاقسى وي، جاقسى سۇراق، ءبىز نەگە جارالدىق؟ اللا ءجاللا ءجالالۋحۋ ادامدارعا اقىل جانە تۇسىنىك بەرگەن، ادەتتە حايۋاندار وزدەرىنىڭ نە ءۇشىن جارالعانى حاقىندا ويلانبايدى، ولار جەيدى، ىشەدى جانە سولاي ءومىر ءسۇرىپ جۇرە بەرەدى، ءبىراق ادامدار بۇل حاقىندا ويلانۋى كەرەك، ولار «ءبىز نە ءۇشىن جارالدىق؟» دەپ ويلانسىن.
ءبىز اللا ءجاللا ءجالالۋحۋدىڭ جولىندا ءجۇرۋىمىز ءۇشىن جارالدىق، سوندىقتان ءبىزدىڭ ماقساتىمىز اللا ءجاللا ءجالالۋحۋدىڭ جولىندا بولىپ، اللا ءجاللا ءجالالۋحۋدىڭ ريزالىعىنا جەتۋ. اللا ءجاللا ءجالالۋحۋ بارلىق ادامداردى ءوسىبىر ادەمى جولدا ەتكەي ءارى ولاردى وسى جولدا بەكەم ەتكەي، تاباندى ەتكەي، ولار الدانىپ قالماعاي، سەبەبى اللا ءجاللا ءجالالۋحۋ ولارعا سونداي ءبىر ادەمى نىعىمەتتى بەردى، يسلامنىڭ نىعىمەتىمەن يماننىڭ ادەمى نىعىمەتىن بەردى، دەمەك ولار مۇسىلمان بولىپ تۋدى، ال باسقا بولىپ كەتۋ، كەيىنگى ءىس-ءدۇر (ءبىراق اركىم تۋعاندا مۇسىلمان بولىپ تۋىلادى). ءبىز اللا ءجاللا ءجالالۋحۋدان ولارعا حيدايات بەرىلۋىن سۇرايمىز. اللا ءجاللا ءجالالۋحۋ بۇكىل ەل-جۇرتقا، ءاربىر ادامعا حيدايات بەرگەي، ينشاللا، سوندا ولار وسى تۋرا جولدا جۇرەر ەدى.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7079