Сұхбат: не көп? жаман көп, содан сақтан! (2023.07.24, 06 Мұхарам 1445)
https://www.nvrislam.net/index.php?j=kz&post=6996
Сұхбат: не көп? жаман көп, содан сақтан! (2023.07.24, 06 Мұхарам 1445)
Исламбол (Стамбул), Түркия
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Бисмиллахир рахманир рахим, «وَلَوْ أَعْجَبَكَ كَثْرَةُ الْخَبِيثِ» (тіпті хабистың (жаман нәрселердің) көптігі сені таңғалдырса да) (құран 05:100), садақал-лахул ғазим, Алла Әззә уә-Жәллә қабистың яғни жамандықпен байланысты нәрселердің сұрқия істер екендігін айтуда, қабис дегеніміз лас нәрселерді меңзейді, ал бұлардың аса көптігіне таңданбаңыз, себебі олар сонша көп болғанымен, олардың ешбір құндылығы жоқ, олар түкке татымайды.
Жақсы аз кездеседі, бірақ негізгі басты топ жаман болып келеді, демек осы қабис істер сол көпшілікте-дүр, олардың соншама көптігіне, аса молдығына таң қалмаңыз, Алла Әззә уә-Жәллә осылай дер, бірақ олардың құны болмайды, бағалауға татымас әрі оларда тәртіп те жоқ, тіпті бүкіл дүние солардан келсе де, олардың Алла Әззә уә-Жәлләға сенушілерге әсері болмайды.
Біз қазір ақырзаманда өмір сүріп жатқандықтан, олардың саны онан арман артып, көбейіп кетті, ертеде адамдар ұятымен күнәсын тежей білуші еді, ал қазір қате-дұрысты парықтай алмай басы айналып, алжасқан адамдар өте көп, олар өздері дұрыспа әлде біз дұрыс па, осыларды біле алмай алжасуда, әсіресе жастар солай, олар «адамдар не қаласа, соны істеп жүр ғой» деп, өздері қалап істеп жүрген ісін, сізге де істеткісі келеді, оған сізді бірге іліндіріп ала кеткісі келеді, олар жәй тыныш отырмайды, сондықтан қабис (кесірлі) істен сақтаныңыз, олардың бұл ісін «пай, пай» деп қошаметтемеңіз, оны бейне дұрыс істей қылып көрсетпеңіз.
Дұрыс дегеніміз Алла Әззә уә-Жәллә және пайғамбарлар, олардың істерімен құлшыныстары осындай істерге, демек қабис болған лас істерге қарсы тұрып, оларды тазартуға арналған, олар бұл кір-ластарды жуып, оларды тазартуды қалайды, алайда көбінесе осы қабис-лас жандар ластықтарымен әсер етіп, дүниені (қыңырлыққа қарай) өзгертіп жатады, Алла Жәллә Жәләлуху ел-жұртты панасына алғай, олар жамандықпен ластықты тазадан парықтай білетіндерден болғай.
Егер ластар, жамандар басты топ болса, «олар дұрыс, олар таза» деп қалмаңыз, олар сонша көп болса да, «олар дұрыс» деп ойламаңыз, себебі адамдар жаман бірдеңе араларына кірген кезде, олар оны «жақсы нәрсе» деп ойлайды, олар «ол бүкіл жерге тарап жатыр, елдің барлығы соны істеуде, сондықтан мен де соны істеймін» дейді, ал сіз оны істейтін болсаңыз, қателікке ұрынасыз да, солар сияқты қыңыр тобырдан боласыз, демек, сіз көпшілік болған бұзақы топқа, кесірлі жұртқа қосылған боласыз.
Асыл аз кездеседі, тезек көп кездеседі, сондықтан сақтанбақ керек, Алла Жәллә Жәләлуху бізді панасына алғай, жақсылармен бірге болайық, иншалла.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: نە كوپ؟ جامان كوپ، سودان ساقتان! (2023.07.24، 06 مۇحارام 1445)
يسلامبول (ستامبۋل)، تۇركيا
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
بيسميللاحير راحمانير راحيم، «وَلَوْ أَعْجَبَكَ كَثْرَةُ الْخَبِيثِ» (ءتىپتى حابيستىڭ (جامان نارسەلەردىڭ) كوپتىگى سەنى تاڭعالدىرسا دا) (قۇران 05:100)، ساداقال-لاحۋل عازيم، اللا ءاززا ءۋا-ءجاللا قابيستىڭ ياعني جاماندىقپەن بايلانىستى نارسەلەردىڭ سۇرقيا ىستەر ەكەندىگىن ايتۋدا، قابيس دەگەنىمىز لاس نارسەلەردى مەڭزەيدى، ال بۇلاردىڭ اسا كوپتىگىنە تاڭدانباڭىز، سەبەبى ولار سونشا كوپ بولعانىمەن، ولاردىڭ ەشبىر قۇندىلىعى جوق، ولار تۇككە تاتىمايدى.
جاقسى از كەزدەسەدى، ءبىراق نەگىزگى باستى توپ جامان بولىپ كەلەدى، دەمەك وسى قابيس ىستەر سول كوپشىلىكتە-ءدۇر، ولاردىڭ سونشاما كوپتىگىنە، اسا مولدىعىنا تاڭ قالماڭىز، اللا ءاززا ءۋا-ءجاللا وسىلاي دەر، ءبىراق ولاردىڭ قۇنى بولمايدى، باعالاۋعا تاتىماس ءارى ولاردا ءتارتىپ تە جوق، ءتىپتى بۇكىل دۇنيە سولاردان كەلسە دە، ولاردىڭ اللا ءاززا ءۋا-ءجاللاعا سەنۋشىلەرگە اسەرى بولمايدى.
ءبىز ءقازىر اقىرزاماندا ءومىر ءسۇرىپ جاتقاندىقتان، ولاردىڭ سانى ونان ارمان ارتىپ، كوبەيىپ كەتتى، ەرتەدە ادامدار ۇياتىمەن كۇناسىن تەجەي ءبىلۋشى ەدى، ال ءقازىر قاتە-دۇرىستى پارىقتاي الماي باسى اينالىپ، الجاسقان ادامدار وتە كوپ، ولار وزدەرى دۇرىسپا الدە ءبىز دۇرىس پا، وسىلاردى بىلە الماي الجاسۋدا، اسىرەسە جاستار سولاي، ولار «ادامدار نە قالاسا، سونى ىستەپ ءجۇر عوي» دەپ، وزدەرى قالاپ ىستەپ جۇرگەن ءىسىن، سىزگە دە ىستەتكىسى كەلەدى، وعان ءسىزدى بىرگە ءىلىندىرىپ الا كەتكىسى كەلەدى، ولار ءجاي تىنىش وتىرمايدى، سوندىقتان قابيس (كەسىرلى) ىستەن ساقتانىڭىز، ولاردىڭ بۇل ءىسىن «پاي، پاي» دەپ قوشامەتتەمەڭىز، ونى بەينە دۇرىس ىستەي قىلىپ كورسەتپەڭىز.
دۇرىس دەگەنىمىز اللا ءاززا ءۋا-ءجاللا جانە پايعامبارلار، ولاردىڭ ىستەرىمەن قۇلشىنىستارى وسىنداي ىستەرگە، دەمەك قابيس بولعان لاس ىستەرگە قارسى تۇرىپ، ولاردى تازارتۋعا ارنالعان، ولار بۇل كىر-لاستاردى جۋىپ، ولاردى تازارتۋدى قالايدى، الايدا كوبىنەسە وسى قابيس-لاس جاندار لاستىقتارىمەن اسەر ەتىپ، دۇنيەنى (قىڭىرلىققا قاراي) وزگەرتىپ جاتادى، اللا ءجاللا ءجالالۋحۋ ەل-جۇرتتى پاناسىنا العاي، ولار جاماندىقپەن لاستىقتى تازادان پارىقتاي بىلەتىندەردەن بولعاي.
ەگەر لاستار، جاماندار باستى توپ بولسا، «ولار دۇرىس، ولار تازا» دەپ قالماڭىز، ولار سونشا كوپ بولسا دا، «ولار دۇرىس» دەپ ويلاماڭىز، سەبەبى ادامدار جامان بىردەڭە ارالارىنا كىرگەن كەزدە، ولار ونى «جاقسى نارسە» دەپ ويلايدى، ولار «ول بۇكىل جەرگە تاراپ جاتىر، ەلدىڭ بارلىعى سونى ىستەۋدە، سوندىقتان مەن دە سونى ىستەيمىن» دەيدى، ال ءسىز ونى ىستەيتىن بولساڭىز، قاتەلىككە ۇرىناسىز دا، سولار سياقتى قىڭىر توبىردان بولاسىز، دەمەك، ءسىز كوپشىلىك بولعان بۇزاقى توپقا، كەسىرلى جۇرتقا قوسىلعان بولاسىز.
اسىل از كەزدەسەدى، تەزەك كوپ كەزدەسەدى، سوندىقتان ساقتانباق كەرەك، اللا ءجاللا ءجالالۋحۋ ءبىزدى پاناسىنا العاي، جاقسىلارمەن بىرگە بولايىق، ينشاللا.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6996