Сұхбат: түсімізді қалай бір жақтылы етеміз? (2023.07.16, 28 Зұл-Хижа 1444)
https://www.nvrislam.net/index.php?j=kz&post=6981
Сұхбат: түсімізді қалай бір жақтылы етеміз? (2023.07.16, 28 Зұл-Хижа 1444)
Исламбол (Стамбул), Түркия
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Бисмиллахир рахманир рахим, түс мәселесі адамдар ұдайы кездесетін мәселеге жатады, кейбір түстер бар, оларды шешіп түсіндіруге, жоруға болады, пайғамбарлар көретін түстер шын түске жатады, бұл түстер Алла Жәллә Жәләлухудың әмірінен келген, кейде пайғамбарларға уахи-аян төте келмей, әмірлер оларға олардың түстері арқылы келіп отырған немесе оларға уахимен түс бірге келіп тұрған.
Алайда жәй адамдар үшін алып айтар болсақ, олар көрген түстері бойынша іс қылмауы керек, түс көрген адамдар «маған осы түсім арқылы бәлен әмір келді, мен оны істеуім керек» деп ойламағаны жөн, ол жақсы іс болса ғана істеңіз, әйтпесе «мен өмірімде оны істеймін я бұны істеймін» деуге болмайды, демек, олар көрген түстері бойынша амал қылуы қажетсіз, себебі Алла Әззә уә-Жәлләның әмірі анық айтылған әрі біз істейтін іс-амалдар да анық көрсетілген.
Жақсы түстер бар, оларды игілікке бейімдеп, жақсыға жору жақсылыққа ашылатын бір себеп болмақ, ал олар жаман түс көрсе, оны адамдарға айтып, бөліспегені абзал, сонда жаман түстен ешбір кесір келмейді, олар түсін елге бөліскенде, олардың арасындағы игі біреуі оны жақсыға жорып түсіндірсе, ол түс жақсылыққа сеп болар, бірақ тағы біреуі оны жамандыққа жорып, теріс түсіндірсе, ол түс жамандыққа сеп болар, түс мәселесі міне осындай, сондықтан көрген түсті әркімге айта бермеу керек немесе оны өз қалағандарынша түсіндіріп, жори беруіне болмайды, егер олар жақсы түс көрсе, олар Алла Жәллә Жәләлухуға мадақтармен сүбхандар айтып, шүкірлік етсін, ал жаман түс көрсе, оны ешкімге айтпай-ақ қойсын, оны бөлісу еш қажетсіз, олар оны елге айтпаса болғаны, олардың жаман түстерінен оларға еш жамандық келмейтін болады.
Көптеген адамдар яғни дунияуи адамдар бұның маңыздылығы жәйлі ештеңе білмейді, бірақ соған қарамастан, олар өздерінің көрген түстерінің шырмауында қалып, соның әсерінде жүр, демек, олар көрген түстерінің ойыншығына айналған, олар сүлкіні түскен рухсыз қалыппен «біз жаман түс көріп жүрміз» дер, жаман түс көрсеңіз, оны елге айтпасаңыз болғаны, ол түстің сізге ешбір маңыздылығы қалмайды, әсері де болмайды, ал жақсы түс көрсеңіз, Алла Жәллә Жәләлухуға мадақтар айтып, шүкірлік етіңіз әрі оны жақсылыққа нұсқалған бір үміт ретінде көріңіз, иншалла.
Көрген түсіңіз жақсы болса әрі оған истиқара етпеген болсаңыз, ол түске ерудің еш қажеті жоқ, түсіңіз бойынша «бұл адам саған үйленеді, бұл адам жақсы, ол адам жаман» деп шешім жасамаңыз немесе көрген түсіңізге қарап кей адамдарға жақсы көзбен, тағы біреулерге жаман көзбен қарамаңыз, бұндай іс қылу еш қажетсіз, себебі шын түс пайғамбарларда ғана болып, оларға не істеу керектігі олардың түстері арқылы жеткізілген.
Шәриғатқа салсақ та солай, демек, сіз түс бойынша іс қылуыңызға болмайды, көрген түсіңіз жақсы болса, ол жақсылық болмақ, егер түсіңізде «жақсы іс істеме немесе бұл адам жақсы, мына адам жаман» делінсе, сіз бұл түске еш мән бермеуіңіз керек, бұндай түсті елеу қажетсіз, себебі, сіз оған ерсеңіз «سوء الظن» боласыз яғни жоқ жерден жаман болжам жасаған боласыз да, жамандыққа дұшар боласыз, Алла Жәллә Жәләлуху бізді панасына алғай.
Сондықтан, түс мәселесі көңіл бөлуге тиісті мәселеге жатады, әсіресе сопылық тәриқаттағылар үшін тіпті де солай, егер сопылық тәриқатта жүрген адамдар түстері бойынша амал қылып жүрсе, шайтан сол есіктен кіріп, «сен мынадай түс көрдің» деп сіздерге жаманды жақсы, жақсыны жаман етіп көрсететін болады, шайтани түстер де бар, сондықтан абайлаңыз, түс хақында сақ болыңыз, Алла Жәллә Жәләлуху бізді панасына алғай, біз өз нәпсілерімізге бағынбалық, нәпсімізді ұдайы төмен басып ұсталық, нәпсі қалауларымызды істемегендерден болайық.
Айтып өткеніміздей, түс мәселесіне келгенде, бұнда шайтани және рахмани түстер болады, кейде адамдар күндізгі өмірінде көрген нәрселерін, ойлап қиялдағанын немесе істеген істерін түнде ұйықтаған соң түсінде көретін жағдайлар да болады, сондықтан түс мәселесі сақ болуға тиісті іске жатады, олар жақсылыққа жол болғай, иншалла, егер сіздің түсіңізде «онда я бұнда барып, оны істе, бұны істе» деген бұйрық келсе, ол бұйрыққа ілесіп, бәлен жерге барудың еш қажеті жоқ. Алла Жәллә Жәләлуху түстерімізді игілікке сеп қылғай, иншалла, барлығымызға бүкіл жақсылықтар келе бергей, иншалла.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: ءتۇسىمىزدى قالاي ءبىر جاقتىلى ەتەمىز؟ (2023.07.16، 28 زۇل-حيجا 1444)
يسلامبول (ستامبۋل)، تۇركيا
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
بيسميللاحير راحمانير راحيم، ءتۇس ماسەلەسى ادامدار ۇدايى كەزدەسەتىن ماسەلەگە جاتادى، كەيبىر تۇستەر بار، ولاردى شەشىپ تۇسىندىرۋگە، جورۋعا بولادى، پايعامبارلار كورەتىن تۇستەر شىن تۇسكە جاتادى، بۇل تۇستەر اللا ءجاللا ءجالالۋحۋدىڭ امىرىنەن كەلگەن، كەيدە پايعامبارلارعا ۋاحي-ايان توتە كەلمەي، امىرلەر ولارعا ولاردىڭ تۇستەرى ارقىلى كەلىپ وتىرعان نەمەسە ولارعا ۋاحيمەن ءتۇس بىرگە كەلىپ تۇرعان.
الايدا ءجاي ادامدار ءۇشىن الىپ ايتار بولساق، ولار كورگەن تۇستەرى بويىنشا ءىس قىلماۋى كەرەك، ءتۇس كورگەن ادامدار «ماعان وسى ءتۇسىم ارقىلى بالەن ءامىر كەلدى، مەن ونى ىستەۋىم كەرەك» دەپ ويلاماعانى ءجون، ول جاقسى ءىس بولسا عانا ىستەڭىز، ايتپەسە «مەن ومىرىمدە ونى ىستەيمىن يا بۇنى ىستەيمىن» دەۋگە بولمايدى، دەمەك، ولار كورگەن تۇستەرى بويىنشا امال قىلۋى قاجەتسىز، سەبەبى اللا ءاززا ءۋا-ءجاللانىڭ ءامىرى انىق ايتىلعان ءارى ءبىز ىستەيتىن ءىس-امالدار دا انىق كورسەتىلگەن.
جاقسى تۇستەر بار، ولاردى يگىلىككە بەيىمدەپ، جاقسىعا جورۋ جاقسىلىققا اشىلاتىن ءبىر سەبەپ بولماق، ال ولار جامان ءتۇس كورسە، ونى ادامدارعا ايتىپ، بولىسپەگەنى ابزال، سوندا جامان تۇستەن ەشبىر كەسىر كەلمەيدى، ولار ءتۇسىن ەلگە بولىسكەندە، ولاردىڭ اراسىنداعى يگى بىرەۋى ونى جاقسىعا جورىپ تۇسىندىرسە، ول ءتۇس جاقسىلىققا سەپ بولار، ءبىراق تاعى بىرەۋى ونى جاماندىققا جورىپ، تەرىس تۇسىندىرسە، ول ءتۇس جاماندىققا سەپ بولار، ءتۇس ماسەلەسى مىنە وسىنداي، سوندىقتان كورگەن ءتۇستى اركىمگە ايتا بەرمەۋ كەرەك نەمەسە ونى ءوز قالاعاندارىنشا ءتۇسىندىرىپ، جوري بەرۋىنە بولمايدى، ەگەر ولار جاقسى ءتۇس كورسە، ولار اللا ءجاللا ءجالالۋحۋعا ماداقتارمەن ءسۇبحاندار ايتىپ، شۇكىرلىك ەتسىن، ال جامان ءتۇس كورسە، ونى ەشكىمگە ايتپاي-اق قويسىن، ونى ءبولىسۋ ەش قاجەتسىز، ولار ونى ەلگە ايتپاسا بولعانى، ولاردىڭ جامان تۇستەرىنەن ولارعا ەش جاماندىق كەلمەيتىن بولادى.
كوپتەگەن ادامدار ياعني دۋنياۋي ادامدار بۇنىڭ ماڭىزدىلىعى ءجايلى ەشتەڭە بىلمەيدى، ءبىراق سوعان قاراماستان، ولار وزدەرىنىڭ كورگەن تۇستەرىنىڭ شىرماۋىندا قالىپ، سونىڭ اسەرىندە ءجۇر، دەمەك، ولار كورگەن تۇستەرىنىڭ ويىنشىعىنا اينالعان، ولار سۇلكىنى تۇسكەن رۋحسىز قالىپپەن «ءبىز جامان ءتۇس كورىپ ءجۇرمىز» دەر، جامان ءتۇس كورسەڭىز، ونى ەلگە ايتپاساڭىز بولعانى، ول ءتۇستىڭ سىزگە ەشبىر ماڭىزدىلىعى قالمايدى، اسەرى دە بولمايدى، ال جاقسى ءتۇس كورسەڭىز، اللا ءجاللا ءجالالۋحۋعا ماداقتار ايتىپ، شۇكىرلىك ەتىڭىز ءارى ونى جاقسىلىققا نۇسقالعان ءبىر ءۇمىت رەتىندە كورىڭىز، ينشاللا.
كورگەن ءتۇسىڭىز جاقسى بولسا ءارى وعان يستيقارا ەتپەگەن بولساڭىز، ول تۇسكە ەرۋدىڭ ەش قاجەتى جوق، ءتۇسىڭىز بويىنشا «بۇل ادام ساعان ۇيلەنەدى، بۇل ادام جاقسى، ول ادام جامان» دەپ شەشىم جاساماڭىز نەمەسە كورگەن تۇسىڭىزگە قاراپ كەي ادامدارعا جاقسى كوزبەن، تاعى بىرەۋلەرگە جامان كوزبەن قاراماڭىز، بۇنداي ءىس قىلۋ ەش قاجەتسىز، سەبەبى شىن ءتۇس پايعامبارلاردا عانا بولىپ، ولارعا نە ىستەۋ كەرەكتىگى ولاردىڭ تۇستەرى ارقىلى جەتكىزىلگەن.
ءشاريعاتقا سالساق تا سولاي، دەمەك، ءسىز ءتۇس بويىنشا ءىس قىلۋىڭىزعا بولمايدى، كورگەن ءتۇسىڭىز جاقسى بولسا، ول جاقسىلىق بولماق، ەگەر تۇسىڭىزدە «جاقسى ءىس ىستەمە نەمەسە بۇل ادام جاقسى، مىنا ادام جامان» دەلىنسە، ءسىز بۇل تۇسكە ەش ءمان بەرمەۋىڭىز كەرەك، بۇنداي ءتۇستى ەلەۋ قاجەتسىز، سەبەبى، ءسىز وعان ەرسەڭىز «ءسو الظن» بولاسىز ياعني جوق جەردەن جامان بولجام جاساعان بولاسىز دا، جاماندىققا دۇشار بولاسىز، اللا ءجاللا ءجالالۋحۋ ءبىزدى پاناسىنا العاي.
سوندىقتان، ءتۇس ماسەلەسى كوڭىل بولۋگە ءتيىستى ماسەلەگە جاتادى، اسىرەسە سوپىلىق ءتاريقاتتاعىلار ءۇشىن ءتىپتى دە سولاي، ەگەر سوپىلىق ءتاريقاتتا جۇرگەن ادامدار تۇستەرى بويىنشا امال قىلىپ جۇرسە، شايتان سول ەسىكتەن كىرىپ، «سەن مىناداي ءتۇس كوردىڭ» دەپ سىزدەرگە جاماندى جاقسى، جاقسىنى جامان ەتىپ كورسەتەتىن بولادى، شايتاني تۇستەر دە بار، سوندىقتان ابايلاڭىز، ءتۇس حاقىندا ساق بولىڭىز، اللا ءجاللا ءجالالۋحۋ ءبىزدى پاناسىنا العاي، ءبىز ءوز ناپسىلەرىمىزگە باعىنبالىق، ءناپسىمىزدى ۇدايى تومەن باسىپ ۇستالىق، ءناپسى قالاۋلارىمىزدى ىستەمەگەندەردەن بولايىق.
ايتىپ وتكەنىمىزدەي، ءتۇس ماسەلەسىنە كەلگەندە، بۇندا شايتاني جانە راحماني تۇستەر بولادى، كەيدە ادامدار كۇندىزگى ومىرىندە كورگەن نارسەلەرىن، ويلاپ قيالداعانىن نەمەسە ىستەگەن ىستەرىن تۇندە ۇيىقتاعان سوڭ تۇسىندە كورەتىن جاعدايلار دا بولادى، سوندىقتان ءتۇس ماسەلەسى ساق بولۋعا ءتيىستى ىسكە جاتادى، ولار جاقسىلىققا جول بولعاي، ينشاللا، ەگەر ءسىزدىڭ تۇسىڭىزدە «وندا يا بۇندا بارىپ، ونى ىستە، بۇنى ىستە» دەگەن بۇيرىق كەلسە، ول بۇيرىققا ىلەسىپ، بالەن جەرگە بارۋدىڭ ەش قاجەتى جوق. اللا ءجاللا ءجالالۋحۋ تۇستەرىمىزدى يگىلىككە سەپ قىلعاي، ينشاللا، بارلىعىمىزعا بۇكىل جاقسىلىقتار كەلە بەرگەي، ينشاللا.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6981